🇺🇸Kuni kecha AQShdan ommaviy ravishda chiqarib yuborilayotgan noqonuniy muhojirlar bilan bog‘liq samolyot atrofida butun boshli epopeya yuz berdi.🔻 AQSh hukumati AQShda noqonuniy yashayotgan kolumbiyaliklarni to‘plab, ularni Kolumbiyaga jo‘natdi;
🔻 Kolumbiya Prezidenti bundan g‘azablanib, "AQSh kolumbiyalik fuqarolarga inson sifatida munosabatda bo‘lmayapti" deb bayonot berdi va AQShdan kelayotgan samolyotlarni qabul qilishdan bosh tortdi;
🔻 Bunga javoban Donald Tramp uzoq o‘ylab o‘tirmay, AQShning Kolumbiya poytaxtidagi elchixonasini yopishini, kolumbiyalik rasmiylarning AQShga kirishini taqiqlashini, Kolumbiya mahsulotlariga 50% boj solishini hamda Kolumbiya barcha noqonuniy muhojirlarini qabul qilib olmaguncha boshqa sanksiyalar joriy qilishini e’lon qildi;
🔻 Oradan bir soat ham o‘tmay, Kolumbiya Prezidenti AQShga deport qilinayotgan fuqarolarni olib ketish uchun o‘z samolyotini yubordi.
Donald Tramp samolyotni qabul qilmaslikka bo‘lgan urinishlar ustidan hazil qilib, "FAFO" abbreviaturasi bilan surat joyladi: "Fk Around, Find Out"** ("Olov bilan o‘ynasang, yonasan").
🇲🇽 Meksika hukumati ham deport qilinayotgan muhojirlar bilan kelgan reyslarni qabul qilmaslikka harakat qildi, ammo juda tez orada qarorini o‘zgartirib, samolyotlarni birin-ketin qabul qila boshladi.
@mirmuhammad_ergashev
