Fakt va Fikr

Бобомурод Абдулла. ТАВРОТИЙ РАВВИН КАМОЛ ЙЎЛДОШГА

Сўз бошласа яҳуд Қуръон номидан,
Етаклайди элни “Таврот” йўлидан,
Ҳалоллайди зино, рибо, ароқни,
“Қуръон”, дея суқиб сохта Тавротни.

Кор қилмайди унга сура-ю оят,
Икки китоб аро терслик, зиддият.
Бобосин йўли шу – парво қилмаслик,
Йўлда давом этиб, фасод ёймоқлик.

Тўхтатолмас уни мантиғ-у далил,
Нуқта қўяр унга фақат Азроил.
“Тавротга қалқонди! Қолардик қойил”,
Дея ардоқлайди аҳли Исроил.

2025 йил 26 Ўчоқ

@faktvafikr2021

Суратда кўриб турганингиз ушбу инсон туркиялик қуръоний Яшар Нури Ўзтуркдир. У 1951 йилда Туркиянинг Трабзон вилоятида туғилиб, 2016 йилда Истанбул шаҳрида вафот этган.

Яшар Нури Ўзтурк туркиялик қуръонийларнинг энг машҳуридир. Уни нафақат турк, балки ўзбек қуръонийларининг айримлари ҳам ўз устозлари, деб билишади ҳамда фаҳрланишади. Яшар Нури Ўзтуркнинг шундай шогирдларидан бири сайрамлик сионист, “қуръоний” ниқобидаги тавротий Камол Йўлдошдир.

Камол Йўлдошнинг устози Яшар Нури Ўзтурк қандай ғояларни илгари сурар эди? Биринчи навбатда, у деизмни ва деистларни, яъни Аллоҳга ишониб, унинг Қуръонда ёки бошқа илоҳий китобларда келган буйруқларини бажармайдиган кишиларни “дунёдаги энг тоза мўминлар”, “иймонини диндорлардан асраш учун ўзини деизмга урганлар”, деб мақтар эди. Бундан ташқари, Яшар Нури Ўзтурк: “Деизм инсониятнинг нажотидир, қутқарилишидир”, ҳам деган эди.

Бироқ Яшар Нури Ўзтуркнинг энг машҳур ва шов-шувли баёноти булар эмас. Бир гал турк журналистларига интервью бераётиб, у: “Исломдаги зино икки кишининг ўзаро никоҳсиз жинсий алоқаси эмас! Икки кишининг жинсий алоқаси қачон зино ҳисобланади? Қачон-ки, уларнинг шу алоқасидан учинчи бир томон моддий фойда кўрса, зино ҳисобланади. Бошқа ҳолларда, масалан, икки киши учинчи томоннинг иштирокисиз ўзаро келишиб, никоҳсиз жинсий алоқа қилишса, уларнинг бу иши зино ҳисобланмайди”, деди. Бироқ туркиялик қуръоний ўз сўзларига Қуръондан оят келтирмади ёки келтира олмади.

Бироқ туркиялик “қуръоний”нинг бу иддаолари Қуръонга зид эканлигини Қуръоннинг ўзи исботлайди. Чунки Қуръондаги “Нур” сурасининг 2-оятига кўра, зино деб айнан ИККИ кишининг ўзаро никоҳсиз жинсий алоқасига айтилади. Бу оятда икки кишининг зиносидан фойда оладиган УЧИНЧИ ТОМОН, яъни ҚЎШМАЧИ ҲАҚИДА ГАП-СЎЗ ЙЎҚ.

“Нур” сурасининг 2-оятида зино ва зинокорларга бериладиган жазо тўғрисида шундай дейилади: “Зинокор аёл ва зинокор эркакнинг ҳар бирига юз қамчидан уринг! Агар Аллоҳга ва охират кунига ишонсангиз, Аллоҳнинг буйруғини бажаришда у ИККАЛАСИГА ичингиз оғримасин ва мўминлардан бир жамоа уларнинг жазоланишига гувоҳ бўлсин!”

Эшитганингиздек, оятда ЗИНО ИККИ КИШИНИНГ ЎЗАРО КЕЛИШУВИ асосида, яъни учинчи томоннинг иштирокисиз ҳам содир бўладиган никоҳсиз жинсий алоқалиги баён этилмоқда. Бироқ Яшар Нури Ўзтурк ўзини қанчалик Қуръон тарафдори кўрсатмасин, зино масаласида Қуръонга мутлақо зид, Қуръондаги зинони мазмунан оқлаб берувчи иддаоларни илгари суриб чиққан эди.

Камол Йўлдошнинг севимли устози Яшар Нури Ўзтурк ана шундай одам эди. Сайрамлик сионист, “қуръоний” ниқобидаги тавротий Камол Йўлдошга эргашган ўзбек мусулмонлари нега аввал ибодатларини тарк этиб, ароқ ичиш ва зино қилишга ружуъ қўяётганини, сўнгра деист ёки атеист бўлишаётганини энди тушунгандирсиз?

Қиссадан ҳисса шу-ки, ўзини диндор ёки қуръоний қилиб тақдим этаётганларнинг тақдимотига эмас, балки айтаётган сўзлари, илгари сураётган иддаолари ва қилаётган ишлари Қуръонга мос ёки зидлигига қараш керак. Чунки “Қуръоний ҳадисларни тўғри фош ва рад этди”, дегани, “Қуръоний Қуръонни ҳам тўғри талқин қилади, тўғри тушунтиради”, дегани эмас. Буни Яшар Нури Ўзтуркнинг зино масаласидаги баёнотидан ҳам кўрсангиз бўлади.

Хуллас, қуръонийларни Қуръон асосида текшириб туриш керак! Акс ҳолда, ҳадиспарастларга алдангандек, қуръонийларга ҳам алданиб қолиш ҳеч гап эмас. Уларнинг иккаласига ҳам алданмаслик учун эса Қуръони Каримни чуқур ўрганиш керак!

@faktvafikr2021

Бу банклардан жами 48 фуқаронинг номига қарзлар расмийлаштирилган, ўзлаштирилган ва қайтарилмаган. Судланувчи Рустам Отажонов ўз автомобилини, унинг отаси Шавкат Отажонов эса ўз ҳовли уйини сотиб, ушбу фуқаролардан 34 нафарининг номига олинган қарзларни қоплашган. Рустам Отажонов: “Қолган 14 кишининг номига расмийлаштирилган қарзларни мен эмас, бу фирибгарликни менга буюрган, мана шу кредитларни олишда банк ходимлари билан бирга ҳамкорлик қилган ҳоким ёрдамчилари сарфлаб юборишган. Қолган кредитларни ўша расмийлар тўласин!”, дея такрорламоқда.

Бироқ Жиноят ишлари бўйича Урганч тумани маҳкамасида бошланган жараёнга раислик қилувчи ҳакам судланувчининг бу талабини инобатга олмади. Мазкур иш бўйича фақат бир одам (ижрочи) устидан чиқарилиши кутилаётган ҳукм ўқилиши биринчикунга (душанбага), яъни 27 Ўчоққа (январга) белгиланган.

@faktvafikr2021

Урганч шаҳрида 2025 йил 23 Ўчоқ (январь) куни бошланган маҳкама жараёни жиноят буюртмачилари қолиб, ижрочисини, аниқроғи, воситачисини жазолаш арафасида: ҳукм биринчикун (душанба), 27 Ўчоқда, ўқилиши кутилмоқда.

Жиноят ишлари бўйича Урганч шаҳар маҳкамасида прокурор иши кўрилаётган таксист Рустам Шавкатович Отажоновни 7,5 йилга озодликдан маҳрум қилишни сўради. Маҳкамада ягона судланувчи сифатида иштирок этаётган Рустам Отажонов ўзи томонидан етказилган зарарнинг ҳаммасини қоплаганини айтиб, қолган зарарни бу жиноятнинг буюртмачилари – ҳоким ёрдамчилари – қоплашини кераклигини айтди, уларни ҳам маҳкамага тортиб, уларга ҳам жазо тайинлашни сўраган. Бироқ жараёнга раислик қилаётган ҳакам (судья) судланувчининг ҳақли эътироз ва талабларини инобатга олмаган: муҳокамани зудлик билан (биринчи мажлиснинг ўзидаёқ) тугатиб, мунозараларга ўтган.

Жиноятнинг қолган иштирокчилари, аниқроғи, буюртмачиларини ҳам терговга тортиш талаби мазкур жиноят ишини тергов қилиш ва маҳкамада кўриб чиқиш жараёнида ҳам янграган. Бироқ терговчилар ҳам негадир Рустам Отажоновдан бошқа одамни терговга, айбловга ва маҳкамага тортишни лозим топишмаган.

Хоразмликлар орасида “таксист иши”, деб ном олган шов-шувли ушбу жиноят иши 48 нафар фуқаронинг қўшма даъво аризаси сабабли 2022 йил кузида қўзғатилган. Тергов ҳаракатлари 2024 йил баҳорида (орадан деярли икки йил ўтиб) якунига етказилган ва маҳкамага оширилган. Тергов ҳаракатларининг бунчалик чўзилиб кетишига терговчиларнинг ўзлари сабабчи бўлган.

Чунки шу икки йил ичида жиноят иши маҳкамадан икки марта терговга қайтарилган. Илк маҳкама мажлисларида судланувчи Рустам Отажонов камбағал ва қашшоқларнинг номига расмийлаштириб, “еб” юборилган бунча кредитни Урганч тумани ҳокимининг маҳалаллардаги ёрдамчиларининг буюртмаси ва кўмаги билан олганини айтиб, уларни ҳам жазога тортишни талаб қилган.

Мисол учун, ўтган йилги маҳкама мажлисларида Рустам Отажонов Урганч тумани “Оқ олтин” маҳалласидаги Ойбек Султанов, Юқоридўрмон қишлоғи “Мергановул” маҳалласидаги ёрдамчи Илёс Собиров, “Гулзор” маҳалласидаги Отаназар, Ғойбу қишлоғи “Ҳожибойлар” маҳалласидаги Ҳамид, деган ёрдамчиларнинг ва бошқа масъул шахсларнинг исмларини келтирган.

Шундан кейин Жиноят ишлари бўйича Урганч тумани ҳаками (судьяси) Дилдора Пўлатова ишни икки марта терговга қайтарган ва исмлари тилга олинган ҳоким ёрдамчиларини ҳам тергов қилишни талаб қилган. Бироқ терговчилар ҳар сафар ҳоким ёрдамчиларига айблов эълон қилишни, уларни маҳкамага тортишни лозим кўришмаган.

Тергов қанчалик холис ва тўғри олиб борилганини мана бу фактдан ҳам билса бўлади: терговчиларнинг расмий хулосаларига кўра, кредитга олиниб, кейин сотиб юборилган автомобильнинг кимга сотилганини аниқлашнинг имкони бўлмаган эмиш. Қарзга олинган автомашинанинг олди-сотдисини расмийлаштирган нотариал идорадан беш дақиқада аниқланадиган билгиларни урганчлик терговчилар аниқлай олмабди эмиш!

Хоразмлик терговчилардан холис ишлашни талаб қилаверган бухоролик ҳакам (судья) Дилдора Пўлатова кейинчалик негадир бу ишни кўришдан четлаштирилган. Шунинг учун ҳам куни-кеча, яъни 23 Ўчоқда (январда) маҳкама бошқа ҳакамнинг раислигида бошланиб, унда яна ўша битта одам – таксист Рустам Отажонов ярғилана (судлана) бошлаган.

Илгари ҳам бир неча марта фирибгарик учун ярғиланган (судланган), лекин бир марта ҳам қамалмаган Рустам Отажонов камбағал ва қашшоқ фуқароларнинг ҳуқуқий саводсизлигидан фойдаланиб, уларнинг номларига турли банклардан катта миқдорда кредитлар расмийлаштириб олганликда ҳамда уларни қайтармаганликда айбланмоқда. Кредитлар “Фортуна Бизнеси”, “Агро-банк”, “Ҳамкорбанк”, “Халқбанки” ва “Капитал-банк” каби банклардан олинганлиги айтилмоқда.