Зомбилашиш ҳақиқатга айлантириляпти
"Ўзбекконцерт" деб аталмиш муассаса бор, у билан ҳозир бировнинг иши бўлмай қолган. Аммо улардаги бадиий кенгаш истаган клипларни оммага намойиш қилишга рухсат беряпти.
Ғарбга интилиш кўпроқ фойда беради, бироқ айрим "одатлари"ни ўзимизга олиб кириш миллатни издан чиқаради.
Эски Ўзбекистон даврида бу оммавий маданият деб аталарди ва бунга қаттиқ қараларди.
Иккита мисол келтирамиз. Биринчиси Лил Хуррамовнинг "Мандарин" қўшиғи. Ашула бир чолнинг болаларга
вампир ҳақида эртак айтишидан бошланади. Ҳа, тўғри ўқидингиз, вампир ҳақида. Вампир нималигини айрим катталар билмайди ҳатто, ёш болаларни қўяверинг.
Вампир — Европа мифологиясига кўра, тирик, чала ўлик ё мурдалар бўлиб, улар асосан кечаси ҳаракат қилади ва
одамларнинг қонини сўриб озиқланади.
Энди тасаввур қилинг, шу клипда болаларга одам қонини сўрувчилар ҳақида эртак айтиляпти. Гарчи қон ўрнига мандарин фойдаланилган бўлса-да, вампир атамаси расман қўлланилган.
Иккинчиси, Шоҳруҳхоннинг "Ой жамол" клипи эса унданам ўтиб тушган. Қўшиқ иккита
зомбининг никоҳ тўйи ҳақида бўлиб, тўйда бошқа зомбилар ҳам қатнашади.
Зомби — замонавий оммавий маданиятнинг мистик персонажи бўлиб,
қайта тирилиш ёки тирик одамнинг зомбилашишини билдиради. Улар ўзини ўзи мустақил бошқаролмайди.
"Ой жамол" клипида зомбилар қатнашади. Қўшиқни нодавлат телеканаллар ҳам қўйяпти, YouTube платформасига ҳам жойлаштирилган.
Яъни уни ёшидан қатъи назар ҳамма кўриши мумкин.
"Ўзбекконцерт" айнан мана шундай оммавий маданиятларга қарши тура олиши керак. Бошқа нарсаларга эркинлик берилди, дегани миллатни тўлиқ зомбилаштиришга йўл қўйиш дегани эмас, албатта.
👉
@eldor_24
