Huquqiy axborot

@huquqiyaxborot Yoqdi 45

Янги қонун ҳужжатлари, ҳуқуқий ислоҳотлар ҳақида тезкор маълумотлар тақдим этувчи канал
Қонунчиликка таклифлар учун: @qonunchilikbot
Саволлар, ҳуқуқшунос маслаҳати учун: www.advice.uz
Kanal hududi va tili
O‘zbekiston, O‘zbek tili
Kategoriya
Siyosat


Muallifga yozish
Kanalning hududi
O‘zbekiston
Kanal tili
O‘zbek tili
Kategoriya
Siyosat
Indeksga qo‘shilgan
09.10.2017 20:42
19 Feb, 07:41 (99 kun oldin)
#Қонунчиликдаги_янгиликлар

Фуқаролар йиғинларига ижтимоий дастурлар асосида имтиёзли кредитлар ажратилади

“Ўзбекистон Республикаси Маҳалла ва оилани қўллаб-қувватлаш вазирлиги фаолиятини ташкил этиш тўғрисида”ги Президент қарори (ПҚ-4602-сон, 18.02.2020 й.) қабул қилинди.

Қарорга мувофиқ, тиббий ва транспорт хизмати кўрсатиш шароитларига кўра маҳалла ва оилани қўллаб-қувватлаш вазирининг биринчи ўринбосари – вазирга ҳамда вазирлик ҳудудий бўлинмалари бошлиқлари биринчи ўринбосарлари – вазирлик ҳудудий бўлинмалари бошлиқларига тенглаштирилади.

Ҳар бир маҳаллада тадбиркорлик субъектлари – юридик шахсларни фаол жалб қилиш ҳисобига фуқароларнинг ўзини ўзи бошқариш органи комплекси давлат-хусусий шериклик шартлари асосида қурилади.

Фуқаролар йиғинларига тадбиркорлик фаолиятини амалга ошириш учун ижтимоий дастурлар, шу жумладан “Ҳар бир оила – тадбиркор” дастури, “Ҳунармандчиликни ривожлантириш дастури”, “Yoshlar – kelajagimiz” дастури асосида имтиёзли кредитлар ажратилади.

Қарор билан, шунингдек, комплексларни қуриш учун давлат-хусусий шерикликнинг асосий шартлари белгиланди.

Комплексларни қуриш учун ер участкаларини танлаб олиш маҳаллий ижро этувчи ҳокимият органлари томонидан вазирлик билан келишилган ҳолда амалга оширилади.

2020 йил 1 июлга қадар Қорақалпоғистон Республикаси, вилоятлар ва Тошкент шаҳар, туман ва шаҳарлар марказларида “Маҳалла маркази” мажмуалари биноларини қуриш (реконструкция қилиш, таъмирлаш) ишлари якунланади.

Қарор билан Маҳалла ва оилани қўллаб-қувватлаш вазирлигининг ташкилий тузилмаси, 99 штат бирлигидан иборат марказий аппаратининг тузилмаси, шунингдек ҳудудий бошқарма ва бўлимларининг намунавий тузилмаси тасдиқланди.

Каналга уланиш👇👇👇
https://t.me/huquqiyaxborot