Daryo — LIVE dan repost
Қишлоқ хўжалиги вазири Жамшид Хўжаев: Фермерларга ер бериш ҳуқуқи ҳокимлардан олиб қўйилади
Жамоатчилик муҳокамаси учун эълон қилинган Қишлоқ хўжалигини ривожлантиришга қаратилган 10 йиллик стратегия лойиҳасига кўра, 2020 йилдан бошлаб ердан фойдаланишга бўлган ҳуқуқ ҳокимлар томонидан белгиланмайди. Бу ҳақда қишлоқ хўжалиги вазири Жамшид Хўжаев журналистлар билан бўлиб ўтган учрашувда айтиб ўтди, дея хабар бермоқда «Дарё» мухбири Мусулмонбек Иброҳимов.
Учрашувда вазир Жамшид Хўжаев Ўзбекистон қишлоқ хўжалигигини ривожлантиришнинг 2020—2030 йилларга мўлжалланган стратегия лойиҳаси ҳақида тушунтииш берди. Унинг таъкидлашича, шу вақтгача фермерларда ўзларига берилган ерлардан қанча муддат давомида фойдаланишлари мумкинлигига ишонч йўқ эди.
«Энди фермер ва деҳқонларда ерга нисбатан истеъмолчилик муносабати пайдо бўлди. Шу вақтгача ердан фойдаланиш ҳуқуқи билан боғлиқ аксарият масалалар вилоят ҳокимлиги даражасида ҳал этиб келинган. Стратегияда қишлоқ хўжалиги учун мўлжалланган ер участкаларини очиқ онлайн-аукционлар орқали тақдим этишга қаратилган шаффоф механизм таклиф этилган. Шу билан бирга, ер ижара шартномасини фақат суд қарори асосида бекор қилиш мумкин бўлади. Ер бериш ҳуқуқи ҳокимлардан олиб қўйилади — уларнинг аралашувига йўл қўйилмайди», — деди вазир Хўжаев.
Стратегияда қайд этилган «биринчи рад этиш» механизмига кўра, олиб қўйилаётган ер майдонлари биринчи навбатда шу ер майдонига ёндош (қўшни) ва айни вақтда қишлоқ хўжалигини ривожлантиришдан манфаатдор, тажрибали фермерлар (ер эгалари)га берилади. Фақатгина улар рад этган тақдирда ер майдонлари бошқа салоҳиятли харидорларга онлайн-аукционлар орқали тақдим этилиши мумкин.
https://t.me/joinchat/AAAAAD63OEHkQHOlfdglMg
Жамоатчилик муҳокамаси учун эълон қилинган Қишлоқ хўжалигини ривожлантиришга қаратилган 10 йиллик стратегия лойиҳасига кўра, 2020 йилдан бошлаб ердан фойдаланишга бўлган ҳуқуқ ҳокимлар томонидан белгиланмайди. Бу ҳақда қишлоқ хўжалиги вазири Жамшид Хўжаев журналистлар билан бўлиб ўтган учрашувда айтиб ўтди, дея хабар бермоқда «Дарё» мухбири Мусулмонбек Иброҳимов.
Учрашувда вазир Жамшид Хўжаев Ўзбекистон қишлоқ хўжалигигини ривожлантиришнинг 2020—2030 йилларга мўлжалланган стратегия лойиҳаси ҳақида тушунтииш берди. Унинг таъкидлашича, шу вақтгача фермерларда ўзларига берилган ерлардан қанча муддат давомида фойдаланишлари мумкинлигига ишонч йўқ эди.
«Энди фермер ва деҳқонларда ерга нисбатан истеъмолчилик муносабати пайдо бўлди. Шу вақтгача ердан фойдаланиш ҳуқуқи билан боғлиқ аксарият масалалар вилоят ҳокимлиги даражасида ҳал этиб келинган. Стратегияда қишлоқ хўжалиги учун мўлжалланган ер участкаларини очиқ онлайн-аукционлар орқали тақдим этишга қаратилган шаффоф механизм таклиф этилган. Шу билан бирга, ер ижара шартномасини фақат суд қарори асосида бекор қилиш мумкин бўлади. Ер бериш ҳуқуқи ҳокимлардан олиб қўйилади — уларнинг аралашувига йўл қўйилмайди», — деди вазир Хўжаев.
Стратегияда қайд этилган «биринчи рад этиш» механизмига кўра, олиб қўйилаётган ер майдонлари биринчи навбатда шу ер майдонига ёндош (қўшни) ва айни вақтда қишлоқ хўжалигини ривожлантиришдан манфаатдор, тажрибали фермерлар (ер эгалари)га берилади. Фақатгина улар рад этган тақдирда ер майдонлари бошқа салоҳиятли харидорларга онлайн-аукционлар орқали тақдим этилиши мумкин.
https://t.me/joinchat/AAAAAD63OEHkQHOlfdglMg