"Do'stlik hayoti" gazetasi

⚡️Ko‘plab bilimdon obunachilarimizni o‘ylab, “Zukkotest” tanlovi yuzasidan berilgan savollarga javob bermoqchiman.

1. Tanlov menga nima beradi? Tanlovda qatnashish avvalambor, bilimingizni mustahkamlash, mantiqiy fikrlash va beshta yo‘nalishda salohiyatingizni oshirish imkonini beradi. Bu siz uchun unutilmas tajriba bo‘ladi.

2. Biz shunchaki tanlov emas, sovg‘alarga boy bo‘lsin deb “Mutolaa” va “Ibrat Academy” ilovasidan premium obunalar sovg‘a qilishga kelishdik. Bundan tashqari, TOP10 reytingga kirgan ishtirokchilarimizning har biriga 1 million so‘mdan pul mukofotlari berishni maqsad qilganmiz.

3. Tuzilayotgan savollar ham aynan sizlarning kitobxonlik, chet tillari, zamonaviy kasblar, shaxmat va intellektual bilimlaringizni oshirishga qaratilgan. Albatta, bu sizlarga oson bo‘lishi uchun darsliklarni oldindan e’lon qilganmiz.

4. Test qachon bo‘lib o‘tadi? 13-mart kuni boshlanadi va 24 soat davom etadi.

5. Tanlovda kimlar qatnasha oladi? Biz bu tanlovga umuman chegara qo‘ymaganmiz. Istagan odam qatnashishi mumkin!

6. Nega yo‘nalishlar har xil? Tanlov maqsadi turli yo‘nalishlarni qamrab olish. Ushbu yo‘nalishlarda belgilangan mavzular qisqa bo‘lib, o‘qib tayyorgarlik ko‘rish uchun yetarli muddat belgilangan.

7. Bitta test to‘plamini qayta ishlash imkoniyati bormi? Yo‘q. Har bir ishtirokchi bitta to‘plamni faqat bir marotaba ishlashi mumkin.

8. Testlar soni qancha? 5 ta yo‘nalish bo‘yicha jami 45 ta savol bo‘lib, ular Telegramning ixtiyoriy (random) tanlovi asosida tushadi.

9. G‘oliblar qanday aniqlandi? Eng yuqori ball to‘plagan va eng kam vaqt ichida javoblarni aniq topgan ishtirokchilar orasidan g‘oliblar aniqlanadi. Agar natijalar teng bo‘lsa, bunda testni eng qisqa vaqt ichida tugatgan ishtirokchi g‘olib hisoblanadi.

10. Biz barchani g‘olib bo‘lishini istaymiz! Test savollarini 70 foizi (32-44) va undan ko‘piga to’g’ri javob berganlarga “Mutolaa” va “Ibrat Academy” ilovalari uchun 50% chegirmali promokod berishni reja qilganmiz. Bu esa bilimingiz orqali pullaringizni tejash imkonini beradi!

Ro‘yxatdan o‘tishga ulgurmadingizmi? Unda shoshiling!

Hoziroq ro‘yxatdan o‘ting: @kitobxontestbot

«Хитой хавфи» – ҳақиқий таҳдидми ёки психологик феномен?

Сўнгги пайтларда Хитой бизнесининг Ўзбекистондаги иштироки борасида турли хавотирли гап-сўзлар тарқатилмоқда. Ўтган ой, ҳали бу гаплар авжига чиқмасидан аввал, Хитойга қарши иқтисодий «уруш»нинг илк ниҳоллари бизда «кўкаряпти», деган эдим. Ўшанда океан ортида бир жинсли никоҳни тарғиб қилиш бўйича курсларни аъло баҳоларга битириб келган айрим «фаол»лар бизга салкам хоин тамғасини қўйишга уринганди.

Сезганимдек, ижтимоий тармоқларда «Хитой босди» деган нотўғри, фейк хабарлар урчиб кетди. Ҳатто «Яжуж-маъжуж» деб қарғаниб ётишибди. Конспирологик қарашлар сингдириляпти, манипулятив маълумотлар орқали жамоатчилик фикрини бир томонлама шакллантириш, одамларда асоссиз қўрқув уйғотишга уринишлар кузатиляпти. Катта троллар армияси ташланганига қараганда, ҳомий камбағал эмас ва анча қудратли.

Хитойлик бизнесменлар Ўзбекистонни «босиб олайлик» деб югуриб келаётгани йўқ. Ҳар бир инвесторни жалб қилишда катта меҳнат ва музокаралар ётади (бу бўйича алоҳида пост ёзаман).

Ҳозирда 100 дан ортиқ давлатлар Хитой билан ҳамкорлик қилмоқда, аммо улардан ҳеч бири «хитойлашиб» кетмади. Иқтисодий алоқалар мажбурий эмас – ҳар бир мамлакат ўз манфаатига қараб иш тутади. Шунингдек, биз фақат Хитой билан эмас, АҚШ, Европа, Россия, Туркия ва бошқа давлатлар билан ҳам ҳамкорлик қилиб келаяпмиз.

Одатда, ошхона ва дўконларда хитойча ёзувлар хитойлик мижозлар учун мўлжалланган товарлар сотилаётгани билан боғлиқ. Ўзимизни қоракўзлар хитойлик мижозларни жалб қилиш учун уларга тушунарли тилда баннерлар ёпиштиряпти. Типа маркетинг.

Бу ҳолат дунёнинг бошқа давлатларида ҳам кузатилади. Варшава ёки Куала-Лумпурда «Ўзбегим» каби ошхоналар бор, уларнинг барча ёзувлари ўзбек тилида. Чунки мазкур ошхоналарга фақат ўзбеклар киради. Бу, шунчаки, бозор қонуниятлари, холос.

Агар биз ҳар бир давлатга негатив назар билан қарасак, тараққиётдан ортда қоламиз. Кучли давлатлар доим прагматик ёндашади. Биз ҳам шундай фикрлаб, тараққиётга эришамизми? Ёки ўз-ўзимизни чеклаб, хавотир ва шубҳалар билан яшашда давом этамизми? Танлов – бизнинг қўлимизда.

@mufasa_mh