Globus24 | Расмий канал

Ҳашарга марҳамат!

2025 йил 15-16 март кунлари умумхалқ хайрия ҳашари ўтказилади - ҳукумат фармойиши

Раҳбарларни гиёҳвандлик моддаларига қарамлигини ҳам текшириб туриш керакка ўхшайди!

2025 йил 11 март куни соат 23:00 ларда бир вилоятдаги ЙПХ масканида “Ҳудудий электр тармоқлари” АЖ ХХХ вилоят филиали автотранспорт ва механизмлар хизмати ҳайдовчиси бошқарувидаги “Ҳудудий электр тармоқлари” АЖ ХХХ филиалига тегишли Матиз русумли давлат рақам белгили автомашина тўхтатилиб, ўзи ва йўловчи тариқасида кетаётган “ҲЭТ” АЖ ХХХ ҳудудий филиали автотранспорт ва механизмлар хизмати бошлиғининг эгнидаги кийимлари ҳамда автомашина текширилганда, улардан “наша” гиёҳванд моддаси сақланиб келинаётганлиги аниқлангани айтилмоқда.

Айтишларича, улар билан ўтказилган суриштирувлар давомида, ушбу гиёҳванд моддани “Ҳудудий электр тармоқлари” АЖ ХХХ вилояти филиали директорига олиб бориши зарурлигини маълум қилишган.

Тадбир давом эттирилиб, ушбу гиёҳванд модда директорга берилаётганда ҳар учала ходимлар қўлга олинган.

Ҳолат юзасидан ҳалигача расмий муносабат берилмади.

Олмаота ионосфера институти эса сўнгги 3 соатликда 6 баллик геомагнит бўрони қўзғалишлари кузатилаётганини тақдим этмоқда.

Магнит бўронларида нима қилиш керак?

➖Тинчланинг – Ортиқча стресс ва зўриқишдан қочинг.
➖ Кўп суюқлик ичинг – Тоза сув ва кўк чой афзал.
➖ Дориларни назорат қилинг – Қон босими ёки юрак касалликлари бўлса, шифокор тавсиясини бажаринг.
➖ Тўғри овқатланинг – Магний ва калийга бой маҳсулотлар (банан, ёнғоқ, кўкатлар) истеъмол қилинг.
➖ Электрон қурилмалардан узоқроқ бўлинг – Смартфон ва телевизордан камроқ фойдаланинг.
➖ Тоза ҳавода сайр қилинг – Эрталаб ва кечқурун ҳаво алмаштиринг.
➖ Уйқуга эътибор беринг – Эрта ухлашга ҳаракат қилинг.

Ўзингизни ёмон ҳис қилсангиз, шифокорга мурожаат қилинг!

Елисей саройидаги олий даражадаги учрашув чоғида Президент Шавкат Мирзиёев Президент Эммануэль Макронга буюк француз ёзувчиси Виктор Гюгонинг ўзбек тилига таржима қилинган "Кулаётган одам" романининг илк нусхасини совға қилди.

Ушбу китоб оммавий нашрдан чиқиши ва тез орада китобхонлар эътиборига ҳавола этилиши кутилмоқда.
—

Учрашув якунида Президент Шавкат Мирзиёев Президент Эммануэль Макронни ўзи учун қулай вақтда жавоб ташрифи билан Ўзбекистонга келишга таклиф этди.

Ўзбекистон ва Франция етакчилари икки томонлама муносабатларни стратегик шериклик даражасига олиб чиқдилар

Елисей саройида Ўзбекистон Республикаси Президенти Шавкат Мирзиёев ва Франция Республикаси Президенти Эммануэль Макроннинг музокаралари бўлиб ўтди.
Давлат раҳбарлари кўп қиррали Ўзбекистон-Франция муносабатларини янада ривожлантириш ва мустаҳкамлаш масалаларини юзма-юз ва делегациялар иштирокида атрофлича муҳокама қилдилар.
Икки мамлакат етакчиларининг 2023 йил ноябрь ойида Самарқанд шаҳрида ўтган учрашуви давомида эришилган келишувлар амалга оширилаётгани мамнуният билан қайд этилди.
Турли даражаларда фаол мулоқотлар давом этмоқда. Ўтган йилда товар айирбошлаш ҳажми илк бор 1 миллиард евродан ошди, қўшма корхоналар сони 4 баробар кўпайди.
Юртимизда Франциянинг “Orano”, “EDF”, “Total”, “SUEZ”, “Voltalia”, “Veolia” ва кўплаб бошқа етакчи компаниялари муваффақиятли иш олиб бормоқда. Франция тараққиёт агентлиги билан ҳамкорлик янги сифат касб этди, у билан янги Ҳамкорлик дастури қабул қилинмоқда.
Ташрифга тайёргарлик доирасида Ҳукуматлараро комиссия йиғилиши ва "MEDEF" бизнес миссияси самарали ўтди, Ишбилармонлар палатаси ўз ишини бошлади.
Шу кунларда Париж, Тулуза, Лион ва Ницца шаҳарларида ҳудудларнинг фаол иштирокида қўшма тадбирлар ўтказилмоқда. Куни кеча қўшма тиббиёт форуми ҳамда фан ва таълим бўйича конференция, Ўзбекистоннинг туризм салоҳияти ва маданиятига бағишланган тақдимотлар ўтказилди. Гретц-Арменвиль шаҳрида буюк аллома Абу Райҳон Беруний бюсти очилди.
Савдо-иқтисодий ва инвестиция-молиявий соҳаларда ўзаро манфаатли ҳамкорликни кенгайтириш, Франциянинг етакчи компания ва корхоналари билан кооперация лойиҳаларини илгари суришга устувор аҳамият қаратилди.
Бу галги саммитга янги Инновация ва саноат шериклиги дастури тайёрланган. Муҳим минерал хомашё ресурсларини қазиб олиш ва қайта ишлаш, энергетика, инфратузилмани ривожлантириш, транспорт ва бошқа тармоқларда умумий қиймати 6,5 миллиард евролик қўшма лойиҳаларни илгари суриш кўзда тутилган.
Умуман, қўшма лойиҳалар портфели 12 миллиард евродан зиёдни ташкил этмоқда.
Шу маънода, молиявий қўллаб-қувватлаш воситаларини кенгайтириш муҳимлиги таъкидланди.
Давлатимиз раҳбари узоқ муддатли кооперация алоқаларини йўлга қўйишга кўмаклашиш мақсадида Ўзбекистон-Франция инвестиция кенгашини таъсис этиш ва унинг биринчи йиғилишини жорий йил июнь ойида Тошкент инвестиция форуми доирасида ўтказишни таклиф этди.
Ҳудудлараро алоқаларни рағбатлантириш мақсадида келгуси йилда Самарқанд шаҳрида икки мамлакат ҳудудларининг биринчи форумини ўтказишга келишиб олинди.
Етакчилар гуманитар йўналишдаги амалий ҳамкорликни кенгайтиришга алоҳида эътибор қаратдилар. Париж шаҳрида Савицкий музейи тўпламидаги авангард асарлар кўргазмасини ташкил этиш, маданий ёдгорликларни сақлаш ва реставрация қилиш бўйича ҳамкорлик учун мамлакатимизда Франция мероси институти ваколатхонасини очиш режалари қўллаб-қувватланди.
Жорий йилда Тошкент шаҳрида Франциядан тажрибали мутахассисларни жалб қилган ҳолда Ўзбекистон-Франция университети очилиши таълим соҳасидаги асосий келишув бўлгани таъкидланди. Француз тили ўқитувчиларини тайёрлаш соҳасида ҳам самарали ҳамкорлик давом эттирилади.
Ишбилармонлик, туризм ва маданий алмашинувларни фаоллаштириш мақсадида томонлар тўғридан-тўғри авиақатновлар сонини кўпайтириш масаласини кўриб чиқадилар.
Давлат раҳбарлари халқаро ва минтақавий аҳамиятга молик долзарб масалалар юзасидан ҳам фикр алмашдилар. Кўп томонлама ташкилотлар доирасида бир-бирини қўллаб-қувватлашни давом эттириш, терроризм, экстремизм, радикализм, кибержиноятчилик ва хавфсизликка таҳдид солаётган бошқа замонавий хатарларга қарши курашишда саъй-ҳаракатларни бирлаштириш муҳим экани таъкидланди.
Тизимли мулоқотни йўлга қўйиш ва мувофиқлаштириш мақсадида ташқи ишлар вазирликлари бошчилигида иқтисодий идораларни жалб қилган ҳолда Стратегик режалаштириш гуруҳини тузишга келишиб олинди.
Музокаралар якунида давлат раҳбарлари икки мамлакат ўртасида стратегик шериклик муносабатларини ўрнатиш тўғрисида тарихий қарорга келдилар.

#Тезкор
⚡️Париждан хушхабар

Бугун Франция Прeзидeнти Эммануeл Макрон Прeзидeнт Шавкат Мирзиёевга Франциянинг энг юксак давлат мукофоти — Фахрий лeгион ордeнини топшириши кутилмоқда экан.