©️ gulomov design

Bilasiz bizni soha va marketing bir-biriga kuchli bog'liq bo'lgan sohalar. Dizayner ham marketing bilimlarini o'rganib borishi juda kerak.

Ushbu yo'nalishda - bir yaxshi telegram kanalni tavsiya qilib qoldiraman. Ichida ko'p qiziqarli ma'lumot va tajribalarni o'qib borishingiz mumkin.

https://t.me/cashvertising_abdulhamid

Oxirgi vaqtlar bir narsani sezmoqdaman. Yaxshi siljishlar bo'lmoqda bir necha tanish dizaynerlarimda.

Zo'r motivatsiya yozib qoldirishni reja qildim. Bilasizmi bizni yurtda dizayner bo'lib faoliyat olib borishni o'zi katta gap. Uncha-muncha odam sohamizga nisbatan hali ma'romida shakllanmagan bozor va munosabatni deb tezlik bilan turli qo'shni sohalarga o'tib ketadilar.

Lekin siz hozirda dizayner bo'lib faoliyat olib borayotgan bo'lsangiz. RESPECT!

Men bizni sohani 3 ta bosqichlarga bo'laman. 1. Sohani o'rganish. 2. Sohani real hayot bilan bog'lash. 3. Soha orqali muvaffaqiyatga erishish.

Sohani o'rganib, hayotingiz bilan omadli bog'lab olgan bo'lsangiz - shuni o'zi katta natija. 3-bosqich uchun esa yanada kuchliroq, bilimliroq tayyorlanishimiz kerak.

Edfix, Osnova, Qadam va boshqa zamonaviy kasblarni o'rgatuvchi online o'quv platformalar uchun - bir g'oya

Men bir vaqtlar "Next" savdo markazida "Lerna" onlayn platrofmasining kurs mahsulotlari stendini ko'rib mazza qilgan edim. O'ziga e'tibor torta olgan uslub. Ushbu g'oyani savdo markaziga emasu, ta'lim dargohlariga o'zgartirilsa ajoyib qaror bo'lish ehtimoli mavjud.

Yuqoridagi bizni mahalliy platforma loyihalar ham kurslarini targ'ibotlari uchun faqatgina digital kanallardan (yo'llardan) tashqari, shu kabi oflayn yo'llardan foydalanishlari mumkin. Maktablar uchun bu aniq yangilik bo'ladi. Sababi maktablar ichida odatda turli to'garak e'lonlari mavjud. Shunda ham oddiy A4 qog'ozda e'lonlar taxtachasiga yopishtirilgan holatda. O'zingiz borib sinchiklab o'qib aniqlab olmasangiz, sezmaysiz ham. Lekin endi tasavvur qiling maktabning asosiy fayesining bir burchagida onlayn flatformaning brend dizaynlaridagi roll up yoki flayerlari ko'p sonda o'rnatilgan stend turibdi. Format tarafdan ham, mavzu tarafdan ham ancha qiymatli.

Maktablarda odatda yuqori sinf o'quvchilarda - turli sohalarga qiziqishlar paydo bo'lishni boshlaydi, agar maktabni yakunlash davrlari bilan parallel zamonaviy kasblarni birini o'rganishni boshlasalar, vaqtdan juda yaxshigina yutgan bo'la oladilar. Har yili shunday qaynab turgan potensial auditoriya yetishib chiqadi, lekin ular bu energiyalaridan samarali foydalanib qolishlari kamdan-kam holat. 20-22 yoshlarigacha 1-2 yillik sohaviy tajriba to'play olishlari uchun ham, aynan o'qish davrlaridan kasb o'rganishni boshlashlari ancha qiymatli bo'la oladi. Kuniga 1-2 soatdan shug'ullanib bo'lsa ham.

Ta'lim dargohlari bilan omadli kelishuv amalga oshirilsa kifoya

Tadbirlar qilish kerak. Faqat yondashuvni o'zgartirgan holda
Bizda yetarli darajadagi hamkasblar kamroq bo'lsa ham, borlar. Lekin tadbirlar mavzusida chiqa olishlari juda murakkab holat.

Sababi so'zlash uchun arzirli mavzulari bo'lmasligi mumkin. Aslida yetarlicha mavzular bo'lishi mumkin, lekin pishmagan, ma'romida bo'lmagan holatda.

Shu sababli ham yondashuvni quyidagi uslubga o'zgartirish kerak. Agar so'zlash uchun yaxshi mavzularingiz bo'lsayu, lekin ma'romida bo'lmasa yoki umuman arzirli mavzu bo'lmay qolsa, unda o'zingizda ma'lum bir darajadagi upgrade bosqichni aniqlab olishingiz, so'ng ma'lum bir muddat vaqtni belgilashingiz va ushbu vaqtgacha - so'zlashingiz kerak bo'lgan mavzuda kerakli tajribalarni sinab, amaliy va nazariy taraflama ma'romiga keltirib qo'yishingiz kerak bo'ladi.

Sohaviy tadbirlar tashkillab borish - hamkasblar oralarida yaxshi reputatsiya qurish, sohangizga jiddiy munosabatda ekanligingizni his qilib turish holatlarini taqdim qiladi. Bu uchun bizda yetarlicha infratuzilma shakllanib bo'lgan. Ivent zonalar juda ko'p.

Что толку в пройденном пути, если ты пришел к цели слишком рано или слишком поздно? Что толку, если ты пришел вовремя, но не туда? Важно знать не только направление, но и время отправления.

©️Луис Ривера

Tasavvur qiling 1-2-5 yil ichida yetib kelishingiz kerak bo'lgan turli hayotiy, sohaviy, ruhiy, aqliy - B nuqtalar mavjud. Lekin yetib borish muddat uzayib, noaniqlashib ketmoqda. O'zingiz bilan uchrashuvda ushbu mavzuni o'ylab ko'rish kerak.

Mindset rubrikasi

Agar men sohamizda endi faoliyat olib borishni boshlaganimda...
Status: o'rganuvchi, yosh 18, 2025-yil.

1️⃣ Maqsad bosqich
Dizayn sohasi qo'limdan yaxshi kelishiga ishonch xosil qilish, online ochiq manbalardagi darsliklarni va boshqa dizaynerlar ishlarini kuzatish. Selfstudy bilan shug'ullanish va ushbu jarayon o'zimga ma'qul kelayotganini aniqlash. So'ng miyyadan boshqa barcha chalg'ituvchi hayollarni tozalab tashlash. Dizayn bo'yicha yaxshi darajaga chiqishni niyyat va maqsad qilish.

Maqsadlarni ma'lum bir muddat o'tganidan so'ng yana tekshirib va tahlil qilib olish mumkin. Bu haqida keyinroq yozib o'taman.

2️⃣ Ta'lim bosqich
Moliyaviy imkoniyatimdan kelib chiqqan holda o'quv markaz yoki online kurs sotib olar edim. Imkoniyatim umuman yo'q bo'lgan holatda - bepul ochiq manbalarga yo'l olar edim. Youtubeda hozirda yetarlicha manbalar mavjud. Hard bilimlarga maksimal fokusimni qaratar edim.

Kursda e'tibor berishim kerak bo'lgan yana bir holat - bu uning muddati. Butun bir yilga mo'ljal olmaganligiga qarash bo'lar edi. Ya'ni ushbu bosqich uchun kamida 4-6 oyni mo'ljal qilar edim. 1 yillik yoki undan oshiq vaqtga mo'ljal qilingan kursda vaqtdan yutqazish xavfi bo'lishi mumkin.

3️⃣ Shogirdlikka tushishga harakat qilar edim
Ma'lum bir darajadagi hard bilimlardan so'ng, ya'ni asosiy grafik dasturlarni o'rganganimdan so'ng, dizayn prinsiplari bilan yaxshilab tanishib chiqqanimdan so'ng, vizual bazamni kuzatuvchanlik va amaliy qism orqali rivojlantirib olgandan so'ng, shogirdlikka harakatni boshlar edim.

1-sektor agentliklar. Mahalliy barcha agentliklarni kuzatib chiqar edim. Potensial 2-3 yoki 4-5 talariga stajirovka uchun shogirdlik taklifi bilan chiqar edim (taklif bilan chiqishni o'zi ham alohida yondashuv talab qiluvchi qiziqarli mavzu, bu haqida keyingi postda tavsiya qoldiraman).

Agar agentliklarni barchasi rad javobini bersalar, unda dizayn sohasi mavjud bo'lgan 2-sektor poligrafiya yoki tipografiyaga shogirdlik taklifi bilan chiqar edim. Ular qabul qilish imkoniyatlari yuqoriroq.

Ushbu jarayonlarga ideal holatda ta'lim bosqich 6-oy, shogirdlik 1-1.5 yilgacha vaqtni mo'ljal qilgan bo'lar edim.

⚡️Sohaviy hamda shaxsiy rivojlanish bosqichlarni doimiy tarzda ketma-ketlikda olib borish juda kerak va muhim

Sezgan bo'lsangiz 2024-yilda biz dizaynerlarda ommaviy uyquga ketish jarayonlari kuzatildi, ushbu jarayon 2025-yilda ham davom etmoqda. Bu yerda qanday sabablar mavjud?

Bu holatni sababi dizaynerlar faqat sohaviy rivojlanish bosqichlarga e'tibor berib, shaxsiy rivojlanish bosqichlariga yetarlicha e'tibor bermaganliklari deb bilaman.

Deyarli hamma hamkasblarning sohaviy xaritalari bu faqatgina - dizaynni ma'lum darajada o'rganish, so'ng ishga kirish, undan so'ng esa ishxonaning ichida rutina ishlar bilan yuraverish bo'lib qoldi.

Bunga nima sabablar bo'lishi mumkin? Balki shaxsiy rivojlanishlar mavjud emasligidir? Aynan qanday taraflama bo'lishi mumkin?

Balki ularda shaxsiy rivojlanish uchun shijoat yo'qdir, shijoatni yo'qligini sababi balki ularda o'zlariga ishonch yo'qdir, o'zlariga ishonchni yo'q ekanligi balki taslim bo'luvchi pozitsiya oson yechim bo'lganidir...

Ushbu ketma-ketlikdagi sababiyatlar tanish bo'lib tuyilyaptimi. Nima bo'lganda ham shijoat va harakatni tushirmang. Ko'p muammolarimiz sababi - bilimsizlikka borib taqaladi.

Bizni yo'nalishda o'qib borish juda kerak bo'lgan kitoblar yo'nalishlari - birinchi navbatda psixologiya. Asosiy muammolarni markazi miyyamiz ichida bo'lishi mumkin.

Boshlanishiga - Diqqat, Iroda kuchi, Qilichsiz samuray kitoblarini mutolaa qilib ko'rishni boshlang.

Barchaga xayrli kun! Bir nechta bo'limlar bo'yicha kelishib olishimiz vaqti kelibdi.

Telegram blog & +3000 followers
Grafik dizayner uchun bu raqam yaxshi natija. Odatda dizayner blogining maksimal natijasi 500 va 1000+ kuzatuvchi. Nega bunday ekanligini sabablari menga ayon. Lekin bu haqida keyinroq.

Blogimdagi ushbu raqamlar menga ma'lum bir darajdagi sohaviy javobgarligim mavjud ekanligini anglatadi. Lekin bu bilan men doim blogda aktiv bo'lishim kerak ekanligini bildirmaydi. Men birinchi darajada dizaynerman, asosiy vaqtim va boshqa resurslarimni backgrounddagi ishlar uchun sarflashim to'g'ri bo'ladi va boshqa dizaynerlarga shuni tavsiya beraman. Blog uchun esa 5-10% vaqtim yetarlicha.

Kuzatuvchilar uchun
Umumiy barcha va bir necha oylardan beri yangi qo'shilgan kuzatuvchilar uchun ushbu blogni nega kuzatishingiz kerak yoki kerak emasligini filtr qilib olishingiz uchun, blogda men ushbu yaqin yillar ichida yoritib borishga harakat qiluvchi sohaviy maqsadlar haqida bir nechtasi bilan bo'lishib boraman.

Sohaviy maqsadlar
1. Dizayner sifatida ushbu 2-3 yillik vaqt ichida sohaviy strategiya asosida - yurtimizda TOP dizayner darajasiga chiqish.

2. Mustaqil va erkin faoliyatga yetib borish.

3. Dizaynerlar bilan emas, agentliklar bilan raqobatlashish.

4. Grafik dizayn orqali jiddiy darajadagi daromadga erishish.
...

Ushbu blog yuqoridagi bo'limlarga bog'liq bo'lgan mavzular asosida yuritib boriladi. Ushbu mavzular sizga qiziqarli va aloqador bo'lsa blogni kuzatib borsangiz bo'ladi. Aksi bo'lsa, bexijolat. Vaqtingizni qadrlang va o'zingizga qiziqarli va foydali bloglarni kuzating.

Kompaniyada strateg bormi demak bu branding agentlik. Strateg yo’qmi demak dizayn agentlik.

Mijoz agentlik ortidan emas, odam ortidan keladi.

Dunyoda bir zavod bor - bu Xitoy. U bilan ishlab chiqarish bo’yicha raqobatlashish kerak emas.

Farhod Kuchkarov - marketing club tadbirlaridan

18 mln uzs - reels ishlab chiqish qismini o'ziga

Ushbu raqamlar mendagi ma'lum vaqt uchun mo'ljallangan personal promotion ishlardan bir bo'lak xarajat qismlari ekan

Bundan tashqari yana boshqa turdagi xarajat qismlar ham mavjud.

Bular nega kerak? Ancha vaqtdan beri murakkab levelga tayyorgarlik ko'rib kelmoqdaman.

Ushbu jarayonlar uchun - moddiy investitsiya bu eng oxirgi bosqich edi.

Undan avval turli juda muhim bo'lgan bilimlar, tartiblar, ko'nikmalar, fikrlashlar ustida rivojlanishlar qilish kerak edi.

Instagram lentam - yillik reja tuzishni o’rgatuvchi offerlarga to’lib ketdi. Tushunaman hozir yilni boshi - hamma yilni qanday yashashni o’rgatuvchi darsliklarga targetni yoqishmoqda.

Lekin eng asosiy muammo. Bundan avval oylik ham emas, haftalik reja asosida yashamagan insonlar qanday qilib yillik rejalariga amal qila olishadi?

Holatlar, jarayonlar, kayfiyatlar - kuniga emas, soniyasiga o’zgarib boruvchi hayotda.

Bizni tabiatimiz baribir ratsionallikdan ko’ra, emotsional harakatlanish линия поведения - xulq atvor chizig’iga moyil.

Avvalgi asrdagi - qanday yashash haqida kitoblar yozib ketgan ko’p insonlar, o’zlari yozgan kitoblaridagi kabi yashab o’ta olmaganlar.

Bunga turli omillar sababchi va ushbu omillarni katta qismi yuqori ehtimol bilan ichki emotsional va ruhiy holatlarga bog’liq bo’lib chiqadi.

O’zi eng qiyin ish - insonni harakatga keltirish. Muvaffaqiyatga olib boruvchi 10 xil yo’llarni kalit qilib insonni qo’liga tutqazsangiz ham, ichkaridan olov bo’lmasa hammasi samarasiz.

Yillik reja tuzish kerak emasmi?
Kerak. Faqat undan avval inson shaxsiy ko’nikma va sifatlari ustida ish olib borishi kerak.

Bu holatlar - motori yetib kelgan mashina bilan bu yil palon ming km bosib o’tishni rejalashga o’xshaydi.

2025-yil uchun o’zimga olib qo’ygan bir nechta tavsiyalarni yozib qoldiraman.

Potensialimiz juda katta, vaqtimiz va quvvatimiz esa hozir yoshligimizda ko'p, lekin ulg'aygan sari kamayib boraveradi.

1. Bir kunimizda 24 soat vaqtimiz bo’lgani bilan, quvvatimiz ancha kamroq va tez tugaydigan. Quvvatingiz ustida qayg’uring va keraksiz holatlardan himoyalang.

2. Instagram haqida. Ushbu tarmoqni insonga foydasidan ko'ra, zarari juda ko'p. Haqiqiy pushti olam. iloji boricha barcha vaynerlardan, nokamtar hashamatli hayotni ko'rsatuvchi turli soha vakillaridan obunani bekor qilish kerak. Obuna bo'lmagan bo'lsangiz ham, kuzatishga ham nuqta qo'yish kerak. Faqatgina saviyali, foydali kontent ishlovchilarni kuzatish kerak. Shunda ham obuna sonlaringiz ko’payib ketmasin. Bizga umuman kerak bo’lmaydigan turli foydali yo’nalishdagi kontentlar juda ko’p.

3. Biror kimga, narsaga, holatga hafa bo'lish, siqilishga vaqt yo’q.

4. Boshqa odamlar bilan yomon ma'noda dushman bo’lmaslik kerak. Sababi u insonni ham va sizni ham asosiy raqibingiz bor. Bu hayotning o'zi. Hayotdek raqobatchini oldida, bizni boshqa odamlar bilan dushmandchiligimiz o’ta ortiqcha va keraksiz daxmaza holatlar.

@gulomovdesignblog