International Islamic Academy of Uzbekistan

#Xushxabar

Akademiyaning uch nafar talabasi Prezident granti sovrindoriga aylandi

✔️Bugungi kunda mamlakatimizda yoshlar ta’lim-tarbiyasi va kelajagiga beriladigan e’tibor davlat siyosatining eng ustuvor yo‘nalishlaridan biri hisoblanadi. Yoshlarning huquq va manfaatlarini himoya qilish, ularga zarur shart-sharoit va imkoniyatlarni yaratib berish borasida mustahkam huquqiy baza yaratilgan hamda bu tizim zamon talablariga hamohang ravishda takomillashtirib borilmoqda.

➡️Yoshlarni o‘z ustida muntazam ishlashga undash hamda bilimli yoshlarni yanada qo‘llab-quvvatlash maqsadida 2021-yil 6-iyulda “Respublika oliy ta’lim muassasalariga talabalikka qabul qilingan iqtidorli yoshlarni yanada qo‘llab-quvvatlash chora-tadbirlari to‘g‘risida” Prezident qarori qabul qilingan edi.

✔️Unga ko‘ra, davlat oliy ta’lim muassasalari bakalavriatining kunduzgi ta’lim shakliga kirish imtihonlarida (test sinovlari, kasbiy (ijodiy) imtihon, yozma imtihon) eng yuqori ball to‘plagan 200 nafar yoshlar uchun Prezident granti tashkil etilgandi.

➡️Eslatib o‘tamiz, mazkur grant sovrindorlari 1-kursda barcha fanlarni “a’lo” baholarga o‘qigan, ma’naviy-ma’rifiy va ilmiy-tadqiqot yo‘nalishlarida yutuqlarga erishgan, namunali xulq-atvorga, sohasi bo‘yicha zarur bilimga hamda respublikada olib borilayotgan islohotlarga o‘z fuqarolik pozisiyasini bildira olish ko‘nikmalariga ega da’vogar talabalar orasidan tanlav olinadi.

✔️Kuni kecha mutasaddi tashkilotlar hamkorligida O‘zbekiston Respublikasi Prezidenti grantining joriy yilgi sovrindorlarini aniqlash maqsadida tanlov o‘tkazildi. Tanlov natijalariga ko‘ra bir guruh talabalar g‘olib deb topildi.

✅Quvonarlisi, ularning safida O‘zbekiston xalqaro islom akademiyasining 3 nafar talabasi ham bor. Xususan:

⭐️Mumtoz sharq filologiyasi fakulteti 2-kurs talabasi Raimberdiyeva Gulnora Xusan qizi;

⭐️Mumtoz sharq filologiyasi fakulteti 2-kurs talabasi Ermatova Zulfiya Abdug‘aniyevna;

⭐️Islom iqtisodiyoti va xalqaro munosabatlar fakulteti 2-kurs talabasi Absamatov Mirodil Zokirjon o‘g‘li O‘zbekiston Respublikasi Prezidenti grantining joriy yilgi sovrindorlariga aylandi.

⌛Shu munosabat bilan O‘zbekiston xalqaro islom akademiyasi rahbariyati va jamoasi nomidan iqtidorli talabalarning mazkur yutug‘i bilan muborakbod etib, uning kelgusidagi o‘qish va ishlariga omad tilaymiz.

🌐Batafsil: https://iiau.uz/oz/news/3794

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#Yangiliklar
#Islom_iqtisodiyoti_va_xalqaro_munosabatlar

Milliy an’ana va qadriyatlar xalqimizning go‘zal fazilatidir

⌛Avval xabar berganimizdek, bugun O‘zbekiston xalqaro islom akademiyasida fakultetlararo “Milliy qadriyatlar – millat ma’naviyatining ko‘zgusi” mavzusida ma’naviy-ma’rifiy tadbirlar tashkil etildi.

✅Navbatdagi tadbir Islom iqtisodiyoti va xalqaro munosabatlar fakulteti talaba-yoshlari uchun bo‘lib o‘tdi.

✔️Mazkur tadbirlar milliy va an’anaviy qadriyatlarni e’zozlash, yoshlar o‘rtasida o‘zaro hamjihatlikni mustahkamlash, ular qalbida xalqimizga xos bo‘lgan ezgu fazilatlarni yuksaltirish, ajdodlarimizdan meros milliy-ma’naviy boyligimizni ko‘z qorachig‘iday asrab-avaylash va yanada qadrlash maqsadida tashkil etildi.

➡️Akademiya xotin-qizlar bo‘limi bilan hamkorlikda o‘tkazilgan ma’rifiy tadbirda Yoshlar masalalari va maʼnaviy-maʼrifiy ishlar boʻyicha birinchi prorektori Ilyos Mirziyotov, fakultet dekani Habibullo Sadibaqosev, O‘zbekiston yozuvchilar uyushmasi a’zosi, shoir Mirzo Karim, Shayxotohur tumani “Tarona” folklor jamoasi a’zolari, professor-o‘qituvchilar hamda talabalar ishtirok etdi.

🔼Shoir Mirzo Karim hamda “Tarona” folklor jamoasi a’zolarining chiqishlari yig‘ilganlarda katta taassurot qoldirdi.

🌐Batafsil: https://iiau.uz/oz/news/3792

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#Yangiliklar
#Islomshunoslik

Milliy qadriyatlar – millat iftixori

🗓Bugun O‘zbekiston xalqaro islom akademiyasida fakultetlararo “Milliy qadriyatlar – millat ma’naviyatining ko‘zgusi” mavzusida ma’naviy-ma’rifiy tadbirlar o‘tkazildi.

✅Islomshunoslik fakulteti “Islom tarixi va manbashunosligi IRCICA” kafedrasi tomonidan tashkil etilgan tadbirda Yoshlar masalalari va maʼnaviy-maʼrifiy ishlar boʻyicha birinchi prorektori Ilyos Mirziyotov, fakultet dekani Jahongir Tohirov, “Islom tarixi va manbashunosligi IRCICA” kafedrasi mudiri G‘ayrat Rasulov, kafedra professor-o‘qituvchilari hamda talabalar ishtirok etdi.

⌛Mazkur tadbirni o‘tkazishdan asosiy maqsad – milliy qadriyatlar, an’analar va madaniyatlarni yosh avlodga yetkazish, ularning ma’naviy dunyosini boyitishdan iborat.

✔️Tabdirda so‘zga chiqqanlar tomonidan xalqimizning boy madaniy merosini saqlab qolish, yoshlarni ana shu qadriyatlar ruhida tarbiyalash, buning uchun esa ta’lim va tarbiyas uzviyligini ta’minlash muhim ekani e’tirof etildi.

🌐Batafsil: https://iiau.uz/oz/news/3791

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#Yangiliklar
#Mumtoz_sharq_filologiyasi

Milliy qadriyatlar – millat ma’naviyatining ko‘zgusi

✔️Bugungi kunda turli mafkuraviy xurujlardan himoyalanish, asrlar davomida sayqallanib kelayotgan milliy qadriyat, an’analarimizni asrab-avaylab, ularga amal qilib yashash muhim ahamiyat kasb etadi.

➡️Zero, xalqimiz madaniy merosi, anʼanalari, urf-odatlari bizlar uchun faqat oʻtmishdan qolib kelayotgan yodgorlikkina emas, barcha maʼnaviy boyliklarning tarkibiy qismi, inson aql-idroki va tafakkurining buyuk yutugʻi hamdir. Har bir millat va elat ajdodlaridan qolgan bilim boyliklaridan, tajriba va tarixiy saboqlaridan, odob-axloq, taʼlim-tarbiyaga oid oʻgitlari va yoʻl-yoʻriqlaridan kelajagini yaratishda qoʻllaydi.

⌛Millat uchun muhim ahamiyatga ega bo‘lgan etnik jihat va xususiyatlar bilan bog‘liq qadriyatlar milliy qadriyatlar deyiladi. Milliy qadriyatlar millatning tarixi, yashash tarzi, ma’naviyati hamda madaniyati bilan chambarchas bog‘liq holda namoyon bo’ladi.

🗓Shu maqsadda bugun O‘zbekiston xalqaro islom akademiyasida “Milliy qadriyatlar – millat ma’naviyatining ko‘zgusi” mavzusida ma’naviy-ma’rifiy tadbir o‘tkazildi.

✅Mumtoz sharq filologiyasi fakulteti tomonidan tashkil etilgan davra suhbatida Ilmiy ishlar va innovatsiyalar bo‘yicha prorektor Zohidjon Islomov, fakultet dekani Sayyora Chiniyeva, professor-o‘qituvchilar hamda talabalar ishtirok etishdi.

✔️Tadbirda prorektor Zohidjon Islomov so‘zga chiqar ekan, milliy qadriyatlarga hurmat bilan qarash – millatning oʻziga hurmat bilan qarashning asosiy boʻgʻini ekanini qayd etdi.

🔼Respublika baxshilar uyushmasi qoshidagi “Qirq qiz” ansambli xonandalari tomonidan xalq dostonlaridan parchalar, laparlar aytildi.

✅Mazkur tadbirlar Islomshunoslik hamda Islom iqtisodiyoti va xalqaro munosabatlar fakultetlari tomonidan ham tashkil etildi.

🌐Batafsil: https://iiau.uz/oz/news/3790

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#9-fevral – Alisher Navoiy tavalludi kuni

Alisher Navoiy – insoniylik ramzi

✔️Alisher Navoiy o‘zbek xalqining buyuk shoiri va qomusiy mutafakkiri bo‘lib, uning nomi dunyoning eng mashhur shoirlari qatorida tilga olinadi. Navoiy butun ijodiy faoliyatini ilm-ma’rifatga, davlat arbobi sifatida esa xalqning osoyishtaligi, obodonchilik ishlari, san’at hamda adabiyot taraqqiyotiga bag‘ishlagan. U zot nafaqat mutafakkir shoir va davlat arbobi, balki o‘z davrining eng badavlat saxovatpeshasi ham bo‘lgan.

✔️Temuriylar sulolasiga xizmat qilib, Sabzavor shahriga hokim bo‘lgan G‘iyosiddinning o‘rtancha o‘g‘li Alisher otasining vafotidan so‘ng meros sifatida o‘ziga tegishli sarmoyani omilkorlik bilan ishlatib, qisqa fursat ichida boyib ketdi. U tadbirkorlik yo‘nalishini, asosan, bog‘-rog‘lar yaratish, undan keladigan daromadga esa madaniy-ma’rifiy inshootlar barpo etishga qaratdi. Ya’ni qarovsiz joylarni chamanzorga aylantirib, obod manzil barpo qildi, ulardan keladigan mablag‘ni esa xayriya ishlariga, ilmga sarfladi.

✏️Mahbuba Muhiddinova,
O‘zbekiston xalqaro islom akademiyasi
“Matnshunoslik va adabiy manbashunoslik” ta’lim yo‘nalishi 2-kurs talabasi

Batafsil: https://iiau.uz/oz/news/3788

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube