Halovat.uz

ОНА ҚЎЛЛАРИ.

Она сизга нималар берганини,  нималар илинганини,  сизни қайси пайт кўпроқ ўйлаганию,  сизга қанча илҳақ бўлганини ҳаммасиниям сезмагансиз...
   
Овқатига қанча гўшт солганиниям ҳисобини олади,  болаларига сузиб,  ўзига етмай қолса "қорним тўқ эдия" дейди...

Оёғингиз ўсаётгани сари чамалайди,  чамаси келгач,  киймай олиб қўйган туфлисини ёнингизга қўяди...
   
Бўйингиз қанча ўсганиниям сиз сезмагансиз,  унинг кўзлари эса буниям ҳисобини олган...

Сочингиз "ойда қулоч,  кунда тутам" бўлганини ҳам,  қошингизга яқин келиб, туташганини ҳам у илғаган...
   
Кўз остингиз нега салқидию,  кипригингиз тўкилганини ҳам у пайқади.

Мактабдан қайтиб,  сумкани қанақа тўппиллатганингизни-да эътибордан қочирмайди сизнинг Онангиз...
   
Юзингиз нега қизарди-ю,  яшириб суртган қош қаламингиз сабабиниям,  ҳеч ким сезмаган шабода ҳисларниям Онангиз сезди аллақачонлар...
  
Балки орқасидаям кўзи борлиги ростдир,  балки ростдан ер остида илон қимирлашиниям сезар,  балки кўнгилларда кечганини чиндан  ўқий олар, қайдам...
   
Ухламай кўйлак тикибди, сезмадингиз:  у ўлчамингизни олмаганди, кийдингиз- лоппа лойиқ!
    
Шу нарсаларни сираям ўйламагансиз, мана энди шунча йил ўтиб, тунда уйқунгиз қочдию, ақл титиб титкилаб шу нарсаларни сизга эслатди...
    
Онангизни йўқотдингиз!

Ҳали совумаган кафтларга узоқ тикилиб қолдингиз, ажинларини харитадай ёдлаб олмоқчисиз, унутмаслик учун...
  
Кўргингиз келганда суратлар, тасвирлар биласиз,  сизнинг ҳоҳишингизни беролмайди...
    
Шунинг учун барини жонли эслаб қолишга тиришяпсиз!
   
Қаранг-а! 

Онангиз  Сизни беш қўлидай биларди, сиз эса хатто унинг қўлларини ҳам тириклигида яхшироқ томошо қилмаган экансиз...

Умму Зайнаб

ДЎСТЛАРИНГИЗГА ҲАМ УЛАШИНГ!!!
👇👇👇👇👇👇👇👇👇
@Halovatuz

БОЯЗИД БИСТОМИЙ ВА БИР ПИЁЛА СУВ

Ривоят килинишича, қишнинг қаҳратон совук кунларининг бирида кичкина Боязид онаси билан хуфтон намозини ўқиб, кейин она-бола дам олишга ётибдилар. Онаси ярим тунда қаттиқ сувсаб кетганидан уйғонибди ва ўғлига қараб: "Ўғлим, менга бир пиёла сув берасанми, чанқаб кетдим?" деди. Онасининг овозини эшитган Боязид ўрнидан сакраб туриб, сув идиши томон чопди. Қарасаки, идишда сув йўқ. Онасига юзланиб: "Ойижон, идишда сув йўқ экан, мен ҳозир уни тўлдириб келаман", деб ташқарига отилиб чикиб кетди. Ташқарида эса ҳамма ёқни қалин қор босган, совуқнинг қаттиқлигидан йўл музлаган. Сув оладиган қудуқни ҳам қалин муз коплаган. Бир амаллаб, қудуқнинг музини синдириб, идишини сувга тўлдирди ва тезда уйга қайтди. Уйга кириб, қараса онаси яна ухлаб қолибди. Онасининг ширин уйқусини бузишни ўзига раво кўрмади. Пиёлага сув қуйиб, онасининг бош томонида уни кутиб ўтирди. Ҳавонинг совуқлигидан хона ҳам совиб кетган эди. Бироздан кейин Боязид титрашни бошлади. Совук шунчалик каттиқ  эдики, Боязиднинг кичкина қўллари катта пиёланинг четига ёпишиб қоларди. Шундай бўлсада, пиёлани ерга қўйиб, иссиқ кўрпанинг ичига кириб, ётиб олмади. Онаси уйғониб: "Қани сув?" деб сўраб қолишидан, сувни тополмай хафа бўлишидан қўрқди. Боязид онасини шундай севардики, уни хафа қилиб қўймаслик учун ҳар қандай қийинчиликни кўтаришга тайёр эди. Қўлидаги пиёла билан онасининг бошида уйғонишни кутиб, бир неча соат ўтирди. Ниҳоят онаси: "Сув, сув!" деб яна овоз чиқарди. Боязид дарҳол сувни онасига узатиб: "Марҳамат онажон, мана сувингиз!" деди. Онаси уйқу алараш биринчи марта сув сўраганида сувнинг йўқлигини билмаган эди. Иккинчи уйғонганида сувни ичиб, ўғлига қараб: "Ўғлим, бир пасда олиб келдингми?" деб сўради. Боязид эса онасига табассум билан назар солиб, ёш болаларча оҳангда: "Ойижон, олдинроқ уйғонганингизда сув ичаман, деб айтдингиз. Қарасам идишда сув йўк экан, уни тўлдириб келиш учун ташқарига чиқиб кетдим. Қайтиб келсам яна ухлаб қолибсиз. Уйғотмадим, уйғонишингизни кутиб ўтирдим" деди. Бу гапларни эшитган онаизор, ўғлининг бундай садоқатидан севиниб, йиғлаб юборди. Шундай фарзандни эҳсон қилгани учун Аллоҳ таолога шукр келтириб: "Эй, бор Худоё! Мен ўғлимдан розиман, Сен ҳам рози бўлгин" деб ярим тунда дуо қилди. Онасининг дуоси шарофати билан Боязид Бистомий шариат ва тариқатда пешрав, авлиёликда юксак даражаларга эришди. Аллоҳнинг энг яхши кўрган дўстларидан бирига айланди. Ҳатто ундан: "Бу даражага қандай қилиб эришдингиз?" деб сўраганларида: "Онамнинг розилигини олиш билан!" деб жавоб берган экан.

ДЎСТЛАРИНГИЗГА ҲАМ УЛАШИНГ!!!
👇👇👇👇👇👇👇👇👇
@Halovatuz

Эй мусулмон биродарим, Рамазондан рўзаларимиз қабул бўлиб тақво ҳосил қилишимиз учун биз зийнатланишимиз лозим бўлган ахлоқлардан бири сидқ, яъни ростгўйлик ва самимийликдир.
Аллоҳ бизга содиқлар (ростгўйлар) билан бирга бўлишни буюриб, шундай марҳамат қилади: «Эй мўминлар, Аллоҳдан қўрқинг ва содиқлар билан бирга бўлинг!» (Тавба, 119).

⭕️Ростгўйлик сабабли қийинчиликка тушиб қоламан, деб ўйламанг. Зоҳирда шундай бўлиб кўринса ҳам, аслида сиз ростгўйлигингиз билан Аллоҳ субҳанаҳу ва таолонинг 
муҳаббатига эришасиз. Чунки У ростгўйларни яхши кўради.

Набий саллаллоҳу алайҳи ва саллам ростгўйликка буюриб, бундай деганлар: «Ростгўй бўлинглар.

⭕️Ростгўйлик яхшиликка, яхшилик эса жаннатга етаклайди.

⭕️Киши давомий  равишда рост сўзлар ва ростгўйликка интилар экан, Аллоҳнинг ҳузурида «сиддиқ» (ростгўй) деб ёзиб қўйилади.

⭕️Ёлғондан узоқ бўлинг.

⭕️Ёлғон ёмонликка, ёмонлик эса дўзахга етаклайди.

⭕️Киши давомий равишда ёлғон гапирар ва ёлғонни қасд қилар экан, Аллоҳнинг ҳузурида «каззоб» деб ёзиб қўйилади».

Ростгўйлик шиоримиз бўлсин.
Сўзимизда ҳам, ишларимизда ҳам, ниятларимизда ҳам содиқ бўлайлик.

Инсон тилида «астағфируллоҳ» деб, дили истиғфордан ғофил қолиши мумкин. Шунинг учун асосийси, қалбида гуноҳлардан мағфират тилаши керак.

🤩Аллоҳ таоло содиқларни яхши кўради:

🤩«Ростгўй эркаклар ва ростгўй аёллар учун Аллоҳ мағфират ва улуғ мукофот (яъни жаннат)ни ҳозирлади» (Аҳзоб, 35).

🤩Ростгўйлик пайғамбарлар шиори, анбиёлар йўлидир. Ростгўйлигингиз билан набийлар ва расулларнинг йўлида бўласиз.

Аллоҳ таоло ёрдам берсагина содиқлардан бўла оламиз. Шунинг учун дуо қилиб содиқ тил сўрашимиз зарур:
🌱АЛЛОҲИМ, мен Сендан ишда (динда) собитқадамликни, тўғри юришда азму қарорни, 🌱Сендан раҳматингга эришиш сабабларини, мағфиратингга лойиқ бўлишни сўрайман.🌱Сендан неъматингга шукр қилишни, ибодатингни гўзал қилишни сўрайман.🌱Сендан соғлом қалб ва тўғри гапирувчи  тилни сўрайман. 🌱Сендан Ўзинг биладиган нарсаларни яхшилигини сўрайман.🌱 Сендан Ўзинг биладиган нарсаларни ёмонлигидан паноҳ сўрайман.
🌱Сендан Ўзинг биладиган нарсалардан кечирим сўрайман, Албатта Сен ғайбларни ўта яхши билувчидирсан..

🍃اللَّهُمَّ إِنِّي أَسْأَلُكَ الثَّبَاتَ فِي الْأَمْرِ،
🍃وَالْعَزِيمَةَ عَلَى الرُّشْدِ،
🍃 وَأَسْأَلُكَ مُوجِبَاتِ رَحْمَتِكَ،
🍃 وَعَزَائِمَ مَغْفِرَتِكَ،
🍃وَأَسْأَلُكَ شُكْرَ نِعْمَتِكَ،
🍃 وَحُسْنَ عِبَادَتِكَ،
🍃 وَأَسْأَلُكَ قَلْبَاً سَلِيمَاً،
🍃وَلِسَانَاً صَادِقَاً،
🍃 وَأَسْأَلُكَ مِنْ خَيْرِ مَا تَعْلَمُ،
🍃 وَأَعُوذُ بِكَ مِنْ شَرِّ مَا تَعْلَمُ،
🍃 وَأَسْتَغْفِرُكَ لِمَا تَعْلَمُ،
🌸 إِنَّكَ أنْتَ عَلاَّمُ الْغُيُوبِ
Ўқилиши:
Аллоҳумма инни ас'алукассабаата фил амр. Вал аъзиимата аъларрушд. Ва ас'алука муъжибаати роҳматик. Ва аъзааима мағфиротик. Ва ас'алука шукро ниъматик. Ва ҳусна иъбаадатик. Ва ас'алука қолбан салиимаа. Ва лисаанан соодиқоо. Ва ас'алука мин хойри маа таълам. Ва аъузу бика мин шарри маа таълам. Ва астағфирука лимаа таълам. Иннака анта аъллаамул ғуюб.

Аллоҳ барчамизни содиқлардан қилсин, яхшиликка ҳидоят қилсин ва кенг жаннатларга ворис қилсин! Омин.


Каналга уланиш учун
👇👇👇👇👇👇👇👇
@Halovatuz

САҲАРЛИК ВАҚТИ:

🗓 03-март, Душанба
🌙 Рамазон ойининг 3-куни
⏰ Саҳарлик (оғиз ёпиш) 05:27

🌎 Наманган вақти билан!

РЎЗА ТУТИШ (ОҒИЗ ЁПИШ) ДУОСИ:

نَوَيْتُ أَنْ أَصُومَ صَوْمَ شَهْرَ رَمَضَانَ مِنَ الْفَجْرِ إِلَى الْمَغْرِبِ، خَالِصًا لِلهِ تَعَالَى أَللهُ أَكْبَرُ

НАВАЙТУ АН АСУМА СОВМА ШАҲРИ РAМАЗОНА МИНАЛ ФАЖРИ ИЛАЛ МАҒРИБИ, ХОЛИСАН ЛИЛЛАҲИ ТАЪАЛА. АЛЛОҲУ АКБАР.

Маъноси:  Рамазон ойининг рўзасини субҳдан то кун ботгунча тутмоқни ният қилдим. Холис Аллоҳ учун. Аллоҳ Буюкдир.

#ИЗОХ: БОМДОД АЗОНИ 05:27
БОМДОД АЗОНИДАН 5-10 ДАҚИҚА ОЛДИН ОҒИЗ ЁПИШ ТАВСИЯ ЭТИЛАДИ!!!


Каналга уланиш учун
👇👇👇👇👇👇👇👇
@Halovatuz

САҲАРЛИК ВАҚТИ:

🗓 02-март, Якшанба
🌙 Рамазон ойининг 2-куни
⏰ Саҳарлик (оғиз ёпиш) 05:28

🌎 Наманган вақти билан!

РЎЗА ТУТИШ (ОҒИЗ ЁПИШ) ДУОСИ:

نَوَيْتُ أَنْ أَصُومَ صَوْمَ شَهْرَ رَمَضَانَ مِنَ الْفَجْرِ إِلَى الْمَغْرِبِ، خَالِصًا لِلهِ تَعَالَى أَللهُ أَكْبَرُ

НАВАЙТУ АН АСУМА СОВМА ШАҲРИ РОМАЗОНА МИНАЛ ФАЖРИ ИЛАЛ МАҒРИБИ, ХОЛИСАН ЛИЛЛАҲИ ТАЪАЛА. АЛЛОҲУ АКБАР.

Маъноси:  Рамазон ойининг рўзасини субҳдан то кун ботгунча тутмоқни ният қилдим. Холис Аллоҳ учун. Аллоҳ Буюкдир.

#ИЗОХ: БОМДОД АЗОНИ 05:28
БОМДОД АЗОНИДАН 5-10 ДАҚИҚА ОЛДИН ОҒИЗ ЁПИШ ТАВСИЯ ЭТИЛАДИ!!!

Каналга уланиш учун
👇👇👇👇👇👇👇👇
@Halovatuz

#Ифторлик_вақти

🗓 1-Рамазон, 1-март

⏰ Ифторлик вақти 18:07

🤲 Ифторлик дуоси:

اَللَّهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَّلْتُ وَ عَلَى رِزْقِكَ أَفْطَرْتُ، فَاغْفِرْلِى مَا قَدَّمْتُ وَ مَا أَخَّرْتُ بِرَحْمَتِكَ يَا أَرْحَمَ الرَّاحِمِينَ

Аллоҳумма лака сумту ва бика аманту ва аъалайка таваккалту ва ъала ризқика афторту, фағфирли, йаа Ғоффару, ма қоддамту вамаа аххорту.

👇👇👇👇👇👇👇👇👇
@Halovatuz

🌙 РЎЗАНИНГ 8 ҲИКМАТИ

1. Ихлос ва тақво

Рўза – Аллоҳ учун қилинган ибодатдир. Унда риё ва намойишкорлик бўлмайди, чунки рўза тутган одамни фақат Аллоҳ билади. Қуръонда бундай дейилган: “Эй иймон келтирганлар! Сиздан олдингиларга фарз қилинганидек, сизга ҳам рўза фарз қилинди. Шоядки, тақволи бўлсангиз!” (Бақара, 183).

2. Сабр ва ирода кучини мустаҳкамлаш

Рўза инсонни нафсига қарши мустаҳкам қилиб, унинг иродасини кучайтиради. Очлик ва чанқоққа сабр қилиш орқали киши ҳаётдаги бошқа синовларга ҳам чидамли бўлади.

3. Шукр ва қадриятни англаш

Инсон одатда неъматларнинг қадрини уни йўқотганда билади. Рўза тутиш орқали киши таом, сув ва бошқа неъматларнинг аҳамиятини ҳис қилади ва Аллоҳга шукр қилишни ўрганади.

4. Ҳақиқий бойлик тақвода эканини тушуниш

Рўза тутган одам, хоҳ у бой ёки камбағал бўлсин, бир хил аҳволга тушади. Бу эса инсонга моддий бойликдан кўра маънавий бойлик муҳимроқ эканини кўрсатади.

5. Соғлиқ ва тиббий фойдалари

Рўза организмни тозалайди, ҳазм тизимини дам олдириб, турли касалликлардан ҳимоя қилади. Илмий тадқиқотлар рўзанинг токсинларни йўқотишга ва метаболизмни яхшилашга ёрдам беришини кўрсатган.

6. Рўза ва ижтимоий бирдамлик

Камбағаллар ва муҳтожларнинг аҳволини ҳис қилиш орқали инсонда меҳр-оқибат, хайрия ва закот бериш ҳисси уйғонади. Бу жамиятда ҳамдардлик ва бирдамликни мустаҳкамлайди.

7. Дуоларнинг қабул бўлиши

Рўзадорнинг дуоси рад этилмайди, чунки у Аллоҳ учун сабр қилиб, унинг розилигини истаган ҳолда ибодат қилади. Расулуллоҳ соллаллоҳу алайҳи васаллам: “Учта одамнинг дуоси рад этилмайди: рўзадорнинг ифтор вақтидаги дуоси, одил подшоҳнинг дуоси ва мазлумнинг дуоси” (Имом Термизий ривояти).

8. Руҳий покланиш

Рўза нафақат жисмоний, балки руҳий покланишдир. У инсонни гуноҳлардан тийишга, яхши хулқ-атворга, гуноҳ ва ёмонликлардан узоқлашишга ўргатади.

Рўза инсон ҳаётининг барча жабҳаларига ижобий таъсир кўрсатувчи улкан ибодатдир. У нафақат савобли амал, балки инсонни маънавий ва жисмоний жиҳатдан юксалтирувчи буюк ҳикматдир.

🤲 Аллоҳ барчамизга рўзанинг ҳақиқий ҳикматларини англаб, уни чуқур ҳис қилишни насиб этсин!

Ҳомиджон қори ИШМАТБЕКОВ

Каналга уланиш учун
👇👇👇👇👇👇👇👇
@Halovatuz

💐РАМАЗОН  ТИЛАГИ 💐💐

    💐💐Я  Роббим💐💐

Кириб келган Рамазон Ойимизда сизларни чин дилимдан дуолар қилгим келди. Яхши тилакларимни тилагим келди.

АЛЛОҲИМ  тутган рўзаларингиз ибодатларингизни бериё қабул қилсин илохим. Тутган рўзаларингиз қадамларингизни Жаннатнинг Район эшиги томон элитсин.
ИН ША АЛЛОҲ.

Хонадонингизга тинчлик хотиржамлик тан сихатлик хайр ва барокотини ёғдирсин.
Ишларизга ривож барокот ва рахматларини сочиб
Нимаики ўйлаган яхши ниятларингиз бўлса Роббим руёбини берсин.

Рамазон ойи давомида билиб билмай гапирган гапларимизни нотўғри айтиб қўйган муборак каломларимизни ўзи кечирсин. Хақир санаган кичик гунохларимизни Саттор номи билан яширсин.
Умрингизни зиёда қилиб яхшиликлар устида бардавом қилсин илохим доим тинч бўлинг, соғ ва саломат бўлинг.

Я РОББИМ.!
У дунёю бу дунёнинг Молики ўзингсан.

Бу дунё лаззатларига берилиб колишдан ва дунёни дўст тутиб дил хасталигига йўлиқишимиздан ўзинг сақлагин ва охират ишқини кўнглимизга солгин  .
ЎЗИНГ кечиргувчисан.
Кечиришни яхши кўрасан
Я РОББИМ. !

Бандаларингга келган ва келаётган бало ва офатларни ЎЗ фазлинг ва қудратинг билан қайтаргин.

Расули Акрам салаллоҳу алайҳи васаллам сифатларига бағишланган хар бир сўзни гавхардек тизиб. Дилларимизга жо айлаб, қалбларимиз зангини кетгазгин.
Дилларимизни мукаммал иймон нурлари билан тўлдиргин.

ПАЙҒАМБАРИМИЗ салаллоҳу алайҳи васалламга ва ахли хонадонлари ва сахобайи киромларга саломларимиз ва саловотларимиз бўлсин.
Жами ўтган мўмин мусулмонларни ва улар қатори ўтган аждодларимизни коронғу қабрларини Рахмат нурларинг билан тўлдиргин.

Ўт балосидан, сув балосидан, қуруқ тухматдан, фалокатдан, фарзандларимиз доғидан, қабр азобидан, Жаханнам кабридан, дўзох ўтидан ўзинг нажот бергин 
Я РОББИМ.

Ким нима ният қилган бўлса албатта ниятига етказгин.
Дардманга шифойи комиллик ато қил.
Мушкули борларга, мушкулларини онсон қил.
Бефарзандга фарзанд ато қилгин. Диллари нотинчларга Тинчлик осойишталик. Қалб сокинлигини ато қилгин.
Ёмон кўзлардан, ёмон сўзлардан, шайтон васвасасидан ЎЗИНГ асра.
Нафс балосидан ЎЗИНГ асра.

Жаннатингни Олий Мақом Фирдавсларида Расули Акрам салаллоху алайҳи васаллам равзалари билан қўшни қилиб ва СЕНИНГ учун яхши кўрган инсонларимиз билан бирга Олиймақом Жаннатингда хам сухбатдош қилгин АЛЛОҲИМ.

Мусофир юртларда юрганларни ўзинг панохингда сақлаб, ЎЗИНГДАН ўзгасига мухтож қилмагин.

Я РОББИМ то давру Киёматгача ахли авлодимизга сўзда субутлик, динга ихлос,
Қуръонга мухаббат, ўнг қўлдан бериладиган номаъи аъмол,
қабул бўладиган ибодат насиб айлагин.

Занглаган ва қорайган қалбларимизга хушу, хидоят ва мунавварлик ато қилгин.
АЛЛОҲУМА МАҒФИРЛИ!
АЛЛОҲУМА МАҒФИРЛИ!
АЛЛОҲУМА МАҒФИРЛИ!
АМИН АЛЛОҲУ АКБАР!

Келаётган Рамазон Ойи Муборак бўлсин.

Унутманг Азизларим Йўлимиз бир... Келаси Йиллари Мохи Шариф Рамазонларга  биргаликда етиб  юришлигимизни Яратгандан сўраб қоламан!

Амин Амин...🤲🏻🌹ИншаАллоҳ

Каналга уланиш учун
👇👇👇👇👇👇👇👇
@Halovatuz

🌙 РАМАЗОН ОЙИ МУБОРАК БЎЛСИН!

🤲Аллоҳ таоло ушбу ойни барчамиз учун хайр-баракотли қилсин, бу ойда ҳаммамизни ‎ибодатда, зуҳду тақвода, тавбаю истиғфорда, зикру тасбеҳда бардавом айласин.

Муборак Рамазон ойини мўмин ‎бандалари учун бу дунёда қилинган барча гуноҳ ва хатоларига қалқон қилган, рўзани ‎Исломнинг фарз ибодатлари қаторига қўшган Аллоҳ таоло шу ойнинг ҳурматидан гуноҳларимизни мағфират ‎қилсин.

🌙✨🌟🌙✨🌟🌙✨🌟🌙✨🌟🌙

Яқинларингизга ҳам улашинг
👇👇👇👇👇👇👇👇
@Halovatuz

ЖАННАТ КИМЛАРГА ВОЖИБ БЎЛАДИ?

Абу Саид розияллоҳу анҳу шундай ривоят қилади: Ҳазрат Пайғамбаримиз соллаллоҳу алайҳи васаллам шундай марҳамат қиладилар: "Ким Рабби сифатида Аллоҳни, дини дея Исломни, Расули дея ҳазрат Муҳаммад соллаллоҳу алайҳи васалламни танладим (ва улардан мамнун бўлдим)”, деса, жаннат унга вожиб бўлади" (Абу Довуд ривояти). Уқба ибн Амир розияллоҳу анҳу шундай ривоят қилади: Зиммамизга туяларни ўтлатиш вазифаси юклатилган эди. Буни навбати билан бажарар эдик. Бир куни туяларни ўтлатиш навбати менга келди. Пешиндан кейин туяларни ўтлатишга мен олиб кетишим керак эди. Туяларни ўтлатиб қайтаётганимда Расулуллоҳ соллаллоҳу алайҳи васалламни учратиб қолдим. Ул зот одамларга қараб хитоб қилаётган эдилар. Муборак сўзларидан шуларни эшитиб қолдим:
- Чиройли таҳорат олиб, кейин икки ракат намоз ўқиган ва намозга бутун руҳи ва ўзлиги билан юзланган ҳеч кимса йўқки, ўзига жаннат вожиб бўлмасин! (Бу сўзларни эшитганда ўзимни тута олмай:) "Қанчалар ажойиб сўзлар!" дедим. (Бу гапимни эшитган) ёнимда турган бир одам:
- Сал аввалроқ келганингда эди, бундан ҳам гўзал сўзларни эшитар эдинг! - деди. Ким экан дея ўгирилиб қарасам, у ҳазрат Умар ибн Хаттоб экан. У сўзида давом этиб: - Сени кўрдим, яқиндагина келдинг. Сен келмасингдан олдин ҳазрат Набий соллаллоҳу алайҳи васаллам: "Сиздан ким таҳоратини олиб, буни чиройли тарзда адо этса, сўнг: “Ашҳаду анла илаҳа иллаллоҳ ва ашҳаду анна Муҳаммадан абдуҳу ва Расулуҳу". (Маъноси: "Шаҳодат келтираманки, Аллоҳдан бошқа илоҳ йўқдир ва яна шаҳодат келтираманки, Муҳаммад Аллоҳнинг қули ва Расулидир”)”, деса ўзига жаннатнинг саккизта эшиги баравар очилади. У қайси биридан киришни истаса, шу эшикдан жаннатга киради", дея марҳамат қилдилар, - деди.

«Расулуллоҳ билан бир соат суҳбат» китобидан.

ДЎСТЛАРИНГИЗГА ҲАМ УЛАШИНГ!!!
👇👇👇👇👇👇👇👇👇
@Halovatuz