Дилмурод Акбар (Дил Мурод) шеърлари канали

Bolangizni qargʻamang, jahlingiz olganda avj,
Oʻrniga duo qiling,
Topgin deng oltin-u, ganj...

Tildan uchgan har bir soʻz,
Yetib borsa manzilga.
Ijobat boʻlishi bor,
Oʻrin qolmas hazilga...

Qancha takror boʻlsa ham
Men ham taʼkidlay yana.
Bola bari bir bola,
Shoʻxlik qilar tantana...

Ulgʻayib oy, kun, yillar,
Yetganida voyaga.
Sizning duolaringiz
Aylansin himoyaga...

Oʻqib boʻlgin olim deng,
Buxoriyga oʻxshagan.
Axir qancha daholar
Yurtimizda yashagan...

Ilm bilan dunyoni
Boshqaruvchi zot boʻl deng.
Rizqing ulugʻ, taning sogʻ,
Oʻz baxtidan shod boʻl deng.

Qora mehnat qilmasin,
Oʻzga yurtda bolangiz.
Yaxshilik tilang doim,
Ezgu boʻlsin nolangiz...

Hattoki, qoʻy boqsa ham,
Oʻz ilmiga tayansin.

Oʻzi shaharda yashab,
Yaylovda qoʻy boqolsin...

Achchiq boʻlsa haqiqat,
Aytmasam oʻrtar dilim.
Qancha qizlar xorijda,
Noloyiq ishda elim...

Oʻgʻillaring yuk ortar,
Yuk koʻtarar, yuk tortar.
Sovuqlarda uy qurib,
Pul, pul deb sovuq qotar...

Shuncha oʻgʻil qizingni,
Oʻrni yoʻqmidi yurtda.
Oqlardi non tuzingni,
Sof ilm boʻlsa urfda...

Poraxoʻrlik boʻlib daf,
Sadaflar boʻlsa sadaf.
Kim ketadi boy boʻlsa,
Begona yurtga qarab...

Ilm boʻlganda bilim,
Xarjdan koʻp boʻlar kirim...
Chindan oʻqib,bilganni
Qadrini bilar elim...

Qancha diplomi borlar,
Oʻzga yurtda ozorlar
tortib,qora mehnatda,
Kimlar der;mardikorlar;

Shu oʻrinda mardi kor
Soʻzin qilamiz tahlil.
Mard-erkak,kor ish boʻlar,
Erkak ishida komil...

Qani endi har erkak,
Boʻlsa asl mardikor.
Baxtdan kulib har yurak,
Baxtsiz boʻlmasdi zinhor...

Dilmurod Akbar  (Dil Murod) sheʼri

Болангизни қарғаманг, жаҳлингиз олганда авж,
Ўрнига дуо қилинг,
Топгин денг олтин-у, ганж...

Тилдан учган ҳар бир сўз,
Етиб борса манзилга.
Ижобат бўлиши бор,
Ўрин қолмас ҳазилга...

Қанча такрор бўлса ҳам
Мен ҳам таъкидлай яна.
Бола бари бир бола,
Шўхлик қилар тантана...

Улғайиб ой, кун, йиллар,
Етганида вояга.
Сизнинг дуоларингиз
Айлансин ҳимояга...

Ўқиб бўлгин олим денг,
Бухорийга ўхшаган.
Ахир қанча даҳолар
Юртимизда яшаган...

Илм билан дунёни
Бошқарувчи зот бўл денг.
Ризқинг улуғ, танинг соғ,
Ўз бахтидан шод бўл денг.

Қора меҳнат қилмасин,
Ўзга юртда болангиз.
Яхшилик тиланг доим,
Эзгу бўлсин нолангиз...

Ҳаттоки, қўй боқса ҳам,
Ўз илмига таянсин.

Ўзи шаҳарда яшаб,
Яйловда қўй боқолсин...

Аччиқ бўлса ҳақиқат,
Айтмасам ўртар дилим.
Қанча қизлар хорижда,
Нолойиқ ишда элим...

Ўғилларинг юк ортар,
Юк кўтарар, юк тортар.
Совуқларда уй қуриб,
Пул, пул деб совуқ қотар...

Шунча ўғил қизингни,
Ўрни йўқмиди юртда.
Оқларди нон тузингни,
Соф илм бўлса урфда...

Порахўрлик бўлиб даф,
Садафлар бўлса садаф.
Ким кетади бой бўлса,
Бегона юртга қараб...

Илм бўлганда билим,
Харждан кўп бўлар кирим...
Чиндан ўқиб,билганни
Қадрини билар элим...

Қанча дипломи борлар,
Ўзга юртда озорлар
тортиб,қора меҳнатда,
Кимлар дер;мардикорлар;

Шу ўринда марди кор
Сўзин қиламиз таҳлил.
Мард-эркак,кор иш бўлар,
Эркак ишида комил...

Қани энди ҳар эркак,
Бўлса асл мардикор.
Бахтдан кулиб ҳар юрак,
Бахтсиз бўлмасди зинҳор...

Дилмурод Акбар  (Дил Мурод) шеъри


https://t.me/DilmurodAkbar

Erkak
(Aslidan biroz oʻzgartirilgan varianti)

Farz, sunnat moʻminning kamon, yoyi-da,
Yoʻl yoʻq shaʼriatda boʻlakchasiga.
Ayolni qoldirib ayol joyida,
Erkak uylanadi erkakchasiga...

Kelinga mahrini berish oʻrniga,
Undan parda, mebel, soʻraysan nega?
Soliha ayolga boʻlish-chun ega,
Erkak uylanadi erkakchasiga...

Uylanding xotining ogʻridi bir kun,
Darrov sen uyiga qilasan surgun,
Yigitlar, yigitlar toʻxtang shu bugun,
Erkak uylanadi erkakchasiga...

Uylanish masʼuliyat, ibodat hatto...
Hozirgi uylanish aksariyat xato,
Maqsadi boʻlmasdan mol, bilan mato,
Erkak uylanadi erkakchasiga...

Ayollar orzuga, havasga boylar,
Behad orzularni shaytonlar poylar,
Ortiqcha hashamat yuzingiz loylar...
Oʻgʻlingiz uylasin erkakchasiga!!!

Kelinning otasi qarz boʻlsa ham,
Qiziga sep yigʻar boʻlmasin deb kam,
Baʼzi kuyovlar bor beyuz,muttaham,
Erkak boʻl,uylangin erkakchasiga...

Yigitlar,uygʻotib vijdoningizni,
Saqlang oringizni iymoningizni,
Naf bilib oxirat tomoningizni,
Uylaning erkaksiz,erkakchasiga...

Yetar,bas,siz ersiz,shaʼningiz buyuk,
Erkaklar tillodan taqmaydi uzuk,
Ayol ayol boʻlib yashasa tuzuk,
Erkak erkak boʻlib erkakchasiga.

Toʻylar musobaqa,kim oʻzariga,
Kimlar der ayollar sabab bariga,
Erkak masʼuliyatdan qochgach nariga,
Ayollar "er" boʻlar boʻlakchasiga...

Shuncha gapdan keyin oʻzgarmasa toʻy,
Ey,Odam,bunday sheʼr yozishingni qoʻy,
Er yigit qoʻy boqib,pichogʻingda soʻy...
Erkaklar yashaydi erkakchasiga...


Dilmurod Akbar (Dil Murod) sheʼri


https://t.me/DilmurodAkbar

Эркак
(Аслидан бироз ўзгартирилган варианти)

Фарз, суннат мўминнинг камон, ёйи-да,
Йўл йўқ шаъриатда бўлакчасига.
Аёлни қолдириб аёл жойида,
Эркак уйланади эркакчасига...

Келинга маҳрини бериш ўрнига,
Ундан парда, мебель, сўрайсан нега?
Солиҳа аёлга бўлиш-чун эга,
Эркак уйланади эркакчасига...

Уйландинг хотининг оғриди бир кун,
Дарров сен уйига қиласан сургун,
Йигитлар, йигитлар тўхтанг шу бугун,
Эркак уйланади эркакчасига...

Уйланиш масъулият, ибодат ҳатто...
Ҳозирги уйланиш аксарият хато,
Мақсади бўлмасдан мол, билан мато,
Эркак уйланади эркакчасига...

Аёллар орзуга, ҳавасга бойлар,
Беҳад орзуларни шайтонлар пойлар,
Ортиқча ҳашамат юзингиз лойлар...
Ўғлингиз уйласин эркакчасига!!!

Келиннинг отаси қарз бўлса ҳам,
Қизига сеп йиғар бўлмасин деб кам,
Баъзи куёвлар бор беюз,муттаҳам,
Эркак бўл,уйлангин эркакчасига...

Йигитлар,уйғотиб виждонингизни,
Сақланг орингизни иймонингизни,
Наф билиб охират томонингизни,
Уйланинг эркаксиз,эркакчасига...

Етар,бас,сиз эрсиз,шаънингиз буюк,
Эркаклар тиллодан тақмайди узук,
Аёл аёл бўлиб яшаса тузук,
Эркак эркак бўлиб эркакчасига.

Тўйлар мусобақа,ким ўзарига,
Кимлар дер аёллар сабаб барига,
Эркак масъулиятдан қочгач нарига,
Аёллар "эр" бўлар бўлакчасига...

Шунча гапдан кейин ўзгармаса тўй,
Эй,Одам,бундай шеър ёзишингни қўй,
Эр йигит қўй боқиб,пичоғингда сўй...
Эркаклар яшайди эркакчасига...


Дилмурод Акбар (Дил Мурод) шеъри


https://t.me/DilmurodAkbar

Бунда бор шаҳри Қўқон,танигай жумла жаҳон,
Нодирабегим номи барча тилларда достон.
Худоёрхон музейи сўзлар кўҳна тарихдан,
Мозийнинг битиклари қувонч,ғам,бахт ва армон.

Довруғи олам кезар Марғилоннинг атласи,
Инчунин,дунё аҳлин келар доим ҳаваси.
Қува анорларининг таърифига ожиз сўз,
Донаси дур марварид ярашар қилсанг кўз-кўз.

Риштон ҳунармандлари лойга берганда жило,
Асосин гил демассан буюмлар мисли тилло...
Бизнинг Рапқон,Бешариқ машҳур меваси билан,
Кирарсан жаннат дея бу боғга деб "Бисмилло".

Шундай толе,шундай бахт,саодатга кон макон,
Ғурур билан баралла айтсам ҳур Ўзбекистон.
Номингдан ўргилай мен Ўзбекистон Ватаним,
Хар бир гўшанг чаманзор,хар бир гўшанг бир бўстон.

Келажаги порлоқ юрт,то абад қаддингни тут,
Бағрингда бор барчани ризқи,насибаси бут.
Бахтингга кўз тегмасин,доим озод,обод бўл,
Аллоҳнинг паноҳида янада зўр бахтга тўл.

Дилмурод Акбар (Дил Мурод) шеъри

Bunda bor shahri Qoʻqon,tanigay jumla jahon,
Nodirabegim nomi barcha tillarda doston.
Xudoyorxon muzeyi soʻzlar koʻhna tarixdan,
Moziyning bitiklari quvonch,gʻam,baxt va armon.

Dovrugʻi olam kezar Margʻilonning atlasi,
Inchunin,dunyo ahlin kelar doim havasi.
Quva anorlarining taʼrifiga ojiz soʻz,
Donasi dur marvarid yarashar qilsang koʻz-koʻz.

Rishton hunarmandlari loyga berganda jilo,
Asosin gil demassan buyumlar misli tillo...
Bizning Rapqon,Beshariq mashhur mevasi bilan,
Kirarsan jannat deya bu bogʻga deb "Bismillo".

Shunday tole,shunday baxt,saodatga kon makon,
Gʻurur bilan baralla aytsam hur Oʻzbekiston.
Nomingdan oʻrgilay men Oʻzbekiston Vatanim,
Xar bir goʻshang chamanzor,xar bir goʻshang bir boʻston.

Kelajagi porloq yurt,to abad qaddingni tut,
Bagʻringda bor barchani rizqi,nasibasi but.
Baxtingga koʻz tegmasin,doim ozod,obod boʻl,
Allohning panohida yanada zoʻr baxtga toʻl.

Dilmurod Akbar (Dil Murod) sheʼri


https://t.me/DilmurodAkbar

Ўзгалар ҳаққини ўзлаштирасиз,
Нафсни шайтон билан дўстлаштирасиз,
Ёлғонни рост қилиб, юзлаштирасиз,
Худодан қўрқинг эй, одамлар.

Ҳалолми, харомми фарқи йўқ,
Қоринга жойлайсиз бўлар тўқ,
Виждонни ўлдирган қандай ўқ,
Худодан қўрқинг эй, одамлар.

Чўнтакка пул солиб олар йўл,
Порахўр қўйнига солиб қўл,
Шу икки тоифа жуда мўл,
Худодан қўрқинг эй, одамлар.

Ўзимиз жаннатдан қувилган,
Ер бизга омонат бир Ватан,
Дунёси қолади ҳаммадан,
Худодан қўрқинг эй, одамлар.

Оқни оқ, қорани қора деб,
Хатодан юрагим пора деб,
Кечиргин Аллоҳу таоло деб,
Худодан қўрқинг эй, одамлар.

Ружуда олтин-у, маъданга,
Хиёнат қилманг бу Ватанга,
Ажр бор юртини севганга,
Худодан қўрқинг эй, одамлар.

Дилмурод Акбар шеъри


https://t.me/DilmurodAkbar

Худо ўзи қўлласа,
Ҳеч ким сендан ғолибмас.
Ҳар ишингни ўнгласа,
Олтин бўлар тутсанг хас...
            
       Дил Мурод шеъри

Xudo oʻzi qoʻllasa,
Hech kim sendan gʻolibmas.
Har ishingni oʻnglasa,
Oltin boʻlar tutsang xas...

       Dil Murod she'ri

https://t.me/DilmurodAkbar