Farg'ona viloyati soliq boshqarmasi

@ferganasoliq

Kanal geosi va tili: O‘zbekiston, O‘zbekcha

Toifa: ko‘rsatilmagan

© Farg‘ona viloyati soliq boshqarmasi rasmiy kanali.
Murojaat uchun: 📞 73 241 70 60
Veb-sayt: https://soliq.uz/;
Facebook: facebook.com/ferganasoliq;
Instagram: instagram.com/ferganasoliq

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

ko‘rsatilmagan

Statistika

Saralanganlar

Postlar filtri

O‘chirilganlarni yashirish

Repostlarni yashirish

Farg'ona viloyati soliq boshqarmasi

24 Feb, 08:29

#soliq_taqvimi

🗓 Eslatma ❗️Agar soliq majburiyatini bajarish muddatining so‘nggi kuni dam olish (ishlanmaydigan) kuniga to‘g‘ri kelsa, shundan keyingi birinchi ish kuni muddatning tugash kuni hisoblanadi. Shu sababli 2025-yil 24-fevral

fevral oyi uchun:

- jami daromadi joriy soliq davridan oldingi soliq davri uchun kiritilgan tuzatishlar hisobga olingan holda 10 mlrd soʻmdan oshadigan foyda soligʻi toʻlovchilari har oylik boʻnak toʻlovlarini toʻlashning oxirgi kuni
(Soliq kodeksining 340-moddasi 2-qismi).

Telegram I Facebook I Instagram I Youtube

370 0 2

Farg'ona viloyati soliq boshqarmasi

22 Feb, 06:14

Soliq xizmati xabarlari - Rasmiy kanal dan repost

Soliq – Vatan ravnaqi va xavfsizligi garovi!

Prezidentimiz, Qurolli Kuchlar Oliy Bosh Qo‘mondoni Shavkat Mirziyoyev bugun Milliy armiyamiz zamonaviy qurol-yarog‘ va texnika bilan ta’minlanayotgani, harbiy xizmatchilarning jangovar va ma’naviy tayyorgarligi sezilarli darajada oshganini qayd etdilar.

Davlat soliqlari to‘g‘risida so‘z yuritar ekanmiz, ko‘pchilik buni faqat majburiyat deb biladi. Ammo u davlatning qudrati, yurtning tinchligi va xalqning farovonligi uchun zarur bo‘lgan tayanchdir. Shu nuqtai nazar bilan Soliq qo‘mitasi raisi Sherzod Kudbiyev quyidagi fikrlarni bildirdi:

Har bir qudratli davlatning tayanchi – uning mustahkam iqtisodi va qo‘rg‘on misoli armiyasidir.
Qudratli himoya bor joyda tinchlik hukm suradi, tinchlik bor joyda esa taraqqiyot, farovonlik va xalq osoyishtaligi bo‘ladi.

Amir Temur shunday degan:
“Davlat xazinasi to‘lsa – mamlakat qudratli bo‘ladi, xalq tinch yashaydi. Xazina bo‘shasa – davlat zaiflashadi, dushmanlar unga ko‘z tikuvchi bo‘ladi.”

Temuriylar davlati dunyoga o‘zining qudratli armiyasi, adolatli boshqaruvi va mustahkam iqtisodi bilan tanilgan. Bu esa aniq hisob-kitob, oqilona soliq siyosati va xalq bilan bir tan, bir jon bo‘lgan rahbariyat tufayli amalga oshgan.

Siz to‘lagan soliq – yurtimizni yuksaltirish, tinchligimizni ta’minlash yo‘lidagi hissangizdir.
Uni yurtga xizmat deb bilish, adolatli va to‘g‘ri to‘lash – har bir fuqaroning Vatan oldidagi burchidir.

Tinchlikni, xavfsizlikni va taraqqiyotni ta’minlash uchun har birimiz o‘z hissamizni qo‘shaylik!

437 0 0

Farg'ona viloyati soliq boshqarmasi

21 Feb, 09:59

#soliq_hisoboti

Soliq hisoboti va to‘lov topshiriqnomalarini o‘z vaqtida taqdim etmaslik javobgarlikka sabab bo‘ladi

Soliq hisobotini o‘z vaqtida taqdim etmaganlik uchun soliq to‘lovchi bo‘lgan yuridik shaxsning mansabdor shaxsi yoki soliq to‘lovchi bo‘lgan jismoniy shaxs ma’muriy javobgarlikka tortiladi.
👉 Soliq kodeksi 220-modda

Soliq hisobotlarini o‘z vaqtida taqdim etmaslik:
🔹YTTlarga – BHM*ning 3 baravari miqdorida,
🔹Yuridik shaxsning rahbariga – BHMning 10 baravari miqdorida jarima solishga sabab bo‘ladi.
👉 MJTK 175-modda 2-qism

Soliqlar va yig‘imlarni to‘lash uchun to‘lov topshiriqnomasini xizmat ko‘rsatayotgan bankka taqdim etmaslik yoki o‘z vaqtida taqdim etmaslik yuridik shaxsning rahbari va YTTga – BHMning 5 baravari miqdorida jarima solishga sabab bo‘ladi.
👉 MJTK 175-modda 5-qism

Soliq organlarining axborot tizim orqali qayd etilgan ma’muriy huquqbuzarliklar uchun jarima solish to‘g‘risidagi qaror mazkur qaror chiqarilgan kundan e’tiboran 3 kun ichida soliq to‘lovchining shaxsiy kabinetiga yuboriladi.
👉 MJTK 309-prim 3-modda / Soliq kodeksi 56-modda

*2024-yil 1-oktabrdan boshlab BHM 1 baravari = 375 000 so‘m

Telegram I Facebook I Instagram I Youtube

846 0 12

Farg'ona viloyati soliq boshqarmasi

21 Feb, 07:04

#mol_mulk_soligi

3-mart – 2024-yil uchun mol-mulk soligʻi hisobotini taqdim etishning oxirgi kuni

Yuridik shaxslar mol-mulk soligʻi hisoboti yilda 1-marta, soliq hisoboti davridan keyingi yilning 1-martidan* kechiktirmay koʻchmas mulk joylashgan yerdagi soliq organlariga taqdim etiladi.
👉 Soliq kodeksi 417-modda

Bunda soliq hisoboti ko‘chmas mulkning o‘rtacha yillik qoldiq qiymatidan kelib chiqib to‘ldiriladi.

Ko‘chmas mulkning qoldiq qiymati mol-mulkning boshlang‘ich (tiklanish) qiymati bilan soliq to‘lovchining hisob siyosatida belgilangan usullardan foydalanilgan holda hisoblab chiqilgan amortizatsiya miqdori o‘rtasidagi farq sifatida aniqlanadi.

Soliqni hisoblash maqsadida ko‘chmas mulkka bo‘lgan huquqlarni davlat ro‘yxatidan o‘tkazuvchi organlarda ro‘yxatdan o‘tkazilishi lozim bo‘lgan binolar va inshootlarga nisbatan soliq bazasi 1 kv. m uchun mutlaq miqdorda belgilangan eng kam qiymatdan past bo‘lishi mumkin emas.
👉 Soliq kodeksi 412-modda

❗️QQS va AOS toʻlovchilari uchun 2024-yil boʻyicha 10403_14-sonli hisobot shakli my.soliq.uz portaliga joylashtirilgan.

Barcha turdagi ko'chmas mulklarning o‘rtacha yillik qoldiq qiymati to‘g‘risidagi ma’lumotlar my3.soliq.uz portali "Alohida soliq stavkalari qo'llaniladigan ko'chmas mulk obyektlari va yer uchastkalari" xizmatining 6-bo'limidan shakllanadi.

📖 Mol-mulk soligʻi hisoboti va ma’lumotnoma shakllarini toʻldirishda soliq xizmati organlari mutaxassislari tomonidan ishlab chiqilgan qoʻllanmalardan foydalanish tavsiya etiladi.

👉 Moʻljallanayotgan soliq bazasi (oʻrtacha yillik qoldiq qiymat), soliq imtiyozi va baholash natijalarini soliq hisobotida aks ettirish

Eslatma! Soliq davrida soliq boʻyicha boʻnak toʻlovlar summasi soliq hisobotida koʻrsatilgan budjetga toʻlanishi lozim boʻlgan soliq summasiga nisbatan 10%dan ortiq kamaytirilgan taqdirda, soliq organi boʻnak toʻlovlarni soliqning haqiqiy summasidan kelib chiqib, penya hisoblagan holda qaytadan hisoblab chiqadi.
👉 Soliq kodeksi 417-modda

*2025-yil 1-mart dam olish (ishlanmaydigan) kuniga to‘g‘ri kelganligi sababli, hisobotni taqdim etish oxirgi muddati 3-martga ko‘chiriladi.

Тelegram |Facebook |Youtube| Instagram |X| Threads

721 0 7

Farg'ona viloyati soliq boshqarmasi

20 Feb, 10:14

Marg‘ilon shahar soliq inspeksiyasi xodimi Soliq qo‘mitasi raisi tashakkurnomasi bilan taqdirlandi

"Mahallabay" ishlash tizimida samarali faoliyat olib borayotgan hamda mahalliy iqtisodiyotni rivojlantirishga o‘z hissasini qo‘shayotgan soliq inspektorlari ham moddiy, ham ma'naviy tomondan rag‘batlantirib borilmoqda.

Xususan, joriy yil yanvar oyi natijalariga ko‘ra, Marg‘ilon shahar soliq inspeksiyasi xodimi Shukurov Doniyorning faoliyati asosiy ko‘rsatkichlari (KPI)da 100 ballga baholandi.

Shu munosabat bilan, Soliq qo‘mitasi departament direktori N.Erkayev tomonidan inspeksiyada yig‘ilish o‘tkazildi.

Tadbirda "Kosibchilik", "Xo‘ja porso", "Sholdirama" mahallariga biriktirilgan D.Shukurovning namunali faoliyati e'tirof etilib, Soliq qo‘mitasi raisi tashakkurnomasi tantanali ravishda topshirildi.

#mahallabay

Telegram I Facebook I Instagram I Youtube

607 0 5

Farg'ona viloyati soliq boshqarmasi

20 Feb, 10:10

Soliq xizmati xabarlari - Rasmiy kanal dan repost

#mobil_ilova

⭐️⭐️: Chetga chiqishga cheklov yo'qligini ✅ Soliqdan bilib oling!

Soliq mobil ilovasining yangilangan 2.0.11. versiyasida Oʻzbekiston Respublikasi hududidan chiqishga vaqtinchalik cheklovlar mavjudligini bilish imkoniyati qoʻshildi.

“Soliq” mobil ilovasi foydalanuvchilari sud qarorlari yoki boshqa organlarning ijro hujjatlari asosida xorijga chiqishlari cheklanganligini masofadan turib tekshirishlari mumkin.
👉 O‘RQ-258-II-son, 42 prim 1-moddasi

Buning uchun quyidagi amallarni bajaring:

◽️"Umumiy xizmatlar" boʻlimi;
◽️"Xorijga chiqish cheklovini aniqlash" xizmati;
◽️JShShIR yoki ID karta (pasport) raqamini kiriting.

Shundan keyin telefon ekranida quyidagi xabarlardan biri paydo boʻladi:
✔️ "Sizda Oʻzbekiston Respublikasidan chiqishga cheklov aniqlanmadi."
❌ "Sizda Oʻzbekiston Respublikasi hududidan chiqish vaqtincha cheklangan."

Agar vaqtinchalik cheklov mavjud bo'lsa,"Batafsil" tugmasi orqali sababi va sanasi haqida ma'lumotni olishingiz mumkin.

Ushbu xizmatdan foydalanish bepul.
________
#мобильное_приложение

⭐️⭐️: Об ограничениях на выезд за границу узнайте в мобильном приложении Soliq!

✅ В обновленной 2.0.11. версии приложения добавлена функция проверки наличия временных ограничений на выезд за пределы Республики Узбекистан.

Пользователи мобильного приложения Soliq могут удаленно проверить ограничен ли им выезд за границу на основании судебных актов или исполнительных документов иных органов.
👉 ст.42 прим.1, ЗРУ № 258-II

Для этого:
◽️перейдите в раздел "Общие услуги";
◽️выберите услугу "Определение ограничения на выезд";
◽️введите ПИНФЛ либо номер ID карты (паспорта).

Следом на экране смартфона появится одно из следующих уведомлений:
✔️"Ограничений на выезд из Республики Узбекистан не установлено";
❌ "Ограничение на выезд из Республики Узбекистан установлено".

В случае, если временное ограничение установлено, нажав на "Подробнее", получите информацию о причинах и датах.

Данная услуга бесплатная.

Тelegram |Facebook |Youtube| Instagram |X| Threads

483 0 2

Farg'ona viloyati soliq boshqarmasi

20 Feb, 08:25

#soliq_taqvimi

🗓Eslatma ❗️2025-yil 20-fevral

yanvar oyi uchun:

🔹 QQS hisobotini taqdim etish va soliqni toʻlashning oxirgi kuni
(Soliq kodeksining 273-moddasi 1- va 2-qismlari);

🔹 dividendlar va foizlardan olinadigan soliq summasi boʻyicha soliq hisobotini taqdim etishning oxirgi kuni
(Soliq kodeksining 345-moddasi 5-qismi);

🔹norezidentlarning daromadlaridan olinadigan soliq summalari boʻyicha soliq agenti tomonidan soliq hisobotini taqdim etishning oxirgi kuni
(Soliq kodeksining 355-moddasi 1-qismi);

🔹 yuridik shaxslar tomonidan yer qaʼridan foydalanganlik uchun soliqning hisob-kitobini taqdim etish va toʻlashning oxirgi kuni
(Soliq kodeksining 454-moddasi 3- va 4-qismlari);

fevral oyi uchun:

🔹 soliq davrida suv resurslaridan foydalanganlik uchun soliq summasi bazaviy hisoblash miqdorining 200 baravaridan koʻproqni tashkil etadigan yuridik shaxslar tomonidan (bundan aylanmadan olinadigan soliqni toʻlovchilar mustasno) yillik soliq summasining 1/12 qismi miqdorida toʻlashning oxirgi kuni
(Soliq kodeksining 448-moddasi 3-qismi).

Telegram I Facebook I Instagram I Youtube

610 0 2

Farg'ona viloyati soliq boshqarmasi

19 Feb, 16:22

#QQS

QQSni qaytarib olish uchun ariza shart emas. Salbiy summani hisobotda ko‘rsatish kifoya

Soliq to‘lovchi QQS salbiy farq summasini qaytarib olish uchun alohida ariza taqdim etmasdan QQS hisobotini taqdim etish jarayonida ushbu summani ko‘rsatib o‘tish orqali soliq organlarini xabardor qilishi mumkin.

Buning uchun hisobot shaklining “Qo‘shilgan qiymat solig‘i to‘lovchisi to‘g‘risida ma’lumot” bo‘limida tegishli jadval joylashtirilgan. Sariq katakchalarda ma'lumotlar avtomatik ravishda to'ldiriladi. Ko'k kataklarga quyidagilar qo'lda kiritilishi lozim:
🔹qaytarilishi talab etiladigan soliq summasi;
🔹QQS salbiy farq summasini kelgusi to‘lovlar uchun hisobga olish talabi;
🔹qaytarishning tartibi: umumiy yoki tezlashtirilgan.

Soliq organlari murojaatlarni ma'lumot olingan kundan boshlab umumiy tartibda 30 kun ichida, tezlashtirilgan tartibda esa 7 kundan kechiktirmay ko‘rib chiqadi va salbiy farq summasi qaytarilishi (yoki qaytarish rad etilganligi) haqida soliq to'lovchining shaxsiy kabinetiga qaror nusxasini yuboradi.
👉Kimlar QQSni tezlashtirilgan tartibda qaytarib olishga haqli?

Shunindek, barqarorlik reyting “AAA” toifadagi tadbirkorlik subyektlariga QQS summasi o‘rnini qoplash (qaytarish) bir kun muddatda tekshiruvlarsiz avtomatlashtirilgan tartibda amalga oshiriladi.

Telegram I Facebook I Instagram I Youtube

797 0 5

Farg'ona viloyati soliq boshqarmasi

19 Feb, 10:40

04:03

Video oldindan ko‘rish uchun mavjud emas

Telegram'da ko‘rish

#qonunchilikdagi_yangiliklar

“Qishloq xo‘jaligi ekin maydonlari unumdorligini oshirish, tarmoqqa investitsiyalar jalb qilish uchun qulay shart-sharoit yaratish bo‘yicha navbatdagi chora-tadbirlar to‘g‘risida”gi Prezident Farmoni (PF-18, 03.02.2025) ga ko‘ra, soliq qonunchiligiga kiritilayotgan o‘zgarishlar yuzasidan Farg‘ona viloyati soliq boshqarmasi bosh inspektori Sh.Xalilov sharhi.

©️Farg‘ona MTRK

Telegram I Facebook I Instagram I Youtube

708 0 11

Farg'ona viloyati soliq boshqarmasi

19 Feb, 07:36

#soliq_siyosati_2025 #qonunchilikdagi_yangiliklar #QQS

QQS bo‘yicha o‘zgarishlar

2025-yilda QQS stavkasi 12% miqdorida saqlanib qolindi.

QQS va foyda solig‘i stavkalari 2028-yil 1-yanvarga qadar o‘zgarmaydi.

2025-yil 1-iyuldan yo‘lovchilarni yagona tariflar bo‘yicha tashish xizmatlari QQSga tortiladi.
Avval soliqdan ozod etilgan edi.

Davlat mol-mulkini, shu jumladan mulk huquqi asosida qishloq xo'jaligiga mo‘ljallanmagan bo‘sh turgan yer uchastkalarini realizatsiya qilish QQSga tortilmaydi.

👉 Soliq kodeksi 243-modda

Mahsulotlarning eksportini tasdiqlovchi hujjatlar quyidagilardan iborat:

▫️kontrakt (kontrakntning belgilangan tartibda tasdiqlangan ko‘chirma nusxasi);

▫️tovarlarni O‘zbekiston Respublikasi bojxona hududidan olib chiqish uchun asos bo‘lgan bojxona yuk deklaratsiyasi (Ilgari O'zbekiston Respublikasi bojxona hududidan tovarlarni olib chiqish uchun bojxona organining belgisi bo‘lgan bojxona yuk deklaratsiyasi);

▫️O‘zbekiston Respublikasining bojxona hududidan o‘tkazish punktida joylashgan bojxona organining tovarlar ortilgan transport vositalari bojxona chegarasini kesib o‘tganligini tasdiqlovchi belgisi qo‘yilgan tovarning kuzatuv hujjatlari (ilgari tovar belgilangan mamlakatga jo‘natilganligini tasdiqlovchi belgisi qo‘yilgan)

Bojxona organlari tomonidan real vaqt rejimida elektron axborot almashinuvi vositasida soliq organlariga taqdim etiladigan tovarlar bojxona chegarasini kesib o‘tganligi to‘g‘risida taqdim etilgan ma’lumotlar tovarlar eksport qilinganligini tasdiqlash uchun asos bo‘ladi.

👉 Soliq kodeksi 261-modda

QQSdan quyidagilar ozod qilinadi:

▪️2027-yil 1-yanvargacha – Prezident qarori bilan tasdiqlanadigan ro‘yxat bo‘yicha protez moslamalarini va ularning butlovchi, ehtiyot qismlarini O'zbekiston hududiga olib kirish;

▪️2024-yil 1-noyabrdan 2026-yil 1-yanvargacha - O'zbekiston rezidentlari bo'lgan vagon (konteyner)lar operatorlarining temir yo'l transportida tashish jarayonida vagonlarni (konteynerlarni) ijara shartnomasi asosida foydalanishga berish xizmatlari;

▪️2030-yil 1-yanvargacha - O‘zbekistonda ishlab chiqarilmaydigan, belgilangan tartibda shakllantiriladigan ro‘yxatlar bo‘yicha nodavlat maktabgacha va umumiy o‘rta ta’lim tashkilotlarini jihozlash hamda ularning faoliyatini ta’minlash uchun O‘zbekiston hududiga olib kiriladigan, zamonaviy o‘quv va laboratoriya asbob-uskunalari, kompyuter texnikasi, dasturiy mahsulotlar, o‘quv va ilmiy-uslubiy adabiyotlar, anjomlar va moddiy-texnika resurslari.

Shuningdek, budjet tashkilotlarining Xalqaro moliya tashkilotlari ishtirokidagi qaysi infratuzilma loyihalari bo‘yicha tovarlar (xizmatlar) QQSdan ozod etilishiga aniqlik kiritildi:
▫️elektr, gaz va issiqlik ta'minoti;
▫️suv ta'minoti va kanalizatsiya;
▫️suv xo'jaligi;
▫️yo'l-transport infratuzilmasi;
▫️aloqa va telekommunikatsiya;
▫️agrologistika;
▫️sanitariya jihatdan tozalash;
▫️qattiq maishiy chiqindilarni boshqarish.
Imtiyoz loyiha ishtirokchilariga ham qo‘llaniladi.

👉 Soliq kodeksi 483-modda

Тelegram |Facebook |Youtube| Instagram |X| Threads

849 0 6

Farg'ona viloyati soliq boshqarmasi

18 Feb, 14:48

#barqarorlik_reytingi

Barqarorlik reytingida yuqori toifaga kirish mexanizmlari tadbirkorlarga yetkazilmoqda

Tadbirkorlarni Barqarorlik reytingida yuqori toifaga chiqishiga ko’maklashish maqsadida Farg‘ona viloyati soliq boshqarmasi mas'ul xodimlari tomonidan soliq to‘lovchilar bilan yuzma-yuz muloqotlar davom etmoqda.

Mutaxassislar tadbirkorlik subyektlari vakillari bilan uchrashib, reytingdagi mezonlarni shaxsiy kabinet orqali birma-bir tahlil qilib, mavjud kamchiliklarni batafsil tushuntirmoqdalar. Shuningdek, ularni yuqori toifaga olib chiqish uchun zarur maslahat va tavsiyalar berilmoqda.

Bundan tashqari, uchrashuvlar jarayonida soliq qonunchiligiga kiritilayotgan o‘zgarishlar mazmun-mohiyati ham tadbirkorlarga yetkazildi.

Telegram I Facebook I Instagram I Youtube

680 0 2

Farg'ona viloyati soliq boshqarmasi

18 Feb, 13:39

01:40

Video oldindan ko‘rish uchun mavjud emas

Telegram'da ko‘rish

#QQS #chek_tahrirlash

🗓 20-fevral – QQS toʻlovchilar uchun 2025-yil yanvar oyida chop etilgan onlayn-NKT cheklarini tahrirlashning oxirgi kuni

QQS to‘lovchilar onlayn-NKT sotuv cheklarini rasmiylashtirishdagi texnik xatoliklarni QQS bo‘yicha soliq hisobotini taqdim etish muddatigacha tuzatishi mumkin.

Telegram I Facebook I Instagram I Youtube

849 0 3

Farg'ona viloyati soliq boshqarmasi

18 Feb, 08:38

#QQS #bilasizmi

Barcha farmasevtika va tibbiy xizmat ko‘rsatuvchi kompaniyalar QQS to‘lovchisiga aylanadi

2025-yil 1-apreldan daromadidan qatʼiy nazar, farmatsevtika mahsulotlari savdosi bilan shug‘ullanuvchi yoki tibbiy xizmat ko‘rsatuvchi yuridik shaxslar QQS to‘lovchisi bo‘ladi.

Bunda soliq organlari Onlayn-NKT, EHF va boshqa tashqi va ichki ma'lumotlar asosida QQS hisobotlarini avtomatik tarzda shakllantiradi.

❗️Ushbu tartib Soliq kodeksiga tegishli oʻzgartirishlar kiritilgandan soʻng amaliyotga joriy etiladi.
👉Soliq kodeksining 2- va 75-moddasi

Amaldagi qonunchilikka ko‘ra, farmasevtika mahsulotlarini sotuvchi yoki tibbiy xizmatlar ko‘rsatuvchi yuridik shaxslar uchun soliq to‘lash tartibi quyidagicha:
📉 daromadi 1 mlrd so‘mdan oshmaydiganlar – aylanmadan olinadigan soliq to‘laydi;
📈 daromadi 1 mlrd so‘mdan ko‘p bo‘lganlar – QQS va foyda solig‘i to‘lashga o‘tadi.

QQS 12% ni, foyda solig‘i stavkasi 15%ni tashkil etadi. Ijtimoiy soha faoliyatini amalga oshiruvchi soliq to‘lovchilar uchun foyda solig‘i stavkasi 0% belgilangan.

Aylanmadan olinadigan soliq stavkasi 4%ni tashkil etadi.
💊Ulgurji va chakana dori vositalarini sotish bilan shug‘ullanuvchi dorixonalar uchun soliq stavkalari quyidagicha belgilangan:
📍Aholi soni 100 ming nafar va undan ko‘p bo‘lgan shaharlarda – 3%;
📍boshqa aholi punktlarida – 2%;
📍borish qiyin bo‘lgan va tog‘li tumanlarda – 1%.
Shuningdek, soliq to‘lovchilar qat'iy belgilangan summada aylanmadan olinadigan soliqni to‘lashga haqli.
👉Soliq kodeksi, 467-modda

Telegram I Facebook I Instagram I Youtube

1k 0 18

Farg'ona viloyati soliq boshqarmasi

17 Feb, 16:10

02:01

Video oldindan ko‘rish uchun mavjud emas

Telegram'da ko‘rish

"Karkidon" suv ombori atrofidagi 270 gektar maydonda "yashil belbog‘" tashkil etilmoqda. Soliq xizmati xodimlari ham ushbu loyihaga o‘z hissalarini qo‘shmoqdalar.

Telegram I Facebook I Instagram I Youtube

880 0 13

Farg'ona viloyati soliq boshqarmasi

17 Feb, 08:40

#soliq_hisobotlari #AOS

17-fevral – AOS hisobotini taqdim etish va to'lashning oxirgi kuni

▫️2024-yil uchun – paket kodi 10104_33
▫️2025-yil yanvar oyi uchun – paket kodi 10104_35

AOS hisoboti onlayn-NKT va EHF ma’lumotlari asosida avtomatik tarzda shakllantiriladi.

📱 Videoqo‘llanma

Asosiy soliq stavkasi 4% saqlanib qoldi, elektron savdo uchun bu stavka 3% bo‘ldi.

Chakana savdo sohasida va dorixona tashkilotlari uchun stavkalar faoliyatni amalga oshiradigan joyiga bog‘liq.

Soliq to'lovchilar aylanmadan olinadigan soliqni qat’iy summada to‘lash huquqiga ega:
📉yillik jami daromadi 500 mln so'mgacha – yiliga 30 mln so‘m;
📈yillik jami daromadi 500 mln so‘mdan yuqori - yiliga 40 mln so‘'m.

Qat’iy summada aylanmadan soliq to‘lovchilar ushbu soliq bo‘yicha, dividend ko‘rinishidagi daromadlar bo‘yicha va moliyaviy hisobotlarni topshirmaydilar.

Telegram I Facebook I Instagram I Youtube

942 0 4

Farg'ona viloyati soliq boshqarmasi

17 Feb, 07:19

#soliq_taqvimi

🗓 Eslatma ❗️Agar soliq majburiyatini bajarish muddatining so‘nggi kuni dam olish (ishlanmaydigan) kuniga to‘g‘ri kelsa, shundan keyingi birinchi ish kuni muddatning tugash kuni hisoblanadi. Shu sababli 2025-yil 17-fevral

yanvar oyi uchun:

👉 hisoblangan va amalda toʻlangan daromadlar summalari hamda jismoniy shaxslardan olinadigan daromad soligʻining ushlab qolingan summalari toʻgʻrisidagi maʼlumotlarni taqdim etish, shuningdek ijtimoiy soliq hisob-kitobini taqdim etish va toʻlashning oxirgi kuni
(Soliq kodeksining 389-moddasi 1-qismi, 407-moddasi 4- va 5-qismlari);

👉 aylanmadan olinadigan soliq hisobotini taqdim etish va soliqni toʻlashning oxirgi kuni (Soliq kodeksining 470-moddasi 3-qismi);

2024-yil uchun:

👉 yil yakunlari boʻyicha hisoblangan va amalda toʻlangan daromadlar summalari hamda jismoniy shaxslardan olinadigan daromad soligʻining ushlab qolingan summalari toʻgʻrisidagi maʼlumotlarni taqdim etish, shuningdek ijtimoiy soliq hisob-kitobini taqdim etish va toʻlashning oxirgi kuni
(Soliq kodeksining 389-moddasi 1-qismi, 407-moddasi 4- va 5-qismlari);

👉 Oʻzbekiston Respublikasida faoliyatni doimiy muassasalar orqali amalga oshirmaydigan Oʻzbekiston Respublikasining norezidentlari tomonidan mol-mulk soligʻi toʻlashning oxirgi kuni
(Soliq kodeksining 417-moddasi 10-qismi);

👉 yil yakunlari bo‘yicha aylanmadan olinadigan soliq hisobotini taqdim etish va soliqni to‘lashning oxirgi kuni
(Soliq kodeksining 470-moddasi 3-qismi).

Telegram I Facebook I Instagram I Youtube

795 0 1