IDA edu

🌙Ramazon oyining fazilatlaridan.

Ramazon – ro‘za va namoz oyi, gunohlardan xalos bo‘lish va mag‘firat oyidir. Ramazon sadaqa va ehson oyi bo‘lib, unda jannat eshiklari ochiladi, savoblar ko‘paytiriladi, xatolar kechiriladi va darajalar yuksaltiriladi. Bu oy – duo ijobat etiladigan oy bo‘lib, unda gunohlar mag’firat qilinur. Alloh taolo bu oyda bandalariga cheksiz karomat ato etib, oliy martabalarga yetkazadi, saxovat egalarining mukofoti ziyoda qilinadi.

Islom ulamolari “RAMAZON” so‘zining har bir harfini ma’noli tarzda tavsiflashgan. Bu tasnif ramazon oyining mohiyatini yanada chuqurroq anglashga yordam beradi:

ر - “Ro” → Rahmat (رحمة) – Mehribonlik

Ramazon oyi Allohning bandalariga bo‘lgan rahmati bilan to‘la. Bu oyda Alloh mo‘minlarni gunohlaridan poklaydi va rahmati bilan siylaydi.

م - “Mim” → Mag‘firat (مغفرة) – Gunohlarning kechirilishi

Rasululloh s.a.v aytdilar:
“Kim imon bilan va mukofotni Allohdan umid qilib Ramazon ro‘zasini tutsa, uning avvalgi gunohlari kechiriladi.” (Buxoriy, 38)
Ramazon gunohlardan poklanish va Allohning mag‘firatiga erishish oyidir.

ض - “Zod” → Ziyo (ضياء) – Nur va hidoyat

Bu oyda Qur’oni Karim nozil qilingan bo‘lib, insoniyatga hidoyat yo‘lini ko‘rsatadi.
📖 “Ramazon oyidirki, unda odamlarga hidoyat bo‘lmish hamda hidoyat va furqonni (haq bilan botilni) ajratuvchi aniq dalillar tarzida Qur’on nozil qilingan.” (Baqara surasi, 185-oyat)

ا - “Alif” → Ajr (أجر) – Savob va mukofot

Ramazonda qilingan har bir ibodat va ezgu amal odatdagidan ko‘ra ko‘proq ajr va mukofot bilan taqdirlanadi. Hadisda kelgan:
“Alloh aytadi: ‘Ro‘za Men uchundir va Men uning mukofotini beraman.’” (Buxoriy, 1904)

ن - “Nun” → Najot (نجاة) – Do‘zaxdan qutulish

Ramazon oyining oxirgi kunlarida Alloh do‘zaxdan ozod qilinadigan bandalarni tanlaydi.
📝 Rasululloh s.a.v aytdilar:
“Ramazonning bosh qismi rahmat, o‘rtasi mag‘firat, oxiri esa do‘zaxdan najotdir.” (Bayhaqiy)

🌙 RAMAZON – Allohning ulug‘ ne’mati!

🌙Ramazon…
O’n bir oy ichida o’n bir yulduz orasida tanlangan Yusufdek go’yo…
Uni o’ldirmang…
Uni tubsiz jarlikka tashlamang…
Uni arzimas bahoga sotmang…
Aksincha, uni qadrlang, shoyad bizga manfaat berar…(Adham Sharqoviyning kitoblaridan)

❗️Ramazonni to‘liq qadriga yetib o‘tkazgan inson ikki dunyo saodatiga erishadi, insha Alloh!Alloh barchamizni Ramazonning rahmatidan, mag‘firatidan va do‘zaxdan najot topgan bandalaridan qilsin!

"Ro'za sirlari" va "Ro'za maqsadlari" kitobidan xulosalar

"100 kitob" loyihasi 3-mavsum o'quvchilarining tarjima va qaydlari. Agar foyda olsangiz, o'tgan ulamolarimiz, xususan, mualliflar haqiga duo qilib qo'yasiz!

Ro'za – iymonning to'rtdan biridir.

🌙Ro'zaning fazilatlari:

• Darajalarning ko'tarilishi.
• Xatolarni kechirilishi.
• Shahvatni sindirish.
• Sadaqani ko'paytirish.
• Toat-ibodatlarni ko'paytirish.
• Barcha maxfiy sir-asrorlarni biluvchi Zot Allohga shukr qilish.
• Ma'siyat va itoatsizlik fikrlaridan tiyilish.

🫴Ro'zaning 3 ta darajasi bor:

1. Ommaning ro'zasi: Qorin va farjni shahvatdan tiyish.

2. Xoslarning ro'zasi: Quloq, ko'z, til, qo'l, oyoq va boshqa a'zolarni gunohlardan tiyish.

3. Xoslarning xoslarini ro'zasi: Qalbni arzimas muammolardan, dunyoviy fikrlardan tiyish va Alloh taolodan oʻzga barcha narsadan tamoman uzilishdir.

⚡️Xoslar va solihlarning ro'zasi quyidagi 6 narsa bilan bo'ladi:

• Ko'z ro'zasi.
• Til ro'zasi.
• Quloq ro'zasi.
• Boshqa a'zolar ro'zasi.
• Ko'p ovqatlanmaslik.
• Qalb qo'rquv va umid o'rtasida turmogʻi.

Rosululloh 🤍 dedilar:

Qanchadan-qancha tunlari qoyim insonlar bor, ularning qiyomdan nasibasi faqatgina bedorlikdir va qanchadan-qancha ro‘zadorlar bor, ularning roʻzadan nasibasi faqatgina ochlik va chanqoqlikdir.

Alloh taolo uchun idishlarning eng yomoni — halol taom bilan to'lgan qorindir.

🔧Odamlar Ramazon uchun turfa xil taomlarni zaxira qilib, unda bir necha oyda yeyilmaydigan taomlarni yeyishsa, qanday qilib ro'za orqali shahvatlarini sindirishadi?

Ro'zadan maqsad – qorin ochligi orqali nafs istaklarini tiyib, taqvoni kuchaytirishdir.

➡️Olov temirni qizdirib, yumshatganidan so'ng, istagan shaklimizga solganimiz kabi ro'za ham nafsni yumshatib beradi. Natijada, ibodatlarimizda bizga bo'ysunadi.

➡️Tushlikda yeyilmagan ovqat iftorlikka qo'shib yeyiladi. Yil bo'yi yeyilmagan taomlar ramazonda yeyiladi. U holda, Ramazon – shahvatlar oyimi? Shahvatlardan tiyilish oyi emasmi?

Iftorlik va saharlikda turli taomlar yeyilsa, faqatgina ovqat yeyishga va ko'proq lazzatni his qilishga bo'lgan xohish kuchayadi xolos.

Telegram | YouTube | Instagram

Ramazon oyida javob kechiksa, yoki javob kelmasa uzur so'raymiz!