Ikromjonov | Blog

Hangoma.

Bir kishi ayoliga moshnasini ora-orada berib turar ekan. Bir kuni ayoli kelib:

— Dadasi sizga bitta yaxshi va bitta yomon habarim bor, qaysi biridan boshlay? — debdi.
— Yaxshisidan boshlayverchi, — debdi xo'jayini.
— Lekin menga hech nima qilmadi, — dermish.

@Ikromjonov

Eng yomon koʻrgan ishim.

Bir kishidan eng yaxshi koʻrgan ishi nima ekanini soʻrashganida "ertalab turib 4da yugurish" degan ekan, eng yomon koʻrgan ishini soʻrashganda ham huddi shu javobni bergan ekan, qizigʻ-a?!

Mendan ham eng yomon koʻrgan va eng yaxshi koʻrgan ishimni soʻrashganda "yugurish va yugurish" degan boʻlar edim.

Nima uchun yugurishni yomon koʻraman:

1. Qiyin ish. Baʼzida kasal boʻlib qolaman, baʼzida qor, yomgʻir yogʻadi, shu holatda ham yugurishimga toʻgʻri keladi.

2. Noqulay ish. Bir xilgi paytda ishlarim koʻpayib ketsa kechasi 11 da ham yuguraman, uzoqroq safarga borsam undanda noqulay boʻladi.

3. Havfli. Alloh koʻrsatmasin har qanday holat boʻlishi mumkin, yaxshigina risk bor.

4. Yoqimsiz. Yugurganda rosa terlaysiz, yangi boshlagan paytingizda boldir sohasida juda qattiq ogʻriq boʻladi (3-4 oy davomida).

Nima uchun yugurishni yaxshi koʻraman:

1. Sogʻliq uchun foydali. Yurak qon tomir kasalliklarini oldini oladi (infarkt, insult), immunitetni koʻtaradi, xullas sogʻliq uchun foydasi juda koʻp, bu haqda alohida post yozsa boʻlaveradi.

2. Vaznni bir xilda ushlab turishga yordam beradi. Ozish uchun eng effektiv yoʻl boʻlmasa ham yaxshi variant.

3. Yoqimli. Qanchalik qiyin, noqulay, havfli, yoqimsiz boʻlmasin, har gal yugurib boʻlib takrorlanmaydigan zavqni his qilasiz, "shunchalik qiyin boʻlsa ham epladimku" deysiz, oʻzizga boʻlgan ishonchingiz ortadi.

YouTubega ayni yugurish haqida video qo’ygan edim, vaqtinglar bo’lsa ko’rib qo’yarsizlar, 2 yillik tajribani 10 minutlik videoga joylaganman, ishaalloh manfaatli bo’ladi.

https://youtu.be/jcuGCZsGwG8?si=p0r8bRKvGOED253J

@Ikromjonov

​​Damasshunoslik faniga kirish.

Studentligim sabab shanba va dushanba kunlari uyimga Damasda borib kelishga toʻgʻri keladi (boshqa iloji ham yoʻqda). Yoʻlovchilarni oʻylagan holatda eng "qulay" qilib ishlangan moshna Damas boʻlsa kerak.

Damas bilan bogʻliq eng yomon holat: Qoʻlingda 2 ta soʻmka bor, 3-qatorni eng burchagiga oʻtib ketding, na chiqyapkaningda, na tushyapkaningda birantasi "keling uka, soʻmkayizzi ushlab turaman, bemalol tushvoling" demaydi, keyin Damasni 3 qatori ancha "keng"ligi uchun 2 soʻmka bilan mazza qilib, bemalol ketasan.

Yaxshiyamki Damasdan boshqa yoʻlovchi moshnalar ham bor, Nexia va Cobalt kabi. Bu moshnalarni Damasdan eng afzal tomoni yukxonasi borligida. Nexia 2ni yukxonasiga yuklaringni qoʻyib moshnaga chiqding, 2-qator oʻrtasidan joy olding, aksiga olib yoningdagi ikkala odam oʻzini moshnasida ketgandek oyogʻini tarvaytirib ketadi, sen boʻlsang oʻrtadagi doʻmpaygan joyga oyogʻingni tiqishtirib ketasan. "Uka, bemalol oyogʻizni tushirib olib, qulay ketavering" demaydi.

Shuncha gap shunchaki nolish uchun yozilmadi. Maqsad yoʻlovchi moshnada ketayotganda yonimizdagi insonlarga qoʻldan kelganicha yordam beraylik, birinchi boʻlib joy oladimi yoki keyinmi, koʻp pul toʻlaydimi kammi hammani birdek qulay ketishga haqqi bor.

@Ikromjonov

Sening.

Sen yaratgan olamu inson go’zal,
Sen yuborgan Mustafo Qur’on go’zal,
Sen buyurgan har amal iymon go’zal,
Ruhlar ichra sunganing vijdon go’zal,
Bu go’zalliklar jamolingdan seni.

Har ishing har so’zu ahkoming buyuk,
Ham jazoing hamda inoming buyuk,
Qilganing insonga ikroming buyuk,
Jannatingdek dini isloming buyuk,
Bu buyukliklar jalolingdan seni.

Sen yaratmush ikki dunyoying tugal,
Har sipoting hamma asmoying tugal,
Barcha manglaylarda imloying tugal,
Dillar ichra chekkan imzoying tugal,
Bu tugalliklar kamolingdan seni.

Ko’zki bor unga go’zal yuzlar suyuk,
Har quloqqa mungli ovozlar suyuk,
Barcha dillarga shirin so’zlar suyuk,
Jonga ishqu hajru afro’zlar suyuk,
Bu suyukliklar visolingdan seni.

© Shayx Husayn Buxoriy

https://youtu.be/yGhtjMryXq0?si=95WxIFD33wTi6hs9

​​“Farzand tarbiyasida 700 saboq” Doktor Abdulloh Muhammad Abdulmuʼti

Tanishizni uyiga borib oʻtiribsiz, gapdan gap chiqib butun hayoti davomida farzand tarbiyasi, oila boshqaruvi boʻyicha olgan eng katta darsini siz bilan boʻlishdi. Ajib, 20-30 yil davomida toʻplagan ilmini sizga shunchaki bir necha daqiqada aytib berdi, mazza-a.

Endi xuddi shunday suhbatni 700tasini tasavvur qilib koʻring.

Ayni shu ishni muallif biz uchun qilgan, turli insonlar bilan gaplashib, eng sara hikoyalarni kitobiga kiritgan.

Kitobni oʻqigandan soʻng arab yozuvchilariga boʻlgan muhabbatim yanada oshdi. (Oldin Adham Sharqoviyni 3ta kitobini mazza qilib oʻqigan edim.)

Bir xilgi kitoblarni oʻqiysiz, muallif gapni olib qochishdan uyogʻiga oʻtmaydi, baʼzilari esa shunchaki nazariyadan iborat. Toʻgʻrisi bunaqa kitobni oʻqigan odam zerikib oʻladi. Bu kitobda hamma narsa dangal dangal gapirilganligi uchun kishini umuman zeriktirmaydi.

Kitobni oʻqiyotib shu darajada mehribon, tadbirkor ota-onalar borligini bilib bir hursand boʻldim, shu qadar beshafqat, eʼtiborsizlari ham borligini bilib bir hafa boʻldim.

Yana nima ham derdim, olinglar oʻqinglar, mazza qilinglar (narxi 60 000 atrofida). Sizlarga eng yaxshilarini tavsiya qilaman.

@Ikromjonov