Xushnudbek.uz

❗️Prezident Farmoniga ko‘ra, Nizomiy nomidagi Toshkent davlat pedagogika universiteti negizida Nizomiy nomidagi O‘zbekiston milliy pedagogika universiteti tashkil etiladi.

Universitet respublikada pedagog kadrlar tayyorlash bo‘yicha yetakchi oliy ta’lim tashkiloti etib belgilandi.

Universitetning mavjud 14 ta fakulteti maqbullashtirilib, 6 ta pedagogika oliy maktablari tashkil etiladi.


👉 @hushnudbekreklama 👈

YHXX: jarima ballari 1-may kunidan boshlab kuchga kirmaydi

Jarima ballarini hisoblash tartibi to‘g‘risidagi normativ-huquqiy hujjat belgilangan tartibda ishlab chiqilmoqda. Shu bois, tegishli normativ-huquqiy hujjat qabul qilinganidan so‘ng, yo‘l harakati qoidabuzarliklari uchun beriladigan jarima ballarining hisoblanish muddati va tartibi aniq belgilanadi.

Yo‘l harakati xavfsizligi xizmati


👉 @hushnudbekreklama 👈

❗️O‘zbek tomoni “Chashma” bulog‘ining uchdan ikki qismidan foydalanishi ta’minlanadi

Muzokaralar davomida O‘zbekiston Hukumati va Qirg‘iziston Vazirlar Mahkamasi  o‘rtasidagi “Chashma” bulog‘idan birgalikda foydalanish 
to‘g‘risidagi Bitim loyihasining asosiy shartlari tasdiqlandi.

Tomonlar “Chashma” bulog‘i O‘zbekiston va Qirg‘iziston xalqlarining umumiy boyligi ekanini alohida ta’kidladi.

O‘zbekiston fuqarolarining ushbu buloqdan erkin va to‘siqsiz foydalanishi, o‘zbek tomoni buloqning uchdan ikki qismidan foydalanishini ta’minlash hamda manbaning suv resurslari hajmi va sifatiga ta’sir ko‘rsatishi mumkin bo‘lgan har qanday xatti-harakatlarni o‘zbek tomoni bilan muvofiqlashtirish to‘g‘risida kelishuvlarga erishildi.

Shuningdek, tomonlar do‘stlik va yaxshi qo‘shnichilik ruhida ikki mamlakat fuqarolarining “Chashma” bulog‘idan to‘laqonli foydalanishiga to‘sqinlik qiluvchi har qanday chora-tadbirlarga yo‘l qo‘ymaslikka kelishib oldi.

Tomonlar O‘zbekiston Hukumati va Qirg‘iziston Vazirlar Mahkamasi o‘rtasida qisqa muddat ichida “Chashma” bulog‘idan birgalikda  foydalanish to‘g‘risida bitim hamda O‘zbekiston va Qirg‘iziston Davlat chegarasi uchastkasi to‘g‘risida shartnomani  muvofiqlashtirish va imzolashga kelishib oldi.


👉 @hushnudbekreklama 👈

❗️Xalqaro valyuta jamg‘armasi O‘zbekiston rasmiylari bilan maslahatlashuvlar yakunlari bo‘yicha bayonot e'lon qildi

XVJ bayonotidan bir qancha tavsiya va xulosalar o‘rin olgan. Jumladan:

🔹 amaldorlar daromadlarini deklaratsiyalash qonunini qabul qilishni tezlashtirish;

🔹 korxonalar foydasi va jismoniy shaxslar daromadidan olinadigan soliqlarni isloh qilish, daromadga qarab soliq imtiyozlarini qisqartirish;

🔹 samarasiz bojxona imtiyozlarini bekor qilish va yangilarini taqdim etishdan voz kechish;

🔹 davlat qarzini boshqarish strategiyasini takomillashtirilgan hisobot va e’lon qilish orqali shaffoflikni oshirish;

🔹 DXSh bilan bog‘liq bo‘lishi mumkin bo‘lgan xarajatlarni byudjetga kiritish, DXSh loyihalarini davlat investisiyalarini boshqarishning keng qamrovli tizimiga singdirish hamda mablag‘larni o‘zlashtirish bo‘yicha real imkoniyatlarni hisobga olgan holda DXSh uchun yillik chegarani kamaytirish;

🔹 oltin narxi o‘zgarishining davlat xarajatlariga ta’sirini minimallashtirishga intilish;

🔹 valyuta kursi o‘zgarishining keng doirasiga bosqichma-bosqich o‘tish;

🔹 shaffof tartib-qoidalar, investorlar huquqlarining qonuniy kafolatlari va aktivlarni sotishdagi raqobat bilan xususiylashtirishni jadallashtirish;

🔹 tizimli ahamiyatga ega banklarni ixtisoslashtirilgan davlat banklari sifatida saqlab qolish bo‘yicha joriy rejalarni amalga oshirmaslik;

🔹 korporativ qarzdorlarga xorijiy valyutada kredit berish, rasmiy daromadga ega bo‘lmagan jismoniy shaxslar va to‘lovga layoqatsizlik yoki likvidlik xavfi yuqori bo‘lgan korporatsiyalarga kredit berish bilan bog‘liq risklarni bartaraf etish;

🔹 imtiyozli va yo‘naltirilgan kreditlashdan voz kechish.


👉 @hushnudbekreklama 👈