imon.uz

⏰ Тошкент вақти билан ХУФТОН НАМОЗИ кирди!

👉 @imonuz

ҚАБРДАГИ ҲОЛАТДАН ҚЎРҚИШ

Маълумки, одамлар кўп қўрқадиган нарса майит, қўрқинч ҳақида келган оят ва ҳадислар, дўзах ва унинг азоби, сирот кўприги, қиёматда бўладиган қийинчиликлар, одамларнинг терга ботиб, гапиролмай қолишлари каби қийинчиликни одамлар эшитиб қўрқади. Лекин шундай бўлса-да ҳазрат Усмон ибн Аффон (розияллоҳу анҳу) ўта қўрқинчли, у жойга тушган инсон албатта саволга тушиши ҳақидаги жой
қабрни кўп зикр қилиб йиғлардилар. Усмон ибн Аффон (розияллоҳу анҳу) қабр олдида ўтсалар тўхтаб туриб, йиғлардилар кўз ёшлари билан соқоллари ҳўл бўлиб кетарди. У зотга, жаннатни эслаганда ҳам йиғламайсиз нега қабрни эслаганда йиғлайсиз" дейилганиди, у зот: "Аллоҳни расули айтган эдилар: "Қабр охират манзилининг биринчи манзили бўлиб, ким ундан нажот топса, ундан кейинги ҳолатга осон, енгилроқ кечади. Кимки қабрдан нажот топмаса, ундан кейингиси бундан-да оғирроқ кечади". Инсон дунёда фақат уйин-кулги қилишдан сақланиши керак. Ўтаётган кунлар инсонга ўлимининг хабарини бермайди. Инсон ҳануз беҳуда ўйин кулги билан машғул у учун нималар тайёрлаб қўйилганини билганида эди, албатта у хафа бўлган бўларди.

«Сарвари коинот алайҳиссалом ва солиҳ умматларнинг кўз ёши» китобидан.

Дўстларингиз билан улашинг!
imon.uz | YouTube | Telegram | Facebook

«КЎЗИНГ РАВШАН БЎЛСИН»

Нақлдирки, (Ҳасан Басрийнинг)шундай синиқлиги – хокисорлиги бор эдики, кимни кўрса, уни ўзидан яхши деб билар эди. Бир куни Дажла дарёсининг қирғоғига борди. У ерда бир сайёҳни кўрди: қўлида бир қадаҳ бўлиб, ёнида бир аёл ўтирар эди. Қадаҳдан ичимлик ичар эди. Ҳасаннинг кўнглидан: «Бу ҳам мендан яхшироқ», деган ўй ўтди. Яна шариъат зоҳир ҳукми ила ҳамлага ўтди: «Ахир, у (гуноҳкор ҳолда) қандай қилиб мендан устун бўлсин!» – деган ўйга борди. Ногоҳ дарёда оғир юкли бир қайиқ келиб қолди, унда етти киши бор эди. Дафъатан қайиқ чайқалди ва чўкиб кетди. Ул сайёҳ дарҳол югуриб бориб, беш кишини сувдан қутқарди. Кейин Ҳасанга ўгирилиб деди: «Мен беш кишини қутқардим, агар сен мендан устун бўлсанг, тургил, у икки кишини сен қутқаргил, эй мусулмонларнинг имоми! Билгилки, бу қадаҳда (шароб эмас) сув бор, бу аёл эса (ўйнашим эмас) менинг – онамдир. Сени имтиҳон қилишни истадим, кўрайлик-чи, ҳаётни зоҳир кўзи билан кўрармикансан ёки ботин кўзи биланми?! Энди маълум бўлдики, кўр экансан ва зоҳир кўзи билан кўрар экансан» – деди. Ҳасан унинг оёғига йиқилди ва узр сўради. Билдики, у Ҳақ таъолонинг бир элчиси экан. Деди:

– Эй Шоҳ! Уларни сувдан қутқарганингдек мени ҳам бадгумонлик дарёсидан қутқар!

Сайёҳ:
– Кўзинг равшан бўлсин! – деб дуо қилди.

Сўнг шундай ҳол топдики, ўзини ҳеч қачон ҳеч кимдан устун кўрмайдиган бўлди. Ҳатто, бир итни кўриб, айтдики: «Илоҳий мени шу ит сабабли юксалтир – мағфират қил!»

«Тазкират-ул авлиёдан»

Дўстларингиз билан улашинг!
imon.uz | YouTube | Telegram | Facebook

ПАЙҒАМБАРЛАР ЯШАГАН ВА ВАФОТ ЭТГАН ЖОЙЛАР

1. Одам алайҳиссалом Ҳинд диёрига тушган ва ўша ерда вафот этган.
2. Идрис алайҳиссалом Мисрда яшаган ва Аллоҳ таоло у зотни осмонга кўтарган (вафот этмаган).
3. Нуҳ алайҳиссалом Ироқда яшаган ва Маккада вафот этган.
4. Ҳуд алайҳиссалом Яманда яшаган ва ўша ерда вафот этган.
5. Солиҳ алайҳиссалом Ҳижозда яшаган ва Маккада вафот этган.
6. Иброҳим алайҳиссалом Ироқда яшаган ва Фаластинда вафот этган.
7. Лут алайҳиссалом Урдунда яшаган ва Суриянинг Сафро қишлоғида вафот этган.
8. Исмоил алайҳиссалом Маккада яшаган ва шу ерда вафот этган.
9. Исҳоқ алайҳиссалом Фаластинда яшаган ва ўша ерда вафот этган.
10. Яъқуд алайҳиссалом Сурияда яшаган ва Фаластинда вафот этган.
11. Юсуф алайҳиссалом Мисрда яшаган ва Фаластинда вафот этган.
12. Шуайб алайҳиссалом Мадянда яшаган ва ўша ерда вафот этган.
13. Айюб алайҳиссалом Сурияда яшаган ва ўша ерда вафот этган.
14. Зулкифл алайҳиссалом яшаган ва вафот этган жой аниқ эмас.
15. Мусо алайҳиссалом Мисрда яшаган ва ўша ерда вафот этган.
16. Ҳорун алайҳиссалом Мисрда яшаган ва ўша ерда вафот этган.
17. Довуд алайҳиссалом Фаластинда яшаган ва ўша ерда вафот этган.
18. Сулаймон алайҳиссалом Фаластинда яшаган ва ўша ерда вафот этган.
19. Илёс алайҳиссалом Ливанда яшаган ва осмонга кўтарилган (вафот этмаган).
20. Алясаъ алайҳиссалом Сурияда яшаган ва Фаластинда вафот этган.
21. Юнус алайҳиссалом Ироқда яшаган ва ўша ерда вафот этган.
22. Закариё алайҳиссалом Фаластинда яшаган ва Сурияда вафот этган.
23. Яҳё алайҳиссалом Фаластинда яшаган ва Сурияда вафот этган.
24. Исо алайҳиссалом Фаластинда яшаган ва Аллоҳ таоло уни осмонга кўтарган.
25. Муҳаммад соллаллоҳу алайҳи ва саллам Маккаи мукаррамада туғилганлар ва Мадинаи мунавварада вафот этганлар.
Барчаларига Аллоҳнинг саломи ва салавоти бўлсин.

Дўстларингиз билан улашинг!
imon.uz | YouTube | Telegram | Facebook

СУРАЛАРНИНГ ФОЙДАЛАРИ

1. Фотиҳа сураси Аллоҳнинг ғазабидан сақлайди.
2. Ёсин сураси қиёматнинг чанқоғидан сақлайди.
3. Духон сураси қиёматнинг шиддатидан асрайди.
4. Воқеа сураси фақирликдан сақлайди.
5. Мулк сураси қабр азобидан сақлайди.
6. Кавсар сураси хусуматдан сақлайди.
7. Кофирун сураси ўлим пайти куфрдан сақлайди.
8. Ихлос сураси мунофиқликдан сақлайди.
9. Фалақ сураси ҳасаддан сақлайди.
10. Нас сураси васвасалардан сақлайди.
@mehrob_uz

Садақа кўп қилинса, кенг ризқ келтиради, эҳтиёжларни қондиради, зафарга, Муваффақиятга, шифога, орзуларнинг ушалишига сабаб бўлади.

Жобир ибн Абдуллоҳ розияллоҳу анҳудан ривоят қилинади: «Расулуллоҳ соллаллоҳу алайҳи васаллам бизга хутба қилиб, шундай дедилар: «Эй инсонлар, вафот этишингиздан олдин тавба қилинглар, банд бўлиб қолишдан олдин солиҳ амалларга шошилинглар. Аллоҳни кўп зикр қилиб, махфий ва ошкора кўп садақа қилиб ўзингизни Роббингизга боғланглар, шунда сизларга ризқ берилади, ёрдам (нусрат) берилади, (садақангизнинг ўрни) тўлдирилади» (Имом Ибн Можа ривояти).

Дўстларингиз билан улашинг!
imon.uz | YouTube | Telegram | Facebook

ҒАМЛАРНИ КЕТКАЗАДИГАН АМАЛ...

Убай ибн Каъб розияллоҳу анҳу Набий саллоллоҳу алайҳи ва салламдан сўради:
- Эй Аллоҳнинг Расули! Мен сизга кўп салавот айтишни истайман. Сизга қанча салавот ва салом айтай?
Расулуллоҳ саллоллоҳу алайҳи ва саллам:
- Истаганингча!,-дедилар.
Убай ибн Каъб сўради:
- Tўртдан бир (қисм)и етадими?
Набий саллоллоҳу алайҳи ва саллам дедилар:
- Истаганингча, агар кўпайтиролсанг, сен учун хайрлироқдир!
Убай ибн Каъб сўради:
- Учдан иккиси-чи?
Набий саллоллоҳу алайҳи ва саллам дедилар:
- Истаганингча, агар кўпайтиролсанг сен учун хайрлироқдир!
Убай ибн Каъб розияллоҳу анҳу деди:
Ҳамма саловотимни сизга бағишлайман!
Шунда Набий саллоллоҳу алайҳи ва саллам дедилар:
- Ундай бўлса, ғамларинг арийди, гуноҳларинг кечирилади!

Набий саллоллоҳу алайҳи ва салламга кўп саловот айтиш билан ҳожатлар раво қилинади, ғамлар кетади, гуноҳлар мағфират қилинади, тугунлар ечилади.
Набий саллоллоҳу алайҳи ва салламга кўп саловот айтадиган кишининг орзулари унга бўйсуниб кела бошлайди.
Ҳабибимизни-ку кўриш насиб қилмади. Ҳеч йўқса васиятларини қўлдан чиқармайлик!

Абдулқодир Полвонов.

Дўстларингиз билан улашинг!
imon.uz | YouTube | Telegram | Facebook

ДИН БОРАСИДА ПАЙДО БЎЛАДИГАН ШУБҲАЛАРНИНГ АСЛ САБАБИ

Ҳазрат Ашраф Али Таҳонавий айтадилар:
«Янги таълим олган кишиларнинг қалбида исломий аҳкомларга нисбатан пайдо бўлган шубҳа ва эътирозлар ҳақида яхшилаб ўйлаб кўрсангиз, ҳаммасининг асосий сабаби шуки, мана шу таълимнинг таъсири туфайли қалблардан Аллоҳ жалла шаънуҳуга ҳамда Расулуллоҳ соллаллоҳу алайҳи васалламга таъзим ва муҳаббат кўтарилиб кетди. Муҳаббат ва таъзим қолмагач, ҳар қандай ҳукмда юзлаб саволлар пайдо бўлаверади. Қалбда кимгадир нисбатан таъзим бор бўлса, унинг гаплари ва ҳукмлари ҳақида умуман саволлар пайдо бўлмайди. Ўзингиз ўйлаб кўринг, ҳукуматлар одамлар қалбини мажбурий тарзда эгаллайди. Шунинг учун ҳеч ким ҳукумат тузган қонунларнинг ҳикмати ва сабабини сўрашга эътибор қаратмайди. Олим ҳам, жоҳил ҳам, ўқиган ҳам, ўқимаган ҳам бу қонунларга амал қилиб юраверади. «Бу қонуннинг нима ҳикмати бор?» деб сўрашга ҳеч ким журъат қилмайди. Агар бирортаси сўраса ҳам, жавоб берувчи «Қонун-қоида шунақа», дейиш билан кифояланади. Лекин Исломнинг ҳукм ва қонунлари ҳақида гап кетганда «Аллоҳ жалла шаънуҳунинг ҳамда Расулуллоҳ соллаллоҳу алайҳи васалламнинг ҳукмлари шундай», деган жавобга кифояланишмайди. Бунинг ҳаммаси қалбда Аллоҳга ва У Зотнинг Расулига таъзим камайиб кетганлигидан далолатдир».

“Мажолиси ҳакимул умма” китобидан.

Дўстларингиз билан улашинг!
imon.uz | YouTube | Telegram | Facebook

АЗОБ ЙИҒИСИ

Бир киши дўстининг ёнига келиб, тўрт юз дирҳам қарз бўлиб қолганини айтиб, ундан ёрдам сўради. Дўсти унга дарҳол айтилган миқдордаги пулни бериб жўнатди-ю уйига қайтиб киргач йиғлаб юборди. Хотини унга: «Бунчалар қийналар экансиз, нега бердингиз?» деди. «Пул берганимга эмас, унинг ҳолидан хабар олмай уйимга ёрдам сўраб келишгача мажбур қилганим учун азобланиб йиғлаяпман», деб жавоб берди эр.

«Ривоятлар» китобидан.

Дўстларингиз билан улашинг!
imon.uz | YouTube | Telegram | Facebook