IBROHIM YOQUBOV

Har bir hududga iqlim sharoitiga mos ko‘chatlar ekilishi kerak

O‘zbekiston Ekologik partiyasi fraksiyasi hamda partiya vakillaridan iborat ishchi guruh Surxondaryo viloyatidagi o‘rganishlarini davom ettirmoqda. Sariosiyo tumanidagi "Uzun" o‘rmon xo‘jaligida "Yashil makon" umummilliy loyihasining bahorgi mavsumiga ko‘rilayotgan tayyorgarlikka bag‘ishlangan yig‘ilish o‘tkazildi.

Unda bahorgi mavsumda ekiladigan ko‘chat zaxirasi, ko‘chat ekiladigan maydonlar, ularning sug‘orish tizimi mavjud yoki mavjud emasligi, biriktiriladigan mas’ullar haqida fikr almashildi. Shuningdek, hududning iqlim sharoitiga mos ko‘chatlar ekilishi va ularning parvarishiga jiddiy e’tibor qaratilishi lozimligi alohida qayd etildi.

✅Facebook | 🌐Instagram |🌐 Web site | 📹You Tube

Ishchi guruh vakillari Sariosiyo tumanidagi "Surxon sifat tekstil" xususiy korxonasi bilan tanishdi. 8 gektar maydonda joylashgan ushbu korxonada 600 nafar ish o‘rni yaratilgan.

E’tiborli jihati, joriy yilning birinchi choragida korxonada 3,5 megavattli quyosh panellarini o‘rnatish rejalashtirilgan. Bu orqali ishlab chiqarishga ketadigan elektr energiyasining 3/2 qismi qayta tiklanuvchi energiya manbalaridan olinadi.

Ishchi guruh va mutaxassislar tomonidan qayta tiklanuvchi energiya manbalariga o‘tish orqali korxonaning daromadi yanada oshishi, bu esa yangi liniyalarni ishga tushirish orqali aholi bandligiga zamin yaratishini ta’kidlab o‘tishdi.

✅Facebook | 🌐Instagram |🌐 Web site | 📹You Tube

O‘zbekiston Ekologik partiyasi hamda partiya fraksiyasi vakillaridan iborat ishchi guruh Uzun davlat o‘rmon xo‘jaligiga qarashli ko‘chatxonada bo‘lishdi.

Bu yerda 30 gektar maydonda niholxona tashkil etilgan bo‘lib, hozirda 1 734 430 dona nihol o‘stirilmoqda. Shuningdek, 23 gektar maydonda ko‘chatxona tashkil etilgan bo‘lib, 509 117 tup ko‘chat parvarishlanayotir.

O‘zbekiston Ekologik partiyasi Markaziy Kengashi raisi Abdushukur Xamzayev tomonidan “Yashil makon” umummilliy loyihasi doirasida ko‘chatlarni beshikast yetkazish va ularga ko‘rsatiladigan agrotexnik qoidalar haqida tushuntirishlar berib o‘tdi.

✅Facebook | 🌐Instagram |🌐 Web site | 📹You Tube

Davlat dasturi muhokama etilib, takliflar olinmoqda

O‘zbekiston Ekologik partiyasi Markaziy Kengashi ijroiya qo‘mitasida Hududiy partiya tashkilotlari vakillari ishtirokida yig‘ilish bo‘lib o‘tdi.

Unda "O‘zbekiston – 2030" strategiyasini "Atrof-muhitni asrash va "yashil" iqtisodiyot yili"da amalga oshirish bo‘yicha davlat dasturi loyihasi jamoatchilik muhokamasi uchun e’lon qilingani va davlat dasturi muhokamasida faol ishtirok etish bo‘yicha so‘z yuritildi.

Yig‘ilishda 2025-yil ekologiya va atrof-muhitni muhofaza qilish borasida keng ko‘lamli ishlar olib borilishi, davlat dasturida partiyamiz tomonidan berilgan bir qator muhim tashabbuslar o‘rin olganligi alohida qayd etildi. Shuningdek, har bir hududiy partiya tashkiloti tomonidan o‘sha hududning iqlim sharoiti, ekologik, ijtimoiy va iqtisodiy holati, partiyamizning dasturiy maqsadlaridan kelib chiqqan holda takliflar berish bo‘yicha tavsiyalar berildi.

✅Facebook | 🌐Instagram |🌐 Web site | 📹You Tube