e-gov.uz

✨ Alisher Navoiy tavalludining 584 yilligi munosabati bilan:

Yozuvchilar uchun elektron davlat xizmatlarini taqdim etamiz 📚

📆 9-fevral — buyuk o‘zbek shoiri va mutafakkiri Alisher Navoiy tavalludi kuni. Ushbu sana munosabati bilan biz siz, aziz yozuvchilar va nashriyotchilarga o‘z asarlaringizni keng auditoriyaga yetkazishda ko‘maklashuvchi zamonaviy imkoniyatlar haqida so‘zlamoqchimiz.

📖 Ijodingizni yangi bosqichga olib chiqing!

Agar siz kitoblar yoki davriy nashrlar yaratish bilan shug‘ullansangiz, quyidagi elektron davlat xizmatlari siz uchun juda foydali bo‘lishi mumkin:

📚 BBK indeksi (Kutubxona-bibliografik tasnif)

⏺Kitobingiz kutubxonalarda munosib o‘rin egallashini istaysizmi? Ushbu indeks adabiyotlarni to‘g‘ri tasniflashga yordam beradi va ularning o‘quvchilar tomonidan oson topilishini ta’minlaydi.

📖 UDK indeksi (Universal o‘nlik tasnif)

⏺Butun dunyo bo‘ylab ilmiy va badiiy nashrlarni tizimlashtirishda qo‘llaniladigan ushbu tizim ilmiy nashrlar, darsliklar va boshqa asarlar uchun majburiy hisoblanadi.

📕 ISBN — kitobingiz "pasporti"

⏺Kitobingiz butun dunyoga tanilishini xohlaysizmi? Xalqaro standart kitob raqamini (ISBN) olish orqali kitobingiz rasmiy ro‘yxatdan o‘tkaziladi. Bu uni tarqatish va sotishni osonlashtiradi.

📰 ISSN — davriy nashrlar uchun noyob raqam

⏺Agar siz jurnal yoki boshqa serial nashrlarni chiqarayotgan bo‘lsangiz, Xalqaro standart serial raqami (ISSN) uning rasmiy maqomini tasdiqlaydi va kataloglarda ro‘yxatdan o‘tkazishni osonlashtiradi.

📱 Zamonaviy texnologiyalar — ijodkorlarga yordamchi!

🔵Bugungi texnologiyalar mualliflarga eng muhim jihat — ijodkorlikka e’tibor qaratish imkonini beradi. Kitoblar va nashrlarning shakllanishi esa elektron davlat xizmatlari tufayli yanada osonlashadi.

🟡 Alisher Navoiyning bebaho merosi sizga ilhom bersin, biz esa sizning asarlaringizni har bir o‘quvchiga yetkazishda yaqindan ko‘maklashamiz!

📝 Onlayn xizmatlardan foydalaning va kitobxonlar ijodingizdan bahramand bo‘lishidan zavqlaning!

📲 egov.uz |Telegram | Facebook | YouTube | instagram

"Qaysi rahbar raqamlashtirishni kechiktirsa – ochiqlik siyosatimizga qarshi chiqqan bo‘ladi” — Prezident

Prezident xizmatlar sohasida raqobatbardoshlikni oshirish bevosita hudud va tarmoqlarni raqamlashtirish darajasi bilan bog‘liqligini ta’kidladi.

Kadastr agentligiga ko‘chmas mulk manzillarining yagona reyestrini tez fursatda oxiriga yetkazish, Transport vazirligiga barcha turdagi yo‘lovchi transportiga chipta olish imkonini beradigan yagona platformani ishga tushirish kechikayotgani ko‘rsatib o‘tildi.

“Takror aytaman. Qaysi rahbar raqamlashtirishni kechiktirsa – ochiqlik siyosatimizga qarshi chiqqan bo‘ladi”, — dedi Prezident.

Vazirlar Mahkamasiga har bir vazir va hokimga raqamlashtirish bo‘yicha alohida KPI, aniq vazifa va muddatlarni belgilab berish topshirildi.

Misol uchun, Turizm qo‘mitasi turistlar mehmonxona, dam olish maskanlarini “bron” qilish, avia va temir yo‘l, muzey, teatrga chipta sotib olish, gid va tarjimonlarni yollash kabi xizmatlarni masofadan turib olish imkonini beradigan yagona platformani ishga tushirishi lozim.

Yoki, Tashqi ishlar va Adliya vazirliklari O‘zbekistonga kirish uchun elektron vizani 3 kunda rasmiylashtirish imkonini yaratishi kerak.

📲 egov.uz |Telegram | Facebook | YouTube | instagram

Masofaviy xizmatlar eksportini yangi bosqichga olib chiqish vaqti kelgani ta’kidlandi.

Faqat texnik xizmat ko‘rsatish bilan cheklanmay, buxgalteriya, konsalting, sug‘urta, yuridik va boshqa professional xizmatlar eksportini yo‘lga qo‘yish kerakligi qayd etildi.

Mutasaddilarga xorijiy davlatlarning xizmatlar importini va talablarini tahlil qilib, o‘quv dasturlarini shunga moslash va tegishli mutaxassislarni tayyorlash topshirildi.

Bu yil kreativ iqtisodiyotdagi startap loyihalar uchun 50 million dollar ajratildi.

Misol uchun, “Amazon”da ishlab, Nukusga qaytib kelgan Beknazar Abdukamolov startap loyihasiga “Facebook”dan 3 million dollar jalb qilgani uchun bugungi kunda aktivlari 15 million dollarga baholanmoqda.

Hozirda dunyoning yirik IT kompaniyalarida ishlayotgan bunday yuzlab yoshlarimiz bor. Raqamli texnologiyalar vazirligiga eng avvalo shunday yoshlar bilan birgalikda startap loyihalarini amalga oshirish lozimligi ko‘rsatib o‘tildi.

Umuman, 2025-yilda IT xizmatlari hajmini 30 foizga o‘stirib, 80 trillion so‘mdan, eksportini 1 milliard dollardan oshirish zarurligi ta’kidlandi.

📲 egov.uz |Telegram | Facebook | YouTube | instagram

Kreativ sohalar – IT, turizm, loyiha, dizayn, injiniring kabi xizmatlarni rivojlantirish bo‘yicha aniq ish va natija kerakligi qayd etildi.

Yangi farmonga ko‘ra, 1-martdan 6 oy davomida sotilmagan 10 ming kvadratgacha bo‘lgan davlat obyektlari tadbirkorlarga 10 yilga to‘g‘ridan to‘g‘ri ijaraga beriladi.

To‘rt yil davomida ijara vaqtida to‘lansa, bu joy tadbirkorga xususiylashtirib beriladi.

Yoshlarni IT va chet tiliga o‘qitib, xalqaro tan olingan sertifikat beradigan tadbirkorlar birinchi yil ijara to‘lamasligi belgilandi.

Buning hisobiga bu yil har bir viloyatda 5 tadan davlat obyektini tadbirkorlarga ijaraga berib, kamida 100 ming yoshlarni IT va chet tiliga o‘qitish zarurligi ta’kidlandi.

📲 egov.uz |Telegram | Facebook | YouTube | instagram

IT, moliyaviy xizmatlar, turizm, aviatsiya, ta’lim va tibbiyot sohalarida “katta sakrash” bo‘ldi – Prezident

Prezident Shavkat Mirziyoyev raisligida xizmat ko‘rsatish sohalarini rivojlantirish bo‘yicha asosiy vazifalar muhokamasi yuzasidan videoselektor yig‘ilishi boshlandi.

Uch yil oldin qabul qilingan xizmatlar sektorini rivojlantirish bo‘yicha katta dastur bugun natijasini berayotgani ta’kidlandi.

Qo‘shimcha 1,5 million aholi servis sohasida doimiy daromadga ega bo‘ldi. Xizmatlar 2018-yildagi 19 milliarddan 65 milliard dollarga oshdi (o‘sish – 3,5 barobar).

Ayniqsa, IT, moliyaviy xizmatlar, turizm, aviatsiya, ta’lim va tibbiyot sohalarida “katta sakrash” bo‘ldi.

So‘nggi yetti yilda aholi daromadi va to‘lov qobiliyati 2 karra o‘sgani natijasida aholida yangicha xizmat va servis turlariga talab ortmoqda.

Shunga yarasha vazirlar va hokimlar talabga mos ravishda xizmatlarni rivojlantirishi kerakligi qayd etildi.

📲 egov.uz |Telegram | Facebook | YouTube | instagram

#Qonunchilikdagi_yangiliklar

❗️Bolalarda nogironlikning oldini olishga koʻmaklashuvchi tizim yaratiladi

📱2025-yil 1-martgacha “Yagona milliy ijtimoiy himoya” axborot tizimida “Kunduzgi parvarish xizmatini boshqarish” axborot moduli hamda uning mobil ilovasi yaratiladi.

📝 Prezident qaroriga koʻra, 2027-yil 1-iyulgacha kunduzgi parvarish xizmatini yoʻlga qoʻygan tadbirkorlarga Markaziy bankning asosiy stavkasida davlat-xususiy sheriklik loyihasi doirasida mebel va jihozlar xaridi uchun imtiyozli kreditlar ajratiladi.

👉 Ijtimoiy xizmat va yordam koʻrsatishni tashkil etish jarayonlarini raqamlashtirish maqsadida, quyidagilar yaratiladi:

⏺ 2025-yil 1-martgacha “Yagona milliy ijtimoiy himoya” axborot tizimida “Kunduzgi parvarish xizmatini boshqarish” axborot moduli hamda uning mobil ilovasi;
⏺2025-yil 1-sentyabrgacha bolalarning rivojlanishida kuzatiladigan nuqsonlarni erta aniqlash va oʻz vaqtida kompleks ijtimoiy-tibbiy yordam bilan qamrab olish, ularda nogironlikning oldini olish hamda nogironligi boʻlgan bolalarda muvaffaqiyatli ijtimoiylashuvni taʼminlashga koʻmaklashuvchi “Bolalar salomatligi” axborot tizimi.

👉 Shuningdek, uch oy muddatda Soliq kodeksiga quyidagilarni nazarda tutuvchi oʻzgartirish va qoʻshimchalar kiritish toʻgʻrisidagi takliflar Hukumatga kiritiladi:

⏺davlat-xususiy sheriklik asosida kunduzgi parvarish xizmatini koʻrsatuvchi tadbirkorlik subyektlarini 2030-yil 1-yanvarga qadar barcha turdagi soliqlarni (bundan ijtimoiy soliq mustasno) toʻlashdan ozod qilish;
⏺ota-ona ning kunduzgi parvarish xizmatlaridan foydalangani uchun oyiga 3 million soʻmgacha boʻlgan toʻlovlarini soliq solinmaydigan daromadlar toifasiga kiritish.

📲 egov.uz |Telegram | Facebook | YouTube | instagram

⚡️Raqamlashtirish va sun’iy intellektning dolzarb masalalari

Olmaota shahrida bugun, 31-yanvar kuni «Digital Almaty 2025» xalqaro raqamli forumining yalpi majlisi bo‘lib o‘tdi.

Yalpi majlisda O‘zbekiston Respublikasi Bosh vaziri A.Aripov mamlakatimizda raqamlashtirishni jadallashtirish va ijtimoiy-iqtisodiy sohalarga zamonaviy texnologiyalarni joriy qilish, yurtimizni sun’iy idrok texnologiyalaridan foydalanuvchi dunyoning yetakchi davlatlari qatoriga kirishiga erishish borasida olib borilayotgan keng ko‘lamli islohotlar haqida taqdimot qildi.

Davlatimiz rahbari tomonidan mamlakatimizda sun’iy intellektni rivojlantirish bo‘yicha 2030-yilgacha bo‘lgan strategiya tasdiqlanib, muayyan maqsadli ko‘rsatkichlar belgilab berilgani qayd etildi.

Xususan, sun’iy ongga asoslangan dasturiy ta’minotni ishlab chiqish va raqamli xizmatlar ko‘rsatish hajmini 1,5 milliard dollargacha oshirish, bir qator ilmiy laboratoriyalar yaratish, yuqori samarali server infratuzilmasini shakllantirish singari ko‘plab ustuvor vazifalar maqsad qilib olingan.

Yalpi majlisda Strategiya doirasida yigirmadan ortiq loyiha amalga oshirilgani hamda iqtisodiyotning asosiy tarmoqlariga sun’iy intellekt texnologiyalari jadal tatbiq etilayotgani natijasida qator yutuqlarga erishilgani ma’lum qilindi.

Jumladan, Toshkent metropolitenida «Palm Pay», to‘lov tizimi joriy etilib, to‘lovlarni amalga oshirishda yo‘lovchilarga qulaylik yaratildi, banklar va yirik savdo majmualarida «My ID» va «UzFace» tizimi yo‘lga qo‘yilgani esa mijozlarni identifikatsiyalashni tezlashtirish va raqamli firibgarlik xavfini kamaytirish imkonini berdi, soliq tizimi va davlat xizmatlari portalida aholiga maslahatlar berish va elektron xizmat olishga yordam beruvchi virtual yordamchilar ishga tushirildi.

Natijada, O‘zbekiston 2024-yilda «Hukumatning sun’iy intellektga tayyorligi reytingi»da 17 pog‘onaga ko‘tarildi.

Yalpi majlisda sun’iy intellektni rivojlantirish bo‘yicha qabul qilingan Strategiyasiga muvofiq, O‘zbekistonda raqamli iqtisodiyotni faol rivojlantirish, davlat boshqaruvi, ta’lim, sog‘liqni saqlash va qishloq xo‘jaligida zamonaviy axborot-kommunikatsiya texnologiyalarini keng joriy etish bo‘yicha kompleks chora-tadbirlar amalga oshirilayotgani ta’kidlandi.

Bunda, ayniqsa, birinchi navbatda, IT infratuzilmasini rivojlantirishga alohida e’tibor qaratilayotgani bildirildi.

Shu maqsadda, O‘zbekiston sun’iy idrokni tartibga solish standartlarini ishlab chiqish, kadrlar tayyorlash va zarur infratuzilmani yaratish bo‘yicha yetakchi tashkilotlar va IT kompaniyalar bilan xalqaro hamkorlikni faol kengaytirmoqda.

Shuningdek, raqamlashtirish va sun’iy intellektning dolzarb masalalari, shu jumladan, mazkur yo‘nalishda o‘zaro manfaatli hamkorlikni yanada kengaytirish istiqbollari to‘g‘risida atroflicha fikr almashildi.

📲 egov.uz |Telegram | Facebook | YouTube | instagram

🌐 Raqamli hukumat markazida Janubiy Koreya elchixonasi vakillari kutib olindi

🇺🇿🇰🇷Bugun, 28-yanvar kuni Raqamli hukumat loyihalarini boshqarish markazida Janubiy Koreyaning O‘zbekistondagi elchixonasi birinchi kotibi Cho Xyon Xye xonim bilan uchrashuv bo‘lib o‘tdi.

🤝 Uchrashuvda O‘zbekistonning elektron hukumat to‘g‘risidagi qonunchiligi, xususan, aholiga davlat xizmatlarini ko‘rsatishni soddalashtirish va idoralararo ma'lumotlar almashinuvini muvofiqlashtirishga qaratilgan masalalar muhokama qilindi.

📱Shuningdek, “yagona darcha” yondashuvi orqali davlat xizmatlarini ko‘rsatish bo'yicha amalga oshirilayotgan ishlar, xususan, idoralar mustaqil ravishda zarur hujjat va ma’lumotlarni elektron shaklda to‘plashi, buning evaziga fuqarolar zimmasidagi yukning kamayishi haqida ma'lumotlar berildi. Muhokama qilingan yana bir masalalardan biri – ortiqcha maʼlumot soʻrash holatlarining oldini olish uchun idoralar oʻrtasida uzluksiz hamkorlikni taʼminlashga erishish boʻldi.

🔵Janubiy Koreya vakillari Markazning faoliyati va raqamli boshqaruvni rivojlantirish borasidagi yutuqlari bilan ham yaqindan tanishdi. O'z o'rnida Cho Xyon Xye xonim O‘zbekistonning raqamlashtirish sohasida erishayotgan natijalarini yuqori baholadi.

✅ Tomonlar kelgusida ikki mamlakat oʻrtasidagi raqamli hukumat sohasidagi loyihalarni rivojlantirish bo‘yicha hamkorlik qilishga tayyor ekanliklarini bildirishdi.

📲 egov.uz |Telegram | Facebook | YouTube | instagram

#Qonunchilikdagi_yangiliklar

❗️1-fevraldan nimalar o‘zgaradi?

2025-yil 1-fevraldan Oʻzbekiston qonunchiligida ayrim oʻzgarishlar roʻy beradi. Quyida ularning raqamlashtirishga oid qismlarini eslatib oʻtamiz.

Batafsil 👉 https://egov.uz/news/1-fevraldan-nimalar-ozgaradi-1609

📲 egov.uz |Telegram | Facebook | YouTube | instagram

#Raqamlashtirish

🟡 Ichki ishlarga xizmatga qabul qilinayotgan nomzodlarning intellektual rivojlanganlik darajasi va psixoemosional barqarorligini aniqlash jarayoni endilikda “E-nomzod” axborot tizimi orqali amalga oshirilmoqda

🧑‍💻 Shu bilan birga, psixologik ta’minot jarayonlarini to‘liq raqamlashtirish maqsadida “E-psixologiya” axborot tizimi ishlab chiqilmoqda.

👮‍♂️Sohaning mutaxassis-psixologlariga mazkur tizimlardan foydalanish bo‘yicha batafsil tushuntirishlar berilmoqda. Xususan, mutaxassis-psixologlar uchun “poligraf” qurilmasi yordamida psixofiziologik tekshiruvlarni o‘tkazish, yuzaga kelayotgan muammolarni bartaraf etish bo‘yicha ma’lumotlar berildi.

📱 Ichki ishlar vazirligida psixologik ta’minot sohasida amalga oshirilayotgan raqamlashtirish ishlari tizimning yanada samarali va shaffof bo‘lishiga xizmat qilishi shubhasiz.

📲 egov.uz |Telegram | Facebook | YouTube | instagram