Farangiz Murodova

MENING SAVOLLARIM

- Dada, ko'zingizda qotgan nima u?
- Umrimga sig'magan bir tutam orzu.

- Dadajon, nima u dunyoda boqiy?
- Hijrondan oqargan sochlarning oqi.

- Nega hayqirmaysiz bahorga boqib?
- Axir gullar ketar kunlarga oqib.

- Nega g'iybatlarni siz yengasiz jim?
- G'olibdir tilini yenga olsa kim.

- Sizni to'lg'ontirar nimaning jabri?
- Qishloq chetidagi onamning qabri...

- Dada, ko'ksingizda ne dard yashirin?
- Ko'zlar yeb bormoqda meni kun sayin.

- Dadajon, nima u tasavvurda baxt?
- Azoblari gulga aylangan daraxt!

- Ko'ksingizda borga o'xshaydi bir o'q?
- Bu sirni hech kimga aytolmayman, yo'q!...

- Qachon yengolmaysiz ko'zdagi yoshni?
- Bulutlar ustidan kulsa quyoshni .

- Qachon quvonchniki bo'lasiz butun?
- Qishloqqa sen shoir bo'lib qaytgan kun...

Halima Ahmedova

@farangizkhan_murodova

Bu hafta davomida judayam ko'p yangiliklar bo'ldi. Ammo, buni kanalimda e'lon qilishni istamayman. Sizlarga faqat foydasi tegadigan postlar bo'lishini xohlayman.

Kimdir men yozgan postlar orqali o'ylashga, kitob o'qishga va she'rlarni ko'p yodlashga istiyoqi ortayotgan bo'lsa, niyatimga yetgan hisoblanaman.

@farangizkhan_murodova

Tabriklasalaringiz bo'ladi desam, darrov to'yni tushunmaydigan odamlar uchun xayrli oqshom.

To'yim bo'lgani yo'q. Mutaxassislik fanlarim bo'lgan " Hozirgi o'zbek adabiy tili" va "O'zbek adabiyoti" fanidan kurs ishimni a'lo bahoga yopdim demoqchi edim.

Tayyorgalikni ko'rdim sitqidildan va noan'anaviy usuldan foydalanib, o'z fanining ustalari bo'lgan o'qituvchilar oldida, berilgan mavzuyimni himoya qildim.

Himoya qilish jarayonida, professor ustozlar gapimni bo'lishib savol ham berishmadi. Bu maqtanish emas- haqiqat. Kurs ishi uchun mehnat qilganligi bilingan, sendan keyingi o'qishni ya'ni magistratura, fan doktorligini ham davom ettirishingni kutib qolamiz deyishdi.

O'zbek adabiyotidan Ahmad Yugnakiyning " Hibat ul-haqoyiq" asaridagi hikmat va nasihatlari edi. Asarni o'qish davomida o'zimni taftish qildim.

Birgina o'zbek olim va olimalari o'rgangan ishlarni emas, balki qardosh xalqlarimiz tomonidan o'rganilganiga ham e'tibor qaratdim.

Sizga aytsam, odamlar shu seminar, tadbir nima beradi? Pul bermasa deyishadi. Lekin shuni yodingizdan chiqarmang, odamlar oldida bemalol nutqingizni bayon etish uchun siz ishtirok etgan tanlovlar katta maktab vazifasini o'taydi.

Negaki, menda qaltiroq, hayajon kuzatilmadi. O'zimni erkin tutdim. Ha aytgancha, buning uchun mutolaa qilgan asarlarimga ham rahmat. Im, aa, anovi degan parazit so'zni ishlatmasdan nutqimni bayon qila oldim.

Sizlarga mendan katta va foydali maslahat: mumtoz adabiyot bilan tanishib chiqing. Shunda bilasiz, bizda qanday asarlar borligini. Ahmad Yassaviy, Ahmad Yugnakiy, So'fi Olloyor, Mashrabni o'qib chiqing va xulosa qiling.

O'rganishdan to'xtamang, yangiliklardan doimo xabardor bo'lib, fikr almashing, shunda har taraflama rivojlanasiz.

Suyak-ilig-u er- bilim bilan, bil,
Suyak ko'rki- ilik, er ko'rki- aql.
Bilimsiz iliksiz suyakday bo'm-bo'sh,
Iliksiz suyakka uzatilmas qo'l.

p/s: faqat jiddiy mavzudan zerikib ketasilar, bir yangilikni ham ulashay dedim✨


@farangizkhan_murodova

Tabriklasalaring bo'ladi)

Noma'lum sabablarga ko'ra kanalimdan post o'chib ketibdi, o'rtoqlar🙏

Qanday o'chib ketganini bilmay qoldim. Fikrlaringni bemalol qoldiraveringlar.

@farangizkhan_murodova

Farangiz Murodova | Milena:
Kurs ishi yaxshi, sen olgan bilimlaringni amalda ko'rsata olasan. Ustozlar senga o'rgangan mavzuying bo'yicha savol berishadi va himoya qilasan.

Ammo, lekin degan tarafi ham borda buning. Uxlamasdan yozasan, lekin u joyi xato, bu joyi bunday bo'lmaydi deb ezib yuborishadi.

To'g'ri, kurs ishi necha yillik an' ana. Lekin men shuning tarafdorimanki, talaba mavzusini zo'r va o'z o'rnida himoya qilib berdimi, nima kerak yana tirnoq ichidan kir qidirib.

Biz mayli yozaveramiz, ammo qancha list bekordan- bekorga uvol bo'lyapti. Bizning kurs ishimiz uchun nechta daraxt kesilib, nobud bo'ldi ekana?

Ishonasizmi, har bitta odam kamida 150 tadan ortiq listlarni uvol qildi. Endi tasavvur qilib ko'ring. 12 ta viloyatda qancha oliy ta'lim muassasalari bor.

Mening ichim achiyotgani zoya bo'layotgan list va talabaning ota-onasidan ortiqcha pul so'ray olmayotganida.

Negaki bitta perepilyot uchun 10 ming so'm olinyapti. Bundan tashqari taqrizni safsalyon marta olib borsak ham xato.

Bilasizmi, kursdoshlarim orasida bir kunda ikki yuz ming puli o'zi yemay, shu qog'ozlarni chiqarishga ketib qolganlarini ham bilaman. Ellik varoqlik qilingan slayd, listga chiqarish donasi ming so'mdan bo'lgani uchun ellik mingga tushdi. Eh, bu pulga talaba ba'zan o'rtacha ishlatsa bir hafta yashar edi (chunki uydan pochta keladiku).

Qo'l mehnati bilan, asablar charchab yozilgan kurs ishidan topilyotgan xatolar haliyam davom etyapti.

Qog'ozbozlik tugamas ekan, biz achchiq ko'k choyni sho'rillatib ichib rivojlanmay orqada qolib ketaveramiz.

Endi buni qanday tushunasizlar bilmadimku, lekin hech qachon havo yomon, nafas qisyapti, sochim to'kilyapti deb nolimang. Kurs ishingizni yozing😂


Kompyuterchi, nusxalovchi va har xil turdagi printrchilarning xirmoniga baraka. Pulni bosinglar.


@farangizkhan_murodova

Bugun mehnatimning samarasini ko'rdim va professor ustozlar oldida olgan bilimimni isbotlab savolga ham o'rin qoldirmadim.

O'zinga shukr✨

@farangizkhan_murodova

Shunchalik ko'nglimni qoldirishsalar ham, kulib ketib kechiradigan odamman)

@farangizkhan_murodova

Yakshanba uchun ko'rishga arzirli yaxshi tanlov ✨


Xudo xohlasa " Oydin tunlar" asarini o'qib, o'z fikrlarimni ham ulashaman. Ungacha kinofilmni tomosha qilib turing.

@farangizkhan_murodova

Ayrim telekanallar faqat like va prosmotr uchun ishlayotgandek )

@farangizkhan_murodova

Gender kimnidir kamsitish emas!

Men qariyb ikki kun davomida ""NNT Gender haqida ommaviy auditoriya bilan qanday gapirish kerak. aloqa strategiyasini yaratish " mavzusidagi treningda ishtirok etdim. Men bundan oldingi postlarimda ham gender tengligi haqida gapirib o'tgan edim.

Jins tushunchasi- insonning biologik o'ziga xosligi, ya'ni erkakni ayoldan fiziologik tomondan ajratib turuvchi jihat.


Aksariyat 45 yoshdan oshgan insonlar oyinayi jahon orqali novellalarni tomosha qilib borishadi. Yoshlarimiz esa turli ijtimoiy tarmoq orqali kuzatayotgan kontentlarni ko'rib ruhiy qaramlikka uchrab qolishganining guvohi bo'lyapmiz.

Hozirgi vaqtda istaymizmi yo'qmi ijtimoiy tarmoqlar hayotimizning bir qismiga aylanib ulgurdi. Ammo bu degani siz tomosha qilayotgan mojarolarga bag'ishlangan oddiy til bilan aytganda "chiqit" kontentlardagi voqealar yuz foiz to'g'ri degani emas.

Afsuski, instagram platformasi orqali 18+ kontenlarni tomosha qilgan erkak o'z ayolidan ham shu xususiyatlarni xohlashi eng achinarli holat va bu oilaviya ajrimlarga ham sabab bo'lyapti.

Bilasizmi, hozirgi ayrim telekanallarda doimiy obraz sifatida kelinni uyiga sig'ishtirmaydigan qaynona, kelinning bloger, eriga xiyonat qilgan, qarindoshi bilan don olishgan yokida turmush o'rtoqning zulmkor, qamchisidan qon tomgan sifatida noto'g'ri talqin qilinishi oqibatida, turmushga chiqish arafasida turgan qizlarimizda men ham turmushga chiqsam, shunday zulm ko'raman degan xulosa kelib chiqishiga sabab bo'lyotganday go'yo.

Tanganing ikkinchi tarafiga ham e'tibor berish kerak, nazarimda. Negaki, barcha qaynonlar siz o'ylaganchalik yomon emas. "Suyunchi", "Kelinlar qo'zg'oloni" kabi filmlaridagi oilasini o'ylaydigan, kelinni yaxshi ko'radigan qaynonalar bor.

Shuning uchun ham "EU Tabassum" (Smile) loyihasi tomonidan ayollar va yoshlarning qaror qabul qilish jarayonidagi ishtiroki pastligi muammosini hal etishga yordam beriladi. Trening davomida shu kabi holatlar oldini olish uchun yo'riqnomalar, amaliy mashg'ulotlar va kerakli kontent va platformalar yaratish bo'yicha ma'lumotlar berildi.

O'z ishining mutaxassislari bo'lgan trenerlar orqali ko'plab ma'lumotlarni olishga muvaffaq bo'ldim. Ikki kun davom etgan treningdan juda kerakli bilimlarni oldim desam adashmayman va bizning " Insoniyat mavjud" NNT mizga ham shu yo'nalish qo'shiladi xudo xohlasa.

@farangizkhan_murodova

2024-yildagi badiiy asar mutolaam

Fevral oyida mutolaa qilgan asarlarim

1. Fyodor Dostayevskiy " Jinoyat va jazo"
2. M.Y. Lermontov " Zamonamiz qahramoni"
3. H. Hayne " Yoshlik iztiroblari"
4. Uyg'onish to'plamidan " Abu Rayhon Beruniy"
5. Abdulla Qahhor " Sinchalak"

Mart oyida mutolaa qilgan asarlarim

6. Lev Folstoy " Anna Karenina"
7. Gyote " Yosh Vorterning iztiroblari"
8. Cho'lpon " Qor qo'ynida lola" hikoyasi
9. Uyg'onish to'plamidan " Abu Ali ibn Sino"
10. Rashod Nuri Guntekin " Iztirob"
11. Abdulla Qodiriy " Mehrobdan chayon"
12. I. G'afurov " Iltijo" mansuralar

Aprel oyida mutolaa qilgan asarlarim

13. Jek London " Martin Iden"
14. Daniel Defo " R. Kruzoning sarguzashtlari"
15. Gi de Mopassan " Hayot"
16. Abdurauf Fitrat " Abulfayzxon"
17. Ernest Xeminguey " Chol va dengiz"

May oyida mutolaa qilgan asarlarim

18. E. Xeminguey " Alvido, qurol"
19. M.Tven " Shahzoda va gado"
20. Frans Kafka " Evrilish"
21. A. Kamyu " Bodom gullaganda" esse

Iyun oyida mutolaa qilgan asarlarim:

Asosan ilmiy kitoblar bo'lgan. Sabab sessiya edi)

Iyul oyida mutolaa qilgan asarlarim:

22. Nazar Eshonqul " Urush odamlari"
23.Frensis Skott Fitsjeral " Buyuk Getsbi"
24. Tillaniso " Qon"
25. Yevrepid " Medeya"

Avgust oyida mutolaa qilgan asarlarim:

26. Cho'lpon hikoyalari "Nonvoy qiz", "Oqposhshoning in'omi", "Kleopatra"
27. Gulnoz Mo'minova " Chalaxotin yoxud yer ostiga maktub"
28. Halima Ahmedova " Ichimdagi odam" (audio)
29. Luqmon Bo'rixon " Qorxat"
30. "Irq bitigi" (Ta'birnoma)

Sentabr oyida mutolaa qilgan asarlarim:

31. Jek London " Muhabbat va matonat" turkumiga kiritilgan hikoyalar
32. Jeyms Joys " Uliss sarguzashtlari"

Oktabr oyida mutolaa qilgan asarlarim:

33. G'afur G'ulom " Netay"
34. G'afur G'ulom " Yodgor"
35. Abdulla Qahhor hikoyalari
36. Mirzakalon Ismoiliy " Farg'ona tong otguncha"

Noyabr oyida mutolaa qilgan asarlarim:

37. N. Karimov " Oybek va Zarifa"
38. Shukur Xolmirzayev " Odam" hikoya

Dekabr oyida mutolaa qilgan asarlarim:

39. O'. Hoshimov " Bahor qaytmaydi", "Hurkitilgan tush"
40. N. Boqiy " Qizil Toshbo'ron"
41. A. Muxtor " Chinor"
42. Hamza Hakimzoda Niyoziy " Boy ila xizmatchi"
42. Tohir Malik " Alvido, bolalik" (2-bor o'qishim)

Bundan tashqari ko'pgina ijodkorlarning she'rlaridan yod oldim.

Ilmiy kitoblar:

43. D. M. Aromov " Yurak himoyaga muhtoj"
44. Hekimoğlu Ismail "Canım Allah' ım"
45.Shavkat Rahmatullayev Hozirgi o'zbek adabiy tili
46. "O'zbek adabiy tanqidchilik tarixi"
47. Nemis tilidagi gazetalar

Yanvar oyida sessiyani yaxshi topshiray deb jon-jahd bilan tayyorlanib, faqat ilmiy kitoblar o'qiganman. Ayni vaqtda nemis tilini ham shu vaqtda o'rganib, kurs ishini ham yozyotgan edim. Ammo, kam bo'lsa ham esda qolarli, mazmunli o'qiganligimdan xursand bo'laman. Bu asarlarni o'qib o'zimga kelishim oson bo'lgan emas. Hattoki hozir ham ba'zi asarlar ta'siridaman.

@farangizkhan_murodova

Ayamning Buxoroga ketyotganimda aytadigan gapi: " Yana shu kitoblaringni chamadoninga solib oldingmi?"

Sen mening ko'zimni shipshitib yana kitoblaringni solib olmasliging uchun ham, endi chamadoninga narslaringni men joylashtiraman.

@farangizkhan_murodova

Suad "Alanga ichidagi ayol"
Janr: qissa
Bet: 127

"Zamona ayollarining ko'zini ochadigan haqiqatlar"

Bilamizki, shu so'nggi uch yil davomida jamiyatimizda gender tengligi tushunchasi yuqori cho'qqiga ko'tarildi. Shu boisdan, har xil chellenjlar ham e'lon qilindi. Ayol kishi shunday yaratilganki, hamma vaqti ham ichidagi borini sirtiga chiqara olmaydi, chidash kerakligi va doimiy ravishda ayb erkakda bo'lsa-da o'zini ayblab keladi xuddi qissamiz qahramoni Suad kabi.

Chekka bir qishloqda orzu qilishga ham qo'rqadigan qizlar, hatto erkak qiladigan ishlarni ham xotin-qizlarning bajarishi, eng og'ir dala ishlariga jalb qilinishi-yu, 13 yoshdan turmushga uzatish Suad yashaydigan qishloqning eng katta qonunlaridan bittasi edi.

Ayol-qul, doimiy ravishda do'pposlanish, zulmga mahkum, ayol qiz tug'sa u oila a'zosi emas, o'g'il tug'ilgan uy bo'lsa, doimiy xalqning e'zozida etib sanalardi. Bundan og'ir qiynoqlarga chidab kelayotgan qishloq ayollari Ollohdan sog'lom farzand emas, balki tun-u kun o'g'il so'rashardi, zero ularning boshiga shu orqali kaltaklar kamayar edi.

Asardagi tugun bu- Suadning Fayozdan xomilador bo'lib qolishi bilan boshlanadi. Suad Fayozdan chin muhabbatni kutib, unga ishonch bergandi va bu Suadga qimmatga tushdi. U opasining turmush o'rtog'i Husayn tomonidan o't qo'yib yoqib yuboriladi. Xudoning marhamatini qarangki, uning ichidagi farzand nobud bo'lmaydi. Ammo Suadga qarab bo'lmas darajada kuyish bor edi.

Suad oila a'zolarini shunday eslab qolgan edi: kaltak ko'targan otam, stakan ushlagan onam, meva keltirgan ukam.

Asardagi tugun yechilishiliga sababchi esa, Jaklin " Insoniyat Kurrasi" nomli gumanitar tashkilotda ishlovchi ayol edi. Suadning 7 oylikda tug'ilgan farzandini asrab, tarbiya qilgan ham shu ayol edi.

Asar hayotiy voqea asosida yozilganligi bilan ham ahamiyatlidir. Agar o'qib chiqsangiz, hozirgi yashayotgan holingizga shukr qilishingiz tabiiy. Aslida ayolning ismi Suad emas, hozirgacha u ota- onasining kelib qolishidan yoki bu asar arab tiliga nashr qilinsa ular bilib qolishidan qo'rqqanligi sabab ismini o'zgartirib yozishga majbur bo'lgan.

Suad olovdan haliyam qo'rqardi. Ularning uyida gugurt yoqilmas, ikkinchi turmushi bilan farovon hayot kechirmoqda. Ikkita qiz farzandi bor va yaxshi bir ishda ishlaydi.

Afsuski, ayollarga qarshi zo'rovonlik holatlari haligacha barham topgan emas. Ayol o'z shaxsiy fikrini bildirmasligi, unga qul va oddiy inkubator sifatida qarash ayrim " erkak" larda haliyam saqlanib qolgan.

Asarning o'ndan birini sizlarga yetkazib bera oldim, xolos. Ammo diqqat bilan o'qisangiz, ko'zingizda yosh to'xtamaydi. Hattoki qishlog'idagi qizlar yozish, chizish va o'qishni bilmas edi Suad kabi. Bir-ikkita qiz shaharga borib o'qib kelishi mumkin bo'lgan.

Ularning hayoti, ertalabdan dala ishlash, og'ir mehnat qilish, har kungi kaltaklar va 14 yoshda oila qurish. Bu dahshat.

Xulosa shuki, bu kitobni faqat ayollar o'qishini emas, balki erkaklar o'qishini ham istardim. Negaki, ayol go'zal hilqat. Uning ham jamiyatda o'z o'rni va mavqeyi bor. Islomda ham hattoki, ayollaringizning yumushlariga yordamlashing, ularni qadrlang deyilgan.

Jamiyat uchun kerakli asarni tarjima qilganingiz va tabiiy holda yetkazganingiz uchun sizga alohida rahmat, Nodirabegim Ibrohimova!

@farangizkhan_murodova