ИБРАТЛЫ СӨЗЛЕР...

Билмесе

Көзсиз кеўил гәўҳарды да көмир дер,
-"Шашы узын, ақыл қысқа  әбигер",
Бир жаманға, бир жақсы-бул өмир дер,
Қапа болма қәдириңди  билмесе.

Бул өткинши жалған өмир шын емес,
Бәрҳә айдың он бес күни, түн емес,
Жарық түссе өтмиш болар бир елес,
Қапа болма қәдириңди билмесе.

Көрген, кешкен азабыңа сыйың бар,
Ақыретте мәҳшер күни жыйын бар,
Жаманларға жәннет ушын тыйым бар,
Қапа болма қәдириңди билмесе.

Жайнамазға сиңген тамшы жасың сор,
Ыза, азап жүзлериңе сызған тор,
Айыпсызды хорлағанлар  болар хор,
Қапа болма, қәдириңди билмесе.

Бүкир текте дүзеўленер қәбирде,
Иймансызды тапсыр жалғыз Тәңирге,
Бул имтихан, сабақ ушын тәғдирге,
ыразы бол, халық билер билмесе.

Ол бир соқыр,ишки дуньяң көрмесе,
Қапа болма, қәдириңди билмесе.

     Зульфия  Жийемуратова

👉👉https://t.me/ibratli_sozler
https://t.me/ibratli_sozler

#Даналық

Әкениң қәлбин аўыртпа, ел ишинде хор боласаң,

Ананың кеўлин аўыртпа, бир тислем нанға зар боласаң.

👉👉https://t.me/ibratli_sozler
https://t.me/ibratli_sozler

Арадан ўақыт өтип Азада көтереди.
Саидқа мен жумысқа барғым келип жүр дейди.
Сен жумысқа барып не қыласаң?
Мениң ҳаялым сипсекеш болып ислейме?, - дейди.
Қыз оған усы сипсекеш болып ислеп жүрип, өз бахтымды таптымғо деп, наз етип  Саидқа  қарайды.
Болады жақсы отыр, өзиңе қара жаным деп шығып кетеди. Күйеуин жумысқа шығарып салыў қандай бахыт,- дейди.
Арадан айлар өтіп, Азада босанып қызлы болады.
Бир ай ўақыт өткенсоң, бир күни түнде   бир жигит Азамат ағаң барма? Үйи усыма? - деп ишке кирип келеди.
Есикти илиўди умытып кетиппенғо деп,  Азада сыртқа  шығып,
бақырып турған  жигитке сиз кимсиз дейди.
Сиз алжастыңыз. Бул басқа үй., деп атыр еди.Соның арасында ишке Саид
кирип
келеди.
Сен кимсең? Шық бул үйден неқылып жүрсең?
Келген жигитке асылады.
Мен Азамат ағаның ұйи шығар деп алжасыппан, - деп шығып кетеди.
  Бул жигит Ким? Саған бир еркек азлық еттиме?
Тағы биреўи менен байланысып жүрсең бе? - деп , Азадаға   маған қыянет еттиң бе? - деп түрли сөзди айтып таслайлы.
Азада,  мен танымайман.
Өзиңиз көрдиңизғо ишке алжасып кирген.
Мен сизге қалай қыянет етемен, - деп еди.
  Саған ұш талақ. Сендей ҳаялдың барынан  жоғы деп бақырады. 
Әстерек қызымыз оянып кетеди. Қызымыз дейсең бе? Мениң саған беретин қызым жоқ. Ол мениң қызым деп, ишке кирип  қызын алып шығады.
Сыртта биринши ҳаялы Сәрбиназ турған екен.
Қызды қолына услатады.
Мине сенде  "ана" .болдың дейди. Үйине кетеди.
Сәрбиназдың ишке киргизип болып, қоңырау етип.
Бир жигит пенен сөйлеседи. Рахмет саған қатырып рольге кирип ойнадың.
Ол хеш нәрсе сезбейди .
Қорықпаяқғо маған пластик картаңды жазып жибер.
Өзим пул таслайман деп, жаўып таслайды.
Азада болса жылап-сықлап,  изинше Саидтың үйине келеди. Дәрўазасын қатты- қатты қағып, маған қызымды қайтарып бериң дейди.
Сол ўақытта, қапыны Сәрбиназ ашады. 
Сен неге келдиң жилли,- дейди. Сен үйиңдесең бе? Сени үйине кетти деп атыр едиғо. Демек екеўиңиз тил бириктирип, меннен пайдаланған  екенсизғо. Мениң қызымды кайтарып  бериң, -  деп  Сәрбиназдың шашына асылады.
Соның арасында Саид жетип келеди. Аўзыңды жап, сениң шермендеңди шығараман. Сени  бузыққа шығараман деп, кетпесең өлтирип қояман, -  деп  алқымына асылып буўындыра баслайды. 
Соң кетиўге мәжбүр болады. Ярым ақшамда не ислерин билмей, жылап киятырса, жайдың бир мушында ораўлы жатырған бир нәрсе көзине түседи. Барып қараса
қундақлаўлы жатқан нәрестени көреди.
Дәрриў қолына алып болып, жан жағына қарайды. 
Ҳеш бир жан  көринбегенсоң,
Алла  маған инам еткен шығар деп, баўырына басып, тез - тез адымын атып
үйине келеди.
Айнанайын сени ким таслап кеткен екен, жаным мениң үстиңе қызымның кийимлерин кийгиземен.
Ақыры менде бала кийим жоқғой, деп астын қурғатып кийиндиреди.
Сени таўып алғанымды ҳеш адамға айтпайман. Ҳеш адам билмейди.
Қоңсылар, мениң  жас босанғанымды биледиғо.
Олар ҳеш гүманланбайды. Сезбейди, - деп өз өзин жубатып, тынышланады.
      Маған сени қудайдың өзи  берген шығар. Айдың оң бес күни қараңғы болса, он бес күни ашық екенғо. Атың бүгиннен баслап Қудайберген болады деп, баўырына басады.
  Арадан жыллар өтеди. Қудайберген Севинич деген қыз бенен сөйлесип жүр екен. Севиничке екеўмиздиң  сөйлесип жүргенимизге бир жылдай болды. Үйиңе мен ҳақкында айттыңба?  Анам айттырып баражақ деди. Мени анам бир өзи ҳәм әке ҳәм ана болып, не деген қыйыншылық пенен өсирип тәрбиялады. Мени контрактта оқытып, усы дәрежеге жеткерди. Мине ҳәзир бир мекемеде бас программист болып ислеп атырман. Анама Сизге қызыңыздай болып, хызмет ислейтуғын Келин әкелемен деп ўәде бергенмен. Маған анаңыз  ҳақкында айтпаған екенсиз.Ҳәзир еситип атырман . Яқ еле әкеме айталмай жүриппен
Әкем жатақта жатыр. Қалай айтарымды билмей жүриппен деди. Мен, әкең басқа биреўге узатып жибереме деп,  қәўетерленип атырман, - деди Қудайберген.
Яқшы бүгин-ақ айтаман деди, қыз.
Севинич үйине келип, аға аўқатыңды иштиңизбе?- деп сорады. Аўа қызым аўқатың мазалы болыпты.  Маған бир нәрсе айтпакшымысаң қызым. Аўа, аға
мен бир жигит пенен бир жылдан бери сөйлесип жүр едим. Өзи тәрбиялы жигит. Ишпейди, шекпейди. Бир мекемеде бас программист болып жумыс ислейди.
Анасы екеўи жасайды.

ЕКИ ҲАЯЛЫ БАР ЖИГИТ.

  Саид, Сәрбиназға үйленгенине әдеўир жыл болды. 
Екеўи бир бирин қәлеп турмыс қурды. Бирақ, арадан сонша жыл өтсе де перзентли бола алған жоқ.
    Саид, бир күни жумыста отырған ўақытта, қәйинатасы телефоннан қоңыраў етеди. Ассалаўма Әлийкум ата
қуўатлы барсызба? 
Саид балам қалайсаң аман жүрсең бе?  Қызым бир өлимнен қалыптығо. Мен оған хеш нәрсе демедим
балалы болмадың депте жүзине баспадым. Сонда не ушын қызым тамырын кеседи.
Мениң жалғыз қызымның бир тал шашы түссе, сени тыныш қоймайман, ол мениң көзимниң қарашығы.
Сол бир қызым ушын сени жоқары лаўазымлы жумысқа өткерип қойыппан,  - деп қәйин атасы бақырады.
Яқшы  ата ҳеш қәўетерленбеңиз, бәри жақсы болады, - деп телефонын жаўады.
     Саидтың қараўында сипсекеш болып ислейтуғын өзи тәрбиялы, атына сай Азада деген қыз бар еди.
Ата - анасынан ертелеў   айрылған еди.
Азада ерте таңда келип баслығы Саидтың бөлмесин тазалап қояды. Бүгинде әдеттегидей сыпырып,  полын жуўып атыр еди, Саид кирип келди.
   - Ассалаўма  Әлийкум Саид аға, - деди, Азада.
Ҳәмме жерди тазалап,  жуўып атыр екенсизғо, сизге қайылман, - деди.
Қолына бир буўат  ақшаны берип атырып, сизиң айлығыңыз -  деди..
Ҳау Саид аға бул көпғой, - деди, қыз.   Сен соған ылайықсаң қарындасым, -деди Саид.
Өзиңе  қарап жүр. Үстиңе жақсы шырайлы көйлек алып кий, - деп күлимсиреп қойды.
Яқшы рахмет.
Әлбетте алып кийемен, - деп қуўанды Азада.
Азада шығып кеткенсоң ақыры қақпанға илиндиңғо, - деп  өзинше мәс болды.
     -Азада  күнде басына орамал тартып, ҳалат кийип келип, бөлмелерди тазалайтуғын еди. Бүгин басқаша.
Орамалын алып таслаған, үстине шырайлы көзге түсетуғын қанық қызыл түсли көйлек кийип келип,  Саидтың отыратуғын бөлмесин сыпырып атыр еди. Бирден ишке Саид кирип келди де,
Азада бұгин ашылып кетипсиз, -  деди.
Қыз уялып, Ассалаўма Әлийкум мен енди кете берейин, - деп шығып баратыр еди ,
Саид қолынан услап қалды.
Мен саған бир сөз айтсам, қапа болмайсаң  ба?, - деди.
Сиз  мениң баслығымсыз,  нешше  жылдан бери қол астыңызда ислеп киятырман, айтабериң, - деди. 
Азада мен сени көп ўақыттан бери сыртыңнан бақлап, унатып жүриппен.
Маған турмысқа шығасаң ба?, - деп қолыңды сорасам, қандай жуўап берген болар едиң.  Ойландыратуғын сорау бердиңизғо. 
Ҳаялыңыз болса , мен қалай Сизге турмысқа шығаман.  Ҳаялым  менен ажырасаман..
Маған перзент инам етпейтуғын, туўмайтуғын ҳаялдың не кереги бар? Мен де әке болғым келеди - деди. Қыз индемей шығып кетти.
       -Кеште чай ишип отырып,  Сәрбиназ күйеуи Саидқа, Мен сизди жумысыңыздағы сипсекеш қыздан қызғана басладым, деди ,
Саид оған несине қызғанасаң? Ол сениң тырнағыңа  да арзымайды.
Енди ол жас қыз болса, мени таслап кетип қалама, - деп қорқып  атырман, - деди ҳаялы.
Сен хеш қорықпа? Неше сулыў қызларды әкелип  дизип қойса да, мен сени олардың ҳеш қайсысына  алмастырмайман, -деди.
Ақыры келискен жоқпыз ба? Сен де  " ана"  болғың келмейме? Қыз көтерип кетсе, Босанаман дегенше қасында болайын. Басқа илажымыз  жоқ, - деп шығып кетеди.
  -  Ертеңине  Азадаға, Саид мениң айтқан сөзим  не болды? Жаўапсыз қалдығо, - деди.
Сиз еле ҳаялыңыздан ажыраспаған
болсаңыз, қалай болады , - деди қыз.
Әлле қашан ол әкесиниң үйинде.
Үйде тек анам бар.
Ҳәзирше сенин ұйиңде жасап турамыз.
Жүмыстан келип бирге боламыз. Ақшам үйде анамның қасында боламан, себеби ол бир өзи қорқады.
Кейин ҳүжжетлерди туўрылағаннан соң,
екеўмиз некеден өтип, сени үйге алып
кетемен, - деди.
Қыз қайыл болады.

Даўамы бар..

👉👉https://t.me/ibratli_sozler
https://t.me/ibratli_sozler

Сағыныш...
✨️✨️✨️✨️✨️✨️✨️✨️✨️

Гузги сары гүлдей жүзим сарғайды,
Жолларыңа қарап көзлерим талды,
Сол  бизлерди ушырастырған ақталды,
Бүгин азийз жапырақлары тәрк етер,
Ызғырады салқын гүз самаллары.

Жамалың бул қара  көзлерде қалды,
Айтар сөзлеримде жүректе жанды,
Неге бунша мийримсиз екен тағдийр,
Елеслетер  өмир мәўсими  соңғы,
Айра түскен дуўтардағы жуп тарды..

Әрман болдың , узақларда , Кул болдың,
Суўық хабар!  Қызыл гул едиң, солдың,
Жүрегимде жазар қосығым болдың,
Сорайыншы сеннен ең соңғы ирет:
Кимлер менен жаным  бахытлы болдың?

Делбе самал желкилдетер шашымды,
Ақбоз ат қайда таслады лашыңды,
Бахтың бир күлдиме, айт ырасыңды?
Бүгин еслермен өзиңди жас қыздай,
Қумлы топырақ... жүзлериңди жасырды,

...Және қайтар гүзде қуслар дизбеги,
Сорлы  кеўил бағым сени изледи,
Мухаббат сезими гүдер үзбеди,
Жамалың елеслер меҳир бағышлап,
Әстен әстен кеткендейсең алыслап...

Мейли меннен саған арнаўым болсын,
Қудай шебер, қурқылтайға жол болсын,
Әлемде сүйгенлер бахытлы болсын,
Ҳешким айралықтан жапа көрмесин,
Мухаббат бағында бахты гүл болсын!
✨️✨️✨️✨️✨️✨️✨️✨️✨️

АВТОР: УЗИПА ОРАЗБАЕВНА.

👉👉https://t.me/ibratli_sozler
https://t.me/ibratli_sozler

Кеширерсизлер (Тилгенем)