Davr Talabi

ҚЎҚОН ДАВЛАТ ПЕДАГОГИКА ИНСТИТУТИНИНГ ХОТИНБОЗ ПРОРЕКТОРИ


Яқинда Қўқон давлат педагогика институти қизлар ётоқхонасига ўрнатилган яширин камера туфайли шов-шувга сабаб бўлганди. Бугун эса шу институтнинг яна бир валломати – ёшлар масалалари ва маънавий маърифий ишлар бўйича биринчи проректори Охунов Исроил ва Миллий хавфсизлик томонидан қўйилган ректор маслаҳатчиси Шарипов Aзаматнинг кирдикорлари ҳақида ёзмоқчиман.


Биринчидан, институтнинг 1-талабалар турар жойидан тарбиячининг назоратисиз чиқиб кетган бир-неча талаба Қорақалпоғистон Республикаси Мўйноқ шаҳрида йўқолган.


Иккинчидан, ётоқхона тарбиячиси иш вақтида маънавият хонасида талаба қизлар билан зиёфат еб, уларга шилқимлик қилиб ўтириши ҳақидаги маълумот ўтган гал ижтимоий тармоқларда тарқалган бўлса-да, бирор бир чора кўрилмади. Ректор маслаҳатчиси ва проректор томонидан босди-босди қилиб юборилди.


Учинчидан, яқинда табиий фанлар факультетидаги талаба қиз ўқиш даврининг охирида ўзини осиб ўлдиргани ҳам айнан шу шахслар томонидан босди-босди қилинди.


Бундан ташқари, айнан маънавият ва маърифат ишлари бўйича проректор олдинги иш жойидан хотинбозлиги туфайли ҳайдалиб, бизнинг институтимиз қиз ва аёлларига суяги йўқлигини ҳам айтиб ўтмоқчиман. Республика вазирлиги томонидан ўрганишга келган ишчи гуруҳ ҳам ҳеч қандай чора кўрмаганини нима билан асослаш мумкин? Эшитишимизга қараганда, ректор маслаҳатчиси ҳам олдинги иш жойидан яхши ном билан кетмаган.


Бу йилдан бошлаб бизнинг институтимизда фаолият олиб бораётган ишчи-ходимлар, профессор ўқитувчилар ҳамда институтимизда ўқийдиган талабаларга янги форма белгиланди. Белгиланган формани олийгоҳда иш юритувчи профессор ўқитувчиларга, ишчи-ходимларга ҳамда талабаларга умуман тўғри келмаслиги, этика ва эстетика у ёқда турсин, биз талабаларни "хотин оши"га ёки "маросимга" келгандак таққослаб қўйганлигини гапирмаса ҳам бўлади.

Бунинг устига, бу форма талабаларга мажбурий сотилмоқда. Лекин, бизнинг тизимда, мана шу формадан ҳам фойда қилиш пайида бўлганлар бош кўтариб, тантанавий равишда чўнтакларини бойитишяпти. Ёшлар масалалари ва маънавий-маърифий ишлар бўйича биринчи проректор кабинетига ходимлар ҳамда форма масаласига тааллуқли ишчиларни алоҳида битталаб чақириб, янги машина ҳаракатини бошлаган.


Адашиб бошлиқ бўлиб қолган проректор ҳақида институтимизда анча гап-сўзлар тарқалган. Шамол бўлмаса, терак учи қимирламайди, деганларидек хотинбоз, порахўр қандай қилиб илм масканига келиб қолган экан? Балки, бу инсон ота-онаси ва боллари учун яхшидир, лекин институт учун – зулук.


Ушбу мурожаатдан кейин зора, институтимиз тозаланиб қолса ажаб эмас....

@Davr_talabi

Озод ака, журналистлар Сизни ҳофиз сифатида танқид қилмаяптилар, давлат амалдори мақомида олиб бораётган иш фаолиятингизни танқид қиляптилар.
Халқ ҳофизи сифатида бахонгиз "5" ака, вазир сифатида эса халқ фаолиятингизга нечи баҳо берганини журналистлар Сизгача етказиб беряпти холос!

👉 @Davr_talabi каналга аъзо бўлинг!

#️⃣🩸🩸🩸

Яраланган қуш ҳамон учмоқда ёхуд ИИОдаги шароит хеч қачон ўзгармайди!

Нимага бугунги кунга келиб ИИО ходимларининг катта қисми ишдан бўшамоқда, нимага бу ходимларнинг асосий қисми ёшлар? ИИВ рахбарияти мард бўлиб, ишдан ўз хоҳишига кўра бўшаган ходимларнинг охирги 5 йилдаги статистикасини эълон қила оладими?

ИИОда ишлаб бўлмай қолганининг сабаблари:

биринчидан, ойликлар жуда паст. Шу олган ойлигининг ҳам катта қисми иши юзасидан сарфланади, ойлиги тўлиқ уйга кирмайди. Аммо иш графиги 24/7 деб қўрқмай айта оламан. Ходимлар бор кучини, вақтини бериб, бошқа жойдан даромад манбаига эга бўлмасдан ишлаб шу арзимаган ойликни олса, эртага қандай уй-жой қилади, оиласини боқади?

иккинчидан, иш вақти мутлақо тартибга солинмаган. Оиласига, ота-онасига мутлақо вақт ажрата олишмайди. Вазият шу даражага етганки ходим хатто ўзининг кунлик эҳтиёжларига (овқат ейиш, ювиниб-тараниш, уст-бошини тартибга келтиришга) вақти йўқ. Ўзини боласи уйда касал бўлиб ётса шифохонага олиб боришга вақти йўқ, лекин бировнинг боласига бирор корҳол бўлса биринчи навбатда воқеа жойида бўлади.

учинчидан, ходимлар ўз хизмат вазифасига кирмайдиган бошқа ишларга кўплаб жалб қилинмоқда. Ўзи қиладиган иши бошидан ошиб ётган бўлишига қарамасдан, ходимларга бошқа вазифалар буюришади. Бу тутруқсиз, беъмани вазифаларни рўйхати жуда кўп. Қолаверса, ходимларнинг қўшимча хизматга бириктириш тартиби белгиланмаган, ходимлар қўшимча хизматга бириктирилганда қўшимча хақ олишмайди. Яна шунча ишлаб туриб мажлисларда бор гапни эшитади.

тўртинчидан, ходимлар мутлақо мустақил эмас. Таъбир жоиз бўлса ИИО қолган барча ташкилотлардан қуйи даражадаги орган бўлиб қолди. Лекин хамма ишни шу орган бажаради.

бешинчидан, бировларнинг айбини бўйнига олишга мажбур. ИИО бошқа ташкилотлардан фарқли ўлароқ фуқаролар билан бевосита алоқа қилади. Кимнингдир “заказ”ини мажбурликдан бажараётганда фуқаро ИИО ходимини ёмон кўради, уни орқасида турган хақиқий маразни эмас. (мазкур гапларимни ИИО ходимлари юракдан тушунишади)

олтинчидан, штат етарли эмас, бор штат ҳам тўғри тақсимланмаган.

еттинчидан, пенсия ёши узоқ қилиб қўйилди, олдингидек 12 йилда нафақага чиқиб бўлмайди.

Эххее, бу рўйхатни жуда кўп давом эттирса бўлади, лекин фойдаси йўқ. Айтилмаган гап қолмаган. Менга фақат бир нарса мухим, Халқнинг ИИО ходимларидан норозилиги юқори даражада. Бунга сабаб эса тизимда сифатли бажарилган кам иш эмас, балки хўжакўрсинга бажарилган кўп иш қадрли бўлиб қолгани, рахбарларнинг етарлича сиёсий иродага эга эмаслигидир. Шунча қийинчиликда “портлаб” кетмасдан ишлаётган ходимларнинг ахволини эса “яраланган қуш ҳамон учмоқда” деб таърифлайман.

ИИОда бошқа хеч қайси ташкилотда орттириб бўлмайдиган юксак тажрибадан бошқа бирор нарса орттириб бўлмайди…

@Davr_talabi

Айрим ИИВ тизимидаги раҳбарларга эслатма!

Ишчи ходимлар билан муомала қилаётганингизда, қаршингиздаги шахснинг ортида таомлантирадиган оиласи, даволатадиган бетоби борлигини, Аллоҳдан сўнг, шу инсондан умид қиладиган ўғил-қизларга ота эканлигини эсланг. Уни кўнглини синдирманг. Қасамки, хамма унинг табассумини кутиб турган бир вақтда уйига маҳзунлик либосида қайтиши, ўта кабих ишдир…

@Davr_talabi

Ассаллому алейкум согинтириб биз Яна Иш фаолиятимизга кайтдик.

@Davr_talabi