Ҳақиқат онлайн – Haqiqat online

@haqiqatonline Yoqdi 0
Bu sizning kanalingizmi? Qo‘shimcha imkoniyatlardan foydalanish uchun egalikni tasdiqlang

Тошкент вилояти ҳокимлиги муассислигидаги "Тошкент ҳақиқати" газетасининг телеграм каналида:
🌀 хабар ва янгиликлар,
🌀қизиқарли маълумотлар,
🌀таҳлилга бой мақолалар бериб борилади.
Талаб, таклиф ҳамда мурожаатлар учун: @mobilmuxbir_bot
Kanal hududi va tili
O‘zbekiston, O‘zbek tili


Kanalning hududi
O‘zbekiston
Kanal tili
O‘zbek tili
Kategoriya
Yangiliklar va OAV
Indeksga qo‘shilgan
07.02.2019 13:47
18 Oct 2019, 10:24 (409 kun oldin)
​​Khan Academy Oʻzbek — биринчи онлайн таълим платформаси ишга туширилди

Бугун Тошкентдаги INHA университети конференциялар залида «Давлат тили тўғрисида»ги қонун қабул қилинган сана арафасида Khan Academy Oʻzbek — биринчи онлайн таълим платформасининг тантанали очилиш маросими бўлиб ўтди.

Тадбир давомида яратувчилар таълим тизимида янги саҳифалар очувчи ва таълимга янгича ёндашишга чорловчи мукаммал контентни намойиш қилишди. Очилиш маросими спикерлари тадбирга келган меҳмонларга платформа ҳақида намойишларни кўрсатишди ва жамоада қандай вазифаларни бажариши ва Khan Academy Oʻzbek режаларини амалга оширишда нима туртки бўлганлиги ҳақида сўзлаб беришди.

Khan Academy Oʻzbek — бу ўзбек тилидаги илк онлайн таълим мактаби. Унга 2006 йилда америкалик Салмон Хон томонидан асос солинган. Бепул мустақил таълим олиш бўйича дунёдаги энг катта платформалардан бири - Khan Academy - бир гуруҳ фидойи юртдошларимиз томонидан ўзбек тилига таржима қилинмоқда. Бу жуда катта фойдали, савобли ҳамда машаққатли иш.

Математика, физика, кимё, биология, иқтисодиёт, инглиз тили грамматикаси, тиббиёт, астрономия, молия, тарих каби фанлар бўйича 10 мингдан зиёд видеодарслар ва 100 мингдан ортиқ мавзулаштирилган интерактив машқларни жамлаган жуда катта қамровли платформа бўлиб, ҳар ким ўзи истаган тилда, қулай вақт ва жойда керакли фан бўйича билимларни олиши мумкин.

Khan Academy контенти бугунги кунда 36 та тилга таржима қилинган бўлиб, ундан 190 дан ортиқ давлатда 63 миллионга яқин одам фойдаланади. Энг аҳамиятлиси, платформадан фойдаланиш мутлақо бепул.

www.xanakademiyasi.uz орқали ёшларимиз онлайн видеодарсларни кўриб, ўз билимларини оширишлари мумкин.

Khan Academy ўзбекча платформасини ишга тушириш ва таржима қилиш учун шу кунга қадар дунёнинг турли нуқталаридан бўлган 800 га яқин донорлар ёрдамида жами 200 минг АҚШ доллари йиғилди.
👍 1
👎