НАСИЛЛИ ҚОРАМОЛ ОЗУҚАСИ УЧУН ЕР ОЛИШ ТАРТИБИ ҚАНДАЙ?
Ассалому алайкум пахта галлачиликка ихтисослашган фермер хужалиги рахбариман ,2022 йил бошидан 110 бош наслли корамол сотиб олгандик ,озука учун ер майдони ажратиш кк тартиби кандай булади олдиндан рахмат.
📍ЖАВОБ:
Ер кодексининг 46-моддаси 1-қисми 4-бандига кўра Ўзбекистон Республикаси фуқароларига — деҳқон хўжаликларини, якка тартибда боғдорчилик, полизчилик ва
чорвачиликни юритиш учун қишлоқ хўжалигига мўлжалланган ерлар ижара ҳуқуқи асосида берилади.
Кодекснинг 46 прим 1-моддасига асосан бўш турган қишлоқ хўжалигига мўлжалланган ер участкалари қуйидаги ўлчамларда ажратилади:
1) деҳқон хўжалигини юритиш учун —
0,06 гектардан 1 гектаргача;
2) фермер хўжаликларига ва бошқа юридик шахсларга:
сабзавотчиликка ихтисослашганларга
— камида 3 гектар;
боғдорчиликка, узумчиликка ихтисослашганларга
— камида 3 гектар;
чорвачилик маҳсулотини ишлаб чиқаришга ихтисослашганларга
озуқа экинларни етиштириш учун (шартли бир бош қорамол учун) —
суғориладиган ерлардан —
камида 0,3 гектар, лалмикор ерлардан
— камида 1 гектар, яйловлар ва пичанзорлардан
— камида 2 гектар;
пахтачилик ва ғаллачиликка ихтисослашганларга
— камида 30 гектар;
ғаллачилик ва сабзавотчиликка ихтисослашганларга
— камида 10 гектар.
Энди қаранг! Вазирлар Маҳкамасининг 2021 йил 24 ноябрдаги 709-сон қарори билан тасдиқланган
“Деҳқон хўжалиги юритиш учун ер участкаларини ижарага беришнинг МАЪМУРИЙ РЕГЛАМЕНТИ" қишлоқ хўжалигига мўлжалланган ерлардан деҳқон хўжалиги юритиш учун ер участкаларини
очиқ электрон танлов орқали ижарага бериш тартибини белгилайди.
Мазкур Регламент талаблари якка тартибда боғдорчилик, полизчилик ва
чорвачилик юритиш учун ер участкалари беришга нисбатан ҳам татбиқ этилади.
Сизда «E-AUKSION» электрон савдо платформаси орқали ер участкасини ижарага олишингиз мумкин.
Бу масалада Кадастр агентлигининг Давлат кадастрлари палатаси туман (шаҳар) бўлимига мурожаат қилинг.
Саволингизни: @yuristgamurojaat ga қолдиринг
👉 @fermerga_madad