Evadullayev blog

Hayotda bir gap bor "Kimni qattiq sevishing emas,hammasini sovchilar hal qiladi"
Shuning uchun oldingga maqsad qo‘ydingmi oxirigacha harakat qil!(sevgi ma‘nosida emas😀)

Bugun juda bir g‘alati, juda yomon holat haqida post yozmoqchiman.Biror narsa haqida orzu qilib boringni o‘sha narsaga bersang harakat,umid qilsang ammo oxirgi lahzada hayotingni boshqa yo‘nalishda davom ettirsang juda ahmoqona holat yuz berar ekan! Aytmoqchimanki oldinga maqsad qo‘ysang u uchun kurashsang lekin oxiriga kelganda o‘z xohishing bilan undan voz kechsang juda alam qilarkan hammasi yaxshilikka deb umid qilaman

Шахматдаги пиёда

Шахматда бир қоида бор!
Агар пиёда рақиб катакларининг биринчи қаторига етиб борса шохдан ташқари ҳоҳлаган фигурасига айланиши мумкин. Лекин, от ёки фил бундай бўла олмайди. Шунинг учун пиёда бўлиб туғилганингизга хафа бўлманг. Меҳнатингиз билан маррага етиб боринг ва ҳоҳлаган фигурага айланинг. Бунинг маззаси ўзгача бўлади..

Чумолининг тўрт фалсафаси

Аслида табиатнинг ўзи буюк муаллим.
Табиатни, атрофингизда рўй бераётган табиий жараёнларни кузата туриб ҳам, ундан катта сабоқ олиш мумкин.
Келинг, бизнинг эътиборимизни тортган чумолининг тўртта ҳаёт фалсафасини ўрганиб чиқайлик. Балки бу ҳолат сизга ҳам бегона эмасдир.
Фақатгина ундаги айрим англашингиз керак бўлганларини сизга эслатиб ўтмоқчимиз, холос.

Биринчи фалсафа.
Эътибор берсангиз, чумолилар ҳеч қачон таслим бўлишмайди. Ҳаракатланаётган чумолини тўхтатишга қанча уринманг, у барибир ўз йўлида тўхтаб қолмайди.
Тепага тирмашади, пастга кетади, лекин барибир фақат ўзига маълум бир йўналишга интилаверади.
Сира таслим бўлмай, ўзи истаган манзилга қараб интилиш – жуда гўзал фалсафа!

Иккинчи фалсафа.
Чумолилар бутун ёз давомида қиш учун ишлайди.
Ахир ёз абадий давом этмайди-да. Шунинг учун улар ёзда дон-дун йиғиб, қишга ғамлаб қўйишади. "Қумдан қўрғон қуриб бўлмас” деганларидек, чумолилар ёзнинг неъматларини кўриб, завқ олиш ўрнига, бу пайтда қирчиллама совуқни ҳам "ўйлашади”. Яъни уларнинг иккинчи фалсафаси доим келажакнинг ғамини ейиш ва эрта учун бугун қайғуришдир.

Учинчи фалсафа.
Чумолилар бутун қиш давомида ёзга қандай етиб боришни ҳам ўйлашига нима дейсиз? Улар қишлов учун ер тагидаги уясига кириб кетишар экан, "Қиш абадий давом этмайди, биз тез кунларда яна ёруғ оламга чиқамиз”, дейишади ва қишнинг илиқ кунларида ҳам ташқарига ўрмалаб чиқишади. Бу фалсафанинг моҳияти – доим яхши ўзгаришлар илинжида яшаш ва бундан умид узмаслик.

Тўртинчи фалсафа.
Қишга тайёргарлик кўриш учун бутун ёз давомида чумолилар қанча меҳнат қилишлари керак?.. Қанча керак бўлса, шунча. Имкони борича, ишнинг барчасини бажариш – қандай ажойиб фалсафа!

Демак, чумолидан ўрганишимиз керак бўлганлари – ҳеч қачон таслим бўлмаслик, доим олға интилиш, ишонч ва умидни узмаслик, қўлдан келган ишнинг барчасини бажариш!