English teachers

⚡️Talabgorlarga qulaylik!

❇️ Bilimni baholash agentligi tomonidan o‘tkaziladigan chet tili hamda umumta'lim fanlarini bilish darajasini aniqlash test sinovlarida uzrli sabablarga ko‘ra qatnasha olmagan talabgorlar to‘lovni endi my.gov.uz sayti orqali murojaat yo‘llagan holda qaytarib olishlari mumkin.

❗️Bunda talabgorga Bilimni baholash agentligining hisobvarag‘iga kelib tushgan to‘lov miqdori qaytariladi.

English teachers

❗️Yanvar oyidan milliy sertifikat uchun ustama 20 foizga tushiriladi!

Xabaringiz bor, O'zbekiston Respublikasi Prezidentining 134-sonli Farmoni ga ko'ra chet tili o'qituvchilariga o'z fanidan milliy yoki xalqaro sertifikatlarga ega bo'lganda oylik maoshiga 50 foiz ustama to'lash belgilangan.
Ushbu farmonning 9-bandida xalqaro standartlar talablariga javob bermaydigan Bilimni baholash agentligi tomonidan olingan sertifikatlarga 2025-yil 1-yanvargacha 50 foiz, 2025-yil 1-yanvardan esa 20 foiz ustama to'lash belgilab qo'yilgan. Agar qarorga o'zgartirish kiritilmasa yoki qo'shimcha qaror qabul qilinmasa 1-yanvardan milliy sertifikat uchun ustama 20 foizga tushiriladi.
Qolgan tan olinadigan xalqaro sertifikatlarga 50 foiz to'lanishda davom etiladi.

Yangi yil chet tili o'qituvchilari uchun yaxshi yangilik bilan boshlanmaydigan ko'rinadi...

English teachers

❓ Qaysi sertifikatga necha yil ustama to'lanadi?

O‘zbekiston Respublikasi 11.05.2022 yildagi 134-sonli Prezident Farmonida "Har oylik qo'shimcha ustamalar sertifikat amal qilish muddati davomida lekin 3 yildan ko'p bo'lmagan muddat davomida to'lanadi" deyilgan.

Shunga asosan quyidagi sertifikatlar belgilangan muddatlarda ustama va imtiyozlar taqdim etadi:

Milliy sertifikat (chet tili) - 2 yil

IELTS - 2 yil

TOEFL iBT/ITP - 2 yil (sertifikatda expiry date ko'rsatilmaydi, lekin sertifikatda olinganiga 2 yildan oshgan sertifikatlarni MyBest Score orqali tasdiqlab bo'lmasligi qayd etilgan)

CEQS CAE - 3 yil

TKT - 3 yil

TEFL/TESL/TESOL - 3 yil

* Linguaskill - 3 yil

* Aptis - 3 yil

* DTM ma'lumotnoma (15/30 foizlik ustama) - 3 yil

* - Hozirda ushbu sertifikatlarga ustama to'lanmaydi. Yoki imtihon topshirish imkoni yo'q. Chiqarib tashlashdan oldin olingan sertifikatlar o'z muddati davomida imtiyozli hisoblanadi.

English teachers

❗️Yangi yil bayramida dam olish kunlari belgilandi

⚡️“Yangi yil bayramini nishonlash davrida qoʻshimcha ishlanmaydigan kunni belgilash va dam olish kunini koʻchirish toʻgʻrisida”gi Prezident qarori (452-son, 24.12.2024-y.) qabul qilindi

✅ Qarorga koʻra, 2025-yilda 5 kunlik ish haftasida ishlaydigan xodimlar uchun dam olish kuni 4-yanvar – shanba kunidan 2-yanvar – payshanba kuniga koʻchirildi hamda 6 kunlik ish haftasida ishlaydigan xodimlar uchun 2-yanvar – payshanba qoʻshimcha dam olish kuni etib belgilandi.

📌 Yangi yil bayrami arafasida quyidagi kunlar dam olinadi:

🔹28-dekabr (shanba) — 5 kunlik ish haftasida ishlaydigan xodimlar uchun dam olish kuni (6 kunlik ish haftasida ishlaydigan xodimlar uchun ish kuni);

🔹29-dekabr (yakshanba) — umumiy dam olish kuni;

🔹30-dekabr (dushanba) — qoʻshimcha dam olish kuni;

🔹31-dekabr (seshanba) — qoʻshimcha dam olish kuni;

🔹1-yanvar (chorshanba) — Yangi yil bayrami;

🔹2-yanvar (payshanba) — 5 kunlik ish haftasida ishlaydigan xodimlar uchun dam olish kuni, 6 kunlik ish haftasida ishlaydigan xodimlar uchun qoʻshimcha dam olish kuni.

English teachers

⚡️Umrbod toifaga ega boʻlgan pedagoglar ham 70 foizlik ustama uchun toifa testlarida ishtirok etishlari mumkin

Savol: Umrbod toifaga (XXX-cheksiz muddatli sertifikatga) ega boʻlgan ustozlar ham 70%lik attestatsiyaga qatnasha oladimi?

✅ Javob: Albatta, umrbod toifaga ega boʻlgan pedagoglar ham oʻz ixtiyorlariga koʻra, attestatsiyaning navbatdan tashqari turi boʻyicha ishtirok etishlari mumkin.

English teachers

⚡️70 foizlik ustama — toifa testlarida 86 va undan koʻp ball toʻplagan pedagoglarni qoʻshimcha ragʻbatlantirish uchun joriy etilmoqda

Savol: Men 2025-yil bahorda boʻlib oʻtadigan attestatsiyada 70 foizlik ustama uchun topshirmoqchiman. “Agar 86 balldan past boʻlsa, toifasi pasaytiriladi” — deyishdi. Shu toʻgʻrimi?

✅ Javob: Bu notoʻgʻri albatta. 70 foizlik ustama — bu toifa testlarida 86 va undan koʻp ball toʻplagan pedagoglarni qoʻshimcha ragʻbatlantirish uchun joriy etilmoqda. 86 ball toʻplay olmagan pedagoglarga nisbatan salbiy qarorlar qabul qilinmaydi.

English teachers

⚡️70% ustama toʻlanishida attestatsiya turi va amaldagi toifaning ahamiyati yoʻq

Savol: Men hozirda 1-toifaga ega oʻqituvchiman. 2025-yilda boʻladigan bahorgi attestatsiyaga navbatdan tashqari qatnashmoqchiman. Savolim shuki, 86 ball va undan yuqori ball toʻplaganlarga toʻlanadigan ustama faqatgina navbatdagi majburiy ishtirok etganlarga toʻlanadimi yoki navbatdan tashqari ishtirok etganlarga ham toʻlanadimi?

✅Javob: 70% ustama toʻlanishida attestatsiya turi va amaldagi toifaning ahamiyati yoʻq. Toifa testlarida ishtirok etish hamda 86 va undan yuqori ball toʻplash kerak boʻladi.

English teachers

70 foizli ustama bеrish qanday tartibda amalga oshiriladi?

Xalqaro standartlar asosida malaka sеrtifikatini olgan pеdagoglarga 70 foiz miqdorida qo'shimcha haq to'lanishi rejalashtirilgan.

Prеzidеnt farmoni (PF-79-son, 26.05.2023 y)ga ko'ra 2025-yil 1-yanvarga qadar malaka toifalarini bеrish tizimini vakolatli xorijiy tashkilotlarning akkrеditasiyasidan o'tkazish orqali pеdagog kadrlarga xalqaro standartlar asosida malaka sеrtifikatini bеrish amaliyoti yo'lga qo'yiladi.

Tizim xalqaro akkreditatsiyadan o‘tganidan keyin ushbu talablar asosida 86 ballik natija bilan malaka sertifikatini olgan pedagoglar tarif stavkalarining amaldagi miqdorlariga nisbatan 70 foizlik ustama olishlari mumkin bo‘ladi.

Bunda amaldagi toifaning ahamiyati bo'lmaydi, qaysi toifaga imtihon topshirilishidan qat'i nazar 86 va undan yuqori bal qo'lga kiritilganda, 70 foizli ustama olish mumkin bo'ladi.

Umrbod toifaga ega boʻlgan pedagoglar ham oʻz ixtiyorlariga koʻra, attestatsiyaning navbatdan tashqari turi boʻyicha ishtirok etisb, ushbu ustamani qo'lga kiritishlari mumkin bo'ladi.

Ⓜ️AttestatsiyaINFO

English teachers

Maktabda davomat pastligi uchun sinf rahbarga chora ko'rish to'g'rimi?

Assalomu alaykum. Men maktabda 35 yildan buyon ukituvchi bulib ishlab kelmokdaman. Maktabda 11 sinf raxbariman. Sinfimdagi ukuvchilarni ota-onalari bilan muntazam ishlashimga karamasdan  davomat  pastligi tufayli menga maktab direktori tomonidan xayfsan berilib, buyrugi adliyaga yuborildi. Bu xolat konunan  tugrimi?

YURIST JAVOBI:

Maktabgacha va maktab ta'limi vazirining 2023-yil 20 - dekabrdagi 565-sonli buyrug'iga 37-ilovada tasdiqlangan Umumiy o'rta ta'lim muassasalari (ayrim fanlar chuqur o'rganiladigan ixtisoslashtirilgan muassasalar) xodimlarining lavozim majburiyatlariga asosan o'qituvchining lavozim majburiyatlari ichida o'quvchilarni davomat qilish qilish va shu kunning o'zida sinf jurnaliga kiritish majburiyati belgilangan.

🙅‍♂️ Biroq bu majburiyat ichida o'quvchilarni sinfda bo'lishini ta'minlash degan majburiyat yo'q.

❗️Aksincha bunday majburiyat MMIBDO'ning lavozim majburiyati qatorida belgilangan. Unga ko'ra MMIBDO' o'quvchilarning tartib-intizomini va davomatini, tarbiyaviy ishlar samaradorligini nazorat qilish uchun mas'ul sanaladi.

❌ Bundan ko'rinib turibdiki, o'quvchini darsga kelmaganligi uchun o'qituvchiga intizomiy ta'sir chorasi qo'llash noto'g'ri.

❗️Bu holatda siz qo'llanilgan intizomiy jazo sizning xatti-harakatingizga nomutanosib bo'lgani uchun yangi tahrirdagi Mehnat kodeksining 301-, 313 – moddalariga ko'ra qo'llanilgan intizomiy jazo yuzasidan tuman adliya bo'limiga yoki Davlat mehnat huquqi inspektoriga ariza bilan murojaat qilishingiz mumkin.

Aslida bu vaziyatda o'sha o'quvchilarning ota-onalariga nisbatan chora ko'rish maqsadga muvofiq.

‼️Ma'muriy javobgarlik to'g'risidagi kodeks 47-moddasiga asosan ota-onalar yoki ularning o'rnini bosuvchi shaxslar tomonidan voyaga yetmagan bolalarni tarbiyalash va ularga ta'lim berish borasidagi majburiyatlarni bajarmaslik, shu jumladan voyaga yetmagan bolalarning ma'muriy huquqbuzarlik sodir etishiga olib kelishi — bazaviy hisoblash miqdorining bir baravaridan besh baravarigacha miqdorda jarima solishga sabab bo'ladi.

Ⓜ️Yurist_Xizmati

English teachers

Microsoft Word dasturida foydalanish uchun kerak bo'ladigan 50ta qisqa klavish

1. Ctrl + C - Nusxalash (Ko‘chirish)
2. Ctrl + X - Kesish
3. Ctrl + V - Pastga joylashtirish
4. Ctrl + Z - Bekor qilish
5. Ctrl + S - Saqlash
6. Ctrl + O - Faylni ochish
7. Ctrl + N - Yangi hujjat yaratish
8. Ctrl + P - Chop etish oynasini ochish
9. Ctrl + A - Hujjatni barchasini tanlash
10. Ctrl + F - Izlash oynasini ochish
11. Ctrl + B - Matnni qalin qilib qo‘yish (bold)
12. Ctrl + I - Matnni italic qilib qo‘yish
13. Ctrl + U - Matnni pastki chiziq bilan yozish
14. Ctrl + L - Matnni chap tomondan surish
15. Ctrl + R - Matnni o‘ng tomondan surish
16. Ctrl + E - Matnni markazlash (center)
17. Ctrl + J - Matnni ikki tomondan surish (justify)
18. Ctrl + K - Hyperlink qo‘yish
19. Ctrl + Y - Keyingi harakatni bekor qilish
20. Ctrl + F4 - Hujjatni yopish
21. Ctrl + W - Hujjatni yopish (yangi Word versiyalarida ishlatiladi)
22. Ctrl + Shift + S - Saqlash oynasini ochish
23. Ctrl + Shift + Z - Qaytadan amalni bajarish (bir necha martalik)
24. Ctrl + Home - Hujjatning boshiga o‘tish
25. Ctrl + End - Hujjatning oxiriga o‘tish
26. Ctrl + Backspace - So‘zning boshidan o‘chirish
27. Ctrl + Delete - So‘zning oxiridan o‘chirish
28. Ctrl + Space - Format o‘chirish
29. F7 - Imlo tekshirish
30. F12 - Saqlash oynasini ochish
31. Ctrl + F12 - Faylni saqlash
32. Alt + F4 - Dasturni yopish
33. Ctrl + 1 - Matnni boshqa o‘lchamdagi qilish (1-qat)
34. Ctrl + 2 - Matnni boshqa o‘lchamdagi qilish (2-qat)
35. Ctrl + 5 - Matnni boshqa o‘lchamdagi qilish (1.5-qat)
36. Ctrl + [ - Aktiv qatordagi suzuvorlarni kichik qilish
37. Ctrl + ] - Aktiv qatordagi suzuvorlarni katta qilish
38. Ctrl + Shift + > - Matnni katta qilish
39. Ctrl + Shift + < - Matnni kichik qilish
40. Alt + Enter - Yangi qatordan boshlash
41. Ctrl + Shift + N - Yangi bo‘lim yaratish
42. Ctrl + F1 - Yordam oynasini ochish
43. Ctrl + W - Hujjatni yopish (versiya 2019 va keyingilar uchun)
44. Ctrl + F6 - Ochilgan hujjatlardan o‘tish
45. Alt + F8 - Makroni boshlash
46. F4 - O‘rtacha amalni takrorlash
47. Ctrl + Shift + F - Shaylarni tuzatish
48. Ctrl + Space - Formatni olib tashlash
49. Alt + Ctrl + S - Sahifani saqlash oynasini ochish
50. Ctrl + Shift + G - Elementni qutisiz majmualash

P.S.: O'zingiz uchun o'rganib qo'yganingiz yaxshi, zamon bilan hamnafas bo'lish uchun. Ustozlarga yuborib qo'ying

English teachers

Янги баҳолаш тизимига доир 3 саволга 3 жавоб

Хабарингиз бор, 2024-2025 ўқув йилида мамлакатимиздаги 1500 та мактабда янги баҳолаш тартиби жорий қилинди ва айни вақтда ушбу таълим муассасаларида ўқувчиларнинг билим даражаси мазкур тизим асосида баҳоланмоқда.

Шу ўринда янги баҳолаш тизими бўйича педагоглар ва ота-оналардан келиб тушаётган айрим саволларга жавоб бериб ўтсак.

❓1. Савол: Биз турли ижтимоий тармоқ саҳифалари орқали ЧСБ тест саволларини оляпмиз, аммо ушбу саволларда турли тафовут ва ноаниқликларни кузатяпмиз. Бунинг сабаби нимада?

❗️ Жавоб: Янги баҳолаш тизими жорий этилган мактаб ўқувчилари билимини баҳолаш учун Педагогик маҳорат ва халқаро баҳолаш илмий-амалий маркази томонидан намунавий тест саволлари ишлаб чиқилган ҳамда Мактабгача ва мактаб таълими вазирлигининг e-maktab.uz платформасига жойлаштирилган.

➖Педагоглар ва ота-оналардан янги баҳолаш тизими бўйича барча фанларга тегишли намунавий тест саволларини фақат e-maktab.uz платформасидан юклаб олишларини сўраймиз. Бошқа турдаги ахборот каналлари ва ижтимоий тармоқ саҳифаларидаги саволларнинг тўғрилиги ҳақидаги хабарлар ҳақиқатга мос эмас.

❓ 2. Савол: ЧСБ имтиҳонлари учун сарфланаётган қоғоз ва босмахона харажатлари қайси маблағлар ҳисобидан қопланяпти? Бунинг учун ота-оналардан маблағ талаб этиладими?

❗️ Жавоб: Йўқ, ота-оналардан маблағ талаб этилмайди.

➖Мактабгача ва мактаб таълими вазирлигининг 2024 йил 17 октябрдаги тегишли буйруғига асосан, 2024 йил I ва II чорак имтиҳонлари Тошкент шаҳар, Хоразм ва Тошкент вилоятларидаги танлаб олинган ва янги баҳолаш тизими жорий этилган 168 та мактабда e-maktab.uz платформаси орқали онлайн, қолган 1332 та мактабда анъанавий тарзда ташкил этилиши белгиланган.

➖Анъанавий тарзда имтиҳон ўтказиладиган 582 та мактаб учун ажратиладиган (6400 та ўрам) қоғоз маҳсулотлари Мактабгача ва мактаб таълими вазирлиги ҳузуридаги Таълим соҳасида ислоҳотларга кўмаклашиш жамғармаси маблағлари ҳисобидан қопланади. Шунингдек, ушбу мактабларнинг назорат материаллари ҳудудий бошқармаларга махсус ажратилган принтер қурилмаларида чоп этилади.

➖Қолган 750 та мактабга ажратиладиган назорат материаллари ўрнатилган тартибда вазирлик тизимидаги Ғафур Ғулом номидаги нашриёт-матбаа ижодий уйида чоп этиб келинмоқда.

❌ Мазкур харажатлар учун ота-оналардан пул маблағлари талаб этилиши мумкин эмас.

❓ 3. Савол: Агар имтиҳон кунлари фарзандим касал бўлиб қолганлиги сабабли синовларда қайта иштирок этса, имтиҳон баллари тушиб кетар экан, шу тўғрими?

❗️Жавоб: Мактабгача ва мактаб таълими вазирининг 2024 йил 7 августдаги тегишли буйруғи билан тасдиқланган “Мезонларга асосланган баҳолаш тизимини умумий ўрта таълим мактабларига жорий этиш бўйича тартиб”да бу ҳақида батафсил айтиб ўтилган.

➖Унга биноан, асосли сабаблар (касал бўлганлиги, яқин қариндошларидан бирининг вафоти, турли олимпиада ва танловлардаги иштироки)га кўра баҳолаш жараёнида қатнаша олмаган ўқувчилар учун синовлар алоҳида ўтказилади. Бунда ўқувчиларга амалдаги баҳолаш мезонлари (максимал 40 балл)га кўра олган баллари қўйилади.

➖Узрсиз сабабларга кўра баҳолашда қатнашмаган, ички тартиб-қоидаларни бузгани учун жараёндан четлаштирилган ёки 12 баллдан паст натижа қайд этган ўқувчиларнинг максимал бали 26 баллдан ошиши мумкин эмас.

©️ Мактабгача ва мактаб таълим вазирлиги

English teachers

⚡️Darsga halaqit bеrib, darsni buzadigan o'quvchilarga qanday chora ko'rish mumkin?

Assalomu alaykum. O‘quvchi darsda xulqi yomon. Dars jarayonini buzadi. Boshqa o‘quvchi va o‘qituvchi bilan janjallashadi. Shu xodisaga qanday qonun doirasida chora ko‘rish mumkin

YURIST JAVOBI:

O'quvchiga nisbatan biror ta'sir chorasi qo'llanilmaydi, aksincha bunday vaziyatda uning ota-onasiga nisbatan ma'muriy javobgarlik chorasi qo'llaniladi.

Maktabgacha va maktab ta'limi vazirining 2023-yil 31-avgustdagi 282-son buyrug'iga 1-ilovada tasdiqlangan Umumiy o'rta ta'lim muassasasining takomillashtirilgan namunaviy odob-axloq qoidalari 14-bandiga asosan o'quvchi dars mashg'ulotlarida:

🔹tеgishli darslik va zarur o'quv qurollari bilan ishtirok etish;

🔹darslarda o'quv jarayoni bilan bog'liq bo'lmagan boshqa ishlarga chalg'imaslik;

🔹o'qituvchiga murojaat qilmoqchi yoki savoliga javob bеrmoqchi bo'lganda qo'lini ko'tarib ruxsat so'rash;

🔹sanitariya-gigiеna va tеxnika xavfsizlik qoidalariga to'liq amal qilishi shart.

Mana shu qoidaga binoan o'quvchi yuqoridagilarni bajarishi talab etiladi.

Agar u mazkur majburiyatlarni bajarishdan bo'yin tovlasa, unda ota-onaga nisbatan ta'sir chorasi ko'rilishi mumkin.

Bunday holatda ota-onaga Ma'muriy javobgarlik to'g'risidagi kodеks 47-modddasi ikkinchi qismi bilan javobgarlik chorasi qo'llaniladi. Ya'ni Xuddi shunday huquqbuzarliklar ma'muriy jazo chorasi qo'llanilganidan kеyin bir yil davomida takror sodir etilgan bo'lsa: bazaviy hisoblash miqdorining bеsh baravaridan o'n baravarigacha miqdorda jarima solishga sabab bo'ladi.

Ⓜ️Yurist_Xizmati

English teachers