В бой идут одни старики: МТРК раиси «Орият доно» бошловчиларига эътироз билдирди
Ўзбекистон Миллий Телерадиокомпанияси раиси Алишер Хўжаевнинг куни кеча «Орият Доно» радиоси эфирида Ўзбекистон24 телеканалини танқид қилган СпортТВ ходимларини қоралагани ҳақидаги пост ижтимоий тармоқларда пайдо бўлди.
Алишер Хўжаев «СпортТВ» ходимлари Жамолиддин Бобожонов ва Бобур Акмаловларни корпоратив этикани бузганликда айблаган:
“Улар корпоратив этика тушунчасидан йироқ эканликларини, спортчилар орасида жуда қадрланадиган жамоавий бирлик қадриятини умуман тушунмасликларини кўрсатиб қўйишди”.
Шунингдек, МТРК раҳбари Ўзбекистон24 телеканали фаолияти бўйича танқидий фикр билдирган журналистларни СпортТВда эгаллаб турган лавозимга лойиқлигини гумон остига олиб, уларнинг ишдан бўшатилиши зарурлигига ишора қилган.
“Хўш, бизнинг корпорациямиз (яъни компаниямиз) корпоратив этикани тан олмайдиган, ҳамкасбларининг юзига оёқ қўядиган, сиёсий ва маданий онги ҳамда профессионализми ҳаминқадар бўлган бу икки ходимнинг хизматига муҳтожми?” - дея ўз сўзларини якунлаган.
Ўзбек телевидениесида савиянинг йўқолишига, цензуранинг кучайишига, маддоҳлик иллатларининг илдиз отиб кетишига, ва энг муҳими, телевидениени мутлоқ таназзулга олиб келишига бош сабабчи бўлган МТРК раиси ҳали-ҳануз ўз лавозимини тарк этмаганидан ҳайратдаман. Бундай кадрлар аллақачон ўз жойини ёшроқ, сўз ва фикр эркинлигини, инновация ва креативликни тушунадиган одамга бўшатиши керак эди.
Маълумот учун, Алишер Хўжаев 2005 йилдан буён МТРК раиси лавозимида ишлаб келмоқда. 2017 йилда президент Шавкат Мирзиёев телевидениедаги «ура-урачилик»ни қаттиқ танқид остига олганидан сўнг, А.Хўжаев эгаллаб турган лавозимидан бўшатилган эди. Бироқ орадан ярим йил ўтар-ўтмас у яна ўз лавозимига қайтган. Бугунгача Алишер Хўжаев телевидениеда «ура-урачилик»нинг энг юқори намунасини кўрсатиб келаётган эди, энди эса сўз ва фикр эркинлигига даҳл қилиш йўлига ўтмоқда.
«Ўзбекистон 24» телеканали «маддоҳлик ботқоғига» ботганини ҳамма билади. Ойни этак билан ёпиб бўлмайди. Илтимос, отахонлар, ўрнингизни ёшроқ ва адекватроқ кадрларга бўшатиб беринглар!
«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w
Ўзбекистон Миллий Телерадиокомпанияси раиси Алишер Хўжаевнинг куни кеча «Орият Доно» радиоси эфирида Ўзбекистон24 телеканалини танқид қилган СпортТВ ходимларини қоралагани ҳақидаги пост ижтимоий тармоқларда пайдо бўлди.
Алишер Хўжаев «СпортТВ» ходимлари Жамолиддин Бобожонов ва Бобур Акмаловларни корпоратив этикани бузганликда айблаган:
“Улар корпоратив этика тушунчасидан йироқ эканликларини, спортчилар орасида жуда қадрланадиган жамоавий бирлик қадриятини умуман тушунмасликларини кўрсатиб қўйишди”.
Шунингдек, МТРК раҳбари Ўзбекистон24 телеканали фаолияти бўйича танқидий фикр билдирган журналистларни СпортТВда эгаллаб турган лавозимга лойиқлигини гумон остига олиб, уларнинг ишдан бўшатилиши зарурлигига ишора қилган.
“Хўш, бизнинг корпорациямиз (яъни компаниямиз) корпоратив этикани тан олмайдиган, ҳамкасбларининг юзига оёқ қўядиган, сиёсий ва маданий онги ҳамда профессионализми ҳаминқадар бўлган бу икки ходимнинг хизматига муҳтожми?” - дея ўз сўзларини якунлаган.
Ўзбек телевидениесида савиянинг йўқолишига, цензуранинг кучайишига, маддоҳлик иллатларининг илдиз отиб кетишига, ва энг муҳими, телевидениени мутлоқ таназзулга олиб келишига бош сабабчи бўлган МТРК раиси ҳали-ҳануз ўз лавозимини тарк этмаганидан ҳайратдаман. Бундай кадрлар аллақачон ўз жойини ёшроқ, сўз ва фикр эркинлигини, инновация ва креативликни тушунадиган одамга бўшатиши керак эди.
Маълумот учун, Алишер Хўжаев 2005 йилдан буён МТРК раиси лавозимида ишлаб келмоқда. 2017 йилда президент Шавкат Мирзиёев телевидениедаги «ура-урачилик»ни қаттиқ танқид остига олганидан сўнг, А.Хўжаев эгаллаб турган лавозимидан бўшатилган эди. Бироқ орадан ярим йил ўтар-ўтмас у яна ўз лавозимига қайтган. Бугунгача Алишер Хўжаев телевидениеда «ура-урачилик»нинг энг юқори намунасини кўрсатиб келаётган эди, энди эса сўз ва фикр эркинлигига даҳл қилиш йўлига ўтмоқда.
«Ўзбекистон 24» телеканали «маддоҳлик ботқоғига» ботганини ҳамма билади. Ойни этак билан ёпиб бўлмайди. Илтимос, отахонлар, ўрнингизни ёшроқ ва адекватроқ кадрларга бўшатиб беринглар!
«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w