Halima Ahmedova

MENING SAVOLLARIM

- Dada, ko'zingizda qotgan nima u?
- Umrimga sig'magan bir tutam orzu.

- Dadajon, nima u dunyoda boqiy?
- Hijrondan oqargan sochlarning oqi.

- Nega hayqirmaysiz bahorga boqib?
- Axir gullar ketar kunlarga oqib.

- Nega g'iybatlarni siz yengasiz jim?
- G'olibdir tilini yenga olsa kim.

- Sizni to'lg'ontirar nimaning jabri?
- Qishloq chetidagi onamning qabri...

- Dada, ko'ksingizda ne dard yashirin?
- Ko'zlar yeb bormoqda meni kun sayin.

- Dadajon, nima u tasavvurda baxt?
- Azoblari gulga aylangan daraxt!

- Ko'ksingizda borga o'xshaydi bir o'q?
- Bu sirni hech kimga aytolmayman, yo'q!...

- Qachon yengolmaysiz ko'zdagi yoshni?
- Bulutlar ustidan kulsa quyoshni .

- Qachon quvonchniki bo'lasiz butun?
- Qishloqqa sen shoir bo'lib qaytgan kun...

@halima_ahmad

376 0 9 12

Halima Ahmedova

11 Jan, 21:52

Сувлар маъюс тортди,
Сўлган ялпизнинг
Хотирасин олиб кетди олисга.
Сувлардан ажралиб қолган соғинчни
Юпатиб тўлдирдим ям-яшил ҳисга.
Аммо вужудимнинг томирларида
Эмаклаб чарчади бетаскин ҳаёт
Овоз бер, қайдасан, қўлларингни чўз,
Ўзимни қайтадан айлайин бунёд.
Бемажол қоқсуяк бармоқларимда
Адашиб кетади кунлар саноғи.
Ўчиришга шайдир қайсар шамоллар
Қорачиғимдаги илинж чироғин…
Сен борсан, дарахтлар орзусидай пок,
Ҳар бир ҳужайрамда жимирлар само.
Сен борсан,
Дарёни ҳўплаган булутлар билан
Ёдимга шудрингдай тушасан гўё.
Ёмғир товушида сенинг қадаминг
Юрагим зарбига кетар қовушиб.
Ўзимни ўзимга таништириб қўй,
Хазонлар ичида кетмай адашиб…
Сен борсан…
✍Ҳалима Аҳмедова

@halima_ahmad

228 0 3 15

Halima Ahmedova

26 Dec 2024, 21:44

NASRULLO dan repost

01:41

Video oldindan ko‘rish uchun mavjud emas

Telegram'da ko‘rish

#танлов #шеър_ва_тасвир

3-иштирокчи Маҳфуза Мезон

ҲАЛИМА АҲМЕДОВАГА

✍ Насрулло Эргаш шеъри
🎤 Маҳфуза Мезон ижроси
🎹 Чолиқуши мусиқаси

2024.25.12

👉 @xayol_soyasi

358 0 1 3

Halima Ahmedova

26 Dec 2024, 13:22

Ҳалима Аҳмедованинг шеърлари юракнинг илғанмаган қаърларидан чиқаётгандай таассурот қолдиради. Бу теран садолар ортида яна аллақандай садолар бордай, улардан ҳам чуқурроқда яна ўзга сирли садолар... Садо ортидан садо келади бу жигархун шеърларни ўқиганда.

Уларда қувончлардан кўра мунг кўпроқ, мунг шиддатлироқ. Мен мунг қатъиятга айлана бораётганини аллақандай ҳис қилиб, сезиб тураман. Эҳтимол, кўп нарсаларни йўқотган ва ташқарида ҳам жуда кўп нарсалар йўқолиб бораётганлигини англаган, туйган одам шундай сўзлайди, шундай шеър айтади.

Булар – айтмасликнинг сира иложи қолмаган сўзлар. Лекин булар – ваъдалар эмас. Булар – баайни ўтиб бораётган, ўпирилиб бораётган, онтарилиб бораётган реалликлардир. Шу бизнинг жуда сероғриқ дунёмизнинг реалликлари.

Ўткир қиличнинг дами кўринмайди. У кесиб кетгандагина билинади. Садпора деган сўз бор. Ҳалиманинг шеърларини ўқиганда, кўнгил шу ҳолатга тушади, қиличнинг кўз илғамас дамига баногоҳ, ихтиёрсиз дуч келгандай туюлади кишига.

Иброҳим ҒАФУРОВ
"Ёшлик" журнали, 1988/11

330 0 1 9

Halima Ahmedova

26 Dec 2024, 13:16

* * *

Oy o'g'irlab ketsa bir kuni,
Mani g'amgin nurlar yurtiga.
Yuragimni yashirgin, ona,
Botayotgan quyosh ortiga.
Yalpizlarning diliga cho'kkan
Bolaligim ko'zlarini top.
Aldab, yupat, meni eslab gar,
Kelsa bedil xotirkash azob.
Ishqning mangu darvozasiga
Ro'molimni osib qo'y, ona.
Man malaklar bazmidan u kun,
Termulgayman ishqli devona.
Shamolga ayt, keltirsin xabar,
Unga manim ismimni boyla.
Man tushiga kiray dunyoni
Onajon, sen alla ayt, alla.
Oy o'g'irlab ketsa bir kuni
Mani g'amgin nurlar yurtiga.
Yuragimni yashirgin, ona,
Botayotgan quyosh ortiga.

✍️ Halima Ahmedova
@halima_ahmad

236 0 2 6

Halima Ahmedova

24 Dec 2024, 08:23

2_5424844235184560515(2).mp3

01:32

Ketsam.....

🎙Azizabegim

📝Halima Ahmedova

🍃🌸
@halima_ahmad

252 0 0 7

Halima Ahmedova

23 Dec 2024, 17:54

O‘zbekiston Yozuvchilar uyushmasi dan repost

02:52

Video oldindan ko‘rish uchun mavjud emas

Telegram'da ko‘rish

"Shoirlarning avtobiografiyasi bir xil bo‘ladi"
Halima Ahmedova
To‘liq video

"Qaqnus"

292 0 2 4

Halima Ahmedova

23 Dec 2024, 17:54

O‘zbekiston Yozuvchilar uyushmasi dan repost

04:37

Video oldindan ko‘rish uchun mavjud emas

Telegram'da ko‘rish

"Kitob ko'rmagan odamning qalbi toshga aylanarkan..."

Halima Ahmedova

📺 "Olamning qalbi"

👉 @mm_telekanal

279 0 2 6

Halima Ahmedova

23 Dec 2024, 17:54

O‘zbekiston Yozuvchilar uyushmasi dan repost

04:04

Video oldindan ko‘rish uchun mavjud emas

Telegram'da ko‘rish

"Bizning hayotga bo'lgan qarashimizni o'zgartirib yuborgani uchun ham kitobdan minnatdor bo'lishimiz kerak..."

Halima Ahmedova

"Olamning qalbi"

247 0 1 5

Halima Ahmedova

23 Dec 2024, 17:53

O‘zbekiston Yozuvchilar uyushmasi dan repost

Yangi kitob

SHUDRINGLI PARCHALAR

Taniqli shoira Halima Ahmedovaning sheʼrga sig‘magan tuyg‘ulari, xotiralari, xulosayu o‘ylari ushbu kitobda jamlangan esse, maqola, hikoya va novellalardan qo‘nim topgan. Shoiraning dramaturg, ssenariynavis sifatidagi ijodi bilan ham shu to‘plam orqali tanishishingiz mumkin.
Sheʼr shakliga kirmagan va janri esse yoki novella, hikoya yoki maqola deb belgilangan ushbu “sheʼr”lar Siz, aziz o‘quvchilarga manzur bo‘ladi, deb o‘ylaymiz.

Loyiha rahbari: Sirojiddin Sayyid
Masʼul muharrir: Mansur Jumayev
Nashriyot: “Adabiyot”

O‘zbekiston Yozuvchilar uyushmasi Axborot xizmati

204 0 1 3

Halima Ahmedova

23 Dec 2024, 17:53

Sevimli shoira Halima Ahmedovaning «Shudringli parchalar» nomli yangi kitobi nashrdan chiqdi. Bu haqda Yozuvchilar uyushmasi axborot xizmati xabar berdi.

Kitobda shoiraning she’rga sig‘magan tuyg‘ulari, xotiralari, xulosa-yu o‘ylari jamlangan esse, maqola, hikoya va novellalar o‘rin olgan. Shoiraning dramaturg, ssenariynavis sifatidagi ijodi bilan ham shu to‘plam orqali tanishish mumkin.

@halima_ahmad

160 0 1 3

Halima Ahmedova

23 Dec 2024, 17:52

Jadid.uz dan repost

❗️
KUZ TUNI KIRADI…
Halima AHMEDOVA
She’rlar

Kuz tuni kiradi g‘amgin va go‘zal,
Tinglayman yuragim larzasini jim.
Labimdan sirg‘alib tushadi mahtal,
Shabnamda chayilgan bir so‘z:
“Sog‘indim…”

📱 Batafsil: jadid.uz/kuz-tuni-kiradi

✅Jadid.uz’ga obuna bo‘ling

175 0 0 3

Halima Ahmedova

23 Dec 2024, 17:52

Jadid.uz dan repost

02:39

Video oldindan ko‘rish uchun mavjud emas

Telegram'da ko‘rish

⚡️ “Jadid” gazetasining 2024-yil 29-noyabrdagi 49-soni bilan tanishing:

📱Elektron gazeta

➖ Nazokat USMONOVA:
“Adabiy diydorlashuv”
➖ Abdushukur HAMZAYEV:
“Omonatga xiyonat kechirilmaydi”
➖ Xurram RAHIMOV:
“Ikki poytaxtning yakdil xabarnomasi”
➖ Farhod QURBONBOYEV:
“Ma’naviy ekspertiza – qonun talabi”
➖ Malik BOY MUHAMMAD:
“Muzey ochgan otaxon”
➖ Zarnigor IBROHIMOVA
yozib oldi:
“Yuragimning to‘ridagi so‘lmas gulim”
➖ Halima AHMEDOVA:
“Kuzgi olmalarning nafasi o‘tkir”
➖ Ozod MO‘MIN XO‘JA:
“Cho‘lpon bilan uchrashuv”
➖ Muhammadqosim OLIMOV:
“Qat’iyat va jasorat sohibi”
➖ Zarnigor IBROHIMOVA
yozib oldi:
“Boburnoma” Dante diyorida”
➖ Ro‘zimboy HASAN:
“Kitobsiz uy”
➖ N.HABIBULLAYEVA:
“She’riyatga oshno matematik”
➖ Asqar JO‘MASHEV, Sabit NURJANOV:
“Qoraqalpoq jadidi Sayfulg‘abit Majit taqdiri”
➖ FITRAT:
“Muxtoriyat – milliy laylatul qadrimiz”
➖ Nurxon ELMIRZAYEVA:
“Tuproqqa “ekilgan” ajal urug‘i”
➖ Maqsud JONIXONOV:
“Insofli yoshlar”
➖ Eshqobil SHUKUR:
“Pirog va cheburek”

Кирилл алифбосида:
👉 @Jadidmedia_rasmiy

✅Jadid.uz’ga obuna bo‘ling

155 0 0 1

Halima Ahmedova

23 Dec 2024, 17:52

O‘zbekiston Yozuvchilar uyushmasi dan repost

Sen meni ishontir

Sen meni ishontir muhabbatingga,
Degilki, sen uchun yaraldim, illo.
Yig'‘lab iltijo qil: munis dunyoda
Sening diydoringdan bo‘lmayin judo.

Sen meni ishontir ertaklaringga,
Manguga ketishing bilsam-da atay.
Degilki, bir tola sochim qoldirgum,
Kuydirgin, shu lahza yoningga qaytay.

Sen meni ishontir qayg‘ularingga,
Garchi zaqqum ular, sen degilki, bol-
To‘yib ichaversang, dardlaring ketar,
Faqat taqdiringda qolar bir savol.

Sen meni ishontir sog‘inchlaringga,
Toki men ishonay: sog‘inchlari haq.
Ona o‘limiga ishonmay, go‘rni
Qayta qaziyotgan yetimday ilhaq.

Sen meni ishontir...

Halima Ahmedova

144 0 1 4

Halima Ahmedova

23 Dec 2024, 17:29

Halima Ahmad. She'rlar. Muallifning o'zi o'qian. Xurshid Davron… — Xurshid Davron Kutubxonasi

09:03

🌹🌹Yuragimni yorug' etgan dilbar she'rlar!!!📄

🎤She'rlarni shoiraning o'zi o'qigan!

@halima_ahmad

164 0 1 2

Halima Ahmedova

23 Dec 2024, 11:16

Azizabegim.mp3

01:36

* * *
🎙Азизабегим
📝Ҳалима Аҳмедова

🍃🌸
@halima_ahmad

192 0 2 3

Halima Ahmedova

23 Dec 2024, 08:49

https://www.youtube.com/watch?v=W_l_ePAWfpc

@halima_ahmad

“ QAQNUS” SHE’RIYAT VA MUSIQA KLUBIDA LATOFATLI HALIMA AHMEDOVA #qaqnus

"Madaniyat va ma'rifat" telekanali "Qaqnus" she'riyat va musiqa klubi Halima ahmedova ijodiga bag‘ishlangan maxsus soni!

250 0 1 4

Halima Ahmedova

23 Dec 2024, 08:45

Halima Ahmedova dan repost

***

Адабиёт оламига кирган инсон борки, менимча бу дунёдан яхшилик излаб яшайди. Аслида мен барча ижодкорларни (хом хаёл деб ўйламанг) эзгулик элчилари деб биламан. Улар қайсидир маънода тили, миллати, мансабидан қатъи назар бир-бирига қариндошдек туюлади менга…

✍Halima Ahmedova

@halima_ahmad

185 0 3 6

Halima Ahmedova

23 Dec 2024, 08:45

Halima Ahmedova dan repost

day,
Ko‘zim mung libosin yirtib tashladi.
Hatto tegramdagi zulmatli olam,
Vo ajab,
Nurlarga aylana boshladi...
“Sog‘inib yashadim”...
Nega buncha kech?!
Qismatning izmiga yo‘q hech bir sabab.
Asrashga qodirdir nahotki meni
Xazon g‘azabidan
Shu bir og‘iz gap?!..
Boshdan oyog‘im nur,
Boshdan oyog‘im...

***

Begunoh parvardigor,
Gunohkorman oldingda...
Maysalarga aylansam —
Qolamanmi yodingda?
Rayhon bargi silkinib,
Yuz ochsa shabbodaga,
Shabnamga ko‘ngil bersam —
Qonamanmi bodaga?
Ishq faslidan adashib
Dil so‘rasa qaldirg‘och,
Karbalo dashti uchun
Jonim bo‘larmi xiroj?
Subhidam kokillarin
Tarasa malak yog‘du,
Mendan umidin uzib,
Tashlab ketarmi qayg‘u?
Begunoh Parvardigor,
Gunohkorman oldingda...
Halimadan voz kechsam
Qolamanmi yodingda...

***

O‘zingni tiy, sharmanda qilma,
emasmiz-ku biz qadrtalab.
Shu ozgina ko‘rgulik uchun
Axir shartmi ketishing qulab.
Har qancha g‘am, azob bo‘lmasin,
Dardkash yuragimda to‘lib tur,
Men qiynalib dard chekkan tunlar,
Ko‘zlarimda porlab, kulib tur.
Garchi bugun...
Toshdan ham og‘ir —
Yemirilib borarkan loshim,
Boshing uzra ko‘tar ko‘nglimni —
Meni yupat,
Yupat, ko‘z yoshim.
...Hozir esa yurak ichida
Kuyla, g‘animlarning qasdiga,
Kechirmayman agar yiqilsang,
Pastkashlarning oyoq ostiga...

VAQT

Xosiyat Rustamovaga

...Ishonmang, hayotda vaqt yo‘qdir,
Uni biz yaratdik,
deding entikib.
Rostdan shundaymikan, o‘yladim —
Olis ufqlarga ko‘z tikib...
Lahzalar sochilib yotibdi,
Maysalar, gullarda, daraxtda...
Kim tug‘ilib, kimdir o‘lyapti,
Tan olging kelmagan shu Vaqtda.
Bozor xaltalari yelkada,
Vaqt ketayapti ko‘chalarda jim.
O‘zin osib qo‘ydi bilmasdan —
Vaqtning yuragiga allakim.
Mozordagi har bitta qabr —
Ishdan chiqib zanglagan soat.
Yugurishdan charchab qolgan Vaqt
Shu makonda dam olar faqat.
Ammo kecha-kunduz tinmasdan,
Biz bilgan ilohiy Soatsoz
Zanglab ketgan qadim soatning
Millariga beradi pardoz.
Juda og‘ir Vaqt oyoqlari —
Shafqat qilmay yanchadi dilim.
Ishlab ketsa zanglagan Soat,
Keyin nima qilamiz, singlim?

SHAROB

Mezbon dasturxonga qo‘ydi maqtanib:
“Mana bu ming yillik qadimiy sharob”.
Billur qadah ichra chayqalib, sirli,
Sharob boqar edi etgancha itob.
Kimdandir eshitgan edim go‘yoki,
Odamning qoniga o‘ch bo‘larkan tok.
Qadimda shohlarning usta bog‘boni,
Pinhon keltirarkan kim bo‘lsa halok.
Ko‘markan so‘ng uni tok ildiziga,
Shundan gurkirarkan uzum daraxti.
Uning sharobidan sarxush podshohning
Tillolari ekan — bog‘bonning baxti.
Jonimga alanga yugurdi nogoh,
Sharobdan simirib edim bir qultum.
Men sening qoningni ichdim,
Bilmayman —
Sen kimning qonini ichganding uzum?!

SURATKASH KO‘ZIM

Qorachig‘i qadoq mehnatkash ko‘zim,
Suratga olasan borliqni tinmay.
Kichik chumolidan koinotgacha,
Suratin ishlaysan sen hech erinmay.
Bunchalar mohirsan, bunchalar hushyor,
Ishingni ko‘zini yaxshi bilasan.
Nafis suratlarni pardozlab yana
Ko‘nglimning uyiga sekin ilasan.
Sen olgan suratga qarab har kuni,
Yoniq she’rlar yozdim,
yuragimda cho‘g‘.
Shuncha she’rlar yozib,
shuncha she’r bitib,
Hali ham hayotni tushunganim yo‘q.
Yaxshiyam bilmaysan,
qaysidir bir kun —
Qazo darvozasi ochilgan mahal,
Yagona musavvir parvardigor deb,
Barcha suratlaring yirtadi Ajal.