Олий Мажлис Қонунчилик палатаси депутати Расул Кушербаев 200 сўмлик ва 500 сўмлик банкноталарнинг муомаладан табиий йўл билан чиқиб кетиши учун унинг қонуний тўлов воситаси сифатида қўйилган кучини йўқотиш муддатини бекор қилиш ва муомала вақтини муддатсиз этиб белгилаш масаласини кўриб чиқиш ҳақида таклиф билан Марказий Банк раиси Мамаризо Нурмуратовга тегишли сўров хатини юборибди. Депутатнинг таъкидлашича, аҳоли томонидан унга келаётган мурожаатларда 200 ва 500 сўмлик банкноталарни савдо ва хизмат кўрсатишда қабул қилинмаётганлиги уларга қийинчилик туғдираётганлиги билдирилмоқда.
«Аҳоли ўз эътирозларида хизмат ёки меҳнат орқали эга бўлган моддий қийматга эга маблағларининг ўзларига боғлиқ бўлмаган сабаб туфайли моддий қийматини йўқотганлиги ва тўлов сифатида қабул қилинмаётганлигидан норози эканликларини билдиришмоқда. Бу айниқса, етарли даражада ижтимоий инфратузилмага эга бўлмаган, банк ҳамда йирик савдо ва хизмат кўрсатиш объектларидан олис ҳудудларда кузатилмоқда», деб ёзади Р.Кушербаев.
Асосан чекка қишлоқларда яшовчи фуқароларимизга бу қарор ноқулайликлар туғдирган бўлиши табиий. Марказий банк ва Адлия вазирлиги қарор чиқаришдан олдин аҳолининг тенглик принципига амал қилса яхши бўларди. Зеро, ҳамманинг ҳам чўнтагида 50 минг, 100 минг сўмли купюраларни олиб юришга қурби етмайди. Марказий банк бундан буён 200 ва 500 сўмлик қоғозли банкноталардан воз кечиб, ўрнига тангаларни чиқаришни мақсад қилгани тушунарли, лекин қоғозли пулларни бутунлай муомаладан чиқариб қўйиб, юртимиз бўйлаб мавжуд бўлган миллион/миллиард сўмга тенг қоғозли банкноталарни бир кун ичида яроқсиз ва фойдасизга чиқариш қанчалик тўғри? Марказий банк ушбу купюраларни бундан буён чиқармаса ҳам амалда қўлда бўлганларнинг табиий йўл билан чиқиб кетишига шароит яратиши керак.
«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w
«Аҳоли ўз эътирозларида хизмат ёки меҳнат орқали эга бўлган моддий қийматга эга маблағларининг ўзларига боғлиқ бўлмаган сабаб туфайли моддий қийматини йўқотганлиги ва тўлов сифатида қабул қилинмаётганлигидан норози эканликларини билдиришмоқда. Бу айниқса, етарли даражада ижтимоий инфратузилмага эга бўлмаган, банк ҳамда йирик савдо ва хизмат кўрсатиш объектларидан олис ҳудудларда кузатилмоқда», деб ёзади Р.Кушербаев.
Асосан чекка қишлоқларда яшовчи фуқароларимизга бу қарор ноқулайликлар туғдирган бўлиши табиий. Марказий банк ва Адлия вазирлиги қарор чиқаришдан олдин аҳолининг тенглик принципига амал қилса яхши бўларди. Зеро, ҳамманинг ҳам чўнтагида 50 минг, 100 минг сўмли купюраларни олиб юришга қурби етмайди. Марказий банк бундан буён 200 ва 500 сўмлик қоғозли банкноталардан воз кечиб, ўрнига тангаларни чиқаришни мақсад қилгани тушунарли, лекин қоғозли пулларни бутунлай муомаладан чиқариб қўйиб, юртимиз бўйлаб мавжуд бўлган миллион/миллиард сўмга тенг қоғозли банкноталарни бир кун ичида яроқсиз ва фойдасизга чиқариш қанчалик тўғри? Марказий банк ушбу купюраларни бундан буён чиқармаса ҳам амалда қўлда бўлганларнинг табиий йўл билан чиқиб кетишига шароит яратиши керак.
«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w