ДИН ВА АДАБИЁТ

Абдулла Орипов

ҲАСАДГЎЙ

Инсоф берар бўлса Худойим агар
Ўғрини тарбият айламоқ мумкин.
Ногаҳон бировга етказса зарар,
Телбани занжирга бойламоқ мумкин.

Энг катта ёвни ҳам енгмоқлик осон,
Битта сотқинини қўлга олсанг бас.
Донога айланар ҳаттоки нодон,
Фақат ҳасадгўйни даф қилиб бўлмас.

✍️2013 йил 27 декабр

https://t.me/dinvaadabiyot

Хафа бўлма!
Шуни яхши билгинки, йиғлаганинг қадар кулажаксан.
Ҳеч қачон:
-"Ҳаммаси тамом бўлди!" - дема.
Севганинг қадар севилажаксан.

✍️Мавлоно Румий

https://t.me/dinvaadabiyot

ТАҒОФУЛ.

Аббосийлардан халифа Маҳдий бир куни кишиларни қабул қилаётган эди. Бири шикоят қилди. Бошқаси ўз шеъри ила уни мақтади. Тушлик пайтида бир киши қўлида оёқ кийим билан кириб келди ва деди:
- Эй мўъминлар амири! Бу Расулуллоҳ саллоллоҳу алайҳи ва салламнинг оёқ кийимлари. Уни сизга ҳадя қилиш учун келтирдим.
Халифа Маҳдий курсисидан туриб оёқ кийимини унинг қўлидан олди. Уни кўзларига суртиб у кишига деди:
- Қандай ҳам яхши нарса келтирибсан!
Сўнгра унга ўн минг дирҳам беришларини амр қилди. Ҳалиги киши пулни олиб кетди.
У кетгач халифа атрофидаги кишиларга деди:
"Аллоҳга қасамки, мен бу оёқ кийимини Расулуллоҳ саллоллоҳу алайҳи ва саллам киймаганлари тугул ҳатто кўрмаганларини ҳам билиб ўтирибман. Аммо агар мен унга ёлғон айтаяпсан деганимда, у кишилар олдига чиқиб "мен мўъминлар амирига Расулуллоҳ саллоллоҳу алайҳи ва салламнинг оёқ кийимларини совға қилган эдим. У қабул қилмади", дер эди. Унга ишонмайдиганлардан кўра ишонадиганлар кўп бўлар эди. Чунки омма ўзига ўхшаганларга кўпроқ ишонади. Чунки кўпчилик заиф томон золим бўлсада заиф томонга ёрдам беради. Уни ҳақ деб ўйлайди. Биз унинг тилини сотиб олдик. Ҳадясини қабул қилдик. Сўзини тасдиқладик. Шу қилган ишимизни афзал ва тинч йўл деб билдик!".

Гоҳида саломат қолиш учун инсонларнинг риоясини қилиб туриш лозим экан. Агар ҳар-бир гапга қарши чиқаверсанг, ҳар-бир ишга қарши чиқаверсанг ўзингни қурбон қилаётган бўлсангда, сени жиноятчига чиқариб қўйишади.
Имом Аҳмад роҳимаҳуллоҳ айтганларидек,
"Ақлнинг ўндан тўққизи ўзни билмасликка солиш ва бепарво кўрсатишдадир".

Интернет саҳифаларидан олинди...


https://t.me/dinvaadabiyot

Муҳаммад Тақий Усмоний ҳикоя қилади:

«Бир куни хонамда ўтирсам сочлари ва кийиниши буткул ғарбона бўлган бир йигит олдимга кирди. Унда иймоннинг милтираб турган чироғи ҳам кўринмасди. Йигит савол берди:
— Ҳазрат, менинг ишим катта банк соҳасига ўхшаш баъзи бир рибовий ишлардан иборат. Мен буни Англияда ўқиб ўрганганман. Шу ишнинг моҳиятини биласизми?
— Хабарим бор, Ҳиндистонда мен билган 3 та шу соҳанинг забардасти бўлса, тўртинчиси сен экансан.
— Менинг даромадим шаҳар ҳокиминикидан ҳам кўплигини биласизми?
— Биламан.
— Шу ишимда хотиржам ишлаб юргандим. Бир одам менга бу ишдан келадиган даромад ҳаром деди. Шунга аввал сиздан аниғини сўраб билиб олайин, деб келдим. Бу ишим ҳақида нима дейсиз?
— Сенинг ишингда иккита ҳаром амал бор: қимор ва судхўрлик. Лекин, бир одам ҳаромдан пул топяпти. Билган ҳунари шу. Вақтики, бу ишнинг ҳаромлигини билгач, унга бошқа иш топиш фарз бўлади. Бошқа ҳалол ишни эса худди очдан ўлаётган киши егулик излагандек излайди. Лекин ўша ишни топилгунча ҳаром ишини ташламай туради. Токи шайтон сенга ҳалол ишни қидириб оч қолдинг, деган васвасани солмасин. Бу улуғларнинг гапидир.
— Ҳазрат, мен сиздан қандай иш топиш кераклигини сўрамадим. Бу ишим ҳалолми ҳаромми? Биргина сўзни сўрадим.
— Ишинг ҳаромдир.
— Буни ким ҳаром қилган? Сизми ё Худоми?
— Аллоҳ ҳаром қилган.
— Аллоҳ ҳаром қилган бўлса, аввал ҳалолнинг эшигини очиб, сўнг ҳаром қилади. Ваъда бераманки, ўлгунимга қадар эски ишимга қайтмайман!

Менинг кўзимни очган эди бу воқеа. Бир одам «Ла илаҳа иллаллоҳ, Муҳаммадур Расулуллоҳ» дедими, сурати қандайлигидан қатъи назар бизнинг эҳтиромимизга лойиқ экан. Менинг дастлабки гумоним қандай эди-ю, унинг анча-мунча олимга хос бўлмаган таваккули қандай эди! Шу йигит ҳозир Американинг энг бой мусулмонларидан...

Интернет саҳифаларидан...

https://t.me/dinvaadabiyot

Руҳ тўтиси

Бош бир кун тош ёстиққа етар,
Руҳ тўтиси танни тарк этар.
Дейдилар, ёш танламас ажал,
Худо билар, ким олдин кетар…

Офтоб елиб толса кўк узра,
Унга осмон сандиғи ҳужра.
Ҳақдан ҳукм, бандадан ижро,
Худо билар, ким олдин кетар?!

Пок дилингни кемирди ҳасад,
Қадамингда топдинг азият.
Дўстим, менга қилма васият,
Худо билар, ким олдин кетар.

Асо тутмиш қанча қадди дол,
Мен бир кучга тўлган навниҳол,
Отам мени кўмар эҳтимол…
Худо билар, ким олдин кетар.

Мухаммад Юсуф...

https://t.me/dinvaadabiyot

Абдулла Орипов

АДОЛАТ

Йўқсилга дедилар: Даъвойингдан кеч,
Мана ол, сийму зар сенга кафолат.
Йўқсил улар гапин тингламади ҳеч,
Адолат, деди у фақат, адолат!

Бадавлат кимсага бердилар савол,
Дедилар: Нима бор кучлироқ пулдан?
У жавоб қайтарди: —Қўрқаман алҳол,
Адолат ахтарган ўша йўқсилдан.

✍1994 йил.

https://t.me/dinvaadabiyot

Rajab oyi ham kirib keldi.

Rajab oyida oʻqiladigan duo:

عَنْ أَنَسِ بْنِ مَالِكٍ ، قَالَ : كَانَ النَّبِيُّ صَلَّى اللَّهُ عَلَيْهِ وَسَلَّمَ إِذَا دَخَلَ رَجَبٌ قَالَ : " اللَّهُمَّ بَارِكْ لَنَا فِي رَجَبٍ وَشَعْبَانَ، وَبَلِّغْنَا رَمَضَانَ "

Anas ibn Molik roziyallohu anhudan rivoyat qilinadi:
“Rajab oyi kirsa, Nabiy sollallohu alayhi vasallam: «Allohumma baarik lanaa fiy rajabin va sha'bana, va ballig'naa ramazona”, der edilar».

Maʼnosi: “Allohim! Rajab va sha'bon oylarida bizga baraka bergin va Ramazon oyiga yetkazgin”.


https://t.me/dinvaadabiyot