EVERYDAY.UZ

⚡️Хитойда водородда ҳаракатланадиган поезд муваффақиятли синовдан ўтказилди

Хитой водородда ҳаракатланадиган биринчи маҳаллий поездни муваффақиятли тарзда синовдан ўтказди.

Ушбу тарихий синов Жилин провинциясининг Чанчун шаҳрида бўлиб ўтди. «CRRC Changchun Railway Vehicles» компанияси томонидан ишлаб чиқилган поезд тўлиқ юкланганда соатига 160 километр тезликка эришган.

«Муваффақиятли синов водород энергияси технологиясини темир йўл транспортида қўллашда катта ютуқ бўлди», дейди ишлаб чиқарувчилар.

Қазиб олинадиган ёқилғида ёки ҳаво электр узатиш линияларида ишлайдиган анъанавий поездлардан фарқли ўлароқ, инновацион Хитой поезди водород билан ишлайдиган ҳаракатлантирувчи тизимга эга.

Синов маълумотлари ҳар бир километрга атиги 5 киловатт-соат ўртача энергия сарфини кўрсатди.

Telegram | Facebook

❗️Россияда мигрантларнинг айрим соҳаларда ишлаши тақиқланмоқда.

Новгород области ҳокимияти ишлаш учун патентга эга бўлган хорижликларга такси ва автобус ҳайдовчилари бўлиб ишлаш, шунингдек, алкоголли маҳсулотлар билан савдо қилишни тақиқлади. Бу ҳақда “РИА Новости” хабар бермоқда.

Аввалроқ айрим соҳаларда мигрантларнинг меҳнат қилишига чеклов Челябинск, Магадан, Калининград, Тула, Новосибирск, Тюмен, Калуга областларида, шунингдек, Ханти-Мансийсий автоном округи — Югра ҳамда Ёқутистон Республикасида қабул қилинган эди. Новгород области чеклов жорий этган 10-ҳудуд бўлди.

Telegram | Facebook

⚡️Фуқаролардан 6.155.000.000 сўмни алдаб олган “автосалон эгалари” қамалди

Маълум бўлишича, олдиндан жиноий тил бириктирган 3 нафар шахс томонидан пойтахтнинг Алишер Навоий кўчасида “Мй-Cарс” номи билан автосалон очилган.

2022-йил 16-январдан 2023-йилнинг 2-август кунига қадар бўлган вақт оралиғида ушбу жиноий шериклар “автомашиналарни 3 ой муддат ичида автосалондан чиқариб, етказиб бериш”ни айтиб, жами 74 нафар фуқаронинг 40.000.000 сўмдан то 200.000.000 сўмгача бўлган жуда кўп миқдордаги, жами — 6.155.000.000 сўмлик пул маблағларини фирибгарлик йўли билан қўлга киритишган.

Харидорларни қабул қилишда эса улар гўёки “ГМ— Узбекистан” билан  шартнома тузганликларини айтиб алдашган.

Жиноят ишлари бўйича Шайхонтоҳур туман суди ЖКнинг 168-моддасининг тегишли бандлари билан айбланувчиларга 8-9 йилгача озодликдан маҳрум этиш жазосини тайинлади.

Telegram | Facebook

Канада 2035 йилдан бошлаб ички ёнув двигателли автомобилларни сотишни тақиқлайди

Йирик автомобил ишлаб чиқарувчилар аллақачон ички ёнув двигателли транспорт воситаларини босқичма-босқич тугатишни режалаштирмоқда.

Мазкур чоралар натижасида 2035 йилгача 430 миллион тонна иссиқхона газлари атрофга тарқалишининг олди олиниши кутилмоқда.

Telegram | Facebook

Йўл бўйида жойлашган мактаблар олдида махсус камералар ўрнатилади

2024-йил 1-июлдан бошлаб йўл бўйида жойлашган мактаблар олдида, камида тўрт тасмали йўллардаги пиёдалар ўтиш жойларида, йўл-транспорт ҳодисалари ўчоқларида, темир йўл кесишмаларида махсус автоматлаштирилган фото ва видео қайд этиш дастурий-техник воситалари босқичма-босқич ўрнатилади.

Бу Ўзбекистон Республикаси Ички ишлар вазирлигининг “Хавфсиз шаҳар” тизимларини ривожлантириш маркази томонидан “Хавфсиз йўл ва хавфсиз пиёда” республика жамғармаси маблағлари ҳисобидан амалга оширилиб, ЙҲХХ томонидан белгиланадиган жойларга ўрнатилади.

Telegram | Facebook

Пойтахтнинг учта туманида газ таъминоти қисман тўхтатилади

Чилонзор, Учтепа, Мирзо Улуғбек туманлари газ таъминоти тизимида таъмирлаш ва созлаш ишлари олиб борилади. Шу муносабат билан, 27-март куни 10:00 дан 18:00 гача ушбу туманларнинг баъзи маҳалла ва кўчаларида газ таъминоти тўхтатилади.

Telegram | Facebook

Тошкент шаҳар ҳокими в.б. Шавкат Умурзоқов ҳокимлик биноси харажатлари учун 7 млрд 349 млн 756,4 минг сўм маблағ ажратди

Қарор иловасида кўрсатилган харажатлар сметасига кўра, хизмат автомобилларига ёқилғи қуйиш учун 690 млн сўм, уларга техник хизмат кўрсатиш учун 150 млн сўм ажратилади.

Telegram | Facebook