QIZ BOLANI HECH QACHON URMANG!
Uyingizda malika bo‘lsin,
Mayli, qasr-saroylar qurmang.
Ko‘nglidagi yarim oy to‘lsin,
Qiz bolani hech qachon urmang!
Tong otmasdan uyg‘onsa sahar,
So‘ramasa sizdan bir shahar,
Baxtli bo‘lsin desangiz agar,
Qiz bolani hech qachon urmang!
Ko‘zlarida porlasin quyosh,
Dudoqlari jim qotmasin tosh,
Axir, qizlar bo‘lmaydi bebosh,
Qiz bolani hech qachon urmang!
Yarashtirib ro‘mol o‘raydi,
Sizga Haqdan Jannat so‘raydi,
Qiz bolani urib bo‘lmaydi,
Qiz bolani hech qachon urmang!
Qiz mehribon, kuyinchak bo‘lar,
Bir kun kelib kelinchak bo‘lar,
Ko‘tarilsin duoga qo‘llar,
Qiz bolani hech qachon urmang!
✅ Yaqinlaringizga ulashib qo'ying
🥰 Reaksiya qoldirishni unutmang
@farishta_ayoll