Jo'rabek Raximov - Xorazm viloyati hokimi

Байрамингиз муборак, азиз опа-сингиллар!

✅ Бугун вилоят мусиқали драма театрида баҳор ва яшариш, гўзаллик ва нафосат байрами – Халқаро хотин-қизлар кунига бағишланган тантанали тадбир ўтказилди. Байрам тадбирига вилоятимизнинг барча шаҳар ва туманларидан турли соҳаларда меҳнат қилиб, юқори натижаларга эришиб келаётган, ижтимоий ҳаётда фаол хотин-қизлар таклиф этилди.

✅ Вилоят ҳокими Жўрабек Рахимов  тадбир иштирокчиларини  8 март - Халқаро хотин-қизлар куни билан самимий қутлади.  Оила ва жамиятни мустаҳкамлаш, ёш авлодни ватанпарварлик руҳида тарбиялаш борасидаги муносиб хизматлари учун вилоятимиз аёлларининг  бир гуруҳига "Мўътабар аёл" кўкрак нишони ва  вилоят ҳокимининг Фахрий ёрлиғи ҳамда қимматбаҳо совғалари топширилди.  Вилоят санъат усталари ижросидаги байрам дастури тадбирга ўзгача файз бағишлади.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram| Youtube

✅ Бугун вилоят ҳокими Жўрабек Рахимовнинг ёшлар билан учрашуви ўтказилди. Очиқ ва самимий руҳда кечган мулоқотда вилоятимизнинг барча шаҳар ва туманларидан сектор раҳбарлари, ёшлар етакчилари, фаол ёшлар, шунингдек, хорижий давлатларда меҳнат миграцияси билан банд бўлган хоразмлик йигит-қизлар видеоалоқа орқали иштирок этдилар.

✅ Учрашувда вилоят ҳокими сўзга чиқиб, мамлакатимиз Президентининг жорий йил 14 февралда ёшлар билан ўтказган учрашувида билдирилган ташаббуслар, ёшлар тадбиркорлигини ривожлантириш ва бандлигини таъминлаш учун яратилаётган имкониятлар ҳақида тўхталди. Учрашувда ёшларнинг таълим олиш, замонавий касбларни эгаллаш, шахсий бизнесини йўлга қўйиш борасидаги инновацион ғоялари, таклиф ва ташаббуслари қўллаб-қувватланди.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram| Youtube