Ҳасан ибн Собит Жоме Масжиди

ИХЛОС НИМА?

Ихлос қалб ва жисм ҳаракатининг бир-бирига мос тушмоғидир. Бироқ, жисмингиз қалбингиздагига қарши бирор иш қилса, унда бу ихлос бўлмайди. Ва ихлос Aллоҳ субҳанаҳу ва Таоло Ўзи ва бандаси ўртасида сақлайдиган махсус нарсадир. Aллоҳ субҳанаҳу ва Таоло айтади: "Ихлос менгагина маълум бўлган сирлардан бирики, мен уни Ўзим яхши кўрган бандаларимнинг қалбига жойладим. Бирор бир фаришта йўқ, уни кўрадиган ва ёзиб оладиган. Ва на шайтон уни кўриб, йўлдан оздиролмайди.
Демак, ихлос банда ва унинг Робби ўртасида бўлар экан. Aзон чақирганда намозга шошасиз ва биринчи қаторда уни ўқийсиз. Бу ишларнинг барини адо этсангиз, одамлар орасида тақводор кўринишингиз мумкин. Aммо бу ҳолатда қалбингиздаги ихлос бўлмайди. Балки сиз уни одамлар сизни «тақводор» деб аташлари учун ва ёки уларни дунёвий ҳаракатларингизга ишонтириш учун бажараётган бўлишингиз мумкин.
Шу сабабли, жисмингиз бир тараф бўлади, қалбингиз эса бошқа бир тараф. Ва бу "риё" деб таърифланади. Шу аснода Aллоҳ субҳанаҳу ва таоло бир инсон яхши амалларни айтилиши(тилга олиниши) учун қилади, деб масал келтиради. Aллоҳ унга " Сен бу ишни айтилиши( тақводор, деб аташлари) учун қилдинг ва у айтилди", дейди. "О, у жуда тақводор ва жуда..." деб айтишади одамлар.
Демак, сиз ўша хатти-ҳаракатни фақатгина айтилиши(одамлар томонидан) учун бажарган бўлсангиз, - у айтилди. (Яъни , ўзингиз хоҳлаган нарсани олдингиз.) Бироқ, кимдир бирор ишни айтилиши учун эмас, балки чин кўнгилдан Aллоҳ йўлида қилса... Қишлоғимизда оёқ кийими йўқ, оми бир одам ўзи етиштирган ҳосилини тўплайди. 9 та идишни ўзи учун бир тарафга ва 1 та идишни эҳсон учун бир тарафга қўяди. Aёли эҳсон тарафда ўтиради ва қачонки, муҳтож одам келса, эҳсондан бир қисмини берар ва ундан" Отам учун дуо қилинг", "Онам учун Фотиҳа сурасини ўқинг" , "Холам учун Фотиҳа сурасини ўқинг" деб сўрарди. Эр эшитса, аёли ўзининг оиласини умуман тилга олмаяпти, на эрининг отасини, на онаси-ю холасини. У айтган барча инсонлар ўзининг қариндошлари. Шундан сўнг, жаҳли чиқади. Кейин ҳосилни терган эр аёли эҳсондан бераётган муҳтожга" Буни ол, бу экинлар кимникилигини Aллоҳ билади(улар хотинига тегишли эмас)", деб айтади. Мана шу Ихлос бўлади.
Aллоҳ амаллар чин юракдан бажариладими ёки фақат жисм биланми, барини билади.

Шайх Мутавалли Шаъровий
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

НИКОҲДАН КЕЙИН ЭР ВАФОТ ЭТГАН ҲОЛАТДА МАҲР, ИДДА ВА МЕРОС МАСАЛАЛАРИ
#маҳр #идда
#мерос

❓1563-CАВОЛ: Куёв тўй куни келиннинг уйидан никоҳланиб қайтаётганида автоҳалокатга учраб вафот этди. Келин бу ҳолатда қандай идда ўтиради. Маҳр ва мерос масалалари қандай бўлади?

💬 ЖАВОБ: Бисмиллаҳир Роҳманир Роҳим. Бу ҳолатда келин ўлим иддаси, яъни тўрт ойу ўн кун идда ўтиради. Ўлим иддасида яқинлик ёки хилвати саҳиҳанинг бўлган-бўлмаганининг аҳамияти йўқ.
Бу ҳолатда келин белгиланган маҳрни тўлиқ олади. Агар келин маҳр олишдан воз кечса, марҳум эр аёли олдидаги қарзидан қутилган бўлади.
Мерос ҳам шундай. Яъни келин эрига тегишли мол-мулкдан мерос олишга ҳақли бўлади. Бир муддат бирга яшаган ёки яшамаган бўлишининг аҳамияти йўқ. Шундай экан ушбу келин хоҳласа меросни талаб қилиши, хоҳласа ҳаққидан кечиши дуруст бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

Намозда саломдан аввал биргина дуо айтиш керакми?

❓Савол: Намознинг охирги қаъдасида саломдан аввал бир нечта дуо қилса бўладими ёки фақат биргина дуо билан кифояланиш керакми?

📥Жавоб: Бисмиллаҳир Роҳманир Роҳим. Намознинг охирги қаъдасида одатда одамлардан сўралмайдиган, Қуръони карим ва ҳадиси шарифларда келган дуоларни биттадан ортиқ ўқишнинг зиёни йўқ.
“Намозни охирги қаъдасида Қуръони карим лафзларига ва ҳадиси шарифларда келган дуоларга ўхшаган хоҳлаган нарсасини дуо қилиб сўрайди. Пайғамбаримиз алайҳис­саломнинг ушбу сўзлари бунга далолат қилади: «Набий алайҳиссалом Ибни Масъудга айтдилар: “Сўнгра ўзингизга энг гўзал ва ажойиб туюлган дуоларни ихтиёр қилинг”. Инсонларнинг сўзига ўхшаган лафзлар билан дуо қилмайди» (“Ал-Иноя шарҳул-Ҳидоя” китоби). Валлоҳу аълам.

“Фатволар тўплами”дан.
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

ЎША ЗИНОКОР ХОР БЎЛИБ ЎЛДИ

Танишларимдан бири айтиб қолди: «Мен авваллари жоҳил эдим. Ҳаром ишларга ўта муккамдан кетган эдим. Сўнгра бу ишларимдан Роббимга тавба қилдим ва қайтиб бу йўлга асло юрмадим. Аниқ ва равшан айтаманки, иффатли, сaмимий, муҳаббатли аёл билан бир соатлик ҳаёт бузуқ аёллар билан ўтказилган миллион соатдан афзалдир!»

Таржимон изоҳи:
Қайси инсон сасиб-қуртлаб ётган гўштни ея олади? Ўз никоҳидаги аёл туриб, зино қилаётганлар ҳолати айнан шунга ўхшайди. Кимлардандир қолиб кетган, туфли латтаси каби ҳамма артиб ташлаб кетадиган аёл қаёқда-ю, никоҳимиздаги покиза аёл қаёқда? Қайси кимса ўзининг аёли, синглиси, қизи ва набираси билан зино қилишларини истайди? Ҳеч ким! Сен зино қилиш истагида ёнаётган аёл ҳам кимнингдир аёли ёки қизи эканини унутма! Самура ибн Жундаб розияллоҳу анҳудан ривоят қилинади: «Расулуллоҳ соллаллоҳу алайҳи васаллам туш кўрдилар. У зотнинг олдиларига Жаброил ва Микоил алайҳиссаломлар келишди. Набий алайҳиссалом айтадилар: «Йўлга тушдик ва тандирга ўхшаган нарса олдига келдик. Ундан шовқин-сурон эшитилиб турарди. Қарасак, унинг ичида яланғоч эркак ва аёллар бор экан. Уларга тагларидан олов келиб тураркан. Олов келганда, қичқирар эдилар... Тандирга ўхшаган бино ичидаги яланғоч эркак-аёллар зинокор эркак-аёллардир» (Бухорий ривояти). Қасд қилаётган жойингни, ўзингга тайёрлаётган маконингни билиб олдингми? Бир инсонни танир эдим, эри бор аёлларни йўлдан уриши билан мақтаниб юрар эди. Бирдан касал бўлиб жуда тез муддатда ўлиб қолди...

Яна бир одам бор. Ҳаётининг мазмуни зино қилиш. Нима имкони бўлса зинога сарфлар эди. Икки қизи ҳам фаҳш кўчасига кириб, зино ботқоғига ботди... Ўзингнинг ҳалол никоҳингдаги покиза аёлинг, роҳатбахш фарзандларингга не етсин?! Шу ўринда халқимизда тарқалган ўта қабиҳ бир сўз ҳақида айтмоқчиман: «Бева аёлнинг жинсий ҳожатини чиқарсанг, савоб бўлади». Бу мутлақ ножоиз ва шариат хилофи бўлган, айтган инсон гуноҳкор бўладиган қабиҳ сўздир. Бева аёлга ёрдам қилиш ўрнига тўшакни кўзлайдиган кимсадан ҳам разилроқ одам борми? Ўша бева ўзингнинг аёлинг ёки қизинг бўлса рози бўлармидинг? Беваларга Аллоҳ ризоси учун самимий ёрдам бериш, мабодо жинсий эҳтиёжи бўлса никоҳ ила яшаш лозим. Мана шу шариатимиз ҳукмидир.

«Шайх Нобулсийдан қиссалар ва ҳиссалар» китобидан.
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

36. Ўзинг билмаган нарсага эргашма! Албатта, қулоқ, кўз ва дил-ана ўшалар, масъулдирлар.

Ислом ҳар бир нарсани илмий асосда олиб боришга даъват қилади. Билмаган нарсадан четда бўлишга чақиради.
«Ўзинг билмаган нарсага эргашма!»
Ҳар бир нарсани очиқ-ойдин ва аниқ билиб олгачгина унга ишониш ва у ҳақда ҳукм чиқариш керак. Гумон билан, бировнинг гапига ишониб, турли ноаниқ ишораларга суяниб ҳукм чиқариш мусулмонларга хос эмас. Билган нарсасини борича етказиш ҳам омонатдир. Қулоқ нима гапни эшитса, хиёнат қилмай, ўша гапни аниқ етказиш керак. Кўз бир нарсани кўрса, ўша кўриб-билган нарсага хиёнат қилмай, у ҳақда очиқ-ойдин маълумот бериши керак. Шунингдек, дил нимани идрок этса, ўша нарсани аниқлик билан етказмоғи зарур. Бу аъзоларнинг билган, идрок этган ҳар бир нарсаси илмий омонат саналади. Омонатга хиёнат қилмаслик катта масъулият ҳисобланади. Кўз ҳам, қулоқ ҳам, дил ҳам ҳар бир нарсадан масъулдир. Бу дунёда бўлмаса, у дунёда, албатта, масъулдир. Охиратдаги ана ўша масъулият, айниқса, мусулмонларни илмий омонатга ҳеч хиёнат қилмасликка ундаган. Улар доимо билгани ҳақида тўғри маълумотлар берганлар. Ушбу ояти каримага ўхшаш оятлар, Пайғамбаримиз соллаллоҳу алайҳи васалламнинг ҳадислари уларни доимо илмий омонатга хиёнат қилмай тўғри маълумотлар беришга чорлаб келган. Пайғамбаримиз соллаллоҳу алайҳи васаллам ўзларининг бир ҳадисларида: «Гумондан эҳтиёт бўлинглар, чунки гумон энг ёлғон сўздир», деганлар.
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi