Китоб ҳақида буюклар нима дейди?
Френсис Бекон
Китоб замонлар денгизида саёҳат қилаётган ва ўзининг қимматбаҳо юкини авлодлардан-авлодларга ташиётган ҳикмат кемасидир.
А. Ҳ. Бахманёр
Шундай одамларни ахтарингки, улар билан суҳбат қилмоқ яхши китоб ўқимоққа баробар бўлсин. Шундай китобларни ахтарингки, мутолааси файласуфлар суҳбатига тенг бўлсин.
Исаак Барроу
Яхши китобларни бугун ўқинг, ёмон китобларни ўқишга эртага албатта вақт топилади.
Қосимбек Зокир
Нодонлар-ла ўтириб-турмоқдан китоб билан ёлғиз қолмоқ яхшироқдир.
Георг Лихтенберг
Китоб қанчадир йиллардан кейин сизга манзур кела бошласа, бу унинг яхши китоб эканидан далолатдир.
Френческо Петрарка
Китоб йиғиш яхши ишдир, уларни ўқимоқ эса фойдали.
Томас Жефферсон
Китоб ўқимаган одамнинг мурдадан фарқи йўқ.
Рене Декарт
Китоблар сизни минглаб аср аввал дунёдан ўтган доҳийлар билан учраштиради.
Ҳожи Бактош Вали
Инсон — қанча ўқисанг ҳам битмайдиган китобдир.
Андрей Упит
Китоб ҳаётнинг энг олис ва қоронғу йўлларига нур бахш этган афсонавий чироқдир.
Петер Гилле
Китоблар овозсиз муаллимлардир.
Ҳерберт Спенсер
Бир инсоннинг қиймати ўқиган китоблари билан ўлчанади.
Пол Валери
Китобларнинг душманлари ҳам инсонларникига ўхшашдир: олов, сув, вақт ва ичидагилар.
Ҳайнрих Ҳайне
Китоблар ёқиб юборилган жойда одамлар ҳам ёндирилажак.
Жон Рускин
Китобларни икки гуруҳга ажратиш мумкин: кун китоби ва барча кунларнинг китоби.
Шекспир
Китобларим мен учун бутун умрга етажак улкан қиролликдир.
Мишел де Монтен
Мен китобларни эмас, китоблар мени яратди.
Озарбойжон халқ мақоли
Ақлли қўшнинг йўқ бўлса, китоб билан суҳбат қур.
Япон халқ мақоли
Китоб руҳият даволовчисидир.
Хитой халқ мақоли
Китоб одамларнинг йўлини ёритиб турувчи маёқдир.
Араб халқ мақоли
Ҳар даврнинг ўз китоби бор.
Лотин халқ мақоли
Ҳаёти давомида биргина китоб ўқиган одамлардан қўрқинг.
Олмон халқ мақоли
Яхши китоб яшаш манбаидир.
