Ferghana_tourism_official

#seminar

Farg‘ona shahridagi "ISMA" xalqaro  universitetida Farg‘ona shahridagi filialida Qo‘qon universiteti Xalqaro turizm va iqtisodiyot kafedrasi professori,  "Turizm boshqaruvi va marketing" yo‘nalishi falsafa doktori María de los Ángeles Pérez Sánchez  bilan hamkorlikda  O‘zbekiston Respublikasi Farg‘ona viloyati viloyatdagi turizm obyektlilari haqida tarixiy, madaniy, ilmiy asoslangan maʼlumotlarni to‘plash mavzusida seminar treninglar tashkil qilindi.

Treningda Farg‘ona viloyat Turizm boshqarmasi xodimlari M.Temirov va N.Zakirova,Marg‘ilon turizm va madaniy meros texnikumi vakillari, viloyatdagi tur operatorlar, Turizm elchilari Kengashi aʼzolari hamda universitetning talab va o‘qituvchilari ishtirok etishdi.

Farg‘ona viloyatida joylashgan Latviyaning axborot tizimlari menejmenti oliy maktabining Farg‘ona shahridagi filialida Qo‘qon universiteti Xalqaro turizm va iqtisodiyot kafedrasi professori, "Turizm boshqaruvi va marketing" yo‘nalishi falsafa doktori María de los Ángeles Pérez Sánchez seminarda "Ispaniya turizm salohiyatlari" mavzusida videorolik va slayd namoyish etgan holda maʼruza o‘qidi.

Seminar yakunida ishtirokchilar o‘zlari qiziqtirgan savollarga, tegishli javoblar olishdi.

Farg‘ona viloyat Turizm boshqarmasi matbuot xizmati

Fargʻonada Xalqaro xotin-qizlar bayrami keng nishonlanmoqda

Fargʻona shahridagi Islom Karimov nomidagi viloyat teatr-konsert saroyida 8-mart - Xalqaro xotin-qizlar kuni munosabati bilan tantanali bayram tadbiri boʻlib oʻtdi.

Viloyatimizning faol xotin-qizlari jam boʻlgan tadbirda soʻz olgan viloyat hokimi Xayrullo Bozorov goʻzallik va nafosat timsoli boʻlgan yurtimiz ayollarini, fargʻonalik xotin-qizlarni bayram bilan samimiy qutladi.

Tantanada Prezidentimizning “8-mart - Xalqaro xotin-qizlar kuni munosabati bilan mukofotlash toʻgʻrisida”gi  farmoniga muvofiq bir guruh fargʻonalik faollar ham davlatimizning yuksak mukofotlariga sazovor boʻlgani, fargʻonalik Dilnoza Abdurasulova va Layloxon Saynazarova Zulfiya nomidagi Davlat mukofoti bilan taqdirlangani eʼtirof etildi.

Viloyat rahbari ayol nafaqat jamiyatda, balki oilada ham tinchlik va muhabbat timsoli ekanligini taʼkidlab, xotin-qizlarning ijtimoiy-siyosiy hayotdagi faolligi, farzand tarbiyasidagi beqiyos oʻrni haqida toʻxtalib oʻtdi.

Shuningdek, ayollar jamiyat taraqqiyotining muhim qismi sifatida taʼlim, tibbiyot, fan, madaniyat, tadbirkorlik va davlat boshqaruvi sohalarida ulkan yutuqlarga erishayotganligini, viloyatimizda ham bunday faol, tashabbuskor xotin-qizlar koʻpligini qayd etdi. Xususan, viloyatimizda rahbar ayollar ulushi 32 foizga, oliy taʼlimdagi qizlar ulushi 50 foizga  koʻtarilgani, 2600 nafar xotin-qizlar zaxira kadrlar nomzodligiga olingani aytib oʻtildi.

Xotin-qizlarning ijtimoiy himoya qilish, bandligini taʼminlash, uning jamiyatdagi nufuzini yuksaltirish ishlariga toʻxtalib, joriy yilda bu yoʻnalishdagi jarayon yangi bosqichda davom etishi bildirildi.

Tadbirda 25 nafar viloyatimiz vakillariga  “Moʻtabar ayol” koʻkrak nishoni hamda turli sohalarda samarali faoliyat yuritgan bir guruh faol xotin-qizlarga viloyat hokimligining faxriy yorliqlari hamda esdalik sovgʻalari topshirildi.

Tadbir davomida “Fargʻona ayoli” videoroliklar tanlovining gʻoliblari tantanali taqdirlandilar.

Qoraqalpogʻiston Respublikasi Vazirlar Kengashi Raisining, Toshkent shahar va viloyatlar hokimlari oʻrinbosarlarining 2024-yil uchun eng muhim samaradorlik koʻrsatkichlarini oʻz vaqtida, toʻlaqonli va sifatli bajarilishini taʼminlab, Respublika miqyosida birinchi oʻrinni egallagani uchun viloyat hokimining oʻrinbosari - oila va xotin-qizlar boshqarmasi boshligʻi Komila Kavlonova tashakkurnoma va esdalik sovgʻasi bilan taqdirlandi.

Oʻzbek milliy akademik drama teatri jamoasining bayram dasturi namoyish etildi. Oʻzbekiston xalq artistlari Yodgor Saʼdiyev, Erkin Komilov, Zuhra Ashurova, shuningdek, Oʻzbekistonda xizmat koʻrsatgan artistlar Saida Rametova, Raʼno Yarashova, Tohir Saidov, Dilnoza Kubayeva va taniqli aktyorlar Hamza Hasanov, Sharofiddin Muzropovlar ijrosida tayyorlangan monologlar, qoʻshiqlar tadbirga oʻzgacha shukuh bagʻishladi.