DAWO.UZ —- ДАВО.УЗ

Андалусдаги мусулмонлар шифохонасида даволанаётган француз йигитнинг отасига ёзган мактуби
Ушбу мактубни тахминан минг йил аввал Париж шаҳридаги отасига жўнатган.
“Азиз отам! Олдинги хатингизда менинг даволанишим учун маблағ излаётганингизни ёзибсиз. Лекин мен мутлақо пулга муҳтож эмасман. Чунки бу “Исломий шифохона” бепулдир. Қайтанга, бу шифохонадан кетаётган ҳар бир беморга соғлигини тиклаб олгунига қадар ишлашга мажбур бўлмаслиги учун 5 динордан пул ва янги кийим берилади.
Азиз отам! Агар мени кўришга келмоқчи бўлсангиз, ушбу касалхонанинг жарроҳлик ва бўғим, суяклар муолажалари бўлимидан топасиз. Хонамнинг ёнида кутубхона, китоб ўқиш хонаси ҳамда ваъз ўқиладиган катта зал жойлашганини кўрасиз. Бу ерда ҳар куни табиблар устозлардан дарс ва ваъзлар эшитиш учун ҳам жамланиб туришади.
Аёллар касалликлари бўлими бўлса, касалхона ҳовлисининг иккинчи томонида жойлашган ва у ерга эркаклар кириши тақиқланади.
Касалхона ҳовлисининг ўнг томонида бўлса, тузалишга кирган, саломатлиги яхшиланиб бораётган беморлар бўлими бўлиб, у ерда ҳам катта кутубхона жойлашган.
Азиз отам! Бу ердаги ҳар бир ўрин тоза, озода. Ётишингиз учун тайёрланган кўрпа-тўшак ва ёстиқлар Дамашқ матосидан, ёпинчиқлар бўлса, юмшоқ ва майин бахмалдан тикилгандир. Ҳар бир хонага махсус қувурлар орқали тоза сув ўтказилган ва қиш кунларида иситиш учун камин печи билан жиҳозланган.
Таомларга келсак, булар товуқ гўшти ва сабзавотлар, турли кўкатлардан иборат. Шу сабабли ҳам айрим беморлар шифохонанинг мазали овқатлари сабаб бу ерда кетишни асло исташмайди.
Амир Жаъфар ал Иршодийнинг “Аттафавуқул ъилмий фил ислам” - “Исломдаги илмий устунлик” асаридан.

C. arabicuz

ХАСТАЛИКДАН НОЛИШ МУМКИНМИ?

Мусулмон киши ўз ҳолидан фақат Аллоҳга шикоят қилади. Хаста ва дардман кишининг тортган оғриғи ва қийинчиликларини яқинларига, дўстларига ва шифокорга айтиши эса жоиз. Фақат шарти, бу шикоят норозилик ва қадардан нолиш юзасидан бўлмаслиги керак.

Аммо дардини Раббисидан бошқадан яширгани афзал. Раҳматли бувим узоқ давом этган ҳасталикда, ҳатто қорин ва оёқлари шишиб кетганда ҳам "Савоби камайиб кетмасин" деб дардларини ҳеч кимга айтмасдилар. Қолаверса дардини айтавериш ёки оҳ тортавериш атрофидаги яқинларининг қалбига маҳзунлик ва оғриқ олиб киради.

Лекин айтганимиздек, дардини айтиш сабрга зид иш эмас. Ҳар дарднинг давоси бор. Аллоҳ бизни даволанишга буюрган. Даволаниш эса ҳолини баён қилиш билан бўлади. Биз оддий мўминларнинг ҳоли шуни тақозо қилади.

Дардни Аллоҳга айтиш билан кифояланиш улуғ пайғамбарларнинг мақоми. Чунки улар Аллоҳга таваккулнинг чўққисига чиқишган бўлади.
Аллоҳ таоло айтади: "Ва Айюбнинг ўз Раббига нидо қилиб: «Албатта, мени зарар тутди. Сенинг Ўзинг раҳмлиларнинг раҳмлигисан!» деганини эсла. Бас, Биз унинг (дуосини) истижобат қилдик. Унга етган зарарни кетказдик. Унга аҳлини, улар билан бирга яна шунчани ҳам бердик. Буни Ўз раҳматимиз ила ва, обидларга эслатма бўлсин, деб қилдик" ("Анбиё" сураси, 83-84-оятлар).

Яна айтади: "У (Яъқуб): «Албатта, мен дарду ҳасратимдан фақат Аллоҳнинг Ўзига шикоят қилмоқдаман ва Аллоҳдан сиз билмаган нарсани биламан" ("Юсуф" сураси, 86-оят).

Ибн Масъуд розияллоҳу анҳудан ривоят қилинади: Мен Расулуллоҳ соллаллоҳу алайҳи ва саллам бемор эканларида ҳузурларига кирдим. Шунда: "Ё Расулаллоҳ, жуда қаттиқ оғридингизми?" дедим. У зот: "Ҳа. Мен сизлардан икки киши тортганчалик оғриқ тортаман", дея жавоб қилдилар. "Шу сабаб сизга икки карра ажр бўладими", десам: "Худди шундай. Қай бир мўминга озор етса, тикан ё ундан каттароқ бўлса ҳам, Аллоҳ унинг гуноҳларини худди дарахт баргини тўккани каби кечириб юборади", дедилар. (Имомлар Бухорий ва Муслим ривоятлари)

Биз ҳам шундай таваккулга ҳаракат қилишимиз керак. Фақат ҳозирги ҳолимиз бундай таваккулга имкон бермайди. Бу даражага чиқишда руҳий тарбиянинг ўрни жуда катта.

Инсонга мусибат ва ҳасталик етганда тўрт ҳолатдан бирида бўлади:

1. Ҳасталикдан нолиш ва норози бўлиш. Бу иш ҳаром.
2. Сабр қилиш. Бу вожиб.
3. Рози бўлиш. Бу мустаҳаб амал.
4. Шукр қилиш. Бу амалларнинг энг олий ва комили.

@MubashshirAhmad

3. Sildenafil aptekada arzimagan pul turadi. Buning uchun qimmat reklama qilinadigan dori ichish shart emas

Internetda yozishicha jinsiy quvvatni oshirar ekan.

Erkak quvvatini oshiradigan dorilar haqida hamma bilishi kerak ma'lumotlar:

1. Bir marta ichib doimiyga jinsiy quvvatni kuchaytirib qo'yadigan dori yo'q. Hammasini doimiy ichish kerak. Ta'sir vaqti tugaguncha foyda qiladi. Doimiyga yaxshi bo'lib qolmaydi.

2. Jinsiy quvvatni tezda oshiradigan tabiiy o'simlik yo'q. Har qanday tabiiy degan dori qisqa muddatda quvvatni oshirsa, demak unda himiyaviy dori (sildenafil) bor.
Buning belgisi: bosh ogritadi, yuzni, ko'zni qizartiradi, bosimni oshiradi, oshqozonni bezovta qiladi, burunni bitiradi