Қориларга иқтидо қилинг
Бошланганда моҳи Рамазон,
Масжидларда айтилса азон,
Фурсатни бой бермасдан шу он,
Қориларга иқтидо қилинг.
Тинглагайсиз ширин тилoвaт,
Имонингиз топар ҳаловaт,
Ҳеч жойда йўқ бундайин ҳолат,
Қориларга иқтидо қилинг.
Рамазоннинг туҳфаси эрур,
Жонингизга роҳатлар берур,
Кўз ёшланиб, қалбингиз эрур,
Қориларга иқтидо қилинг.
Чексиз савоб борлигин билиб,
Қолиб кетманг баҳона қилиб,
Шайтон лаъин бағрини тилиб,
Қориларга иқтидо қилинг.
Ўтганларнинг руҳи шод бўлар,
Қабрлари нурларга тўлар,
Мамнун бўлар бизлардан улар,
Қориларга иқтидо қилинг.
Оёғу бел оғриб кетса ҳам,
Кўзингизга уйқу етса ҳам,
Қиёматда кетар қайғу, ғам,
Қориларга иқтидо қилинг.
Боқоний дер хатм мукофот,
Кўтарилгай минг турлик офат,
Жаннатларда улкан зиёфат,
Қориларга иқтидо қилинг.
©️Отабек БоқонийДўстларингизга ҳам улашинг:
https://t.me/joinchat/AAAAAEGj0hkBXGlopIDbXA