1-bob. Vaqti tayin qilinmagan fazilatli zikrlar
Alloh taolo Ankabut surasining 45-oyatida: «Aniqki, Allohni zikr qilish (barcha narsadan) ulug'roqdir», Baqara surasining 152-oyatida:
«Bas, Meni eslanglar, Men ham sizlarni eslayman», deydi. So'ngra Soffat surasining 143-oyatida:
«Endi agar u (ya'ni, Yunus alayhissalom Allohga doimo) tasbih aytuvchilardan bo'lmasa edi, albatta, u (baliq) qornida to qayta tiriladigan kungacha (ya'ni, qiyomatgacha) qolib ketgan (ya'ni, halok bo'lgan) bo'lur edi», deb xabar beradi. Anbiyo surasining 20-oyatida esa:
« Ular tun-u kun (Allohni) poklaydilar», deb aytadi.
1/1. Abu Hurayra (r.a.) rivoyat qiladilar: «Rasululloh sollallohu alayhi vasallam: «Ikki kalima borki, ular tilga yengil, tarozida og'ir va Rahmonga mahbubdir. Ular:
«Subhanallohi va bihamdihi, subhanallohil 'aziym», deb aytdilar». (Ma'nosi: Allohni hamd aytish va ulug'lash bilan poklayman.) Buxoriy va Muslim rivoyatlari
2/2. Abu Zarr (r.a.) rivoyat qiladilar: «Rasululloh menga: «Alloh taologa eng mahbub bo'lgan kalomni aytaymi? Alloh taolo uchun kalomlarning eng yaxshisi
«Subhanallohi va bihamdihi», deb aytishingdir», dedilar».
Al-Azkor. Al-Faqih an-Navaviy
Boshqa rivoyatda aytiladi: «Rasulullohdan: «Qaysi kalom afzal?» deb so'rashdi. U zot: «Alloh farishtalari yoki bandalari aytishini ixtiyor qilgan «Subhanallohi va bihamdihi», kalimasidir», dedilar», deyilgan. Imom Muslim rivoyatlari
Ziyouz.com kutubxonasidan
"al-Azkor" kitobi
@hikmastatus ✅✅✅ Bizga qo'shiling