Fair Play Uzbekistan

🇺🇿 O‘zbekiston - Eron 🇮🇷 uchrashuvni YouTube orqali jonli efirda tomosha qiling 👀

Avval xabar berganimizdek, bugun Dushanbe shahrida ayollar futzali bo‘yicha Markaziy Osiyo futbol assotsiatsiyalari — 🥅 CAFA turniri start oladi.

Dastlabki turdayoq musobaqa favoritlari to‘qnashuviga guvoh bo‘lamiz. O‘zbekiston terma jamoasi Eronga qarshi bahslashadi.

Mazkur bellashuvni YouTube orqali jonli efirda tomosha qilishingiz mumkin bo‘ladi.

O‘yinni tomosha qilish uchun HAVOLA

Obuna bo‘ling: @Futsal_Uzbekistan

🏆 O‘zbekiston kubogi mart oyida start oladi

Yangi tashkil etilgan O‘zbekiston futzal federatsiyasi shafeligida birinchi bor O‘zbekiston kubogi bahslari bo‘lib o‘tadi.

Kubok bellashuvlarining yangi mavsumiga mart oyida start berish rejalashtirilmoqda.

Mamlakat kubogi uchun kurashda oliy va birinchi liga jamoalari ishtirok etishi belgilangan, shuningdek, O’FFning musobaqalar o’tkazish Reglamenti talablariga javob bergan havaskor jamoalar ham ishtirok etish imkoniyatiga ega. Bunda talabgorlar soni 16 tadan oshib ketsa, jamoalar ortasida saralash o’yinlari tashkillashtiriladi.

Musobaqada ishtirok etish uchun jamoalar o‘z arizalarini 20-fevralga qadar O‘zbekiston futzal federatsiyasiga taqdim etishlari talab qilinadi.

Murojaat uchun:
Tel: +99895 8162299
Elektron pochta: uzbekistanfutsalfederation@gmail.com

Obuna bo‘ling: @Futsal_Uzbekistan

🇹🇭Таец стал первым представителем своей страны, выигравшим титул в Испании, а также первым представителем Таиланда, кто примет участие в Финале четырех футзальной Лиги чемпионов

⚡️Ertaga — hal qiluvchi uchrashuv!

Saralash bosqichining so‘nggi turida O‘zbekiston ayollar terma jamoasi Turkmaniston termasi bilan ro‘baro keladi.

Bahs "Yunusobod" sport majmuasida soat 18:00da start oladi. Kirish bepul! Barcha futzal muxlislarini o‘yinga chorlab qolamiz.

Qayd etish lozim, guruhning yana bir uchrashuvida Avstraliya va Filippin terma jamoalari bellashadi. Mazkur o‘yin soat 15:00da boshlanadi.

📌 Eslatib o‘tamiz, guruhning ikki yetakchisi hamda 4 guruhdagi eng yaxshi bitta 3-o‘rin sohibi ham Osiyo Kubogiga yo‘l oladi.

Obuna bo‘ling: @Futsal_Uzbekistan

📋 25-dekabr kuni O‘FA futzal uchun mas’ul yangi tashkilot taqdimotini o‘tkazadi

O‘zbekiston futbol assotsiatsiyasi hamda O‘zbekiston Professional futbol ligasi muassisligida O‘zbekiston futzal federatsiyasi tashkil etilmoqda. Avvalroq mazkur tashkilot nafaqat futzal, balki sohil futboli uchun ham mas’ul bo‘lishi xabar qilingandi.

25-dekabr kuni O‘zbekiston Respublikasi Sport vazirligi, Milliy olimpiya qo‘mitasi, O‘zbekiston futbol assotsiatsiyasi hamda O‘zbekiston Professional futbol ligasi rahbariyati ishtirokida taqdimot marosimi o‘tkaziladi. Tadbir Hilton mehmonxonasining anjumanlar zalida 19:00 da start oladi.

Mazkur taqdimot marosimida futbol klublari vakillari, futzal mutaxassislari, hududiy assotsiatsiyalar rahbarlari va OAV vakillari ishtirok etishi ko‘zda tutilgan. Unda yangi tashkilot rahbar organlari jamoatchilikka tanishtiriladi.

Shuningdek, tadbirning ikkinchi qismi jurnalistlar bilan matbuot anjumani ko‘rinishida davom ettiriladi. Bunda yangi tashkilot rahbariyati o‘zining rivojlanish dasturi, istiqboldagi rejalar va OAVni qiziqtirgan shu kabi boshqa savollarga javob qaytaradi.

O‘zbekiston futbol assotsiatsiyasi bilan hamkorlik qilayotgan barcha sport jurnalistlari taqdimotda ishtirok etishi mumkin.

⚡️ t.me/FAUzbekistan

📋 Futzal va sohil futboli uchun masʼul alohida tashkilot faoliyati yoʻlga qoʻyiladi

Oʻzbekiston futzal terma jamoasining yurtimiz mezbonlik qilgan Jahon chempionatidagi ishtiroki OʻFA rahbariyati tomonidan tanqidiy ruhda koʻrib chiqilgandi. Mazkur natija futzalni rivojlantirish va ommalashtirishning yangi mexanizmini ishlab chiqishni talab etardi.

Noyabr oyi davomida OʻFA mazkur masalani toʻliq oʻrganib chiqib, 2025-yildan boshlab bu borada qanday amaliy ishlar olib borilishi yuzasidan yakuniy qarorga keldi. Uning dastlabki bosqichida professional va havaskorlar futzalni hamjihatlikda rivojlantirish, shu asosida mamlakat terma jamoalarini shakllantirish, chempionat oʻyinlarida raqobatni kuchaytirish, klublar darajasini oshirish lozimligi qayd etildi.

Bu tajriba muvaffaqiyatli amalga oshirilganini 2000-yillar avvalida tuzilgan Futzal assotsiatsiyasi misolida eslab oʻtish mumkin. Oʻshanda assotsiatsiyasining faol tashabbuslari natijasida yurtimizda futzal jadallik bilan rivojlangan va natijalar yaxshilangan.

OʻFA Ijroiya qoʻmitasining joriy yil 12-dekabr sanasidagi yigʻilishi bayoniga asosan, mamlakat futzali va sohil futboli uchun javobgar alohida tashkilot (federatsiya) tuzish masalasi belgilandi. Ayni vaqtda OʻFA tegishli tartibda uni tashkil etish va davlat roʻyxatidan oʻtkazish bilan bogʻliq ishlarni amalga oshirmoqda. Bu masalaga oid barcha tafsilotlar OʻFA rasmiy sahifalari orqali yoritib boriladi.

⚡️ t.me/FAUzbekistan