Abdulloh Gʻoyibnazarov | Blog

Vahima

Yangi yilga yaqin hamma bloglar yil sarhisobi joylashni boshlashdi. Toʻgʻrisi men ancha tushkunlikga tushib qoldim. Nazarimda mendan boshqa hamma nimagadur erishgan edi. Qilishim mumkin va kerak boʻlgan ishlar koʻpligidan nima qilishni bilmasdim. Vahimaga tushdim.

Ammo oʻtirib yozgan edim, 1 oq varoq toʻlmadi.

💡Vahima qilgan bilan ishlar koʻpayib yoki kamayib qolmaydi.

Miyyaning ishlash prinsipi shunaqa: hissiyotlar yongan paytda fikrlash oʻchadi. Soddaroq tushuntirsak: Hissiyotlarga berilgan paytingiz, yaxshi fikrlay olmaysiz.

Xalqda ham gap borku: "Jahl chiqganda - aql ketadi" degan.

Shuning uchun hissiyotlarga berilgan paytda qaror qabul qilish kerak emas, chunki bu qaror katta ehtimol bilan xato boʻladi.

Xursand boʻlgan paytda kimgadur nimadur vaʼda berib yuboramiz. Birozdan soʻng "oʻsha vaʼdani bekor berdim" deb oʻylab qolamiz. Chunki vaʼdani bajarish bizga biroz qiyinchiliklar olib kelishi mumkin. Va'dani bajarmasak kimnidur xafa qilib qoʻyishimiz mumkin.

Jahlimiz chiqgan paytda kimnidur soʻkib qoʻysak yoki qoʻl koʻtarsak, katta ehtimol bilan janjal chiqadi yoki qarshimizdagi inson bizdan ranjib qoladi.

Kasalxonada ishlash jarayonida bir narsaga xayron qolar edim. U ham boʻlsa bu shifokorlarning bosiqligi edi. Yaʼni ularga kasallar vahima qilib kelishsa ular vahima qilmas edi, bosiqlik va xotirjamlik bilan javob berar va yordam koʻrsatar edi. Endi javobni qisman bilgandayam.

Xazratni xotirlab - degan koʻrsatuvni 2 -3 ta sonini koʻrgan edim. "Shayxning xos xususiyatlaridan biri u kishining bosiqliklari" deb hamma mehmon boʻlgan insonlar aytishgan.

Koʻp ilimli insonlar bosiq boʻlishadi. Bu oʻzim kuzatib chiqargan xulosam.

Vahima qilgan inson oʻzim toʻgʻri ish qilyapman deb oʻylar lekin atrof uchun juda xunuk koʻrinib qolar ekan. Huddi chuqurligi tizza boʻyi keladigan basseynda oʻtirib olib, "choʻkayapman" deb yordam soʻrayotgan insonga oʻxshaydi.

Ps: Pastdagi xatolar uchun uzur soʻrayman.

@goyibnazarov_blog
21.01.2025

Har bir insonda ikki hayot bor, va ikkinchisi u faqat bitta hayoti borligini anglaganida boshlanadi. Hayot aslida yakka oʻyinchi o‘yini. Hammasi sizning ongingizda kechadi. Siz nima deb oʻylasangiz va nimaga ishonch hosil qilsangiz, bu sizning haqiqatga boʻlgan qarashingizni shakllantiradi. Bu nafaqat qanday xavflarni tanlashingiz yoki qanday harakatlarni qilishingizga, balki kundalik hayotni qanday his qilishingizga ham ta'sir qiladi. Dunyo sizning ichki his-tuygʻularingizni sizga qaytaradi.

- Naval Ravikant

✏️ Zafar Hoshimovning erkin mikrofondagi nutqi matni:

Kamchiliklarimiz ko'p.

Biz semirishdan qo'rqamiz, biz abadiy yosh bo'lib qolishni xohlaymiz, oq tishli tabassum, sportcha jussa egasi, muvaffaqiyatli, boy, chiroyli bo'lishni xohlaymiz. Hozirgi holatimizga hech qachon qoniqmaymiz. Jamiyat bizni to'xtash o’limga teng ekanligiga ishontirgan. Maktab o'qituvchilari, universitet domlalari, ota-onalar, murabbiylar, boshliqlar, biznes va sport murabbiylari biz erishgan muvaffaqiyatlar bilan to'xtab qolmasligimizni va biz butun umr o'zimiz bilan doimiy kurashda bo’lishimiz zarurligini bizga hadeb takrorlayveradilar. Sport zallariga borish , bioorganik mahsulotlarni iste’mol qilish, kiyim-kechak, electric avtomobillar, uylar, gadjetlar, kurslar, kitoblar, ta'tillar, o'yin-kulgilar va tevaragimizdagi yaqin odamlar ... aslida, biz qilayotgan hamma amallar va bizni o'rab turgan narsalar, avvalambor, bizni o'zimiz bilan qoniqishimiz uchun hizmat qilishi kerak edi . Aksincha, ayni paytda bizni o'rab turgan hamma narsa va kimsalar har lahza bizni o'zimizdan norozi bo’lish sari yo’naltirishdan to'xtatmayapti.

Jamiyat va biznes bizning ishonchsizligimizdan shafqatsizlarcha foydalanadi, o'zimizdan norozilik va fobiyalarimizni baralla ekspluatatsiya qiladi va shu negativ tuyg’gularni bizga maksimal singdiradi. Chunki bu ular uchun foyda manbai. Bizning “kamchiliklarimiz” bizdan pul, vaqt va energiya chiqarib, bizdan shafqatsizlarcha foydalanish uchun ularning dastagidir.

Shuning uchun deyarli hech kim bizga qoniqish va, Xudo asrasin, o'zimizni sevish lahzalarini qo'lga kiritishimizga imkon bermaydi. Deyarli barcha madaniyatlarda ijtimoiy ahloq inson o'zini sevishini oqlamaydi. Butun mafkuraviy ta’limotlar insonning o‘ziga bo‘lgan hurmatini, o‘ziga bo‘lgan ishonchini, o‘ziga bo’lgan muhabbatini o’ldirishga bag‘ishlangan. Deyarli butun umrimiz davomida biz o'zimiz bilan gaplashganda ham, doimo o'zimizni qoralaymiz, kamchiliklarimizni, dangasaligimizni, zaif tomonlarimizni va boshqa barcha kamchiliklarimizni yuzimizga solib o'tiraveramiz. Biz buni tavba tazarrulik, hokisorlik va o’zimizga nisbatan rostgo’ylik deb ataymiz. Aslida, bu haqiqiy o'zimiz ustimizdan zo'ravonlik, shafqatsiz va doimiy o'z-o'zini kamsitish va o'z-o'zini qoralashdan boshqa narsa emas. Barchasi bizga tashqaridan singdirilgan. Barchasi bizni manipulyatsiya qilishni osonlashtiradi.

Bunday dunyoda o'z-o'zini hurmat qilish isyon kabi ko'rinishi ajablanarli emas.

Axir, bu bizning taqdirimiz, bizning tanamiz va bizning ruhimiz emasmi?!... Bizda bu dunyoda boshqa o’zlik va hayot yo'q va hech qachon bo'lmaydi. Biz Allohning noyob mahluqi, ijodimiz va kim yaxshiroq va kim yomonligini hech bir bandasi U singari bila olmaydi. Shunday ekan, juda kech bo'lmasidan, o'zimizni sevib ulguraylik. Biz o’zimiz bilan sodir bo'lishi mumkin bo'lgan eng yaxshi mavjudodmiz va eng go’zal mo’jizamiz.

#happinessшунослик

Yaqinda hammaga mashhur Korzinka kompaniyasi direktori Zafar Hoshimovning Gashtak podcastda chiqgan sonini koʻrdim. Menga rosa yoqdi. Oʻzi biznesmen va katta kompaniya egalarining fikrlashi menga yoqadi. Chunki ularni fikrlashi boshqacha biznikiga oʻxshagan qolib fikrlar emas. Shu koʻrsatuvning oxirida Zafar Hoshimov ajoyib nutq soʻzladilar. Nutqni pastda alohida post qilib joylayman.

Podcastni koʻrmoqchi boʻlganlar uchun podcastning toʻliq qismi: https://t.me/podcast_uz1/448

Reelslar odam miyasini “chiritadi” — tadqiqot

Holat internetda jiddiy bo‘lmagan va intellektual jihatdan sayoz kontentni haddan tashqari ko‘p iste’mol qilish bilan bog‘liq deb hisoblanmoqda.
Reelslar odam miyasini “chiritadi” — tadqiqot.

“Oxford University Press” nashriyoti “brain rot” — “miya chirishi” iborasini yil so‘zi deb e’lon qildi.

Bu ibora insonning aqliy qobiliyatlari taxmin qilinayotgan pasayishini ifodalaydi. Bu holat, internetda jiddiy bo‘lmagan va intellektual jihatdan sayoz kontentni haddan tashqari ko‘p iste’mol qilish bilan bog‘liq, deb hisoblanmoqda.

Mutaxassislarning fikricha, ijtimoiy tarmoqlar va boshqa onlayn manbalardan uzluksiz axborot oqimi chindan ham miyani “vayron qilishi” mumkin.

“Unstoppable Brain” kitobi muallifi, neyrobiolog doktor Kira Bobinet ta’kidlashicha, zamonaviy jamiyat tobora ko‘proq diqqatni jamlash va chuqur fikrlash qobiliyatini yo‘qotish muammolariga duch kelmoqda.

Odamlar doimiy aqliy charchoqdan, e’tiborni to‘plashda qiyinchilik sezishdan va ongning “tumanli” bo‘lib qolishidan shikoyat qilmoqdalar.

Bu jarayonda kichik tuzilma — habenula muhim rol o‘ynaydi. U motivatsiya va qaror qabul qilish uchun mas’ul hisobalandi, biroq uning haddan tashqari faollashuvi biror narsa qilish istagini so‘ndirishi mumkin.

Doktor Bobinetning tushuntirishicha, aynan miyaning shu qismi “doom scrolling” deb ataluvchi — yangiliklar lentasini maqsadsiz varaqlashga moyil hisoblanadi.

Inson ijtimoiy tarmoqlarga “sho‘ng‘ib ketganda”, bu voqelikdan chalg‘ish va miyasiga dam berish usuli bo‘lib qoladi. Biroq, habenula javobgar bo‘lgan bu “qochish xulq-atvori” qaramlikni shakllantirish uchun zamin yaratishi mumkin.

Ushbu mexanizm ishga tushgandan so‘ng, insonning to‘xtashi juda qiyinlashadi, bu esa motivatsiyaning pasayishiga va hatto tushkunlik holatlariga olib keladi.

Qurilmalarni boshqarish bo‘yicha mutaxassis va ruhiy salomatlik masalasi bo‘yicha maslahatchi doktor Don Grant zamonaviy texnologiyalar miyamizning ishlash xususiyatlaridan ataylab foydalanayotganini ta’kidlamoqda.

Uning aytishicha, ijtimoiy tarmoqlar algoritmlari o‘yin avtomatlariga o‘xshab ketadi: ular ehtimoliy mukofotni va’da qilib, limbik tizimni manipulyatsiya qiladi, biroq odamni qoniqtirmay qoldiradi.

Ijtimoiy tarmoqlarning yoshlarga ta’siri alohida xavotir uyg‘otmoqda. Grantning ta’kidlashicha, bolalar kuniga sakkiz soatgacha vaqtlarini lenta varaqlashga sarflashlari mumkin, bu esa ularning uyqu va kundalik odatlariga salbiy ta’sir ko‘rsatmoqda.

Shu bilan birga, ular bu vaqt davomida ko‘rgan videolardan hatto bittasini ham zo‘rg‘a eslay olishadi. Mutaxassis fikricha, bu holat xotiraning zaiflashuvi va diqqat muddatining qisqarishidan darak beradi, bu esa ta’lim va aqliy rivojlanishning kelajagi uchun tashvish tug‘dirmoqda.

Mana maqolani originali(inglizcha):
https://www.foxnews.com/health/brain-rot-science-behind-too-much-scrolling-does-brains

Oʻzbekchasi: https://www.spot.uz/oz/2024/12/17/brain-rot/

@goyibnazarov_blog
18.12.2024
5/30

Adashmasam qaysidir kitobida oʻqigandim. Musulmon inson oʻz birodarlariga yordam berishi kerak ekan. U qanday yordam boʻlsa ham.
Xoʻp menda kichkina kanal va biroz auditoriya bor. Xozir sizlarning eʼtiboringizga oʻzimni uzoq va yaqin tanshimlatimni kanallarini taqdim qilmoqchiman. Vaqt ajratib bir qarab koʻring, maʼqul kelsa obuna boʻlib qoʻying.

1. Murod jiyanimni kanali. Bu kanalda deyarli har kuni hikmatlar, iqtiboslar, hadislar, ibratli hikoyatlar joylab boriladi

https://t.me/Hadis_va_hikmat

2. Zayniddin jiyanimni gruppasi. Hammaga maʼlum va mashhur Doctor House serialini oʻzbekcha tarjimasini toʻliq joylab qoʻygan. Mb lari ham uncha katta emas. Maroqli tomosha tilayman.

https://t.me/doctor_House_seriali

3. Diyorbek ukamning kanali.
Shaxsiy rivojlanishga, islomiy shaxsiy rivojlanishga qiziqadiganlar uchun. Kam yozadi, lekin maʼnoli. Yoki maʼnoli sizga tasir qiladigan postlarni uzatib turadi.

https://t.me/zayeedislam

4. Ernazar akamning kanali. Toshmini yaqinda bitirib Magistraturani Xirurgiyada davom ettirayaptilar. Sizga xirurgiya boʻyicha maʼlumotlar berib boradilar.
Oʻzingizni qiziqtirgan savollaringizga ham imkon qadar javob beradilar.

https://t.me/Dr_Ernazar

5. Muhammadjon ukamning kanali. Turk serial ixlosmandlari uchun ajoyib kanal. "Hukmdor Usmon" serialining toʻliq oʻzbek tilidagi qismlarini joylab boradi. Oʻzingizga yoqgan serial nomini yozsangiz uni ham imkon qadar tashalab berishadi.

https://t.me/abdullayev00712

6. Otorinolaringolog (LOR) fanidan dars bergan ustozimni kanali. Bu insonni ham ustoz sifatida ham shaxs sifatida hurmat qilaman. Instagramdagi 1 minutlik soxta Doktorlardan emaslar. Sizga foydasi tegadigan maslahlar berib boradilar. Haqiqatdan ham oʻz kasblarini professionali.

@lor_farrux

7. Genetik fanidan dars bergan ustozim. Oʻzbekistondagi top mutaxassislardan biri. Televizorda qaysi genetikaga haqida suhbat boʻlayotgan boʻlsa hammasida ekspert sifatida taklif qilishadi.

https://t.me/tibbiymaslahatlar

8. Samandar doʻstimni kanali. Abituriyentlik paytida birga tayyorlaganmiz. Hozir Sampida oʻqiydi. Blogiga kulguli va ibratli narsalar joylab boradi. Aytgancha 20 tadan ortiq kitobni blogida oʻqishni istagan insonlarga berib turadi.

https://t.me/Alimjanov_Samandar

Navbat qizlarga 😅

1. Sinfdoshlarim ichida oʻzini ilmi va odobi bilan yaqqol ajralib turgan sinfdoshim. Ilmga qiziqadigan, oʻzida shaxsiy rivojlanish qilmoqchi boʻlgan qizlar uchun zoʻr kanal.

https://t.me/Myuniverse_75

2. Abituriyentlik paytida birga tayyorlaganmiz. Yoshlari mendan katta boʻlsa ham qalblari yosh 😅. Hammaga mashhur Sampi institutida Pediatriya yoʻnalishida oʻqiydilar. Kitob oʻqish, musiqa tinglash, kino koʻrish ni yoqtiradilar. Musiqalarni textlari bilan yuboradilar. Sizga ham shu narsalar yoqsa marhamat.

https://t.me/Davronbekovna_Sarvinoz

3. Bu qiz bilan ham abituriyentlik paytida birga tayyorlaganmiz. Hozirgacha hayotda 2 dona haqiqiy sangvinik insonni koʻrganman. Ularda biri shu qiz. Nizomiyda psixologiyasi yoʻnalishida oʻqiydi. Kanalida Lifestyle, musiqalar, va psixologiyadan maʼlumot ham berib boradilar. Sangvinik boʻlganlari uchunmi kanalini koʻrasiz kayfiyatiz koʻtariladi.

https://t.me/shamsiyeva05

Bu yaqin tanishlarim va ustozlarim ochgan kanallar roʻyhati edi. Malol kelmasa bularga obuna boʻlib qoʻllab- quvvatlab turing.

Inshaalloh ertangi postimda siz oʻqishiz kerak boʻlagan, menga koʻp yordam beradigan kanallarni roʻyhatini yuboraman.

@goyibnazarov_blog
17.12.2024
4/30

[Yuqoridagi videoni tarjimasi]

Bu "Strangest Loop" tomonidan yozilgan va men sevib qolgan esseda "ishni qilish emas" degan narsalar roʻyxati bor. Mana, ishni qilish emas boʻlgan narsalar roʻyxati:

Ishni qilishga tayyorlanish – bu ishni qilish emas.
Ishni qilish uchun vaqt belgilash – bu ishni qilish emas.
Ishni qilish uchun roʻyxat tuzish – bu ishni qilish emas.
Ishni qilmoqchiligingizni boshqalarga aytish – bu ishni qilish emas.
Doʻstlarga yozish, ular ishni qilyaptimi yoki yoʻqmi, bu ham ishni qilish emas.
"Ishni qilaman" deb ajoyib tvit yozish – bu ishni qilish emas.
Ishni qilmaganingiz uchun oʻzingizni yomon koʻrish – bu ishni qilish emas.
Ishni qilgan boshqalarga hasad qilish – bu ishni qilish emas.
Ishni qilishingizga toʻsqinlik qilayotgan narsalardan shikoyat qilish – bu ishni qilish emas.
Ishni qilsangiz, oladigan hurmat va maqtovlarni xayolda tasavvur qilish – bu ishni qilish emas.
Ishni qanday qilish haqida oʻqish – bu ishni qilish emas.
Boshqalar ishni qanday qilgani haqida oʻqish – bu ishni qilish emas.
Bu esseni oʻqish ham ishni qilish emas.

Ishni qilish – bu faqat ishni qilishdir.


Ps: Video menga juda yoqdi

@goyibnazarov_blog
17.12.2024
3/30

Trendlar haqida

Xabaringiz bor yaqinda Samarqandda bir blogger qiz oʻz joniga qast qildi. Bu voqea internetning oʻzbek sigmentida virus kabi tez tarqaldi.

Bu voqeadan oldin Konsta va Lolaning - "Chidama" nomli treki chiqgan edi. Bu trek bizni jamiyatimizdagi muammoni yoritib berishga qaratilgan edi.

Oʻz joniga qast qilgan qiz esa, oʻlimidan soʻng uning dugonalari bilan boʻlgan yozishmalari internetga tarqalib ketdi. Yozishmalarda qaynonasidan, eridan noroziligi, qandaydur bosim his qilganligi yozilgan edi.

Odam oʻz joniga qast qiladigan darajaga keldimi bu degani u insonni psixikasida katta muammo bor. Oʻlim bu yechim emas, muammolarda qochish yechim emas, yechim oʻsha muammo kelganda unga chidash va uni hal qilish.

Endi hozir yuqoridagi ikki voqea bir biri bilan qorishib instagramda yangi trend hosil boʻldi. "Chidama" trekining musiqasiga bloger qizning oʻlimiga oyid qisqa videolar qilishmoqda.

Men bu holatga boshqa tomondan qarashni taklif etaman. Bugun sizga Instagramda 7/24 "chidama" trekini umuman boshqa vaziyatga moslab tinmay aylantirib sizni miyyangizga 1 narsani quyishmoqchi. U ham boʻlsa chidamaslikni. Qiyinchilik boʻlyaptimi, ozgina stress boʻlyaptimi bu seni erkingni buzadi, qoch u yerdan degan fikrni bilib bilmay miyyangizga quyib yotishibdi.

Oʻzingiz guvoh boʻlgansiz shu yoshingizgacha oilangizda katta yoki kichik janjallar boʻlgandir. Xoʻsh shunda oyingiz chidamasdan narsalarini yigʻishtirib ketganmi. Yoʻq albatta oyingiz chidagan.

Baʼzi insonlarni koʻrganman, shunchalik qattiq kasalligi tufayli oʻzi umuman hech ish qila olmaydi, aparatlarga ulangan, koʻzini ochmaydi, ovqat yeya olmaydi. Oʻzi xojatga bora olmaydi. Shu ahvolda nechadur oylar yotishadi. Shunday vaziyat unga rafiqasi gʻamxoʻrlik qiladi. Ovqatini zont orqali shprisda joʻnatadi, taglarini tozalaydi, katetrini boʻshatadi. Xohlagan vaqtlarida jonimga tegdi deb ketishlari mumkin edi. Lekin ular bunday qilishmaydi. Ular bu xolatga chidashadi. Men doimo oʻzbek ayolining sabriga qoyil qolganman.

Xayot doimo oʻyin kulgudan iborat emas. Turmush qurding degani doimo xursand katfiyatda boʻlasan, xar hil oʻyinlar oʻynaysan, doimo mazza qilasan degani emasku. Xar bir oilada kichik boʻlsa ham kamchiliklar, qiyinchiliklar boʻladi. Bu holatdan oʻtish uchun bu holatga sabr qilish kerak. Chidamasdan ketaman desangiz bemalol, vaqtincha baxtsizlikdan qochib bir umr baxtsiz yashaysiz.

Avvalo hamma narsani toʻgʻri qabul qilmang. Oʻylab koʻring bu narsa orqali menga nimani singdirmoqchi deb. Men ham bu postimda hamma chidama desa men chidamliroq boʻl deb aytmochiman.

PS: Kamchiliklar uchun uzr.
Avvalo bu post oʻzimga eslatma: chidamli boʻl Abdulloh.

@goyibnazarov_blog
17.12.2024
2/30

Bir kuni domla yoʻq payti kursdoshlar bilan turli xil mavzularda gaplashib oʻtiruvdik. Birdan uylanish haqida gap boshlandi. Kimdur gap boshladi. "Instagramdagi qizlar turmush oʻrtogʻiz qancha topishi kerak ?" desa umrida koʻrmagan pulni aytadi deb gap boshladi. Biroz shu mavzuda gaplashdik. Oʻsha kuni men baʼzi bir narsalarni oʻrgandim.
Oʻsha kuni bir kursdoshim aytgan gaplar menga yaxshigina tasir qildi.
Oʻsha oʻrgangan narsalarimni sizlar bilan boʼlishmoqchiman:

- Har bir uylanmoqchi boʻlgan erkakning oʻz prinsiplari(qoidalari) boʻladi. Boʻlajak rafiqam qoriya boʻlishi kerak, oʻqimishli boʻlishi kerak yoki chiroyli boʻlishi kerak. Xuddi shu kabi turmush qurmoqchi boʻlgan ayollarning ham oʻz prinsiplari boʻladi. Boʻlajak turmush oʻrtogʻim qori boʻlishi kerak, chekmaydigan boʻlishi kerak shunga oʻxshash narsalar. Bu prinsiplar hammada har xil.
- Qancha sizning talablaringiz yuqori boʻlsa siz izlayotgan insonning xam talablari shuncha yuqori boʻladi.

Bir qiz bola kursdoshimizdan soʻradik uchrashuvga chiqganda qanday savollar berasiz deb javobi meni hayron qoldirdi.

- Hozirda qanday maqsadlariz bor ?
- Kelajakka maqsadlariz qanday ? (Yani yaqin kelajakda nima qilmoqchisiz qanday rejalariz bor ?)
- Nima ish qilasiz ?
- Kelajakda kasbingiz boʻyicha nima maqsadlariz bor ?
- Toʻydan keyin ishlashimga ruxsat berasizmi ?
- Qanday zararli odatlariz bor ?

Meni hayron qoldirgani maqsadlar haqidagi savollar boʻldi

Koʻpchilik yigitlar yaxshi qizga uylanaman deydi. Qizning qanaqa boʻlishi haqida koʻp oʻylashadi, lekin yuqoridagi savollarni oʻziga hali berib koʻrmagan. 5 yildan keyin qayerda va qanday holda boʻlaman ? deb aqalli bir marta oʻylashmagan. Tabiiyki yuqoridagi savollar berilgan paytda dovdirab qolishadi. Dovdirab qolmaslik uchun oʻsha savollarni oldin oʻzimizga berib aniq javoblarni bilib olaylik.

Qaysidur podcastda eshitdim: uchrashuvda qiz boladan Maqsadlariz qanaqa ? , 5 yildan keyin oʻzizni qayerda tasavvur qilasiz desa bola tentirab qolibdi va doʻstiga aytarmish: oʻrto bunaqa savolni kutmagandim, toʻgʻrisi maqsadlarimni oʻzim ham bilmayman degan ekan.😅

Biz oʻzimizga boʻlajak turmush oʻrtoq qidirayotgan koʻroq yaxshi xislatlar ayol kishining oʻzida boʻlishini xohlaymiz, lekin bilmaymizki biz xohlayotgan ayolning ham boʻlajak turmush oʻrtogʻi haqida ozmi koʻpmi oʻz kutulmalari bor. Yaxshisini topishni istasak yaxshi boʻlaylik.

Nopok xotinlar nopok erkaklar uchundir. Nopok erkaklar nopok xotinlar uchundir. Pokiza ayollar pokiza erkaklar uchundir. Pokiza erkaklar pokiza ayollar uchundir.

Nur surasi 26 - oyat

Yana bir gap bor edi. "Fotima istasang Ali boʻl".

Ps: men oʻzimni uylanish mavzusi haqida gapirishga loyiq inson deb hisoblamayman. Bu mavzuda umuman ilmim yoʻq. Bu mavzuda sizga toʻliq maʼlumot beruvchi ustozlar va kitoblar bor. Men shunchaki oʻzim oʻrgangan kichik bir narsani sizlar bilan boʻlishdim xolos.

@goyibnazarov_blog
15.12.2024
1/30

Andrew Huberman ertalabki odatlarni sog‘lom sirkadiyalik ritmni saqlash va kun davomida maksimal samaradorlikka erishish uchun muhim deb biladi. Quyida uning tavsiyalari va ular ortidagi ilmiy asoslar:

1. Ertalabki quyosh nuriga chiqish (10-30 daqiqa):

Tavsiya: Ertalab iloji boricha quyosh nuriga chiqishni boshlang (uyg‘ongandan keyin 30-60 daqiqa ichida). Agar tashqarida quyosh yo‘q bo‘lsa ham, ochiq havoga chiqishga harakat qiling.

Sababi: Quyosh nuri ko‘z retinasiga tushganda, bu melatonin gormonining ishlab chiqarilishini to‘xtatib, uyg‘onishni osonlashtiradi va energiyani oshiradi. Bu, shuningdek, kechki payt melatonin ishlab chiqarishni osonlashtirib, uyqu sifatini yaxshilaydi.


2. Ertalab kofein ichishdan oldin 60-90 daqiqa kutish:

Tavsiya: Kofe yoki boshqa kofeinli ichimliklarni uyg‘ongandan keyin bir oz vaqt o‘tgach iching.

Sababi: Darhol kofein iste'mol qilish adenozin (uyquni keltiruvchi modda) miqdorini vaqtincha to‘sib qo‘yadi, lekin keyinchalik uyquchanlikka olib kelishi mumkin. Kutish bu jarayonni oldini oladi.


3. Jismoniy harakat qilish:

Tavsiya: Ertalab yengil mashqlar yoki cho‘zilish mashqlarini bajaring. Bu qon aylanishini yaxshilaydi va diqqatni oshiradi.

Sababi: Jismoniy faollik organizmni uyg‘otib, miyaga kislorod va energiya yetkazib beradi.


4. Nafas olish mashqlari yoki mindfulness:

Tavsiya: Ertalabki bir necha daqiqani nafas olishga (masalan, chuqur nafas olish) yoki qisqa meditatsiyaga bag‘ishlang.

Sababi: Bu stressni kamaytirib, kunni xotirjam boshlashga yordam beradi.


5. Vaqtga asoslangan ovqatlanishni (time-restricted eating) qo‘llash:

Tavsiya: Ertalab birinchi ovqatni ochlik his qilgandan keyin yeying (odatda uyg‘ongandan keyin 1-2 soat o‘tib).

Sababi: Bu metabolizmni uyg‘otadi va yog‘ kuyish jarayonini rag‘batlantiradi.


6. Kun rejasini tuzish:

Tavsiya: Ertalab bir necha daqiqa vaqt ajratib, kunlik maqsadlaringizni yozib chiqing.

Sababi: Bu produktivlikni oshiradi va kun davomida diqqatni jamlashga yordam beradi.


Hubermanning bu tavsiyalari biologik ritmni optimallashtirish va sog‘lom turmush tarzini qo‘llab-quvvatlashga yordam beradi. Ular asosan ilmiy tadqiqotlarga asoslangan. Siz ham bu odatlarni sekinlik bilan hayotingizga joriy qilishingiz mumkin.

Postni ChatGPT yozib berdi

@goyibnazarov_blog
14.12.2024

Asimmetriya

Simmetriya - biror narsaning ikkala tomoni yoki qismi bir xil yoki o‘xshash bo‘lishi tushuniladi. Sodda qilib oʻxshashlik desangiz ham boʻladi.
Misol: sizni chap yuzingiz oʻng yuzingiz bilan simmetrik joylashgan.

Agar shu oʻxshashlik buzulsa - asimmetriya hisoblanadi. Simmetriyani yoʻqligi yoki oʻxshashlikning yoʻqligi.

Ijtimoiy kontekstda hamma yoki koʻpchilik qiladigan ishlarga nisbatan ham simmetrik harakatlar soʻzi ishlatiladi.

Biz koʻproq muvaffaqiyatga erishishni, qolganlardan ajralib turishni xohlaymiz lekin simmetrik harakatlar qilishda davom etamiz. Qolganlardan oʻzib ketishni, ulardan ajralib turishni istasak asimmetrik harakatlar qilishimiz kerak. Shunchaki atrofimizni kuzatib, qolganlar qilmaydigan ishlarni qilishimizni oʻzi yetadi.

Hamma soatlab Instagramda reels koʻrib vaqtini oʻtkazyaptimi - siz Instagramni oʻchirib tashlang yoki kuniga 15 minut kiring.

Koʻp insonlar kitob oʻqimayaptimi - siz kitob oʻqing.

Koʻp insonlar sport bilan shugʻullanishmayaptimi - siz shugʻillaning.

Savol: Hamma yoki koʻpchilik qilayotgan ishlarni qilmang deyapsiz ? Lekin hamma universitetda oʻqisa, ingliz tilini oʻrgansa biz oʻqimaylik ham ingliz tilini oʻrganmaylik hammi.

Javob: Hamma universitetida oʻqish davrida va ingliz tilini oʻrganishda qanday simmetrik harakatlar qilishyapti siz shuni qilmang boʻldi. Toʻgʻrirogʻi yuqoridagi ikki jarayonda hamma qaysi xatolarni qilyapti siz shuni qilmang. Hamma nimani qilmayapti siz shuni qiling.

@goyibnazarov_blog
6.12.2024
2/30

Koʻzgu

Koʻzgudan biz har kun foydalanamiz. Koʻzguga qarab oʻzimizni oʻnglab olamiz. Toʻzgʻigan sochlarimizni toʻgʻirlaymiz, soch - soqolimizni olamiz, tishimizni yuvamiz.

Koʻzgu bizga xato va kamchiliklarimizni roʻy rost koʻrsatadi. Oqargan sochlarimizni qoraytirib koʻrsatmaydi, semiz tanamizni ozgʻin qilib koʻrsatmaydi, sargʻaygan tishimizni oqartirib koʻrsatmaydi. Koʻzguga qaraganda ayni damdagi haqiqatni koʻramiz. Buni boshida qabul qilish ogʻiqli boʻladi lekin vaqt oʻtgan sari biz bu haqiqatga asoslanib kamchiliklarni toʻgʻirlaymiz yoki toʻgʻirlashga harakat qilamiz.

Koʻzgu bizga faqat tashqi koʻrinishimizdagi kamchiliklarimizni koʻrsatadi. Ammo bizni insonlar bilan muomalamizdagi, odobimizdagi, balki ibodatdagi kamchiliklarimizni, oʻzimizni tutishimizdagi kamchiliklarimizni koʻzgu koʻrsata olmaydi. Shuning uchun ham bizning doʻstlarga ehtiyojimiz bor. Bekorga "Doʻst - oyna" deb aytishmaydi.

Islomda bunday doʻstlarni "Qiyomatli doʻstlar" deyishadi. Faqat Alloh uchun doʻst tutingan insonlarni. Doʻst degani faqat senga yordam beradigan inson degani emas, doʻst sening koʻzguyingdir u senga xato kamchiliklaringni aytadi, sen esa oʻzingni toʻgʻirlab olasan. Shuning uchun doʻst tanlashda sendan qaysidur jabhada ustun boʻlgan insonni tanlamogʻ kerak. Eng yaxshisi odobi sendan ancha yuqori boʻlgan insonni tanlash. Odobli doʻstingni oldida yurib sen ham oʻzingni odob borasidagi kamchiliklaringni toʻgʻirlab olasan.

Ikki doʻstning doʻstligi ular bir - birlarini kamchiliklarini qanchalik darajada uyalmay doʻstining yuziga ayta olishida.

Xulosa: Shunday ekan doʻstlar orritamiz - koʼzgularimizni koʻpaytiramiz. Qiyomatli doʻstlar sonini orttiramiz. Xatolarimizni toʻgʻirlaymiz. Doʻstimiz xatolarini omma ichida emas balki yolgʻiz qolganda oʻziga aytamiz.

@goyibnazarov_blog
4.12.2024
1/30

Tanangga qanaqa muomala qilsang u shunaqa boʻladi

Iqtibos podcastda ustoz aytgan edilar :

Tananggizga qilichga qilgandaqa muomila qilsangiz - tanagiz qilich boʻladi, Tananggizga qogʻozga qilgandaqa muomala qilsangiz u qozogʻ boladi.

Shu iqtibos ham anchadan beri hayollarimda aylanib yuradi. Shu iqtibos natijasida oʻzimga qisman qilichdaka muomila qilib nimalarga qodirligimni bildim. Xalqimizda: "Odam qilgan ishni odam qiladi" degan gap bor.

Kecha darsda ustoz ogʻriq haqida gapirib oʻtdilar. Bir jihat e'tiborimni tortdi. Agar organizmga katta jarohat yoki ogʻriq boʻlsa kichik jarohatlar oʻgʻriq bermas ekan. Misol uchun: tugʻruq paytidagi ogʻriq juda kuchli boʻlgani uchun jarohatlangan joyni tikishda ogʻriq qoldiruvchi kerak boʻlmas ekan.

Mexanizm sifatida katta ogʻriq boʻlganda markazning bloklanishi, ogʻriq kattaligidan unga javob bermaydi ( uzur biroz xato qilgan boʻlishim mumkin. Agar sizga qiziq boʻlsa fiziologiyadan depolerezatsiya va repolerezatsiya mavzularini oʻqib olarsiz).

Oʻylab qoldim biz uchun muammo boʻlgan kichik ogʻriqlar bor. Aslida ularni muammo deb atash mumkin boʻlsa.

Menimcha bizda katta ogʻriqlar boʻlmagani uchun juda kichik boʻlgan narsalarni ham ogʻriq va muammo sanaymiz.

Yandexda kelgan moshina rangi, instagramda kimlarnidur urishishiyu, uylanishi, qaysidir davlatdagi urish, dollor narxining oshishi, kimnidir yangi narsa olishi va hokazo.

Bunga oʻxshagan kichik narsalarni muammo deb bilmaylik, katta muammolar kelganda shunchaki tamom boʻlamiz.

Muammo yoʻq boʻlsa - demak muammo bor

Muammo boʻlmasa muammo yaratamiz. Janjal, ishkal emas. Misol uchun men 5 km yugura olaman deb oʻylamagan edim. Chunki birinchi 2 km yugurganimda tamom boʻlgandim. Boshida men uchun muammo 5 km yugurish edi. Alhamdulillah epladim. Oʻzimga boʻlgan ishonchim oshdi. Endi 3 yoki 2 km yugurganda kel shuni 5 km qilaylik buni bir marta qilgansan yana qila olasan deb oʻzimga oʻzim aytaman.

Xulosa: tanangga qilichdaqa muomala qilaver kam boʻlmaysan. Oynaga qarab oʻzinga mahliyo boʻlguncha undan koʻra 10 push - up qilganing yaxshi.

Ustoz sizga nafaqt ilm beradi katta ehtimol bilan ustozingizni fel atvori, qadriyatlari, oʻzini tutishi sizga ham yuqadi.

Shuning uchun ham ustoz tanlashda eʼtiqodi, qadiryatlari siznikiga mos ustoz tanlash tavsiya etiladi.

Ishini sadoqat bilan qiladigan insonlarning shogirtlar ham shunaqa ishlariga sodiq boʻlishadi. Ular ishlarini xoʻja koʻrsinga qilishmaydi.

Yolgʻon gapirmaydigan va yolgʻonni hushlamaydigan insonning shogirtlari ham yolgʻon soʻzlamaydilar.

Adashmasam Doniyor Nasriddinov ustoz bir masterclass da shunday degan edilar: Ilm oʻrganilmaydi - ilm yuqadi deb.

Bu xolat nafaqt ilmga nisbatan ishlaydi, balki fel - atvor va xarakter shakillanishida ham shunday.

Bejizga xalqimiz "Qush uyasida koʻrganini qiladi" deb aytmagan.

@goyibnazarov_blog
17.11.2024