#Mulohaza
Dunyoni HAYOSIZLIK balosidan nima qutqaradi?
Hukumatlarmi..?
Qarorlarmi..?
Qonunlarmi...?
—
YO‘Q...
Dunyoni hayosizlik balosidan
ERKAK HAYOSI qutqaradi.
Ochiq kiyingan, ochiq ishva qilayotgan Zulayhoga «Xarom» deya boqmagan Yusuflar qutqaradi...
Ertadan kechgacha yo‘lini poylagan go‘zal qizlarning yonidan yerga qarab, sassizgina o‘tib ketgan Mus’ablar qutqaradi...
Ayollar qatnashgan izdihomlarda poyafzalining uchidan boshqa yerga qaramagan Usmonlar qutqaradi...
Fahsh ildizlarini beomon qo‘porgan Umarlar qutqaradi...
Ammo, qani ular?!
O‘zining ahli ayolini nomus o‘rnida ko‘rib, boshqaning ahli ayolini ov o‘rnida ko‘radigan Abu Lahablar ko‘paydi bugun...
Zamonlar bo‘yi o‘z isbotini topib kelayotgan bir haqiqat bor: "Boshqaning nomusiga ko‘z tikguvchining o‘z nomusini asramoqqa imkoni bo‘lmas".
Imom Shofiy erkaklarga shunday o‘git berar ekanlar:
"O‘zlaringizni tiyinglar, shunda ayollaringiz ham harom narsalardan o‘zlarini tiyadilar".
Nomus va hayo faqat AYOLLARGA XOS deb hisoblashga ko‘nikib qolingani uchun ham bugun qancha benomus, qancha behayo erkak dunyoni bulg‘ab yubordi...
Me’roj kechasida hazrati Umarning Jannatdagi hovlisi va undagi hurlar namoyon bo‘lganida, - «Sening rashkingni bilganim uchun u tarafga qaramadim, ey Umar...», degan Rasululloh (s.a.v)ning ko‘chadagi qiz-ayollarga ko‘zini lo‘q qilib tikiladigan erkak ummatlari orasidamiz...
Vaholanki, Alloh taolo Qur’oni Karimda ogohlantirgan:
«Mo‘min erkaklarga ayting, ko‘zlarini haromdan saqlasinlar!"
(Nur surasi, 30-oyat).
Hazrat Ali (r.a) o‘z davrlarida erkaklarga takrorlar ekanlar:
"
Tasattur faqat ayollarga xos deb o‘ylamang. Erkakning tasatturi – uning ko‘zlaridadir."
Dilfuza Komil
😍😍🥰🥰Biz bilan birga bo'ling!
🕊
@hayollar_manzili🕊
📡Kanalga ulanish♻️
https://t.me/joinchat/RLTqWEFKNk1VyIgl