Ovozingdan balandrooooq baqir,
Baxtiyor kunlaring uyg'onib ketsin.
Bir umr quvonchdan qutulolmagin,
Sog'inchlar ham hatto sog'inib kelsin.
Tutqich bermagin vaqt berkinmachoq,
Eng go'zal amallar bag'riga berkin.
Kecha seni mensimay kulganlarga qasd,
Yengilma, "qo'limdan keladi" degin.
Tizzalaring qonab, yuraging qonab,
Tirmash, cho'qqilarni maqsad qil doʻstim.
Peshonang yorilmasa hisobmas faqat
Yig'lama, Xudoga suyanib o'sgin.
Osonlikcha erishma, qadri yoʻq boʻlar,
Eng chigal yo'llarni sen qidirib top.
Suv boʻlib olovlar bag'riga kirib,
Qilich boʻl, dardlarning oyog'ini chop.
Qidirgin, izlangin turma bir joyda
Vaqt oʻtib ketayapdi, yurma yugurgin,
Topib nechta boʻlsa BAXTga eltar yoʻl
Hammasini oʻzing tomon burgin.
Sen shamol bo'lmagin, tez unutarlar
Boʻlsang bo'ron boʻl, to'zg'it jimlikni.
Parvoz et burgutdek qanot yoz osmon
Ko'zlaringga qamal ol erkinliklarni...
Mamirova
14.04.2024😍❤️
#Aurora
@ijodkor_qiz_mamirova