Uzbekistan Football Association

HAMDARDLIK

Uzoq yillar davomida oʻzbek futboli rivojiga munosib hissa qoʻshgan Muxtor Hoshimov vafoti munosabati bilan marhumning yaqinlari va oila a’zolariga ta’ziya bildiramiz.

Muxtor Muinovich Hoshimov 1948-yilda tavallud topgan. 1960-yilda “Paxtakor” futbol maktabida shugʻullanishni boshlagan. 1965-yilda O‘zbekiston terma jamoasi safida yoshlar kubogi sohibi bo‘lgan. “Politotdel”, “Dimitrovets”, “Oq oltin” jamoalarida toʻp surgan. 1972-yilda murabbiylik faoliyatini boshlagan. 1993-yilda oʻsha vaqtdagi O‘zbekiston futbol federatsiyasida ommaviy futbol bo‘limi boshlig‘i, 2006-yildan esa musobaqalar bo‘limi boshlig‘i, 2009–2017-yillar davomida esa O‘zbekiston futzal assotsiatsiyasining birinchi vitse-prezidenti lavozimlarida ishlagan. Umrining so‘nggi yillarida esa O‘FA Futbolchilarning maqomi va o‘tishi bo‘yicha qo‘mita raisi sifatida faoliyat yuritgan.

O‘tganlarning oxirati obod bo‘lsin!

Bugun O‘zbekiston Milliy olimpiya qo‘mitasining Bosh assambleyasi bo‘lib o‘tdi.

Yig‘ilishda tashkiliy masala ko‘rib chiqildi.

Milliy olimpiya qo‘mitasi raisi lavozimiga O‘zbekiston Respublikasi Prezidenti Shavkat Mirziyoyev nomzodi ilgari surildi va bir ovozdan saylandi.

Shuningdek, Bosh assambleya MOQ raisining birinchi o‘rinbosari lavozimiga Otabek Umarovni, rais o‘rinbosari lavozimiga Sherzod Tashmatovni, qo‘mita bosh kotibi lavozimiga Oybek Qosimovni sayladi.

Yig‘ilishda O‘zbekiston Respublikasi Bosh vaziri Abdulla Aripov, Prezident Administratsiyasi departamenti rahbari Odil Abdurahmanov, sport vaziri Adham Ikramov, Bosh assambleya a’zolari, shuningdek, federatsiya va assosiatsiyalarning mas’ullari ham qatnashdi.

Prezident matbuot xizmati

📋 UEFA va OFK mutaxassislari bilan ayollar futbolini rivojlantirish masalalari muhokama qilindi

Bugun O‘zbekiston futbol assotsiatsiyasi rahbariyati UEFAning ayollar futboli bo‘yicha mutaxassislari Kris Milnes va Elis Kossafi hamda OFK mutaxassisi Amir Assokan bin Abdulla bilan uchrashdi. Uchrashuv avvalida O‘zbekistonda ayollar futboli va futzali rivojlanib borayotgani qayd etildi. UEFA vakillari tomonidan ayollar futbolini isloh etishda OFK bilan hamkorlikda amalga oshirilayotgan ishlar ko‘lami yanada kengayishi zarurligi, ushbu hamkorlikdan maqsad O‘zbekistonda va Osiyoning boshqa bir qator mamlakatlarida ayollar futboliga e'tiborni kuchaytirishdan iborat ekanligi ta'kidlandi hamda turli yoshdagi terma jamoalar, ayollar ligasi, ommaviy futbol, hakamlik va murabbiylar ta'limi singari muhim yo‘nalishlarni o‘z ichiga olgan 3 yillik dastur taqdim etildi.

O‘FA birinchi vitse-prezidenti Ravshan Irmatov so‘nggi yillarda ayollar futboliga e'tibor tobora ortib borayotganini alohida ta'kidlab, mamlakatimiz 2029-yilda ayollar futboli bo‘yicha Osiyo kubogiga mezbonlik qilishi buning yaqqol isboti ekanini qayd etdi.

“Belgilangan rejalar aniq, biroq ularni amalga oshirishda bor imkoniyatimizni ishga solishimiz kerak”, dedi Ravshan Irmatov.

Shuningdek, O‘FA birinchi vitse-prezidenti tomonidan “Grassroots” va “Football for schools” dasturlarida qizlar ulushini oshirish, so‘ngra ularni professional futbolga jalb qilish, ayol murabbiylar va referilar uchun UEFAga a'zo mamlakatlarda o‘quv kurslari tashkil etish bo‘yicha dasturlarni amalga oshirishga oid muhim takliflar ilgari surildi.

⚡️ t.me/FAUzbekistan

📸 “O‘zbekiston futbol assotsiatsiyasi birinchiligi”ning yarim final uchrashuvlaridan fotogalereya

⚡️ t.me/FAUzbekistan

📋 “O‘zbekiston futbol assotsiatsiyasi birinchiligi”ning yarim final uchrashuvlari yakunlandi.

Ertaga, 26-noyabr kuni O‘FA maydonida turnirning final va 3-o‘rin uchun bellashuvlar bo‘lib o‘tadi.

⚡️ t.me/FAUzbekistan

🎉 Bugun OʻFA vitse-prezidenti hamda oʻzbek futbolining yaqin oʻtmishdagi yorqin yulduzlaridan biri Odil Ahmedov oʻz tavallud ayyomini nishonlamoqda!

Oʻzbekistonning 6 karra eng yaxshi futbolchisi, Milliy terma jamoa safida uzoq yillar davomida barqaror oʻyin namoyish etgan Odil Ahmedov oʻzining 37 yoshini qarshi olmoqda.

Futbol jamoatchiligi nomidan Odil Ahmedovni tavallud ayyomi bilan muborakbod etib, oʻzbek futboli rivoji yoʻlidagi ishlarida muvaffaqiyatlar tilaymiz!

1️⃣ t.me/FAUzbekistan

🏆 “Hududiy kubok egalari kubogi” musobaqasi o‘z nihoyasiga yetdi

Namangan tumani “Toshbuloq” o‘yingohi mezbonligida joriy yilning 18-noyabr kunidan boshlab start olgan “Hududiy kubok egalari kubogi-2024” musobaqasi yakunlandi.

Finalda Qashqadaryo viloyatining “Lochin-QDU” hamda Samarqand viloyatining “Do‘stlik” jamoalari o‘zaro bahs olib bordi va unda Kattaqo‘rg‘on tumanining “Do‘stlik” jamoasi 2:0 hisobida g‘alaba qozonib, bosh sovrinni qo‘lga kiritdi.

💳 Uzcard ⚡️ t.me/FAUzbekistan