Respublika "Hunarmand" uyushmasi rasmiy sahifasi

BUGUN TUGʻILGAN KUN

Bugun O‘zbekiston halq ustasi, Respublika “Hunarmand” uyushmasi Badiiy Kengashi raisi Sirojiddin Raxmutullayevni tavallud topgan kun.

Raxmatillayev Sirojiddin Rixsitillayevich 1953 yil 1 fevral kuni Toshkent viloyati Zangiota tumanida tug‘ilgan.

S. Raxmatillayev mohir yog‘och o‘ymakor ustasi sifatida tarixiy obidalarni qayta tiklash, milliy va zamonaviy inshootlarni qurishda samarali mehnati uchun 2003 yilda O‘zbekiston Respublikasi Faxriy yorlig‘i bilan taqdirlangan.

Mohir hunarmand jamoasi bilan Oliy Majlis binosi, “Qatag‘on qurbonlari xotirasi” muzeyi, “Temuriylar tarixi” davlat muzeyi, “Motamsaro Ona”, “Imom Al-Buxoriy”, “Bahovuddin Naqshbandiy” va “Hazrati Imom”majmualari, O‘zbekiston Oliy sudi binosi kabi o‘nlab inshootlarga o‘ymakorlik ayvonlari va o‘yma eshiklar tayyorlanishi hamda ularni sharqona, milliy uslubda bezalishiga munosib hissasini qo‘shgan.

2007 yilda Toshkent shahri Islom madaniyatining poytaxti deb e’lon qilingandan ruhlanib, “Hazrati Imom” majmuasida “Samolarga yuksalish” deb nomlangan 7 ta milliy o‘ymakor uslubdagi eshiklar to‘plamini yaratdi va xalqaro anjuman qatnashchilariningyuksak e’tirofi va tahsiniga sazavor bo‘ldi.

S. Rahmatillayev an’anaviy yog‘och o‘ymakorligi dovrug‘ini chet ellarga yoyishga hissa qo‘shgan hunarmandlardan. Qator halqaro ko‘rgazmalar ishtirokchisi,

S. Raxmatillayev o‘z mehnat faoliyati davomida 100 nafardan ortiq shogird tayyorlagan.

Hozirda ham “Ustoz-shogird” an’analarini davom ettirib, yoshlarga o‘z kasbining sinoatlarini o‘rgatmoqda.

Respublika "Hunarmand" uyushmasi jamoasi nomidan O‘zbekiston Respublikasi xalq ustasi Sirojiddin Raxmutullayevning muborak yoshga kirganligi munosabati bilan samimiy tabriklab, ustaga sihat-salomatlik, ishlariga rivoj, xonadoniga fayzu baraka tilaymiz.