OLTINSOY TUMAN KENGASHI

Xalq bilan ochiq muloqot – muammolarni hal etishning eng samarali yo‘li

O‘zbekiston Ekologik partiyasi fraksiyasi rahbari Abdushukur Xamzayev boshchiligidagi ishchi guruh Termiz tumanidagi "Orol" mahalla guzarida saylovchilar bilan uchrashdi.

Uchrashuvda fuqarolarning mavjud muammolari va takliflari tinglandi. Yangi qonunlar va davlat dasturi bo‘yicha tushuntirish ishlari olib borildi. Atrof-muhit muhofazasi, ekologik xavfsizlik va resurslardan oqilona foydalanish masalalari muhokama qilindi.

Xalq bilan muloqot – har bir muammoning yechimini topishda muhim qadamdir. Muloqotda saylovchilar tomonidan kommunal xizmatlar, mahalla infratuzilmasi va ish o‘rinlari yaratish bo‘yicha qator muhim takliflar bildirildi.

✅Facebook | 🌐Instagram |🌐 Web site | 📹You Tube

“Yangi O‘zbekiston” massivida ishlar jadal davom etmoqda

Xabar berganimizdek, ishchi guruh tomonidan Surxondaryo viloyatida qator o‘rganish ishlari olib borilmoqda. Xususan, Ishchi guruh Termiz tumanidagi “Yangi O‘zbekiston” massivida qizg‘in olib borilayotgan qurilish ishlari bilan tanishdi.

55 gektarlik massivda rejalashtirilayotgan sanoat loyihalari, xizmat ko‘rsatish obyektlari va ijtimoiy infratuzilmalar xususida ham ma’lumotlar berildi. Mazkur binolar kelgusida “yashil” energiya bilan ta’minlanishi alohida ahamiyatga ega.

Hozirda “Yangiobod” mahallasida jami 1600 ta xonadonli uy-joy qurilmoqda. Shuningdek “Yangi O‘zbekiston” bog‘ida ham qurilish ishlari boshlangan. Xonadonlarni joriy yil yakuniga qadar foydalanishga topshirish rejalashtirilmoqda.

Ishchi guruh tomonidan qurilish sohasida zamonaviy usullardan foydalanish va binolarni energiya tejovchi texnologiyalar bilan jihozlash bo‘yicha tavsiyalar berildi.

✅Facebook | 🌐Instagram |🌐 Web site | 📹You Tube

Muqobil energiya barqaror kelajak garovi

Bugungi kunda “yashil”, ya’ni qayta tiklanuvchi energiya manbalari ekologik muammolarga qarshi kurashda dolzarb ahamiyat kasb etmoqda. Gap shundaki, tabiiy resurslarni tejash, ifloslantiruvchi chiqindini kamaytirish, eng muhimi, barqaror rivojlanishga hissa qo‘shish “yashil” energiyaning asosiy afzalliklari sanaladi. Xalqaro tajriba misolida aytadigan bo‘lsak, rivojlangan davlatlarning aksariyatida qayta tiklanuvchi manbalar orqali hosil qilinadigan bu kabi energiya resurslari keng tatbiq etilib kelinmoqda.

Yaqinda “Milliy tiklanish” DP yetakchisi Alisher Qodirovning xonadonlarda ovqat pishirishda tabiiy gazdan elektr energiyasiga o‘tish kerakligi haqidagi taklifi keng jamoatchilik orasida turlicha talqin etildi.

Masalani chuqur tahlil qiladigan bo‘lsak, aslida gap mamlakatimizda “yashil” energiyani rivojlantirish, shu orqali iqlim o‘zgarishi kabi salbiy oqibatlarni kamaytirish, quyosh, shamol, suv kabi qayta tiklanuvchi manbalar orqali hosil qilinadigan energiya turlaridan foydalanishdadir. Bu bejiz emas. Chunki BMTning “2030 yilgacha barqaror rivojlanish maqsadlari” doirasida davlatlar, xususan, O‘zbekiston “yashil” energetika yo‘nalishini kuchaytirishga intilmoqda. Ya’ni butun insoniyat barqaror kelajak sari qadam tashlayotgan ekan, unda nega biz chetda turishimiz kerak?!

Davlatimiz rahbari 28-yanvar kuni elektr energetikasini 2025 — 2035-yillarda rivojlantirish chora-tadbirlari bo‘yicha o‘tkazgan yig‘ilishda ham 2030-yilga borib, mamlakatimiz aholisi 41 millionga yetishi, iqtisodiyotimiz esa 1,5 karra o‘sishi kutilayotganiga e’tibor qaratib, buning uchun, avvalo, barqaror elektr ta’minoti zarurligini ta’kidladi.

Yana bir muhim masala — elektr energiyasining tannarxini pasaytirishdir. Ba’zan narxlar ko‘tarilib ketsa, darrov gapirishga o‘tamiz. Bilishimiz kerakki, tannarxni pasaytirishning muhim omili faqat muqobil manbalarni ko‘paytirishdir. Vaholanki, xorijiy ekspertlar ham O‘zbekiston sharoitida “yashil” energiya imkoniyatlari ko‘pligini aytayotgani bejiz emas.

Shundan kelib chiqib, 2030-yilga borib jami generatsiyada “yashil” energiya ulushini 50 foizdan oshirish ko‘zda tutilgan. Bu shundan dalolat beradiki, “yashil” energiya bilan bog‘liq innovatsiya kelajakda yanada ommalashadi.

Oybek Rahimov,
O‘zbekiston Ekologik partiyasi fraksiyasi a’zosi

Ekologik toza iqtisodiyot: Davlat dasturi va amaliyotdagi qadamlar

☝️ Bugun Davlatimiz rahbari “Atrof-muhitni asrash va “yashil iqtisodiyot” yilining davlat dasturi loyihasi yuzasidan yig‘ilish o‘tkazdi.

🗣 Prezidentimiz tomonidan ilgari surilgan yangi quyosh va shamol stansiyalarining 26 foizga chiqarish, energiya saqlash quvvatlarini ta’minlash va “Yashil makon” dasturi doirasida daraxtlar ekish takliflari juda muhim.

🟢 Ekopartiya deputati sifatida men ushbu takliflarni to‘liq qo‘llab-quvvatlayman. Yashil iqtisodiyotni rivojlantirish va ekologik muammolarni hal qilish borasida davlatimiz rahbari tomonidan berilgan ko‘rsatmalarni amalga oshirishimiz, kelajakda o‘sish va barqarorlikni ta’minlash uchun asos bo‘ladi.

Batafsil: 👉 https://ecouz.uz/news/202

Javlon Abdullayev,
Oliy Majlis Qonunchilik palatasi deputati,
O‘zbekiston Ekologik partiyasi fraksiyasi a’zosi

✅Facebook | 🌐Instagram |🌐 Web site | 📹You Tube

Atrof-muhitga zarar yetkazmaydigan issiqxonalarni ko‘paytirish kerak

Ishchi guruh Termiz tumani, “Qahramon” mahallasi hududida joylashgan “Namuna Elegant agro" MCHJ ga tegishli issiqxona faoliyati bilan tanishdi.

1,6 gektar maydonga qurilgan ushbu issiqxona 2024-yilda ishga tushirilgan bo‘lib, 20 turdan ziyod oziq-ovqat mahsulotlari yetishtiriladi. E’tiborli jihati issiqxona tabiiy yo‘l bilan isitiladi va atmosferaga zaharli gazlar chiqarmaydi.

Partiya rahbari Abdushukur Xamzayev bu kabi yoqilg‘i ishlatilmaydigan va atmosferaga zaharli gazlarni chiqarmaydigan issiqxonalarni ko‘paytirish hamda xalqimizga oziq-ovqat mahsulotlarini yanada ko‘proq yetishtirish kerakligini ta’kidlab o‘tdi.

✅Facebook | 🌐Instagram |🌐 Web site | 📹You Tube

Ekofaol fuqarolar uchun imkoniyatlar

2025-yil 1-iyuldan boshlab “Ekofaol fuqaro” platformasiga o‘zi ekkan daraxti to‘g‘risida ma’lumotlar kiritgan kambag‘al oilalarga o‘rmon fondi yerlarida ekilgan har 100 ta daraxt uchun Ekologiya, atrof-muhitni muhofaza qilish va iqlim o‘zgarishi vazirligi tomonidan «Yashil makon» umummilliy loyihasi doirasidagi mablag‘lar hisobidan bazaviy hisoblash miqdorining bir baravari miqdorida subsidiya ajratish tartibi joriy etiladi.

Bunda subsidiya yil davomida ikkiga bo‘lib, (ko‘chatlar ekilgan vaqtda hamda ularni parvarishlash davridan keyin) teng ulushlarda to‘lanadi.

Batafsil https://lex.uz/ru/docs/7327821

✅Facebook | 🌐Instagram |🌐 Web site | 📹You Tube

O‘zbekiston Ekologik partiyasi fraksiyasi rahbari Abdushukur Xamzayev boshchiligida o‘rganishlar olib borayotgan ishchi guruh joylarda "yashil" iqtisodiyotga o‘tish bo‘yicha olib borilayotgan ishlar, muqobil energiya manbalaridan foydalanishni kengaytirish borasidagi ishlarga alohida e’tibor qaratmoqda.

Termiz tumani, “Bunyodkor” mahallasi hududida joylashgan “Olis osmon” xususiy korxonasida ayni shu masalaga alohida e’tibor qaratilgan bo‘lib, bugungi kunda quyosh panellarini o‘rnatish ishlari olib borilmoqda. Shuningdek, korxona hududida "Yashil makon" umummilliy loyihasi doirasida ko‘plab mevali va manzarali daraxt ko‘chatlari ekilgan.

Ishchi guruh rahbari A.Xamzayev "yashil" energiyani yanada rivojlantirish va korxona atrofida "yashil belbog‘" tashkil etish bo‘yicha o‘z tavsiyalarini berib o‘tdi.

✅Facebook | 🌐Instagram |🌐 Web site | 📹You Tube