Aндижон вилояти Санитария эпидемиологик осойишталик ва жамоат саломатлиги қўмитаси|Расмий канали

🦠 Yuqumli kasalliklarning oldini olish – har birimizga muhim!
📍 Andijon viloyatida targ‘ibot ishlari davom etmoqda!
"Mustaqillik" MFYda Sanepidqo‘mita Andijon shahar xodimlari mahallabay ishlash reja asosida ish olib borib, aholi orasida yuqumli kasalliklarning oldini olish bo‘yicha tushuntirish ishlari o‘tkazdi.
🔍 Tadbirda nimalar muhokama qilindi?
✅ Gepatit turlari – qanday yuqadi va qanday himoyalanish kerak?
✅ Gripp va O‘RVI – mavsumiy kasalliklardan o‘zimizni qanday asrash mumkin?
✅ Quturish – hayvonlar orqali yuqadigan xavfli kasallik va uning oldini olish choralari.
✅ Botulizm – noto‘g‘ri saqlangan oziq-ovqatlar sabab yuzaga keladigan kasallik haqida muhim ma’lumotlar.
✅ Emlanish – vaksinatsiyaning ahamiyati va uni o‘z vaqtida olish zarurligi.
📢 Tadbir davomida mutaxassislar tomonidan aholiga maxsus eslatmalar tarqatildi va profilaktika bo‘yicha foydali maslahatlar berildi.
👨‍⚕️ Eslatma:
✅ Qo‘llarni tez-tez yuvish va shaxsiy gigiyenaga rioya qilish
✅ Yuqumli kasalliklarning dastlabki belgilarida shifokorga murojaat qilish
✅ Emlash tadbirlarida faol ishtirok etish – salomatlik kafolati!
📍 Sog‘lom hayot sari birgalikda qadam tashlaymiz!
#Profilaktika #SoglomHayot #Sanepidqomita

⚠️ QUTURISH – XAVFLI KASALLIK⚠️
📍 Ulug‘nor tumanida muhim seminar o‘tkazildi!
Sanitariya-epidemiologik osoyishtalik va jamoat salomatligi qo‘mitasi Andijon viloyat boshqarmasi Uug‘nor tumani, FVB, Veterinariya va Obodonlashtirish boshqarmasi xodimlari hamkorligida "QUTURISH – XAVFLI KASALLIK" mavzusida o‘quv-amaliy seminar tashkil etildi.
🔬 Nima uchun bu muhim?
Quturish – o‘limga olib keluvchi xavfli kasallik bo‘lib, u asosan hayvonlardan insonlarga yuqadi. Ushbu seminar davomida mutaxassislar kasallikning oldini olish choralari, ehtiyot bo‘lish lozim bo‘lgan vaziyatlar va tibbiy yordam haqida tushuntirish berdi.
📢 Seminarda nimalar muhokama qilindi?
✅ Quturish qanday yuqadi va uning asosiy belgilari
✅ Hayvonlar bilan ehtiyotkor bo‘lish qoidalari
✅ Vaksinatsiyaning ahamiyati
✅ Favqulodda vaziyatlarda qanday yo‘l tutish kerakligi
👨‍⚕️ Mutaxassislar tavsiyasi:
📌 Yovvoyi va uy hayvonlari bilan ehtiyotkor munosabatda bo‘ling!
📌 It va mushuklaringizni quturishga qarshi emlashni unutmang!
📌 Hayvon tishlashi yoki tirnashidan so‘ng darhol shifokorga murojaat qiling!
⚠️ Eslatma: Quturish kasalligidan faqat vaksina orqali himoyalanish mumkin! O‘z vaqtida chora ko‘rish hayotingizni saqlab qolishi mumkin!
📍 Salomatlik – o‘z qo‘limizda!
#QuturishgaYoq #Xavfsizlik #Profilaktika

🛡 OPV vaksinasi – bolajonlarimizni poliomielitdan himoya qiladi!
📢 Hurmatli ota-onalar! Farzandingizning sog‘lig‘i va kelajagi siz uchun muhim ekanini bilamiz. Shuning uchun OPV (Og‘zaki poliomielit vaksinasi) haqida sizga muhim ma’lumot beramiz!
👶 OPV nima?
OPV – bu poliomielitga qarshi og‘zaki tomchi shaklida beriladigan vaksina bo‘lib, u bolani umrboqiy falajlikdan himoya qiladi.
🔬 Nima uchun OPV kerak?
✅ Poliovirus havo-tomchi yo‘li va ifloslangan suv yoki oziq-ovqat orqali yuqishi mumkin.
✅ Kasallikdan faqat vaksina orqali himoyalanish mumkin.
✅ OPV tabiiy immunitetni shakllantirib, kasallik tarqalishini oldini oladi.
📅 Vaksina qachon qilinadi?
OPV milliy emlash kalendariga muvofiq 2, 3, va 4 oylikda, shuningdek, revaksinatsiya sifatida 16-18 oylikda va 6 yoshda beriladi.
🛑 OPV xavfsizmi?
Ha, OPV – bu dunyo bo‘ylab millionlab bolalarni falajdan saqlab qolgan ishonchli vaksina. U JSST tomonidan tavsiya etiladi va yurtimizda ham mutaxassislar tomonidan tasdiqlangan.
❗️ Farzandlaringiz sog‘lig‘i – sizning eng katta boyligingiz! Ularni poliomielitdan himoya qilish uchun belgilangan muddatda emlashni unutmang!
📍 Batafsil ma’lumot uchun mahalliy poliklinikalarga yoki Saepidqo‘mita rasmiy manbalariga murojaat qiling.
#VaksinaHimoya #OPV #PoliomielitgaYoq

⚠️ Bolalar o‘yinchoqlari: gigienik talablar va xavfsizlik qoidalari ⚠️

Farzandlarimizning sog‘lom o‘sishi va xavfsiz o‘yin o‘ynashi har bir ota-onaning eng katta orzusi. Ammo ba'zan, bolajonlarimiz qo‘liga tushayotgan o‘yinchoqlar ularning sog‘lig‘iga xavf tug‘dirishi mumkin. Shu sababli, O‘zbekistonda bolalar o‘yinchoqlari gigienik talablar asosida sinovdan o‘tkazilib, maxsus me’yorlarga muvofiqligi tekshiriladi.
✅ Bolalar o‘yinchoqlari uchun gigienik talablar
🔹 Tarkib xavfsiz bo‘lishi shart
O‘yinchoqlar tarkibida bolalar organizmiga zarar yetkazishi mumkin bo‘lgan zaharli kimyoviy moddalar (formaldehid, fenol, qo‘rg‘oshin, simob va boshqalar) bo‘lmasligi kerak.
🔹 Yoshga mos kelishi lozim
O‘yinchoq har bir yosh toifasi uchun xavfsiz bo‘lishi, o‘tkir qirralar yoki bo‘g‘ilish xavfini tug‘diruvchi kichik detallarni o‘z ichiga olmasligi kerak.
🔹 Hid va bo‘yoq sifatiga e’tibor bering
Sifatsiz bo‘yoqlardan foydalanilgan yoki keskin hid tarqatadigan o‘yinchoqlar bolalarda allergik reaksiyalar yoki intoksikatsiyani keltirib chiqarishi mumkin.
🔹 Mexanik mustahkamlik
O‘yinchoq sindirilganda, uning parchalari bolaga jarohat yetkazmasligi yoki uni yutib yuborish xavfini tug‘dirmasligi kerak.
🔹 Gigienik tekshiruvdan o‘tgan bo‘lishi kerak
Har qanday bolalar o‘yinchoqlari sanitariya-epidemiologik xulosa bilan tasdiqlangan bo‘lishi, belgilangan me’yorlarga mos kelishi lozim.
❗ Noto‘g‘ri tanlangan o‘yinchoqlar qanday xavf tug‘diradi?
⚠️ Allergiya va teri kasalliklari
⚠️ Nafas olish yo‘llariga zarar yetkazish
⚠️ Zaharlanish yoki intoksikatsiya
⚠️ Jismoniy jarohatlar
✨ O‘yinchoq tanlashda ota-onalarga maslahatlar
✔️ Sertifikatlangan va gigienik nazoratdan o‘tgan mahsulotlarni tanlang
✔️ Tabiiy, ekologik xavfsiz materiallardan yasalgan o‘yinchoqlarga ustunlik bering
✔️ Yaroqlilik muddatini va ishlab chiqaruvchi haqidagi ma’lumotni tekshiring
✔️ O‘yinchoq bolangiz yoshiga mos kelishiga e’tibor bering
❗️Sanepidqo‘mitasi Andijon viloyati noshqarmasi sifatli va xavfsiz mahsulotlar tanlanishini tavsiya etadi! Farzandlaringizning salomatligi biz uchun muhim!
#BolalarSalomatligi

Korrupsiya faktlari haqida xabar berish uchun bog‘lanish
DIQQAT! O‘zbekiston Respublikasi Sog‘liqni saqlash vazirligi huzuridagi
Sanitariya-epidemiologik osoyishtalik va jamoat salomatligi qo‘mitasining
Andijon viloyati boshqarmasi hamda tuman/shahar bo‘limlari
«ISHONCH TELEFONI»!

❗️❗️Agar, Sizga Andijon viloyati Sanitariya-epidemiologik osoyishtalik va jamoat salomatligi boshqarmasi hamda tuman/shahar bo‘limlari xodimlari tomonidan qonun buzilishiga doir holatlar yoki Andijon viloyati Sanitariya-epidemiologik osoyishtalik va jamoat salomatligi boshqarmasi hamda tuman/shahar bo‘limlari xodimlarining noqonuniy harakatlari ma’lum bo‘lsa boshqarmaning
(74) 227-60-19
«Ishonch telefoni»ga xabar berishingizni so‘raymiz!
🔰Jismoniy shaxslar va yuridik shaxslarning murojaatlarini "Ishonch telefonlari" orqali qabul qilish haftaning dam olish kunlari (shanba va yakshanba)dan tashqari soat 8:00 dan 17:00 gacha amalga oshiriladi.
Unda fuqarolar Andijon viloyati Sanitariya-epidemiologik osoyishtalik va jamoat salomatligi boshqarmasi hamda tuman/shahar bo‘limlari xodimlari tomonidan yo‘l qo‘yilayotgan korrupsiya va boshqa noqonuniy hatti-harakatlar, shuningdek sohaga doir sodir etilgan yoki etilayotgan jinoyatlar va boshqa huquqbuzarliklar haqida xabar berishlari mumkin.
📌Agar berilayotgan ma’lumotlar yuqorida sanab o‘tilgan holatlar bilan bog‘liq bo‘lmasa yoki sanitariya-epidemiologiya faoliyatiga daxldor bo‘lmasa, u holda ma’sul xodim tomonidan uning xabar yuzasidan qaerga murojaat qilish kerakligi bo‘yicha tushuntirishlar beriladi.
Murojaatlar anonimligi kafolatlanadi.
Qo‘ng‘iroq egasi tomonidan berilgan ma’lumotlar sir tutilishi kafolatlanadi.
Ishonch telefoni orqali kelib tushgan murojaat belgilangan tartibda ro‘yxatga olinadi va rahbariyatga kiritiladi hamda qonunchilikda belgilangan tartibda muddatida ko‘rib chiqiladi
Manzil: 170100, Andijon sh, Bobur shox ko’chasi, 5-uy.
Mo‘ljal: Navruz Mall ko’chasi boshida.
Telefon: (74) 227-60-19
🖥Veb sayt  http://andseom.uz
💻Telegram  https://t.me/httpsAndijon_viloyatiSEOvaJSX
🌐Facebook  https://www.facebook.com/61550990940451/
⌨️e-mail  andses@exat
Ishonch telefon Korrupsiyaga qarshi ichki nazorat tuzilmasi
(74) 227-60-19
(74) 227-60-45

O‘zbekiston Respublikasi Sog‘liqni saqlash vazirligi huzuridagi Sanitariya-
epidemiologik osoyishtalik va jamoat salomatligi qo‘mitasining Andijon viloyati
boshqarmasi hamda uning tuman/shahar bo‘limlarining ishonch telefon
raqamlari.

Hududiy bo’limlar  Telefon raqamlar

1.  Andijon viloyati boshqarmasi  (74) 227-60-19
2.  Andijon shahar bo‘limi  (74) 224-60-19
3.  Xonobod shahar bo‘limi  (95) 205-11-03
4.  Andijon tuman bo‘limi  (74) 222-48-42
5.  Asaka tuman bo‘limi  (74) 232-03-23
6.  Baliqchi tuman bo‘limi  (74) 322-10-25
7.  Bo’ston tuman bo‘limi  (74) 333-25-80
8.  Buloqboshi tuman bo‘limi  (55) 201-87-96
9.  Izboskan tuman bo‘limi  (74) 312-25-74
10.  Jalaquduq tuman bo‘limi  (74) 755-16-33
11.  Marxamat tuman bo‘limi  (74) 391-13-20
12.  Oltinko’l tuman bo‘limi  (74) 354-53-29
13.  Paxtaobod tuman bo‘limi  (74) 711-23-95
14.  Qo’rg’ontepa tuman bo‘limi  (74) 723-26-93
15.  Shaxrixon tuman bo‘limi  (74) 342-34-55
16.  Ulug’nor tuman bo‘limi  (74) 761-13-65
17.  Xo’jaobod tuman bo‘limi  (74) 741-16-10

Korrupsiyaga Qarshi Kurashish va Jamoat Nazorati Olib Borishda Yangi Chora-tadbirlar.

♻️Korrupsiyaga qarshi kurashish bugungi kunning dolzarb masalalaridan biri hisoblanadi. Oʻzbekiston Respublikasida davlat tashkilotlari va jamoatchilik tomonidan mazkur yoʻnalishda faol ishlar amalga oshirilmoqda. Sanepidqoʻmita Andijon viloyati boshqarmasi majlislar zalida boshqarma va hududiy boʻlimlar xodimlari ishtirokida seminar yigʻilish oʻtkazildi.
📌Ushbu seminarni boshqarma rahbari A. Ikromov hamda ijro intizom va murojaatlar bilan ishlash boʻlimi mutaxassisi N. Mirzayeva olib bordilar.
Asosiy eʼtibor shahar va tumanlarda faoliyat olib borayotgan mutaxassislarning imkoniyatlarini oshirish, korrupsiyaga qarshi kurash samaradorligini kuchaytirishga qaratildi.
📌Shuningdek, jismoniy va yuridik shaxslarning murojaatlarini samarali qabul qilish boʻyicha tadbirlar ishlab chiqilishi muhokama qilindi.
A.Ikromov rahbarligida mutaxassislarga zamonaviy kompyuter va internet tarmoqlari bilan taʼminlash masalalari koʻrib chiqildi. Bu orqali fuqarolar bilan samarali muloqotni yoʻlga qoʻyish va murojaatlarni tezkor koʻrib chiqish imkoniyatlari yaratilishi taʼkidlandi.
📌Qolaversa, N.Mirzayeva oʻz soʻzida sanitariya-epidemiologik osoyishtalik va jamoat salomatligi qoʻmitasi tomonidan korrupsiyaga qarshi amalga oshirilayotgan ishlarga alohida eʼtibor qaratdi. Bu doirada murojaatlarni roʻyxatga olish va ularning hal etilishini shaffof tarzda kuzatish mexanizmlari joriy etilishi muhim ahamiyatga ega ekani qayd etildi.