Farg‘ona viloyat prokuraturasi

Фарғона вилояти прокуратураси томонидан ёқилғи-энергия ресурсларини иқтисод қилиш, талон-торож қилиш, аҳоли ҳамда тадбиркорлик субъектларини энергия ресурслари билан узлуксиз таъминлаш борасида ўрганиш ишлари олиб борилмоқда.

Вилоят прокурорининг ўринбосари А.А.Хасанов томонидан Қува туманида “TCMY-ENERGY” масъулияти чекланган жамияти ва бошқа тадбиркорлик субъектлари томонидан Жанубий Фарғона каналида қурилаётган микро ГЭСлар билан танишди, масъулларга тегишли кўрсатма ва топшириқлар берилди.

Маълумот учун: Қувасой шаҳар “Сой бўйи” МФЙ ҳудудида маҳаллий (“Сув таъминоти” АЖ Қувасой филиали) ҳамда хорижий ташаббускор инвесторлар жалб қилган ҳолда қуввати 1 МВт тенг бўлган микро гидроэлектр станцияси қурилиши режалаштирилган.

Ҳозирда, мазкур йўналишда ўрганиш ишлари давом эттирилмоқда.
    
👉https://t.me/FargonaViloyatProkuraturasi

Бешариқ тумани прокуратураси томонидан Ўзбекистон Республикаси Президентининг 24.05.2023 йилдаги “Ёқилғи-энергетика соҳасида давлат назорати механизмларини такомиллаштириш ва рақамли энергоназорат тизимини жорий этиш тўғрисида”ги ПФ-77-сонли Фармони ижроси алоҳида назоратга олинган.

Хусусан, “Ҳудудгаз” ҳамда Электр тармоқлари туман корхоналарининг диспетчерлик фаолияти тизимли ташкил этилганлиги, авария ҳолатларни олдини олиш гуруҳи ва уларнинг ҳимоя воситалари шайлиги ўрганилди.

Шунингдек, тумандаги табиий газга ихтисослаштирилган маҳаллаларда газ босими меъёри ҳусусида тарғибот ва тушунтириш ишлари олиб борилди.

Бу борадаги назорат тадбирлари изчиллик билан давом эттирилмоқда.
    
👉https://t.me/FargonaViloyatProkuraturasi

Бешариқ тумани прокурори, 2-сектор раҳбари Ш.У.Хатамов томонидан ҳудуддаги “Янги Рапқон” МФЙда Ўзбекистон Республикаси Президентининг 14.02.2025 йилдаги “Томорқа ер эгалари ва деҳқон хўжалиги майдонларидан самарали фойдаланиш, соҳага замонавий бошқарув тизимини жорий қилиш ва молиявий қўллаб-кувватлашнинг қўшимча чора-тадбирлари тўғрисида”ги ПФ-22-сонли Фармон ижроси юзасидан амалга ошириб келинаётган ишлар ўрганилди.

Ўрганиш давомида маҳалланинг ихтисослашуви бўйича янгича йўналишлардан кенг фойдаланган ҳолда, томорқаларда атиргулчилик, кўчатчилик ва бошқа даромадбоп маҳсулотлар етиштириш орқали аҳолининг юқори даромадли меҳнат билан бандлигини таъминлаш юзасидан маҳалла ва банк ходимларига топшириқлар берилди.

Шунингдек, банк ходимлари томонидан оилавий тадбиркорлик йўналишида амалга оширилиши лозим бўлган ишлар юзасидан тушунтириш берилиб, соҳаларга доир берилган саволларга мутаҳассислар томонидан жавоблар берилди. 
    
👉https://t.me/FargonaViloyatProkuraturasi

Фарғона вилояти прокурорининг ўринбосари О.Тошматов раҳбарлигидаги ишчи гуруҳ томонидан вилоятдаги давлат бошқаруви органлари ва бошқа ташкилотларда Ўзбекистон Республикасининг давлат рамзларига доир қонунчиликнинг аниқ ва бир хилда амал қилиниши аҳволи бўйича ўрганишлар давом этмоқда.

Хусусан, вилоятдаги олий таълим муассасалари, Фарғона вилояти телерадиоканали, “O‘zenergoinspeksiya” Фарғона вилояти ҳудудий бошқармасида ҳамда бошқа идораларда давлат рамзларидан фойдаланиш ва унга нисбатан ҳурмат таъминланганлиги ўрганилди.

Ўрганишларда асосий эътибор давлат рамзлари бўлган байроқ ва гербларнинг белгиланган схематик тасвир ва ўлчамларга мослиги, ўрнатиш, фойдаланиш, сақлаш ва йўқ қилишда белгиланган талабларга риоя этилганлиги бошқа муҳим масалаларга қаратилмоқда.   
    
👉https://t.me/FargonaViloyatProkuraturasi