IBRATLI HIDOYATLAR ☪️🕌 🕋

18 декабрь — Халқаро мигрантлар куни

МУСОФИРДА ЮРГАНЛАРГА САБР БЕРСИН

Уйғонасиз юртингизда дил хотиржам,
Имкон бўлса ҳар ким юртдан ризқин терсин.
Соғинчига топилмайди бирор малҳам,
Мусофирда юрганларга сабр берсин.

Бир куни тўқ, бир куни оч бўлиши бор.
Бирозгина тин олмоққа бўлади зор.
Ким тутади ич деб ёвғон, бўлса бемор.
Мусофирда юрганларга сабр берсин.

Хавотирда ўтказар ҳар лахзасини,
Унутишга мажбур баъзан лахжасини.
Кўзга суртар топган ҳар бир ақчасини.
Мусофирда юрганларга сабр берсин.

"Боргунимча онам омон" бўлсин дейди,
Олисларда отасининг ғамин ейди.
"Келинг" деса боласига нима дейди.
Мусофирда юрганларга сабр берсин.

Ҳаловатсиз узун тунда ўйлар сурар,
Оиласин, жигарларин қачон кўрар.
Дуосида ўз-ўзига сабр тилар.
Мусофирда юрганларга сабр берсин.

Ким қоралар, ким маъқуллар кетганини.
Ҳар ким ўзи билар, ўздан ўтганини.
Битта-битта йиғиб, ҳалол топганини.
Мусофирда юрганларга сабр берсин.

Соғинади ўз юртининг ҳавосини.
Тўйларини, карнай-сурнай садосини.
Бекитолмас ичдан тошган нидосини,
Мусофирда юрганларга сабр берсин.

Қўрқиб қарар уйдан бўлган қўнғироққа,
"Тинчмикин" деб, ўзин тутар шум сўроққа.
"Қайтар эдим туриб олсам сал оёққа".
Мусофирда юрганларга сабр берсин.

Кўрмаябди ўғилчасин ўқишларин,
Қизи дадам дея, шеърлар тўқишларин.
Тугатсайди, охири йўқ шу ишларин.
Мусофирда юрганларга сабр берсин.

Соғинчлардан ранг-у, рўйи бўлмай сомон,
Қўни-қўнжи тўлиб уйга қайтсин омон.
Асл бойлик оиладир, иссиқ макон.
Мусофирда юрганларга сабр берсин.

©️ Дилобар Уролова

Мусофирда юрганларни Аллоҳ паноҳида асрасин!

➖➖➖ 🇺🇿 ➖➖➖
👉 @HIDOYATLAR

Ҳаётнинг 14 ҳикмати

1. Инсон ҳаётидаги энг катта душмани – унинг ўзи.
2. Инсон ҳаётидаги энг катта ахмоқлик – ёлғон.
3. Ҳаётдаги энг катта мағлубият – манманлик.
4. Ҳаётдаги энг катта қайғу – ҳасад.
5. Энг катта ҳато – ўз-ўзингни йўқотиш.
6. Инсоннинг энг катта айби – яхшиликни билмаслик.
7. Энг катта афсус – ўз қадр-қимматингизни камситиш.
8. Тубанликдан юксалиш, таҳсинга лойиқ.
9. Энг катта бойлик – саломатлик ва ақл.
10. Энг катта жудолик – умидсизлик.
11. Энг катта қарз – самимий туйғулар.
12. Ҳаётда энг катта тухфа – олийжаноблик.
13. Ҳаётда энг катта камчилик – тушунмаслик.
14. Ҳаётда энг катта тасалли – савоб ишлар.

➖➖➖ 🇺🇿 ➖➖➖
👉 @HIDOYATLAR

Шайтоннинг қалбларга ташлайдиган сўзлари...

• Бир мартасида ҳеч нима қилмайди;
• Ҳали ёшсан, вақти келади.
• Аллоҳ кўнгил тозалигига қарайди.
• Замон сенга эмас, сен замонга мослашгин;
• Аллоҳ кечиради; ортиқча ўйлаб, бошингни қотирма;
• Жаҳаннамда бир муддат азоблангач, барибир жаннатга кирасан-ку!
• Кейин тавба қилиб оласан, кейин... Ҳозир фалон ишингни тугатиб ол...
• Ибодатни қариганда қиласан, ҳозир ёшсан ўйнаб ол.

➖➖➖ 🇺🇿 ➖➖➖
👉 @HIDOYATLAR

📖 ЁРДАМ

Ёши саксондан сакраб ўтган касалманд, қадди эгик қария бирор олижаноб йўловчининг ёрдами билан серқатнов кўчадан ўтиб олиш илинжида теваракка жонсарак кўз югуртиб турарди.
− Ассалому алайкум, амаки, − деб салом берди ногоҳ қаршисида пайдо бўлган ўспирин.
Қария ғоят ажабланганидан алик олишни ҳам унутиб болага тикилди.
«Амаки?!»
Ҳа, у беҳуда лол қолмади. Мана, салкам ўттиз йилдан бери қулоқлари «отахон», «бобожон» деган атамаларга кўниккан эди. Ўспириннинг кутилмаган мурожаатидан унинг эгик қадди бироз ростлангандай бўлди.
− «Амаки» дедингми? − қайта сўради қария.
− Ҳа, амакижон, − деди бола гўёки илтижоли тикилиб, − машиналар қатновидан қўрқаман, шундай касаллигим бор, илтимос, кўчани кесиб ўтишимга ёрдам беринг.
− Хўп, − деди қария ва шу баробарида кўзлари равшан тортиб, қўл-оёқлари тетиклашгандай бўлди.
Ўспирин қандайдир сирли кулимсираб чолни қўлтиқлаб олди.
«Шўрлик, − ўйлади қария серқатнов йўлни кесиб ўтишаркан, − шугина ёшидан ғалати касалга чалинибди-я?! Минг бор шукр, менда ундай кароҳат йўқ...»
Хаёллар оғушидаги отахон ўзи боланинг етагида юраётганини пайқамади... Айни пайтда унинг руҳи тетик, вужуди енгил, кўз олди ёруғ эди.


•┈┈┈┈•❈••✾••❈•┈┈┈┈•
Якинларингизга узатинг
https://t.me/+Sa5ZnaAqV3g5MWQy

Жоҳил кишининг олти белгиси

• Ҳеч бир сабабсиз ҳам жаҳл қилиб, ғазабланади;
• Ҳеч бир фойдасиз сўзларни гапиради;
• Сирни ошкор қилиб юборади;
• Ҳаммага ҳам ишониб кетаверади;
• Душман бўлган инсонни ҳам дўст тутиб олаверади.

➖➖➖ 🇺🇿 ➖➖➖
👉 @HIDOYATLAR

ХАТО билан ГУНОҲни адаштириб қўйманг.

Бировнинг қалбини оғритиш хато эмас — ОЗОР.

Бир инсон ҳақида аниқ билмай туриб, бошқаларга гапириш хато эмас — ҒИЙБАТ.

Бировнинг ҳаёти билан ўйнашиш хато эмас,
— НОМАРДЛИК.

Тинимсиз ёлғон гапириш хато эмас — ИШОНЧНИ СИНДИРИШ.

Ота-онага бақириш хато эмас — НОНКЎРЛИК.

Асл туйғулар устидан кулиш хато эмас — ТУБАНЛИК.

Кўнглимда биттаси, қўйнимда биттаси, дейишлик хато эмас — ХИЁНАТ.

Агар гуноҳлар ҳаётингизга таъсир қилмаётган бўлса, охиратингизга албатта таъсир қилади.

➖➖➖ 🇺🇿 ➖➖➖
👉 @HIDOYATLAR

Бир донишманд ўғлига бундай насиҳат қилибди:

• Азиз ўғлим!
• Қўлингга кирмаган ёки қўлингдан кетан нарса учун қайғурма.
• Ҳар ерда куракда турмайдиган беҳуда сўзлар сўзлаб юришдан йироқ бўл.
• Нокас, қурумсоқ кишидан қарздор бўлма. У билан асло муомала килма, кейин пушаймон қиласан.
• Шарм-ҳаёсиз ва бахил киши билан суҳбатдош бўлма, шундай ярамас одамлар билан қўшни бўлмасликка ҳаракат қил.
• Ўз кучинг орқасидан нон топиб егил, текинхўрликка ўрганма.
• Олийжаноб, мард одамлар билан суҳбатдош бўлсанг, яхшилик билан ном чиқарасан.
• Мақтанчоқ ва эзма одамлардан хазар кил!

➖➖➖ 🇺🇿 ➖➖➖
👉 @HIDOYATLAR

БОЛА ТАРБИЯСИ

• Қилган хатоларига қарши сабрли бўлинг;
• Ёмон сўзлар гапирса, кулманг;
• Уни айбламанг ва айбини ҳаммага айтманг;
• Ҳеч қачон ёлғон гапирманг;
• Қилган ишини мақтанг ва мукофотлантиринг;
• Кўп эркалатинг ва бағрингизга олинг;
• Яқин дўст каби суҳбатлашинг. Ёш бола деманг ва маслаҳатли гапларни ҳам гаплашинг;
• Сиздан қўрқмасин ва сизга ишонсин.

УНУТМАНГ, ҚУШ УЯСИДА КЎРГАНИНИ ҚИЛАДИ!

➖➖➖ 🇺🇿 ➖➖➖
👉 @HIDOYATLAR