Маърифат Бўстони

Шаъбон ойи 2025 милодий йил 31-январ жумъа куни бошланди
Биз ҳозир 1446 ҳижрий сана шаъбон ойининг учинчи кечасида – якшанба кунига ўтар кечада турибмиз.
Бу шаъбон ойи яқинлашиб келаётган муборак рамазон ойига тайёргарлик кўриш ойидир.
Рамазон ойига қандай тайёргарлик кўриш лозимлиги ҳақида ўтган йилларда эълон қилинган баъзи мақолаларни такроран ўқиб чиқиш тавсия этилади.

Кувайтлик аҳли хайрлардан Умму Зайнаб эҳсони билан уч кун ичида бир масжид муваққат шаклда қайта тикланибди қаҳрамонлар шаҳри Ғ а з з а да

Алҳамду лиллааҳ ...

Ғ а з з а аҳли бомбалар остида туриб дунё халқларини Исломга олиб келишаяпти

Қанча-қанча ғайридинлар уларнинг ислом ва иймон иззати билан куфру туғёнга қарши курашда собитқадамликларини, шижоату матонатларини кўриб: "бу дин қандай ҳам буюк дин экан-а, инсонга бундай чексиз бахт-саодат ва иймоний куч-қувват ато этаркан", деб ислом динини, Қуръони карим тафсирини ва ҳадиси шарифларни оз-моз ўрганишлари биланоқ мусулмонликни қабул қилишяпти қалбларига ҳасаду кибр каби касалликлар қаттиқ ёпишиб олмаган кишилар.

Буюк Раббимиз Аллоҳ таолонинг тақдирда битиб қўйган ҳар бир иши чуқур ҳикматларга бой бўлади, бироқ биз ақл-идроки заиф бандалар ҳаммасини ҳам англай олмаймиз, худди ёш бола ўзининг меҳрибон ва ҳикматли ота-онасининг баъзи ишларини "нима учун бундай қилиб мени қийнашаркина-а" деб англай олмаганидек.

Бу сатрлар йўл-йўлакай ёзилган енгил бир эслатма.

"Балки, улар (кофирлар) : «Биз ҳаммамиз биргаликда ғалаба қозонувчимиз», дейишар. Яқинда ана шу жам бўлганлар (кофирлар) мағлуб бўлиб, ортларига қараб қочадилар".

(Қамар сурасининг 44-45 оятларига қисқа тафсир)
.

Ғ а з з а аҳлини "ё хорларча таслим бўладиган қиламиз ё бутунлай қириб ташлаймиз" деб бир ярим йилдан бери тўхтамасдан бомбалаб келаётган ваҳшийлар энди ўзлари хорларча сулҳга рози бўлишади иншоаллоҳ.

Барчага Меҳрибон Аллоҳ ва ҳамма нарсага Қодир Аллоҳ, ҳар бир иши-тақдири ҳикматли Аллоҳ, эй Раббимиз, Ўзинг Ғ а з з а аҳлига тезроқ нажоту нусрат ато этгин, с и о н и с т ларни мағлуб қилиб, куфру туғён давлатини парчалаб ташлагин...

Бомбалар остида шаҳид бўлаётган ғ а з з а л и к лар, уйлари вайрона бўлиб кўчаларда қолган ғ а з з а л и к лар, эски-эски чодирларда қишнинг қаттиқ совуғидан, ёз келганда ёзнинг жазирама иссиғидан азоб чекаётган ғ а з з а л и к лар, кофиру золимларнинг ваҳшийларча қамал қилиб туришлари дастидан оч қолиб, шу йўл билан ҳам қириб ташланаётган ғ а з з а л и к лар... Эй Раббимиз, Ўзинг уларни кўриб, билиб, кузатиб турибсан, биз ожизу гуноҳкор бандаларинг жуда кўп нарсалардан бехабармиз, жуда кўп нарсаларнинг асл ҳикматларини заиф ақлимиз билан англай олмаймиз, лекин чин дилимиздан аминмизки, Сен албатта мўмин-мусулмон бандаларингга қадим-қадим замонлардан буён оғир имтиҳонлар ортидан буюк ғалабалар ато этиб келаётган Зотсан, Ўзинг Муҳаммад алайҳиссалом умматларига тез кунлар ичида чексиз раҳмат-марҳаматларингни нозил қилгин, сабру саботимиз, иймону ишончимиз заифлашиб қолмасин, асло...

Сурия мустабид режимдан озод бўлганидан кейинги илк жумъа намозига тўпланган шод-хуррам халқ ибодатларини эмин-эркин бажо этаётганларини кўриб бутун дунёдаги мўминлар ич-ичларидан ҳис қилишаётган бахт-саодат туйғуларини ва исломий ғалаба лаззатини васф этиш имконсиз

Аллоҳу акбар, алҳамду лиллааҳ