Oila va xotin-qizlar qo'mitasi

👩🏻 22-fevral kuni Xotin-qizlar o‘rtasida “Zakovat” musobaqasining hududiy saralash bosqichi o‘tkaziladi!

Hududiy saralash bosqichi o‘yini 22-fevral, shanba kuni soat 13:00 da boshlanadi.

❗️Eslatma: Bugun musobaqa uchun ro‘yxatdan o‘tishning oxirgi kuni. Turnirda ishtirok etish uchun jamoaviy yoki yakka tartibda ro‘yxatdan o‘tish talab qilinadi.

Turnirda jamoalar quyidagi havola orqali o‘zi ishtirok etadigan hududni tanlab ro‘yxatdan o‘tadi:

https://zakovatklubi.uz/tournaments/708

Ro‘yxatdan o‘tish tartibi haqida ushbu postda batafsil ma’lumot berilgan.

🌐Veb sayt |🌐Facebook |🌐Instagram |🌐Youtube

Bosh vazir o‘rinbosari - Oila va xotin-qizlar qo‘mitasi raisi Z.Maxkamova rahbarligida Shahrixon tumanida 2025-yilda oilalar va xotin-qizlarni har tomonlama qo‘llab-quvvatlashning ustuvor yo‘nalishlariga bag‘ishlangan yig‘ilish bo‘lib o‘tdi.
✅ “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi Prezident Qarori ijrosini ta’minlash, oilalarda xavfsiz muhitni yaratish va xotin-qizlar o‘rtasida huquqbuzarliklarning barvaqt oldini olish samaradorligini oshirish masalalariga alohida urg‘u berildi.
✅ Shuningdek, xotin-qizlarni daromadga o‘rgatish, tadbirkorligini rivojlantirish, sog‘lom oilani shakllantirish hamda oilalarda ma’naviy muhitni mustahkamlash masalalari ko‘rib chiqildi.

🌐Veb sayt |🌐Facebook |🌐Instagram |🌐Youtube

Asaka tumani "Otish" mahallasida "Tomorqadan unumli foydalanish, kasanachilik, xunarmandchilikni kengaytirish yo‘nalishlari" mavzusida ko‘rgazmali amaliy seminar bo‘lib o‘tdi.

🌐Veb sayt |🌐Facebook |🌐Instagram |🌐Youtube

Shumanay tumanida "Oila va xotin-qizlar maskani" ochildi

O‘zbekiston Respublikasi Vazirlar Mahkamasining tegishli qaroriga asosan "Qarabayli" mahallasida "Oila va xotin-qizlar maskani" ish boshladi.
Ochilish marosimida Qoraqalpog‘iston Respublikasi Vazirlar Kengashi raisi o‘rinbosari, Oila va xotin-qizlar qo‘mitasi raisi Maryam Axmedova hamda qator mas’ul rahbarlar ishtirok etdi.
Prezidentimiz tomonidan belgilab berilgan oilalardagi totuvlik, tinchlik, hamjihatlikni asrashdek ezgu maqsadlar yo‘lida endi hayot ostonasiga qadam qo‘yayotgan yoshlarimizning ushbu markazlarda ta’lim olishlariga tilakdoshlik bildirildi.

"Oila va xotin-qizlar maskani"ning ochilishi tumanda oilaviy munosabatlarni mustahkamlash, yoshlarni oilaviy hayotga tayyorlash, ayollarning ijtimoiy faolligini oshirishda muhim ahamiyatga ega bo‘ladi.

🌐Veb sayt |🌐Facebook |🌐Instagram |🌐Youtube